Yoˇhaˬ 13:12 - Akha

¹² Yeˬsuˇ aˬ yawꞈ maꞈ-ahˇ aˬ kuiˇ dzuiꞈ nehˬ jiˇ gʼaˬ ngeh, pehˇ kʼahˬ pehˇ mahˇ paˇ dm-awˇ, aˬ yawꞈ-euˬ nuiˇ duˬ-ahˇ hawˬ jawˬ paˇ jawˬ leˇ-awˇ, heu loꞈ-ehˇ ehˇ-eu meh. “Naw maꞈ-ahˇ ngaˬ neh mˇ nehˬ-euˬ heu naw maꞈ gʼoˆ shaw ma loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerngae, Yeqsur, aqyawf maf-euq aqkuir dzuifshawrnaeq ghaq-euq nar-aq, aqyawf-euq paerkhanq paermanr dm-awr parnuir-euq mae. Khoerngae, aqyawf, aqyawf maf-anr heulof-aer aernaeq-euq mae, “Ngar, nawmaf-anr aqjox-aer janrnaeq-euq gar nawmaf ghovshaw-euq ma lor?

Yoˇhaˬ 13:12 Iomraidhean Croise

Yeˬsaˬgeˬlaˇ 24:19

“Aˬ jeˬ miˇ neh teu loꞈ-ehˇ jahˇ te” lehˇ, aˬ cawˬ ngaˬ-ahˇ naˇ haˬ-eu meh.

Yeˬsaˬgeˬlaˇ 24:24

Naw maꞈ gʼaˇ duˬ bi siˬ bi mawˇ-eu jeˬ pyeuꞈ-eu ma. Ngaˬ neh kʼaˇ jahˇ-euˬ loꞈ-ehˇ naw maꞈ ya jahˇ tehꞈ-a. Kʼoeˇ loꞈ-ehˇ pyeuꞈ laˇ ngeh jawˇ, aˬ yawꞈ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a lehˇ, Sahˬpaˬ Miˬyehˇ ehˇ-eu meh.”

Maꞈtehˬ 13:51

“Gaˇ kawˆ heu deuˬ naw maꞈ gʼoˆ shaw-euˬ ma loˇ” lehˇ Yeˬsuˇ naˇ haˬ ngeh, “Gʼoˆ shaw-euˬ ma” lehˇ aˬ yawꞈ maꞈ ehˇ-eu meh.

Maˬkuˆ 4:13

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Yaw jeˬ ma jeˬ heu hmˬ naw maꞈ-ahˇ maˬ gʼoˆ shaw laˇ nya loˇ. Toˆ-ehˇ ngeuˇ naˇ, yaw jeˬ ma jeˬ kʼaˇ ja mehˬ-euˬ dawˬ tawˆ luꞈ-ahˇ naw maꞈ aˬ joˆ-ehˇ gʼoˆ shaw nya nmˇ.

Luˇkaꞈ 22:27

Huiˬ dzehˬ-eu gʼaˬ aˬ geu gʼaˬ-a. Hawˬ jeh-ahˇ jawˬ-awˇ dzaˬ-eu gʼaˬ-a loˇ. Hawˬ byawˇ laˆ dawˆ nehˬ-eu gʼaˬ-a loˇ. Hawˬ jeh-ahˇ jawˬ-awˇ dzaˬ-eu gʼaˬ huiˬ dzehˬ-eu maˬ ngeuˇ-a loˇ. Ehˇ kʼawꞈ, ngaˇ-aˬ, naw maꞈ-ahˇ hawˬ byawˇ laˆ dawˆ nehˬ-eu gʼaˬ loꞈ-ehˇ duˇ-eu ma.

Yoˇhaˬ 13:4

Kʼoeˇ miˇ neh, aˬ yawꞈ hawˬ jeh-ahˇ tuˇ-awˇ, kʼoeˇ taˆ dm luꞈ-eu pehˇ kʼahˬ pehˇ mahˇ lehˆ-awˇ, joꞈ-ahˇ paˇ jeh paꞈ-euˬ meh.

Yoˇhaˬ 13:7

Yeˬsuˇ ehˇ-eu, “Ngaˇ mˇ luꞈ-eu heu nawˇ nymˬ-mˇ maˬ gʼoˆ shaw-a siˬ. Ehˇ kʼawꞈ, ni shawˇ pehˬ siˬ nya laˇ tehꞈ-a.”