Yoˇhaˬ 12:35 - Akha

³⁵ Yeˬsuˇ ehˇ-eu, “Yaw shehꞈ-aˬ, naw maꞈ nehˬ-ehˇ tiˬ kʼehˬ jawˇ tehꞈ-a. Naw maꞈ yaw shehꞈ za luꞈ ngeh, naw maꞈ kʼoeˇ taˆ yaw zahˇ maˬ bi keuˆ le ni cah tehˇ tehˬ-awˬ. Aˬ jeˬ miˇ neh ehˇ naˇ, yaw zahˇ laꞈ kʼoeˇ cah-eu tsawˇ haˬ-aˬ, yawˬ ha aˬ geu paw iˇ luꞈ-eu maˬ siˬ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁵ Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

Yoˇhaˬ 12:35 Iomraidhean Croise

Dawqdaq 4:19

Haiˬ-eu tsawˇ haˬ-euˬ gaˇ ma-aˬ, la tsehˆ ngeh miˇ loꞈ-ehˇ zahˇ-awˇ, pehˆ toˆ laˇ-eu jeˬ-ahˇ maˬ mawˇ nya-a.

Iˇsaˬyaˇ 2:5

Yaˬkoˆ-euˬ zaˬ deuˬ uˆ deuˬ-oˇ, Sahˬpaˬ Miˬyehˇ-euˬ yaw shehꞈ laꞈ kʼoeˇ, aˬ dui cah gʼeh kaˇ-euˇ.

Yeˬlaˬmiˇ 23:12

Aˬ yawꞈ maꞈ-euˬ gaˇ ma yaw juˇ juˇ-awˇ, zahˇ tsui ni gʼeh-eu meh. Aˬ yawꞈ maꞈ-ahˇ sahˬ tiꞈ tiꞈ-awˇ bi coˬ-iˇ ma. Aˬ yawꞈ maꞈ-ahˇ ngaˇ shaˬ zahˬ bi naꞈ ma. Aˬ yawꞈ maꞈ-ahˇ kʼehˬ-eu aˇ nah peh le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Luˇkaꞈ 18:37

“Naˬzaˬlehˇ tsawˇ haˬ Yeˬsuˇ le luꞈ-eu nga” lehˇ, aˬ cawˬ aˬ yawꞈ-ahˇ ehˇ nehˬ-euˬ meh.

Yoˇhaˬ 11:10

Ehˇ kʼawꞈ, uˬ ciꞈ paw cah naˇ, aˬ yawꞈ laꞈ kʼoeˇ yaw shehꞈ maˬ ahˇ-eu miˇ neh pehˆ toˆ tehꞈ-a.”

Yoˇhaˬ 11:9

Yeˬsuˇ ehˇ-eu, “Tiˬ nah-euˬ tseˇ nyiꞈ naˬ liˬ jaˆ-eu maˬ ngeuˇ-a loˇ. Nah gʼahˇ paw kʼaˇ cah-eu tsawˇ haˬ miˇ tsaˬ-euˬ yaw shehꞈ bya-eu miˇ neh maˬ pehˆ toˆ-aˇ.

Yoˇhaˬ 12:36

Yaw shehꞈ-ahˇ jah-awˬ. Naw maꞈ yaw shehꞈ za ngeh jawˇ, yaw shehꞈ-euˬ zaˬ pyeuꞈ laˇ tehꞈ-a.” Yeˬsuˇ kʼoeˇ loꞈ-ehˇ ehˇ gʼaˬ ngeh, aˬ yawꞈ maꞈ maˬ mawˇ gaˇ iˇ doˆ-awˇ jawˇ-iˇ-euˬ meh.

Yoˇhaˬ 12:46

Ngaˬ-ahˇ kʼaˇ jah-eu tsawˇ haˬ yaw zahˇ laꞈ kʼoeˇ maˬ paˇ ya jawˇ ni, yaw shehꞈ loꞈ-ehˇ miˇ tsaˬ heu kʼoeˇ taˆ ngaˇ zaꞈ le-euˬ ma.

Yoˇhaˬ 16:16

“Tiˬ kʼehˬ gʼeh naˇ, naw maꞈ ngaˬ-ahˇ maˬ paˇ ya mawˇ-aˇ. Tiˬ kʼehˬ paˇ gʼeh naˇ, naw maꞈ ngaˬ-ahˇ paˇ ya mawˇ tehꞈ-a.”

Yoˇhaˬ 7:33

Yeˬsuˇ ehˇ-eu, “Ngaˇ naw maꞈ nehˬ-ehˇ tiˬ kʼehˬ jawˇ gʼaˬ naˇ, ngaˬ-ahˇ kʼehˇ gʼeh leꞈ-euˬ gʼaˬ jawˇ gaˇ gʼoꞈ leˇ ma.

Yoˇhaˬ 8:12

Kʼoeˇ naˇ, Paˬliˬsehˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ-aˬ, miˇ tsaˬ-euˬ yaw shehꞈ ma. Ngaˬ-euˬ mehˬ nah kʼaˇ caw teh-eu tsawˇ haˬ-aˬ, dehꞈ-eu saꞈ laˇ yaw shehꞈ za-awˇ, yaw zahˇ laꞈ kʼoeˇ maˬ paˇ cah-aˇ.”

2 Gawˇliˬtu 3:14

Ehˇ kʼawꞈ, aˬ yawꞈ maꞈ nui ma gʼahˇ-eu meh. Iˬ nah keuˆ ni aˬ yawꞈ maꞈ dawˬ ma saˇ jaˇ yaw oeˇ-ahˇ kʼaˇ gui ngeh, myaˆ pyawˬ-ahˇ saˬ paˇ dehˬ kaˬ taˬ-euˬ kʼoeˇ maˬ yuˇ dzeh-aˬ siˬ. Aˬ jeˬ miˇ neh ehˇ naˇ, ka li-ahˇ maˬ taꞈ naˇ myaˆ pyawˬ-ahˇ dehˬ kaˬ taˬ-euˬ saˬ paˇ kʼoeˇ maˬ yuˇ dzeh nya-a.

Gaˬlaˬtiˆ 6:10

Kʼoeˇ miˇ neh, kʼaˇ yehꞈ laˇ ngeh tsawˇ haˬ yawˬ gʼaˬ na luꞈ-ahˇ yaw muiˬ jeˬ mˇ nehˬ kaˇ-euˇ. Jah-eu jeˬ laꞈ kʼoeˇ aˬ dui-euˬ aˬ yuiꞈ aˬ nyiˇ pyeuꞈ-eu deuˬ-ahˇ, aˬ cawˬ-ahˇ naˆ maˬ tseˇ yaw muiˬ jeˬ mˇ nehˬ kaˇ-euˇ.

Eˇpeˇsu 5:8

Naw maꞈ kʼawꞈ, yaw zahˇ laꞈ kʼoeˇ dehꞈ haw-euˬ tsawˇ haˬ deuˬ meh. Ehˇ kʼawꞈ, Sahˬpaˬ Yeˬsuˇ-euˬ tsawˇ haˬ pyeuꞈ laˇ gʼaˬ-euˬ miˇ neh, yaw shehꞈ laꞈ kʼoeˇ naw maꞈ jawˇ luꞈ-eu meh. Kʼoeˇ miˇ neh, yaw shehꞈ-euˬ zaˬ deuˬ loꞈ-ehˇ dehꞈ gʼeh-awˬ.