Yoˇhaˬ 13:4 - Akha

⁴ Kʼoeˇ miˇ neh, aˬ yawꞈ hawˬ jeh-ahˇ tuˇ-awˇ, kʼoeˇ taˆ dm luꞈ-eu pehˇ kʼahˬ pehˇ mahˇ lehˆ-awˇ, joꞈ-ahˇ paˇ jeh paꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerngae, Yeqsur hawqjawq jawqluf-eu gar nae tur-awr, aqyawf-euq paerkhanq paermanr laevtaq ghaq-euq nar-aq, parjae yur-awr nae jof-anr paf-euq mae.

Yoˇhaˬ 13:4 Iomraidhean Croise

2 Sahˬpaˬ 3:11

“Aˬ dui gʼaˇ duˬ Sahˬpaˬ Miˬyehˇ-ahˇ mehˬ bawˬ bi mˇ haw-eu gʼaˇ duˬ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na heu gaˇ maˬ jawˇ-a loˇ” lehˇ, sahˬ paˬ Yeˬhawˇshaˬpaˇ ehˇ ngeh, “Shaˬpaˇ-euˬ aˬ li Eˇliˇshehˇ heu gaˇ jawˇ meh” lehˇ, sahˬ paˬ Yoˇlamˬ-euˬ guiˇ maꞈ kʼoeˇ taˆ yaw huiˬ yaw mahˇ geuꞈ luꞈ-eu tiˬ gʼaˬ ehˇ-eu meh. “Aˬ yawꞈ-aˬ, Eˇliˇyaˆ-euˬ gʼaˬ zaˬ meh” lehˇ ehˇ-eu meh.

Luˇkaꞈ 12:37

Baw leˬ gʼaˬ gʼoꞈ laˇ ngeh, maˬ yuꞈ kʼaˆ ni loꞈ luꞈ-eu zaˬ kʼaˆ deuˬ guiˬ lahˬ huiˬ tehꞈ-a. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Baw leˬ gʼaˬ joꞈ paꞈ paꞈ-awˇ, aˬ yawꞈ-euˬ gʼawˇ mawˇ hawˬ byawˇ laˆ dawˆ nehˬ-awˇ, aˬ yawꞈ maꞈ-ahˇ hawˬ jeh-ahˇ nuiˇ-awˇ bi dzaˬ tehꞈ-a.

Luˇkaꞈ 17:7

“Naw maꞈ laꞈ kʼoeˇ, yawˬ ha-euˬ zaˬ kʼaˆ deh ma tsehˬ-iˇ-euˬ, maˬ ngeuˇ naˇ yawˇ bo-iˇ-euˬ gʼoꞈ uˇ laˇ ngeh, ‘Tiˬ poˆ tehꞈ-ehˇ hawˬ jawˬ ga jawˬ laˇ-awˬ’ lehˇ ehˇ nehˬ-eu tsawˇ haˬ jawˇ meh loˇ.

Luˇkaꞈ 17:8

‘Ngaˇ ciꞈ hawˬ dzaˬ-eu gʼaˇ duˬ hawˬ mˇ dzaˇ saꞈ gʼeh-awˇ, hawˬ jeh shaˇ dahˇ-awˇ ngaˇ dzaˬ gʼawˬ dawˇ gʼaˬ ngeh keuˆ ni joꞈ paꞈ paꞈ-awˇ hawˬ jeh-ahˇ loꞈ gʼaˬ miˇ tsa, nawˇ dzaˬ lawˬ dawˇ lawˬ’ lehˇ maˬ ehˇ nehˬ-aˇ loˇ.

Luˇkaꞈ 22:27

Huiˬ dzehˬ-eu gʼaˬ aˬ geu gʼaˬ-a. Hawˬ jeh-ahˇ jawˬ-awˇ dzaˬ-eu gʼaˬ-a loˇ. Hawˬ byawˇ laˆ dawˆ nehˬ-eu gʼaˬ-a loˇ. Hawˬ jeh-ahˇ jawˬ-awˇ dzaˬ-eu gʼaˬ huiˬ dzehˬ-eu maˬ ngeuˇ-a loˇ. Ehˇ kʼawꞈ, ngaˇ-aˬ, naw maꞈ-ahˇ hawˬ byawˇ laˆ dawˆ nehˬ-eu gʼaˬ loꞈ-ehˇ duˇ-eu ma.

Yoˇhaˬ 13:12

Yeˬsuˇ aˬ yawꞈ maꞈ-ahˇ aˬ kuiˇ dzuiꞈ nehˬ jiˇ gʼaˬ ngeh, pehˇ kʼahˬ pehˇ mahˇ paˇ dm-awˇ, aˬ yawꞈ-euˬ nuiˇ duˬ-ahˇ hawˬ jawˬ paˇ jawˬ leˇ-awˇ, heu loꞈ-ehˇ ehˇ-eu meh. “Naw maꞈ-ahˇ ngaˬ neh mˇ nehˬ-euˬ heu naw maꞈ gʼoˆ shaw ma loˇ.”

2 Gawˇliˬtu 8:9

Aˬ dui-euˬ Sahˬpaˬ Yeˬsuˇ Ka li neh mˇ nehˬ laꞈ-euˬ guiˬ lahˬ-ahˇ naw maꞈ siˬ nya luꞈ meh. Aˬ yawꞈ smˇ muiˬ muiˬ dui dui-eu kʼawꞈ, naw maꞈ gʼaˇ duˬ iˇ shaˬ zaˬ pyeuꞈ le-euˬ meh. Aˬ yawꞈ iˇ shaˬ shaˬ-euˬ baˬ da neh naw maꞈ smˇ muiˬ bi muiˬ laˇ-eu gʼaˇ duˬ, kʼoeˇ loꞈ-ehˇ mˇ le-euˬ meh.

1 Yoˇhaˬ 3:11

Aˇ dahˬ beh ngeh neh naw maꞈ ya gaˬ taˬ-euˬ guiˬ lahˬ dawˬ-aˬ, aˬ dui tiˬ gʼaˬ tiˇ gʼaˬ ya gaˬ meh lehˇ ehˇ-eu kʼoeˇ dawˬ meh.