Yoˇhaˬ 13:13 - Akha

¹³ Naw maꞈ ngaˬ-ahˇ ‘Saˬ laˬ-oˇ’, ‘Sahˬpaˬ-oˇ’ lehˇ kuˇ-eu meh. Naw maꞈ kʼoeˇ loꞈ-ehˇ kuˇ-eu tsaˬ meh. Aˬ jeˬ miˇ neh ehˇ naˇ, ngaˇ-aˬ, naw maꞈ kuˇ-eu loꞈ-ehˇ naw maꞈ-euˬ saˬ laˬ hawˇ-eu Sahˬpaˬ pyeuꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf, ngaq-anr Saqlaq hawr-eu Sanqpaq laer kurluf-eu mae. Nawmaf kur-eu-aq tsaq mae. Aqjeq mirnae aernar-aq, ngar-aq, nawmaf kur-eu lof-aer ngeur-eu ma.

Yoˇhaˬ 13:13 Iomraidhean Croise

Yeˬlaˬmiˇ 1:12

Sahˬpaˬ Miˬyehˇ ehˇ-eu, “Nawˇ mawˇ-euˬ tsaˬ meh. Ngaˬ neh ehˇ taˬ-euˬ dawˬ byah laˇ gaˇ ngaˇ haw luꞈ-eu ma” lehˇ ehˇ-eu meh.

Maꞈtehˬ 20:28

Tsawˇhaˬ-euˬ Zaˬmaˇ kʼawꞈ, aˬ cawˬ neh bi mˇ cu-eu gʼaˇ duˬ oe-euˬ maˬ ngeuˇ-a. Aˬ cawˬ gʼaˇ duˬ mˇ le-euˬ uˬ taꞈ, tsawˇ haˬ gʼawˬ mya ni-ahˇ ka kʼoꞈ-eu gʼaˇ duˬ shiˇ dah le-eu lehˇ oe-euˬ meh.”

Luˇkaꞈ 10:28

Yeˬsuˇ ehˇ-eu, “Nawˇ ehˇ-eu tsaˬ meh. Kʼoeˇ loꞈ-ehˇ mˇ-awˬ. Mˬ maˬ maˬ byaˆ zaˇ ziˇ dehꞈ-eu jeˬ-ahˇ nawˇ za tehꞈ-a.”

Luˇkaꞈ 6:46

“Ngaˬ neh ehˇ taˬ-euˬ loꞈ-ehˇ naw maꞈ maˬ mˇ gaˇ neh, aˬ jeˬ miˇ neh ngaˬ-ahˇ ‘Sahˬpaˬ-o, Sahˬpaˬ-oˇ’ lehˇ kuˇ te.

Luˇkaꞈ 7:43

Siˇmoˬ ehˇ-eu, “Dziˇ dzoˆ daˆ dzehˬ-eu gʼaˬ gaˬ dzehˬ tehꞈ-a lehˇ ngaˇ noeˬ miˇ-a.” Yeˬsuˇ ehˇ-eu, “Nawˇ ehˇ-eu tsaˬ meh.”

Yoˇhaˬ 11:2

Maˬliˇ-aˬ, Sahˬpaˬ Yeˬsuˇ-euˬ aˬ kuiˇ-ahˇ tsiˇ yaw saw jeˬ shehˆ daˆ-awˇ aˬ yawꞈ-euˬ uˬ duˬ tsehˇ kahˇ neh shiˆ gui nehˬ-euˬ zaˬ miˬ zaˬ kʼoeˇ gʼaˬ meh. Naˇ luꞈ-eu Laˬzaˬluˇ-aˬ, Maˬliˇ-euˬ aˬ mahˇ aˬ da meh.

Yoˇhaˬ 11:28

Maˬta kʼoeˇ loꞈ-ehˇ ehˇ gʼaˬ ngeh, Maˬliˇ jawˇ gaˇ gʼoꞈ-iˇ-awˇ, “Saˬ laˬ oe keuˆ-awˇ nawˬ-ahˇ kuˇ luꞈ meh” lehˇ ehˇ nehˬ-iˇ-euˬ meh.

Yoˇhaˬ 11:3

“Sahˬpaˬ-oˇ, nawˇ gʼoeˇ dui dui-eu gʼaˬ naˇ luꞈ meh” lehˇ, Maˬliˇ hawˇ-eu Maˬta aˬ nyaꞈ nmˇ neh Yeˬsuˇ jawˇ gaˇ bi tsaꞈ gaˬ leˇ-euˬ meh.

