Yoˇhaˬ 11:44 - Akha

⁴⁴ Kʼoeˇ ngeh, Laˬzaˬluˇ doˆ le-euˬ meh. Aˬ kuiˇ aˬ laꞈ-ahˇ mawˇ tawˆ tawˆ taˬ-awˇ, myaˆ pyawˬ-ahˇ paˇ jeh lahˇ cuꞈ taˬ-euˬ meh. “Aˬ yawꞈ-ahˇ mawˇ tawˆ puiˇ dzeh nehˬ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Khoerngae, shirtaq-euq khoerghaq aqkuir aqlaf-anr mawrtawv tawvtaq-awr, myavpyawq-anr saqpar lanrcuf taq-awr nae dovle-euq mae. Yeqsur, aqyawf maf-anr aernaeq-eu, “Aqyawf-anr puirnaeq-awr bican-awq.”

Yoˇhaˬ 11:44 Iomraidhean Croise

Aˇ dahˬ 1:3

Kʼoeˇ naˇ, Miˬyehˇ dawˬ biꞈ-awˇ, “Yaw shehꞈ jaˆ le-awˬ” lehˇ ehˇ ngeh, yaw shehꞈ jaˆ le-euˬ meh.

Jaceuq 33:9

Yawꞈneh kʼaˇehˇkʼaˇpyeuꞈpyeuꞈ-awˇ, dawˬkʼaˇbiꞈ-euˬkeuˆle-eu meh.

Hawˇseˬ 13:14

Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ ka kʼoꞈ. Shiˇ-eu baoˬ-euˬ uˬ moˆ shaˬ gaˇ, aˬ yawꞈ maꞈ-ahˇ ngaˇ maˬ ka kʼoꞈ, Shiˇ-eu jeˬ-oˇ nawˬ-euˬ shaˆ shiˇ, yawꞈ maꞈ kʼoeˇ taˆ bi keuˆ le-awˬ. Shiˇ-eu miˇ kʼahˬ-euˬ yaw cawˆ jeˬ, aˬ yawꞈ maꞈ-ahˇ tahˬ daˆ nehˬ-awˬ. Tsawˇ haˬ heu deuˬ-euˬ kʼoeˇ taˆ ngaˇ, gʼawˬ shaˬ gaˬ-eu maˬ paˇ ahˇ ma.

Maˬkuˆ 5:43

Gaˇ kawˆ kʼoeˇ aˬ cawˬ maˬ bi siˬ ni yahˇ-eu gʼaˇ duˬ, aˬ yawꞈ maꞈ-ahˇ Yeˬsuˇ yaw kʼaˆ kʼaˆ-ehˇ ehˇ nehˬ-euˬ meh. Kʼoeˇ naˇ, “Aˬ buˇ-ahˇ tiˬ jeˬ paˬ bi dzaˬ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Luˇkaꞈ 19:20

Tiˬ gʼaˬ paˇ laˇ-awˇ ehˇ-eu, ‘Sahˬ paˬ-oˇ, nawˬ-euˬ shuiˇ maˇ byaˆ hehˬ. Nawˬ-euˬ shuiˇ maˇ byaˆ-ahˇ paˇ jeh neh toeˆ cuꞈ-awˇ bi jaˆ-euˬ ma.

Luˇkaꞈ 7:15

Kʼoeˇ ngeh, shiˇ-euˬ tsawˇ haˬ kʼoeˇ gʼaˬ tuˇ nuiˇ laˇ-awˇ, dawˬ ngehˬ ngehˬ-euˬ meh. Kʼoeˇ naˇ, aˬ ma gʼaˬ-ahˇ, “Nawˬ li sheuˬ kʼoꞈ-awˬ” lehˇ Yeˬsuˇ ehˇ-awˇ a kʼoꞈ nehˬ-euˬ meh.

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Yoˇhaˬ 11:39

“Kʼaˬ lo ngawˬ dzeh-awˬ” lehˇ, Yeˬsuˇ dawˬ biꞈ-euˬ meh. Shiˇ-euˬ gʼaˬ-euˬ dmˇ ma pyeuꞈ-eu Maˬta ehˇ-eu, “Sahˬpaˬ-oˇ, yaw buꞈ behꞈ laꞈ-iˇ-euˬ tehꞈ-a. Aˬ yawꞈ-ahˇ baꞈ pahˬ-euˬ oeˬ nah byah laˬ-euˬ meh.”

