Yoˇhaˬ 12:15 - Akha

¹⁵ “Ziˇoˬ meuˬ-oˇ taˬ guˆ. Nawˬ-euˬ dzoeˬ dzaˬ sahˬ paˬ, tahˬ laˆ dziˬ-awˇ oe luꞈ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ “Ziroq-euq zaqmiq-or! Taqguv. Hawsher-eq, nawq-euq Sanqpaq, manq tanqlavzaq dziq-awr oeluf-eu mae.” (Zkl 9:9)

Yoˇhaˬ 12:15 Iomraidhean Croise

2 Saˬmeuˬlaˆ 15:1

Kʼoeˇ naˇ, Aˬbaˇsaˬloˬ-aˬ, aˬ yawꞈ zmˬ-eu gʼaˇ duˬ mahˬ laˆ lawˬ tiˬ laˇ hawˇ-eu mahˬ deuˬ lehˬ hmˬ-awˇ, aˬ yawꞈ-euˬ mehˬ shi cah-awˇ aˬ yawꞈ-ahˇ bi loꞈ piˇ-eu tsawˇ haˬ ngaˬ tseˇ gʼaˬ lehˬ hmˬ taˬ-euˬ meh.

2 Saˬmeuˬlaˆ 16:2

“Nawˇ teu tawˬ-awˇ aˬ jeˬ gʼeh laˇ teˬ” lehˇ sahˬ paˬ naˇ haˬ ngeh, Ziˇbaˬ ehˇ-eu, “Mahˬ tahˬ laˆ heu deuˬ-aˬ, nawˬ-euˬ miˬ sawˇ zaˬ deuˬ bi dziˬ-eu gʼaˇ duˬ ma. Kaˬ muˇ hawˇ-eu aˇ siˬ aˇ lu heu deuˬ-aˬ, nawˬ-euˬ tsawˇ haˬ deuˬ bi dzaˬ-eu gʼaˇ duˬ pyeuꞈ-awˇ, aˬ gaꞈ dzaˇ uiˇ heu-aˬ, bawˇ tsahˬ bawˇ dahˇ laꞈ kʼoeˇ gaˇ ma cah doeˇ-euˬ tsawˇ haˬ deuˬ bi dawˇ-eu gʼaˇ duˬ ma.”

1 Sahˬpaˬ 1:33

Aˬ yawꞈ maꞈ-ahˇ sahˬ paˬ ehˇ nehˬ-eu, “Ngaˬ-euˬ saˇ naˇ gaˇ mˇ-eu yaw huiˬ yaw mahˇ deuˬ-ahˇ naw maꞈ sheuˬ-awˇ, ngaˬ li Sawˇlaˬmoˬ-ahˇ ngaˬ-euˬ mahˬ shaˆ lawˬ bi dziˬ-awˇ, Giˇhoˬ iˇ cuꞈ lawˇ gawˆ-ahˇ sheuˬ gʼeh-awˬ.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Miˇkaˬ 4:8

Kʼoeˇ naˇ, yawˇ bo-eu tsawˇ haˬ loꞈ-ehˇ aˬ yawꞈ-euˬ tsawˇ haˬ deuˬ-ahˇ Miˬyehˇ haw piˇ-euˬ jawˇ duˬ pyeuꞈ-eu Yeˬluˇsaˬlehˬ meuˬ-oˇ, nawˇ-aˬ, nawˬ-euˬ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ paˇ pyeuꞈ laˇ tehꞈ-a.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Maꞈtehˬ 21:5

“Haw yawˬ, nawˬ-euˬ sahˬ paˬ, nawˇ jawˇ gaˇ oe meh lehˇ, Ziˇoˬ-ahˇ ehˇ gaˬ-awˬ. Aˬ yawꞈ nui nahˬ nui yu ahˇ-awˇ, mahˬ tahˬ laˆ-ahˇ dziˬ-awˇ oe meh. Tahˬ laˆ mahˬ ma-euˬ zaˬ pyeuꞈ-eu, tahˬ laˆ zaˬ-ahˇ dziˬ leꞈ-euˬ meh.”

Yoˇhaˬ 12:14

Jaˇliꞈ laꞈ kʼoeˇ ehˇ taˬ-euˬ jaˆ-eu loꞈ-ehˇ, Yeˬsuˇ mahˬ tahˬ laˆ tiˬ mawˇ poˆ mawˇ-awˇ dziˬ-euˬ meh. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh.

Dawˬmehˬ 17:16

Sahˬ paˬ geuꞈ-eu gʼaˬ-aˬ, aˬ yawꞈ-euˬ guiˇ guiˇ maꞈ gʼaˇ duˬ mahˬ gʼawˬ mya ni maˬ ya cu-a. Iˇjiˇtuˆ miˇ kʼahˬ-ahˇ aˬ yawꞈ-euˬ tsawˇ haˬ pyehˬ gʼeh-awˇ mahˬ maˬ ya bi zeuˇ laˬ-iˇ-a. Aˬ jeˬ miˇ neh ehˇ naˇ, aˬ yawꞈ-euˬ tsawˇ haˬ deuˬ kʼoeˇ gaˇ tiˬ jawˇ-iˬ maˬ paˇ ya gʼoꞈ poˆ-iˇ meh lehˇ Sahˬpaˬ Miˬyehˇ neh ehˇ taˬ-euˬ jaˆ-eu meh.

Yaˇ kʼaˬ daˇ 12:14

Aˬ yawꞈ-euˬ aˬ li oeˬ tseˇ li jawˇ-awˇ, oeˬ paˬ smˬ tseˇ gʼaˬ jawˇ-eu meh. Aˬ li kʼoeˇ deuˬ hawˇ-eu oeˬ paˬ kʼoeˇ deuˬ, mahˬ tahˬ laˆ shiꞈ tseˇ mawˇ dziˬ-euˬ meh. Aˬbaˬdoˬ-aˬ, Iˇsaˬleˬlaˆ tsawˇ jeuˬ-ahˇ yehꞈ kʼoꞈ sheuˬ gʼeh-euˬ meh.

Yaˇ kʼaˬ daˇ 5:10

Pyuˇ deuˬ ni gʼeh-eu mahˬ tahˬ laˆ dziˬ-awˇ, dziˬ gʼa kʼoeˇ taˆ nuiˇ luꞈ-eu deuˬ maˬ ehˇ, kʼaˇ iˇ kʼaˇ laˇ gaˇ kuiˇ zoˬ cah-eu deuˬ maˬ ehˇ, gaˇ kawˆ heu shaˇ noeˬ haw sheˇ.