1 Gawˇliˬtu 12:3

Miˬyehˇ-euˬ Yaw sahˇ sheuˬ gʼeh-eu uˬ moˆ jawˇ-eu tsawˇ haˬ tiˬ gʼaˬ-iˬ “Yeˬsuˇ-ahˇ yaˬ kʼehˇ yaˬ luꞈ-uˇ” lehˇ maˬ ehˇ-aˇ lehˇ naw maꞈ bi siˬ duˬ mawꞈ miˇ-a. Kʼoeˇ loꞈ-ehˇ duˇ ni, Muiˬ-eu Shawˇ-eu Yaw sahˇ Miˬyehˇ sheuˬ gʼeh-eu uˬ moˆ maˬ jawˇ naˇ, tsawˇ haˬ tiˬ gʼaˬ-iˬ “Yeˬsuˇ-aˬ Sahˬpaˬ meh” lehˇ maˬ ehˇ nya-aˇ.

1 Gawˇliˬtu 8:6

Ehˇ kʼawꞈ, aˬ dui-euˬ gʼaˇ duˬ-aˬ, Miˬyehˇ tiˬ gʼaˬ jawˇ-eu tehꞈ ma. Aˬ yawꞈ-aˬ, dawˬ tawˆ luꞈ-ahˇ Beh-euˬ yaw sahˇ Aˬda pyeuꞈ-awˇ, aˬ yawꞈ gʼaˇ duˬ aˬ dui dehꞈ luꞈ-eu ma.

Eˇpeˇsu 6:9

Baw leˬ deuˬ-oˇ, kʼoeˇ loꞈ-ehˇ duˇ ni, naw maꞈ kʼawꞈ zaˬ kʼaˆ deuˬ gʼaˇ duˬ shaˇ noeˬ nehˬ-awˬ. Aˬ yawꞈ maꞈ-ahˇ guˆ tsiˬ taˬ nyehꞈ. Naw maꞈ maˬ ehˇ, naw maꞈ-euˬ zaˬ kʼaˆ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ mˬ kʼoeˇ taˆ jawˇ-eu Baw leˬ kʼoeˇ gʼaˬ-euˬ zaˬ kʼaˆ pyeuꞈ-eu ma lehˇ siˬ nya-awˬ. Aˬ yawꞈ-aˬ, yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ-ehˇ tiˬ kawˆ di ni yaˇ kʼaˬ daˇ-eu meh.

Piˇliˇpiˆ 2:11

Aˬda Miˬyehˇ kʼahˬ sehˇ jaˆ ni, Yeˬsuˇ Ka li Sahˬpaˬ meh lehˇ, mehˬ luˬ kʼaˇ tsoꞈ-eu guˇ tehꞈ-a.

Piˇliˇpiˆ 3:8

Kʼoeˇ naˆ ni tehꞈ-ehˇ maˬ ngeuˇ-a siˬ. Gaˇ dahˇ tsoeˬ dzehˬ-eu jeˬ pyeuꞈ-eu ngaˬ-euˬ Sahˬpaˬ Yeˬsuˇ Ka li-ahˇ siˬ nya-eu jeˬ-ahˇ shaˇ cehˆ haw ngeh, ngaˬ neh kʼaˇ mˇ dzeuˇ-euˬ yawˬ jeˬ na luꞈ maˇ maˇ ni smˬ dui dui-eu jeˬ tehꞈ law hawˇ ngaˬ lehˇ sawˇ duˬ gʼaˬ-euˬ ma. Ka li-ahˇ ngaˇ geuꞈ mawꞈ dzehˬ-eu miˇ neh, ngaˬ neh kʼaˇ mˇ kʼaˇ shaˇ dzeuˇ yaꞈ-euˬ jeˬ dawˬ tawˆ luꞈ bi smˬ-iˇ jiˇ-euˬ ma. Ka li-ahˇ ngaˇ za nya ni, kʼoeˇ deuˬ dawˬ tawˆ luꞈ-ahˇ yaˆ dzeh-euˬ jaˆ guˬ jaˆ meuˬ loꞈ-ehˇ tehꞈ-ehˇ sawˇ-euˬ ma.

Yaˬkoˆ 2:19

Miˬyehˇ tiˬ gʼaˬ tehꞈ-ehˇ jawˇ-eu meh lehˇ nawˇ jah-eu miˇ neh maˬ gaˇ dzehˬ ma lehˇ noeˬ te loˇ. Nehꞈ deuˬ kʼawꞈ kʼoeˇ loꞈ-ehˇ jah-awˇ, guˆ guˆ-ehˇ yaw dzuˬ dzuˬ luꞈ meh.