Yoˇhaˬ 11:43

Aˬ yawꞈ kʼoeˇ loꞈ-ehˇ ehˇ gʼaˬ ngeh, “Laˬzaˬluˇ-oˇ, doˆ le-awˬ” lehˇ yaw kʼaˆ-ehˇ guˇ-euˬ meh.

Yoˇhaˬ 19:40

Aˬ yawꞈ nyaꞈ Yeˬsuˇ-euˬ gʼawˇ mawˇ baꞈ-awˇ, tsiˇ yaw saw jeˬ kʼoeˇ byaˆ shehˬ byaˆ shehˬ-ehˇ, Yuˇdaˆ tsawˇ haˬ mawˇ tawˆ tawˆ-eu zahˇ sahˇ kʼoꞈ jaˆ-eu loꞈ-ehˇ, shawˇ jehˆ ni gʼeh-eu saˬ paˇ neh mawˇ tawˆ tawˆ-euˬ meh.

Yoˇhaˬ 20:5

Aˬ yawꞈ awˆ kʼoꞈ-awˇ haw ngeh, mawˇ tawˆ saˬ paˇ jaˆ gaˇ ya mawˇ-euˬ meh. Ehˇ kʼawꞈ, aˬ yawꞈ lmˬ bymˇ lo kʼahˬ laꞈ kʼoeˇ maˬ uˇ-iˇ haw ni jawˇ-euˬ meh.

Yoˇhaˬ 20:7

Yeˬsuˇ-euˬ uˬ duˬ-ahˇ lahˇ nehˬ-euˬ paˇ jeh kʼoeˇ kahˇ kʼawꞈ, kʼoeˇ gaˇ ga-eu meh. Paˇ jeh kʼoeˇ-aˬ, mawˇ tawˆ saˬ paˇ nehˬ-ehˇ tiˬ kawˆ loꞈ-ehˇ maˬ ga ni, yawˬ gaˇ yawˬ yaw yoˆ yoˆ-ehˇ jaˆ-eu meh.

Yoˇhaˬ 5:21

Aˬda-aˬ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-awˇ, dehꞈ-eu jeˬ biꞈ-eu loꞈ-ehˇ, Zaˬmaˇ kʼawꞈ, aˬ yawꞈ biꞈ mawꞈ-eu tsawˇ haˬ-ahˇ dehꞈ-eu jeˬ biꞈ-eu meh.

Yoˇhaˬ 5:25

Shiˇ taˬ-euˬ loꞈ-ehˇ duˇ-eu tsawˇ haˬ deuˬ, Miˬyehˇ Zaˬmaˇ-euˬ dawˬ ya gaˬ-eu aˇ nah keuˆ le luꞈ-awˇ, aˇ nah kʼoeˇ nah heu gaˇ keuˆ le taˬ-euˬ meh. Aˬ yawꞈ-euˬ dawˬ-ahˇ naˇ haˬ geuꞈ-eu tsawˇ haˬ deuˬ yaw dehꞈ ya dehꞈ tehꞈ-a.

Piˇliˇpiˆ 3:21

Kʼaˇ jawˇ kʼaˇ jaˆ-eu jeˬ dawˬ tawˆ luꞈ, aˬ yawꞈ uˆ lahˇ-eu uˬ moˆ bi jawˇ ni jahˇ nya-eu aˬ yawꞈ-euˬ baoˬ kʼoeˇ-ahˇ gʼoe-awˇ, buꞈ-iˇ cehˇ-iˇ nya-eu aˬ dui-euˬ gʼawˇ mawˇ heu-ahˇ, yaw shehꞈ kʼahˬ sehˇ byah-eu aˬ yawꞈ-euˬ gʼawˇ mawˇ-ahˇ duˇ leˇ ni beˬ paˇ nehˬ laꞈ tehꞈ-a.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

1 Saˬmeuˬlaˆ 2:6

Sahˬpaˬ Miˬyehˇ, toeˬ dehꞈ toeˬ shiˇ, shiˇ-eu miˇ kʼahˬ-ahˇ bi keuˆ-awˇ, paˇ sheuˬ kʼoꞈ doˆ nehˬ laꞈ-eu meh.