Yoˇhaˬ 12:36 - Akha

³⁶ Yaw shehꞈ-ahˇ jah-awˬ. Naw maꞈ yaw shehꞈ za ngeh jawˇ, yaw shehꞈ-euˬ zaˬ pyeuꞈ laˇ tehꞈ-a.” Yeˬsuˇ kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ maˬ mawˇ gaˇ iˇ doˆ-awˇ jawˇ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Nawmaf jawr-eu gar yawshaef byaluf ngae, nawmaf yawshaef-euq zaq pyeuflarni yawshaef-anr jan-awq.” Yeqsur dawq heudeuq ngaeqghaq ngae, aqyawfmaf jawr-eu gar nae dov-ir-awr yawzaf zaf-aer jawr-ir-euq mae.

Yoˇhaˬ 12:36 Iomraidhean Croise

Iˇsaˬyaˇ 60:1

Yeˬluˇsaˬlehˬ meuˬ-oˇ, tuˇ-awˬ. Nawˬ-euˬ yaw shehꞈ keuˆ le-euˬ meh. Sahˬpaˬ Miˬyehˇ-euˬ yaw shehꞈ kʼahˬ sehˇ, nawˬ-euˬ kʼoeˇ taˆ doˆ laˇ luꞈ meh.

Maꞈtehˬ 21:17

Kʼoeˇ naˇ, aˬ yawꞈ maꞈ jawˇ gaˇ neh Yeˬsuˇ doˆ-iˇ-awˇ, Yeˬluˇsaˬlehˬ meuˬ-ahˇ neh Beˬtaˬniˇ pu-ahˇ iˇ-awˇ, kʼoeˇ gaˇ uˬ ciꞈ yaꞈ-euˬ meh.

Maꞈtehˬ 5:14

“Naw maꞈ-aˬ, miˇ tsaˬ dawˬ tawˆ luꞈ gʼaˇ duˬ yaw shehꞈ pyeuꞈ-eu meh. Gawˬ jawˬ uˬ du jaˆ-eu meuˬ-ahˇ maˬ dehˬ kaˬ zaꞈ nya-a.

Luˇkaꞈ 16:8

Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.

Yoˇhaˬ 1:7

Tsawˇ haˬ dawˬ tawˆ luꞈ ya gaˬ-awˇ jah laˇ ni, yaw shehꞈ kʼoeˇ-euˬ gaˇ kawˆ aˬ yawꞈ saˇ kiˇ kamˬ le-euˬ meh.

Yoˇhaˬ 11:54

Kʼoeˇ miˇ neh, Yeˬsuˇ Yuˇdaˆ miˇ kʼahˬ laꞈ kʼoeˇ aˬ cawˬ mawˇ gaˇ maˬ cah ni pyeuꞈ-iˇ-awˇ, kʼaˇ shuiꞈ deh ga bawˇ tsahˬ bawˇ dahˇ dawˬ peh jaˆ-eu Eˇpaˬleˬ meuˬ-ahˇ iˇ-awˇ, zaˬ lahˇ deuˬ nehˬ-ehˇ kʼoeˇ gaˇ jawˇ-euˬ meh.

Yoˇhaˬ 12:37

Aˬ yawꞈ maꞈ-euˬ mehˬ shi zahˬ leˇ paˬ-ehˇ gʼeh-eu jeˬ kʼoeˇ naˆ ni mˇ mehˬ-euˬ kʼawꞈ, aˬ yawꞈ maꞈ aˬ yawꞈ-ahˇ maˬ jah-a.

Yoˇhaˬ 12:46

Ngaˬ-ahˇ kʼaˇ jah-eu tsawˇ haˬ yaw zahˇ laꞈ kʼoeˇ maˬ paˇ ya jawˇ ni, yaw shehꞈ loꞈ-ehˇ miˇ tsaˬ heu kʼoeˇ taˆ ngaˇ zaꞈ le-euˬ ma.

Yoˇhaˬ 3:21

Ehˇ kʼawꞈ, yaw tsaˬ yaw dawˇ jeˬ mˇ-eu tsawˇ haˬ-aˬ, aˬ yawꞈ neh mˇ-euˬ jeˬ Miˬyehˇ nui kʼahˇ shiˇ-eu jeˬ pyeuꞈ-eu gaˇ kawˆ yaw shehꞈ laꞈ kʼoeˇ bya cehˆ ni bi doˆ laˇ-eu gʼaˇ duˬ, yaw shehꞈ jaˆ gaˇ laˇ-eu meh.

Yoˇhaˬ 8:12

Kʼoeˇ naˇ, Paˬliˬsehˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ-aˬ, miˇ tsaˬ-euˬ yaw shehꞈ ma. Ngaˬ-euˬ mehˬ nah kʼaˇ caw teh-eu tsawˇ haˬ-aˬ, dehꞈ-eu saꞈ laˇ yaw shehꞈ za-awˇ, yaw zahˇ laꞈ kʼoeˇ maˬ paˇ cah-aˇ.”

Yoˇhaˬ 8:59

Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Eˇpeˇsu 5:8

Naw maꞈ kʼawꞈ, yaw zahˇ laꞈ kʼoeˇ dehꞈ haw-euˬ tsawˇ haˬ deuˬ meh. Ehˇ kʼawꞈ, Sahˬpaˬ Yeˬsuˇ-euˬ tsawˇ haˬ pyeuꞈ laˇ gʼaˬ-euˬ miˇ neh, yaw shehꞈ laꞈ kʼoeˇ naw maꞈ jawˇ luꞈ-eu meh. Kʼoeˇ miˇ neh, yaw shehꞈ-euˬ zaˬ deuˬ loꞈ-ehˇ dehꞈ gʼeh-awˬ.

1 Teˇsaˬloˇni 5:5

Aˬ jeˬ miˇ neh ehˇ naˇ, naw maꞈ dawˬ tawˆ luꞈ yaw shehꞈ-euˬ zaˬ meh. Nah gʼahˇ-euˬ zaˬ meh. Aˬ dui-aˬ, uˬ ciꞈ-euˬ zaˬ maˬ ngeuˇ. Yaw zahˇ-euˬ zaˬ maˬ ngeuˇ.

1 Teˇsaˬloˇni 5:8

Ehˇ kʼawꞈ, aˬ dui-aˬ, nah gʼahˇ-euˬ zaˬ pyeuꞈ-eu miˇ neh, yawˬ ha-euˬ nui ma-ahˇ nyehꞈ tehˬ taˬ-eu tsaˬ meh. Jah-eu jeˬ hawˇ-eu gʼoeˇ-eu gaˬ-eu jeˬ-ahˇ guiˇ deuˆ ngeh kʼahˬ-ahˇ dehˬ daˬ-eu shmˇ byaˆ dm-eu loꞈ-ehˇ dm-awˇ, noeˬ tmˬ-eu jeˬ-ahˇ uˬ duˬ-ahˇ tsahˬ-eu shmˇ uˬ kʼoˆ loꞈ-ehˇ tsahˬ kaˇ-euˇ.