Yoˇhaˬ 12:19 - Akha

¹⁹ Kʼoeˇ ngeh, Paˬliˬsehˇ deuˬ tiˬ gʼaˬ tiˇ gʼaˬ ehˇ-eu, “Haw sheˇ. Aˬ dui maꞈ neh noeˬ taˬ-euˬ jeˬ maˬ paˇ mˇ pyeuꞈ nya ngaˇ. Miˇ tsaˬ zaˬ dawˬ tawˆ luꞈ aˬ yawꞈ-euˬ mehˬ nah caw teh-iˇ jiˇ-euˬ ngaˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoermirnae, Paqliqsaer deuq, aqyawf maf-euq yawkaq aer-eu, “Nawmaf tiqjeq-iq maq mrpyeufnya nga. Hawsher-eq. Mirtsaqzaq dawqtawvluf, aqyawf-euq maeqnan cantae jir-euq ngar-a.”

Yoˇhaˬ 12:19 Iomraidhean Croise

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Jaceuq 49:1

Tsawˇ haˬ dawˬ tawˆ luꞈ naˇ haˬ sheˇ. Miˇ tsaˬ zaˬ dawˬ tawˆ luꞈ naˬ bawˇ ciˬ kʼmˇ sheˇ.

Iˇsaˬyaˇ 27:6

Mehˬ hu paw le-eu aˇ yamˬ-ahˇ, Yaˬkoˆ-euˬ zaˬ Iˇsaˬleˬlaˆ tsawˇ haˬ deuˬ, duˬ ciˇ toeˬ ziꞈ leˇ-awˇ, aˇ cuˬ aˇ yehˆ yehˆ-eu laꞈ kʼoeˇ, miˇ tsaˬ kʼoeˇ taˆ aˇ siˬ siˬ byah tehꞈ-a.

Maꞈtehˬ 21:15

Yeˬsuˇ zahˬ leˇ paˬ-ehˇ gʼeh-eu jeˬ mˇ-awˇ, “Daˬbiˇ-euˬ Zaˬmaˇ-ahˇ ja ceuˬ-awˬ” lehˇ zaˬ deuˬ guˇ luꞈ gaˇ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ ya mawˇ ngeh, nui ma pehˇ laˇ-euˬ meh.

Yoˇhaˬ 12:18

Tsawˇ haˬ aˇ maꞈ kʼoeˇ maꞈ aˬ yawꞈ neh mˇ-euˬ zahˬ leˇ paˬ-ehˇ gʼeh-eu gaˇ kawˆ ya gaˬ taˬ-euˬ miˇ neh, aˬ yawꞈ-ahˇ ha laˬ le-euˬ jeˬ pyeuꞈ-eu meh.

Yoˇhaˬ 12:20

Baˬsaˬkaˬ Bawˬ-iˬ gʼeh ngeh, Yeˬluˇsaˬlehˬ meuˬ-ahˇ uˬ duˬ tahˬ leˇ-euˬ deuˬ laꞈ kʼoeˇ, Heˬlaˬsaˇ tsawˇ haˬ kʼawꞈ keuˬ-eu meh.

Yoˇhaˬ 17:21

Aˬ yawꞈ maꞈ dawˬ tawˆ luꞈ nui ma tiˬ siˬ tehꞈ-ehˇ taˬ nya laˇ ni ngaˇ guiˬ lahˬ shaˇ-eu ma. Aˬda-oˇ, ngaˬ-euˬ laꞈ kʼoeˇ nawˇ jawˇ-awˇ, nawˬ-euˬ laꞈ kʼoeˇ ngaˇ jawˇ-eu loꞈ-ehˇ, aˬ yawꞈ maꞈ aˇ nyaꞈ Da zaˬ-euˬ laꞈ kʼoeˇ jawˇ luꞈ-uˇ. Nawˬ neh ngaˬ-ahˇ kʼehˇ gʼeh leꞈ-euˬ meh lehˇ miˇ tsaˬ zaˬ deuˬ jah laˇ ni, aˬ yawꞈ maꞈ nui ma tiˬ siˬ tehꞈ-ehˇ taˬ luꞈ-uˇ.

Yoˇhaˬ 3:26

Kʼoeˇ miˇ neh, aˬ yawꞈ maꞈ Yoˇhaˬ jawˇ gaˇ le-awˇ ehˇ nehˬ-eu, “Saˬ laˬ-oˇ, Yawˇdaˬ lawˇ baˬ nahˇ ma doˆ kʼehˬ paw baˬ-ahˇ nawˬ nehˬ-ehˇ oe-awˇ, nawˇ aˬ yawꞈ gaˇ kawˆ saˇ kiˇ kamˬ-euˬ tsawˇ haˬ kʼoeˇ gʼaˬ nymˬ-mˇ iˇ cuꞈ shawˇ nehˬ luꞈ meh. Tsawˇ haˬ gʼawˬ mya ni aˬ yawꞈ jawˇ gaˇ iˇ luꞈ meh.”

Gʼaˬkʼehˇ 17:6

Ehˇ kʼawꞈ, aˬ yawꞈ nyaꞈ-ahˇ maˬ poˆ mawˇ nya-eu miˇ neh, Yaˬsoˬ hawˇ-eu jah-eu tsawˇ haˬ tiˬ paˆ na deuˬ-ahˇ, meuˬ-ahˇ uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh-awˇ, heu loꞈ-ehˇ ehˇ nehˬ leˇ-euˬ meh. “Miˇ tsaˬ tahˬ kʼawˇ poˆ laˆ paˇ laˇ paˬ-ehˇ laˆ suˬ saˬ-eu tsawˇ haˬ deuˬ meuˬ heu meuˬ-ahˇ oe keuˆ taˬ-euˬ meh.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.