Yoˇhaˬ 11:43 - Akha

⁴³ Aˬ yawꞈ kʼoeˇ loꞈ-ehˇ ehˇ gʼaˬ ngeh, “Laˬzaˬluˇ-oˇ, doˆ le-awˬ” lehˇ yaw kʼaˆ-ehˇ guˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Khoerlof-aer aerghaq-euq nar-aq, aqyawf tersar yawkhav-aer gur-eu, “Laqzaqlur-or! Dovle-awq.”

Yoˇhaˬ 11:43 Iomraidhean Croise

Maˬkuˆ 4:41

Ehˇ kʼawꞈ, aˬ yawꞈ maꞈ guˆ dui dui-iˇ-awˇ tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ joˆ-ehˇ gʼeh-eu tsawˇ haˬ nga. Jaˬ lehˇ hawˇ-eu iˇ luˆ-ahˇ keuˆ ni aˬ yawꞈ-euˬ dawˬ naˇ haˬ-eu nga laˬ.”

Yoˇhaˬ 11:42

Nawˇ ngaˬ-euˬ shaˇ dawˬ-ahˇ aˬ myah luꞈ naˇ haˬ nehˬ laꞈ meh lehˇ ngaˇ siˬ nya ma. Ehˇ kʼawꞈ, ngaˇ shaˇ-eu heu-aˬ, heu gaˇ jawˇ-eu tsawˇ haˬ deuˬ gʼaˇ duˬ ma. Ngaˬ-ahˇ nawˬ neh kʼehˇ gʼeh leꞈ-euˬ meh lehˇ aˬ yawꞈ maꞈ jah laˇ ni shaˇ-eu ma.”

Yoˇhaˬ 11:44

Kʼoeˇ ngeh, Laˬzaˬluˇ doˆ le-euˬ meh. Aˬ kuiˇ aˬ laꞈ-ahˇ mawˇ tawˆ tawˆ taˬ-awˇ, myaˆ pyawˬ-ahˇ paˇ jeh lahˇ cuꞈ taˬ-euˬ meh. “Aˬ yawꞈ-ahˇ mawˇ tawˆ puiˇ dzeh nehˬ-awˬ” lehˇ, aˬ yawꞈ maꞈ-ahˇ Yeˬsuˇ ehˇ nehˬ-euˬ meh.

Yoˇhaˬ 12:1

Baˬsaˬkaˬ Bawˬ-iˬ gʼeh-eu mehˬ hu koꞈ nah huˬ-ehˇ, aˬ yawꞈ neh bi gʼoꞈ dehꞈ laˇ-euˬ Laˬzaˬluˇ kʼoeˇ gʼaˬ jawˇ-eu Beˬtaˬniˇ meuˬ-ahˇ Yeˬsuˇ iˇ-euˬ meh.

Yoˇhaˬ 12:9

Yeˬsuˇ Beˬtaˬniˇ meuˬ-ahˇ jawˇ-eu gaˇ kawˆ tsawˇ haˬ gʼawˬ mya ni ya gaˬ-awˇ, kʼoeˇ gaˇ iˇ-euˬ meh. Yeˬsuˇ kʼoeˇ gaˇ jawˇ-eu baˬ da neh tehꞈ-ehˇ maˬ ngeuˇ ni, Yeˬsuˇ neh bi gʼoꞈ dehꞈ laˇ-euˬ Laˬzaˬluˇ kʼoeˇ gʼaˬ-ahˇ haw mawˇ mawꞈ-eu miˇ neh kʼawꞈ, tsawˇ haˬ iˇ myaˬ-euˬ jeˬ pyeuꞈ-eu meh.

Gʼaˬkʼehˇ 3:12

Cehˆ gʼeh laꞈ-euˬ tsawˇ haˬ kʼoeˇ deuˬ-ahˇ Beˬtuˆluˆ mawˇ ngeh, heu loꞈ-ehˇ ehˇ nehˬ-euˬ meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, aˬ jeˬ miˇ neh gaˇ kawˆ heu-ahˇ zahˬ leˇ-awˇ nga nyaꞈ-ahˇ haw te. Nga nyaꞈ-euˬ baoˬ hawˇ-eu nga nyaꞈ muiˬ-eu shawˇ-eu baˬ da neh tsawˇ haˬ heu gʼaˬ gaˇ ma cah nya laˇ ni jahˇ nehˬ nya-eu ngaˇ lehˇ naw maꞈ noeˬ te loˇ.

Gʼaˬkʼehˇ 3:6

Ehˇ kʼawꞈ, Beˬtuˆluˆ ehˇ-eu, “Ngaˇ pyuˇ maˬ ahˇ. Ehˇ kʼawꞈ, ngaˇ ahˇ-eu jeˬ nawˬ-ahˇ biꞈ ma. Naˬzaˬlehˇ tsawˇ haˬ Yeˬsuˇ Ka li-euˬ tsawˇ myahˇ uˬ moˆ tuˇ-awˇ gaˇ ma cah gʼeh-awˬ lehˇ, ngaˇ nawˬ-ahˇ dawˬ biꞈ-eu ma.”

Gʼaˬkʼehˇ 9:34

Beˬtuