Yoˇhaˬ 12:5 - Akha

⁵ “Aˬ jeˬ miˇ neh tsiˇ yaw saw jeˬ teu pyuˇ maˇ byaˆ smˬ yaˇ byaˆ-ehˇ neh ahˬ-awˇ, shaˬ zaˬ zahˬ zaˬ deuˬ-ahˇ maˬ biˇ nehˬ te.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ “Tsir yawsaw teu deqnaqlir 300 byav-anr nae anq-awr, shaqzaq zanqzaq deuq-anr aqjeq mirnae maq bifnaeq-eu le?”

Yoˇhaˬ 12:5 Iomraidhean Croise

Eˇzaˬlaˬ 4:14

Nga maꞈ-aˬ, nawˬ-euˬ laꞈ oˆ gaˇ mˇ-eu deuˬ pyeuꞈ-eu loꞈ-ehˇ, kʼoeˇ loꞈ-ehˇ maˬ bi pyeuꞈ laˇ mawꞈ-eu miˇ neh, heu loꞈ-ehˇ ehˇ gaˬ-eu ma.

Doˆ-iˇ 5:17

Ehˇ kʼawꞈ, aˬ yawꞈ maꞈ-ahˇ sahˬ paˬ ehˇ nehˬ-eu, “Naw maꞈ yaw doeˇ doeˇ-awˇ, gaˇ maˬ mˇ mawꞈ-eu miˇ neh, naw maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ bi iˇ laꞈ lehˇ ngaˬ-ahˇ shaˇ-eu meh.

Doˆ-iˇ 5:8

Ehˇ kʼawꞈ, tsaˬ byaˆ tehˆ-eu paw tiˬ siˬ tehꞈ-ehˇ kʼawꞈ maˬ bi teˬ-iˇ ni, dzeuˇ laˇ ngeh aˬ yawꞈ maꞈ kʼaˇ tehˆ-euˬ myaˆ ni bi tehˆ doˆ-awˬ. Aˬ yawꞈ maꞈ-euˬ kʼaˆ behˆ pyaˇ-awˇ gaˇ maˬ mˇ loꞈ-eu miˇ neh, aˬ yawꞈ maꞈ-euˬ Miˬyehˇ-ahˇ lawˇ-eu shehˇ-eu gʼaˇ duˬ bi iˇ laꞈ lehˇ, ngaˬ-ahˇ shaˇ luꞈ-eu meh.

Aˬmoˆ 8:5

Naw maꞈ yawˬ haˇ yawˬ ha heu loꞈ-ehˇ ehˇ luꞈ meh. “Nga maꞈ cehˇ ahˬ-eu tehˬ-eu miˇ neh, nah lah ya lah-eu muiˬ-eu shawˇ-eu aˇ nah heu deuˬ dzeuˇ-iˇ gaˇ keuˆ ni maˬ dawˬ keuˆ coeˇ nya. Nga maꞈ cehˇ ya ahˬ-eu jawˇ nah dzeuˇ ngeh nah aˬ myah keuˆ le-eu lehˇ gʼeh ta heu. Kʼoeˇ ngeh, nga maꞈ aˇ poeˬ shaˇ daˆ-awˇ, maˬ byah-eu kuˬ pehˬ zmˬ-eu uˬ taꞈ, daˇ leuˇ maˬ tsaˬ ni jahˇ-awˇ, zeuˇ laˇ-eu tsawˇ haˬ deuˬ-ahˇ mehˇ shuiˇ shuiˇ dzaˬma.

Maꞈtehˬ 18:28

“Kʼoeˇ naˇ, zaˬ kʼaˆ kʼoeˇ gʼaˬ gʼoꞈ-iˇ-awˇ, aˬ yawꞈ-ahˇ pyuˇ tiˬ yaˇ byaˆ tehꞈ-ehˇ daˆ-eu aˬ yawꞈ-euˬ cawˬ zaˬ kʼaˆ tiˬ gʼaˬ-ahˇ tahˬ puˬ-euˬ meh. Aˬ yawꞈ-euˬ cawˬ kʼoeˇ gʼaˬ-euˬ kuˬ byahˬ-ahˇ aˬ yawꞈ tsuˆ-awˇ, ‘Ngaˬ-euˬ dziˇ dzoˆ tsoeˬ nehˬ laꞈ’ lehˇ kʼaˬ nehˬ-euˬ meh.

Maꞈtehˬ 20:2

Tiˬ nah mˇ-euˬ gʼaˬ gaˇ poeˬ pyuˇ maˇ byaˆ tiˬ byaˆ biꞈ ma lehˇ ja tsaˬ-awˇ, aˬ gaꞈ yaˇ kmˇ laꞈ kʼoeˇ gaˇ bi mˇ-iˇ-euˬ meh.

