Yoˇhaˬ 11:5 - Akha

⁵ Maˬliˇ, Maˬta, Laˬzaˬluˇ aˬ ha mehˇ nmˇ-ahˇ Yeˬsuˇ gʼoeˇ dui dui-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Yeqsur-aq, dzeurlaf ngae nae, Maqta aqnyafnmr hawr-eu Laqzaqlur-anr gaq-eu mae.

Yoˇhaˬ 11:5 Iomraidhean Croise

Luˇkaꞈ 10:38

Yeˬsuˇ hawˇ-eu aˬ yawꞈ-euˬ zaˬ lahˇ deuˬ mehˬ hu paw le luꞈ ngeh, pu tiˬ pu-ahˇ uˇ leˇ-awˇ, Maˬta lehˇ myahˇ-euˬ zaˬ miˬ zaˬ tiˬ gʼaˬ Yeˬsuˇ-ahˇ aˬ yawꞈ-euˬ nymˇ laꞈ kʼoeˇ ha ahˇ-euˬ meh.

Luˇkaꞈ 10:40

Ehˇ kʼawꞈ, Maˬta-aˬ, dzaˬ dzaˬ dawˇ dawˇ laˆ saˆ-eu tehˬ gʼa luꞈ-eu baˬ da neh, nui ma maˬ saˇ-ehˇ, Yeˬsuˇ jawˇ gaˇ iˇ-awˇ ehˇ-eu, “Sahˬpaˬ-oˇ, ngaˬ-euˬ aˬ nyiˇ teu gʼaˬ ngaˬ-ahˇ tehꞈ-ehˇ byehˇ dzeh-awˇ dzaˬ dzaˬ dawˇ dawˇ bi laˆ saˆ laꞈ-euˬ gaˇ nawˇ tiˬ jeˬ-iˬ maˬ ehˇ te loˇ. Ngaˬ-ahˇ caw mˇ nehˬ le-awˬ lehˇ tiˬ poˆ ehˇ nehˬ-iˬ sheˇ.”

Luˇkaꞈ 10:41

Ehˇ kʼawꞈ, Yeˬsuˇ ehˇ-eu, “Maˬta-oˇ, Maˬta-oˇ. Nawˇ-aˬ, gʼawˬ mya jeˬ tehˬ gʼa-awˇ kʼahˬ lahˇ luꞈ-eu nga.

Yoˇhaˬ 11:1

Beˬtaˬniˇ meuˬ-ahˇ jawˇ-eu Laˬzaˬluˇ lehˇ myahˇ-euˬ tsawˇ haˬ tiˬ gʼaˬ naˇ luꞈ-eu meh. Beˬtaˬniˇ meuˬ-aˬ, Maˬliˇ hawˇ-eu Maˬta aˬ nyaꞈ nmˇ jawˇ-eu meuˬ kʼoeˇ meuˬ meh.

Yoˇhaˬ 11:3

“Sahˬpaˬ-oˇ, nawˇ gʼoeˇ dui dui-eu gʼaˬ naˇ luꞈ meh” lehˇ, Maˬliˇ hawˇ-eu Maˬta aˬ nyaꞈ nmˇ neh Yeˬsuˇ jawˇ gaˇ bi tsaꞈ gaˬ leˇ-euˬ meh.

Yoˇhaˬ 11:36

Kʼoeˇ ngeh, “Aˬ yawꞈ Laˬzaˬluˇ-ahˇ aˇ naˆ ni gaˬ gaˇ haw sheˇ” lehˇ, tsawˇ haˬ kʼoeˇ deuˬ ehˇ-eu meh.

Yoˇhaˬ 11:6

Ehˇ kʼawꞈ, Laˬzaˬluˇ naˇ luꞈ-eu gaˇ kawˆ aˬ yawꞈ ya gaˬ gʼaˬ-euˬ kʼawꞈ, yaw kawˇ-ehˇ maˬ iˇ ni aˬ yawꞈ jawˇ luꞈ-eu jawˇ duˬ-ahˇ nyiˬ nah jawˇ-euˬ meh.

Yoˇhaˬ 11:8

Zaˬ lahˇ deuˬ ehˇ-eu, “Saˬ laˬ-oˇ, miˇ nah huˬ nah hawˇ-eu kʼoeˇ gaˇ jawˇ-eu tsawˇ haˬ deuˬ nawˬ-ahˇ kʼaˬ lo biˬ-eu lehˇ gʼeh-eu maˬ ngeuˇ-a loˇ. Nawˇ kʼoeˇ gaˇ paˇ gʼoꞈ-iˇ-eu gʼeh te loˇ.”

Yoˇhaˬ 16:27

Naw maꞈ ngaˬ-ahˇ gaˬ-awˇ, Miˬyehˇ jawˇ gaˇ neh oe-euˬ meh lehˇ jah-eu miˇ neh, Aˬda naw maꞈ-ahˇ gaˬ-eu meh.

Yoˇhaˬ 17:26

Nawˬ neh ngaˬ-ahˇ gaˬ-euˬ gʼoeˇ-eu gaˬ-eu kʼoeˇ hmˬ aˬ yawꞈ maꞈ-euˬ laꞈ kʼoeˇ ahˇ-awˇ, ngaˇ aˬ yawꞈ maꞈ-euˬ laꞈ kʼoeˇ jawˇ nya-eu gʼaˇ duˬ, aˬ yawꞈ maꞈ nawˬ-ahˇ siˬ nya laˇ ni ngaˇ mˇ-euˬ loꞈ-ehˇ, mehˬ hu paw paˇ mˇ daˆ leꞈ ma.”