Yoˇhaˬ 11:53 - Akha

⁵³ Kʼoeˇ ngeh nah neh dahˬ beh-awˇ, Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ sehꞈ-eu gʼaˇ duˬ lehˬ hmˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵³ Khoerngae nan-anr nae nar-aq, aqyawfmaf, Yeqsur-anr saef ma laer bawqdzaq tsaev-euq mae.

Yoˇhaˬ 11:53 Iomraidhean Croise

Aˇ dahˬ 37:18

Gaˇ mahˇ kaˬ gaˇ aˬ yawꞈ oe luꞈ ngeh neh, aˬ yawꞈ-euˬ aˇ doˆ deuˬ aˬ yawꞈ-ahˇ mawˇ-awˇ, aˬ yawꞈ maˬ oe keuˆ mi naˆ-ehˇ, aˬ yawꞈ-ahˇ sehꞈ-eu lehˇ bawˬ dzaˬ taˬ-euˬ meh.

Neˬhaˬmiˇ 13:21

Aˬ yawꞈ maꞈ-ahˇ ngaˇ heu loꞈ-ehˇ ehˇ-awˇ yaw kʼaˆ-ehˇ mehˬ nehˬ-euˬ ma. “Naw maꞈ teu gaˇ uˬ bya loꞈ bya-eu tiˬ jeˬ-iˬ gaˇ dahˇ maˬ tsoeˬ-a. Yawˬ poˆ yawˬ toˆ-ehˇ paˇ jahˇ naˇ nyehꞈ ma” lehˇ ehˇ nehˬ-euˬ ma. Kʼoeˇ ngeh poˆ neh naˇ, Jawˇ nah-ahˇ aˬ yawꞈ maꞈ maˬ laˇ ni byehˇ-euˬ meh.

Neˬhaˬmiˇ 4:16

Kʼoeˇ ngeh neh naˇ, ngaˬ-euˬ tsawˇ haˬ tiˬ paˆ gaˇ mˇ-awˇ, tiˬ paˆ-aˬ, shmˇ pehˇ kʼahˬ dm-awˇ, gahˬ, dehˬ daˬ duˬ hawˇ-eu kaˆ baꞈ-awˇ bi loꞈ-euˬ ma. Aˬ yuiꞈ aˬ tsu deuˬ kʼawꞈ meuˬ lahˇ gawˬ ziꞈ-eu gaˇ mˇ luꞈ-eu Yuˇdaˆ tsawˇ haˬ deuˬ-ahˇ tiˬ byah tiˬ loꞈ caw ba nehˬ-euˬ meh. Meuˬ lahˇ gawˬ gaˇ mˇ myawˬ sha miˇ nehˬ-eu deuˬ kʼawꞈ, tiˬ paw laꞈ neh mˇ myawˬ sha-awˇ tiˬ paw laꞈ-ahˇ guiˇ deuˆ-eu keu ka tuˆ tehˬ taˬ-euˬ meh.

Jaceuq 113:2

Nymˬ-mˇ hawˇ-eu mˬ maˬ maˬ byaˆ zaˇ ziˇ, aˬ yawꞈ-euˬ tsawˇ myahˇ-ahˇ ja ceuˬ luꞈ-uˇ.

Jaceuq 2:2

SahˬpaˬMiˬyehˇ-ahˇ maˬ ehˇ, aˬyawꞈ tsiˇlehꞈ-awˇ tseˇdoˆ-euˬ dzoeˬdzaˬ sahˬpaˬ-ahˇmaˬehˇ, Miˇkʼahˬsahˬpaˬdeuˬciˬdaˬ-awˇ, miˇkʼahˬsahˬma deuˬpuiˬ-eu meh.

Jaceuq 31:13

Muiˇ-eu deuˬdawˬsaˆsaˆkʼoeˬ-eu, ngaˬ-euˬnaˬbawˇ-ahˇgaˬle-awˇ, guˆ-eu jeˬtiˬjawˬ oe miˇ-a. Aˬyawꞈmaꞈtiˬgaˇuiˬleˇ-awˇ, ngaˬ-ahˇsehꞈ-eu bawˬkʼoeˬluꞈmeh.

Jaceuq 71:10

Muiˇ-eu deuˬ ngaˬ-ahˇ sehꞈ mawꞈ-eu laꞈ kʼoeˇ, mehˬ bawˬ mˇ kʼoeˬ luꞈ meh.

Yeˬlaˬmiˇ 38:15

“Kʼaˇ ngeuˇ-eu loꞈ-ehˇ dawˇ coe ni ngaˇ ehˇ naˇ, nawˇ ngaˬ-ahˇ sehꞈ laˇ gaˇ guˆ nya. Ja noeˬ ja duˇ nehˬ naˇ kʼawꞈ, nawˇ maˬ naˇ haˬ geuꞈ gaˇ yahˇ nya” lehˇ ngaˇ ehˇ kʼoꞈ nehˬ-euˬ ma.

