Yoˇhaˬ 12:21 - Akha

²¹ Heˬlaˬsaˇ tsawˇ haˬ kʼoeˇ deuˬ, Gaˬliˬlehˇ miˇ kʼahˬ Behˬdzeˇdaˬ meuˬ-ahˇ jawˇ-euˬ Piˇliˇpuˆ jawˇ gaˇ iˇ-awˇ, “Saˬ laˬ-oˇ, nga maꞈ Yeˬsuˇ-ahˇ mawˇ mawꞈ nya” lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae, aqyawfmaf, Gaqliqlaer mirkhanq-anr jav-eu Baeqdzerdaq-anr nae oe-euq Pirlirpuv jawr-eu gar oe-awr shar-eu, “Saqlaq-or! Nga’maf, Yeqsur-anr mawrmawf nya.”

Yoˇhaˬ 12:21 Iomraidhean Croise

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Maꞈtehˬ 2:2

Aˬ yawꞈ maꞈ ehˇ-eu, “Dehꞈ le-euˬ Yuˇdaˆ tsawˇ haˬ-euˬ sahˬ paˬ kʼoeˇ gʼaˬ aˬ gaˇ jawˇ ta. Nahˇ ma doˆ kʼehˬ paw dzeˇ neh aˬ yawꞈ-euˬ aˬ guiˇ doˆ laˇ gaˇ nga maꞈ ya mawˇ-awˇ, aˬ yawꞈ-ahˇ uˬ duˬ tahˬ laˇ-euˬ ma.”

Yoˇhaˬ 1:48

Naˬdaˬneˬlaˇ ehˇ-eu, “Nawˇ ngaˬ-ahˇ aˬ joˆ-ehˇ siˬ nya te.” Yeˬsuˇ ehˇ-eu, “Piˇliˇpuˆ nawˬ-ahˇ maˬ kuˇ le mi naˆ-ehˇ, nawˇ siˬ guˬ aˇ bawˇ dawˬ pehˬ-ahˇ nuiˇ luꞈ ngeh neh nawˬ-ahˇ ngaˇ mawˇ-euˬ ma.”

Yoˇhaˬ 6:40

Ngaˬ Da-euˬ nui kʼahˇ-aˬ, Zaˬmaˇ-ahˇ mawˇ-awˇ kʼaˇ jah-eu tsawˇ haˬ dawˬ tawˆ luꞈ, mˬ maˬ maˬ byaˆ zaˇ ziˇ dehꞈ-eu jeˬ bi za-eu gʼaˇ duˬ meh. Aˇ saˬ saˬ ngeh nah, aˬ yawꞈ maꞈ-ahˇ ngaˇ bi gʼoꞈ dehꞈ laˇ ma.”