Yoˇhaˬ 12:9 - Akha

⁹ Yeˬsuˇ Beˬtaˬniˇ meuˬ-ahˇ jawˇ-eu gaˇ kawˆ tsawˇ haˬ gʼawˬ mya ni ya gaˬ-awˇ, kʼoeˇ gaˇ iˇ-euˬ meh. Yeˬsuˇ kʼoeˇ gaˇ jawˇ-eu baˬ da neh tehꞈ-ehˇ maˬ ngeuˇ ni, Yeˬsuˇ neh bi gʼoꞈ dehꞈ laˇ-euˬ Laˬzaˬluˇ kʼoeˇ gʼaˬ-ahˇ haw mawˇ mawꞈ-eu miˇ neh kʼawꞈ, tsawˇ haˬ iˇ myaˬ-euˬ jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Yeqsur khoergar jawrluf-eu mae laer Yurdav tsawrhaq armaf mafma yasiq ngae, khoergar le-euq mae. Yeqsur-anr mawrmawf-eu mirnae taef-aer maqngeur-eu, shir-euq gar nae Yeqsur nae bi ghofdaef lar-euq Laqzaqlur-anr khawf mawrmawf-eu mirnae le-euq mae.

Yoˇhaˬ 12:9 Iomraidhean Croise

Maˬkuˆ 12:37

Daˬbiˇ-euˬ mawˇ do kʼawꞈ, aˬ yawꞈ-ahˇ Sahˬ paˬ lehˇ kuˇ-euˬ meh. Toˆ-ehˇ ngeuˇ naˇ, Ka li-aˬ, Daˬbiˇ-euˬ zaˬ aˬ joˆ-ehˇ pyeuꞈ nya ta.” Yeˬsuˇ neh mehˬ nehˬ tsoˆ nehˬ-euˬ dawˬ-ahˇ, tsawˇ haˬ aˇ maꞈ maꞈ ma laˬ kʼaˬ tiˬ cehˇ naˇ haˬ luꞈ-eu meh.

Yoˇhaˬ 12:1

Baˬsaˬkaˬ Bawˬ-iˬ gʼeh-eu mehˬ hu koꞈ nah huˬ-ehˇ, aˬ yawꞈ neh bi gʼoꞈ dehꞈ laˇ-euˬ Laˬzaˬluˇ kʼoeˇ gʼaˬ jawˇ-eu Beˬtaˬniˇ meuˬ-ahˇ Yeˬsuˇ iˇ-euˬ meh.

Yoˇhaˬ 12:10

Kʼoeˇ miˇ neh, piˇ ma aˬ yuiꞈ deuˬ Laˬzaˬluˇ-ahˇ gʼeh sehꞈ-eu lehˇ lehˬ hmˬ-euˬ meh.

Yoˇhaˬ 12:12

Yawˬ nah yawˬ, Baˬsaˬkaˬ Bawˬ-iˬ gʼeh laˇ-euˬ tsawˇ haˬ aˇ maꞈ maꞈ ma kʼoeˇ deuˬ, Yeˬluˇsaˬlehˬ meuˬ-ahˇ Yeˬsuˇ laˇ luꞈ-eu gaˇ kawˆ ya gaˬ-euˬ meh.

Yoˇhaˬ 12:17

Yeˬsuˇ Laˬzaˬluˇ-ahˇ lmˬ bymˇ laꞈ kʼoeˇ neh kuˇ doˆ leꞈ-awˇ bi gʼoꞈ dehꞈ laˇ gaˇ mawˇ-euˬ tsawˇ haˬ deuˬ, aˬ yawꞈ maꞈ neh ya mawˇ-euˬ loꞈ-ehˇ aˬ cawˬ-ahˇ dzawˇ mehˬ-euˬ meh.

Gʼaˬkʼehˇ 4:14

Ehˇ kʼawꞈ, aˬ kuiˇ muiˬ laˇ-euˬ tsawˇ ha kʼoeˇ gʼaˬ aˬ yawꞈ nyaꞈ-euˬ dawˬ peh yawꞈ luꞈ-eu miˇ neh, aˬ yawꞈ maꞈ tiˬ jeˬ-iˬ maˬ ehˇ nya-a.