Yeˬlaˬmiˇ 38:4

Kʼoeˇ naˇ, yaw huiˬ yaw mahˇ kʼoeˇ deuˬ sahˬ paˬ-ahˇ heu loꞈ-ehˇ ehˇ nehˬ leˇ-euˬ meh. “Tsawˇ haˬ heu gʼaˬ-ahˇ maˬ sehꞈ-ehˇ maˬ gʼeh nya luꞈ-a. Aˬ yawꞈ kʼoeˇ loꞈ-ehˇ ja ja-ehˇ cah-eu laꞈ kʼoeˇ, meuˬ laꞈ kʼoeˇ jawˇ-eu yehˇ deuˬ nui ma baˬ-iˇ ni jahˇ luꞈ-eu meh. Meuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ dzawˇ nehˬ-euˬ meh. Aˬ yawꞈ-aˬ, miˇ kʼahˬ zaˬ deuˬ gʼaˇ duˬ yaw muiˬ jeˬ mˇ-eu maˬ ngeuˇ nga. Yaw cawˆ jeˬ mˇ-eu nga.”

Maꞈtehˬ 12:14

Kʼoeˇ ngeh, Paˬliˬsehˇ deuˬ doˆ-iˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ kʼoeˬ-euˬ meh.

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 22:46

Kʼoeˇ ngeh, tsawˇ haˬ tiˬ gʼaˬ-iˬ Yeˬsuˇ-ahˇ dawˬ maˬ ngehˬ kʼoꞈ nya ni tsoˆ leˇ jiˇ-euˬ meh. Kʼoeˇ ngeh nah neh naˇ, tsawˇ haˬ tiˬ gʼaˬ-iˬ aˬ yawꞈ-ahˇ dawˬ tiˬ dawˬ-iˬ maˬ paˇ naˇ haˬ leˇ peuˬ ni pyeuꞈ-iˇ-euˬ meh.

Maꞈtehˬ 26:4

Yeˬsuˇ-ahˇ ciˬ cuˇ ni paꞈ-awˇ sehꞈ-eu gʼaˇ duˬ, aˬ yawꞈ maꞈ bawˬ kʼoeˬ-euˬ meh.

Maꞈtehˬ 26:59

Piˇ ma aˬ yuiꞈ deuˬ hawˇ-eu, Baꞈ dzah aˇ muˇ muˇ lah-ehˇ, Yeˬsuˇ-ahˇ yaw lehˬ poˆ doˆ-awˇ sehꞈ-eu lehˇ leh jeh-eu meh.

Maˬkuˆ 14:1

Baˬ saˬ kaˬ Bawˬ-iˬ hawˇ-eu Dehˬ tseˬ maˬ dawˆ-euˬ Kaˬ muˇ dzaˬ-eu Bawˬ-iˬ gʼeh-eu aˇ yamˬ keuˆ le-eu nyiˬ nah dzeˇ-eu tehꞈ meh. Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Yeˬsuˇ-ahˇ ciˬ cuˇ ni nyehꞈ kʼoeˬ-awˇ sehꞈ-eu gʼaˇ duˬ nawˬ jawˬ luꞈ-eu meh.

Maˬkuˆ 3:6

Kʼoeˇ ngeh, Paˬliˬsehˇ deuˬ uˬ duˬ tahˬ nymˇ laꞈ kʼoeˇ neh doˆ-iˇ-awˇ, Heˬloˆ aˇ muˇ laꞈ kʼoeˇ uˇ-eu tsawˇ haˬ deuˬ nehˬ-ehˇ tahˬ dzoeˇ-awˇ, Yeˬsuˇ-ahˇ sehꞈ-eu gʼaˇ duˬ bawˬ dzaˬ-euˬ meh.

Yoˇhaˬ 11:47

Kʼoeˇ ngeh, Paˬliˬsehˇ deuˬ hawˇ-eu piˇ ma aˬ yuiꞈ deuˬ Baꞈdzah aˇ muˇ-ahˇ tahˬ puˬ-awˇ, heu loꞈ-ehˇ ehˇ-eu meh. “Aˬ dui aˬ joˆ-ehˇ jahˇ nmˇ. Tsawˇ haˬ kʼoeˇ gʼaˬ zahˬ leˇ paˬ-ehˇ gʼeh-eu gʼawˬ mya jeˬ mˇ luꞈ meh.

Yoˇhaˬ 12:10

Kʼoeˇ miˇ neh, piˇ ma aˬ yuiꞈ deuˬ Laˬzaˬluˇ-ahˇ gʼeh sehꞈ-eu lehˇ lehˬ hmˬ-euˬ meh.

Yoˇhaˬ 7:1

Kʼoeˇ naˇ, Gaˬliˬlehˇ miˇ kʼahˬ-ahˇ Yeˬsuˇ cah-euˬ meh. Yuˇdaˆ miˇ kʼahˬ-ahˇ aˬ yawꞈ maˬ cah mawꞈ-a. Aˬ jeˬ miˇ neh ehˇ naˇ, Yuˇdaˆ tsawˇ haˬ aˬ yuiꞈ aˬ tsu deuˬ aˬ yawꞈ-ahˇ sehꞈ mawꞈ-eu meh.

Gʼaˬkʼehˇ 5:33

Baꞈ dzah-ahˇ uˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, nui ma pehˇ dui dui laˇ-awˇ, gʼaˬ kʼehˇ deuˬ-ahˇ sehꞈ mawꞈ-eu meh.

Gʼaˬkʼehˇ 9:23

Gʼawˬ mya nah byah laˇ-awˇ, Sawˇluˆ-ahˇ sehꞈ-eu gʼaˇ duˬ Yuˇdaˆ tsawˇ haˬ deuˬ bawˬ kʼoeˬ-euˬ meh.