Luˇkaꞈ 12:33

Naw maꞈ-euˬ myawˬ gahˬ ahˬ-awˇ, aˬ cawˬ-ahˇ gamꞈ nehˬ-awˬ. Yawˬ ha gʼaˇ duˬ tiˬ jawˇ-iˬ maˬ peuˬ maˬ oeˇ-iˇ nya-eu pyuˇ pawˬ behˆ guꞈ-awˇ, smˇ kʼoeˬ maˬ kʼoeˬ leˇ nya, boeˬ coeˇ maˬ coeˇ leˇ nya-eu mˬ kʼoeˇ taˆ, pyuˇ shuiˇ myawˬ gahˬ jeˬ hmˬ taˬ-awˬ.

Luˇkaꞈ 18:22

Dawˬ kʼoeˇ dawˬ-ahˇ ngeh, Yeˬsuˇ aˬ yawꞈ-ahˇ ehˇnehˬ-eu, “Nawˇ tiˬ jeˬ loˬ nga siˬ. Nawˇ kʼaˇ jaˆ-eu jeˬ ahˬ jiˇ-awˇ, shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, gʼoꞈ poˆ laˇ-awˇ, ngaˬ-euˬ mehˬ nah caw teh laˇ-awˬ.”

Luˇkaꞈ 6:41

“Yawˬ ha-euˬ myaˆ nuiˆ-ahˇ tsmˬ-eu diˬ tm-ahˇ maˬ shaˇ sawˇ-ehˇ, nawˬ-euˬ mehˇ nmˇ-euˬ myaˆ nuiˆ-ahˇ tsmˬ-eu myaˆ pawꞈ pawꞈ zaˬ tiˬ hmˬ-ahˇ aˬ jeˬ miˇ neh toeˬ ceh te. Yawˬ ha-euˬ myaˆ nuiˆ-ahˇ diˬ tm tsmˬ luꞈ-eu maˬ mawˇ nya gaˇ, ‘Nawˬ-eu myaˆ nuiˆ-ahˇ ahˇ-eu myaˆ pawꞈ ngaˇ pehˆ doˆ nehˬ nyaˇ’ lehˇ, nawˬ-euˬ mehˇ nmˇ-ahˇ nawˇ aˬ joˆ-ehˇ ehˇ leˇ coeˇ-eu nya.

Yoˇhaˬ 12:4

Tsiˇ yaw saw jeˬ kʼoeˇ, nymˇ nymˇ lah-ehˇ saw dui dui-eu meh. Yeˬsuˇ-euˬ zaˬ lahˇ deuˬ laꞈ kʼoeˇ, aˇ nah Yeˬsuˇ-ahˇ ahˬ dzaˬ-euˬ gʼaˬ pyeuꞈ-eu Yuˇdaˆ Iˇsaˬgaˬliˬoˆ heu loꞈ-ehˇ ehˇ-eu meh.

Yoˇhaˬ 12:6

Shaˬ zaˬ zahˬ zaˬ deuˬ gʼaˇ duˬ shaˇ noeˬ-awˇ aˬ yawꞈ kʼoeˇ loꞈ-ehˇ ehˇ-eu maˬ ngeuˇ-a. Aˬ yawꞈ smˇ kʼoeˬ tiˬ gʼaˬ miˇ neh, kʼoeˇ loꞈ-ehˇ gʼeh-eu dawˬ ngehˬ-eu meh. Aˬ yawꞈ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-awˇ, tiˬ poˆ na pyuˇ daˬ yuˇ-awˇ aˬ yawꞈ-euˬ gʼaˇ duˬ zmˬ-eu tsawˇ haˬ pyeuꞈ-eu meh.

Yoˇhaˬ 13:29

Yuˇdaˆ-aˬ, pyuˇ pawˬ behˆ tawˬ-eu pyuˇ jeˬ hmˬ-eu gʼaˬ pyeuꞈ-eu miˇ neh, Yeˬsuˇ aˬ yawꞈ-ahˇ kʼehˇ-awˇ, Bawˬ-iˬ gʼeh gaˇ zmˬ-eu jeˬ maˬ ngeuˇ naˇ, shaˬ zaˬ zahˬ zaˬ-ahˇ biꞈ-eu tiˬ jeˬ paˬ bi zeuˇ-iˇ-eu lehˇ ehˇ-eu paˬ lehˇ, zaˬ lahˇ tiˬ paˆ na deuˬ noeˬ-euˬ meh.

Yoˇhaˬ 6:7

Piˇliˇpuˆ ehˇ-eu, “Tsawˇ haˬ heu deuˬ-ahˇ tiˬ gʼaˬ ui cuiˆ ui cuiˆ bi dzaˬ-eu kaˬ muˇ zeuˇ kʼawꞈ, pyuˇ maˇ byaˆ nyiˬ yaˇ byaˆ neh maˬ zeuˇ loꞈ nya-aˇ.”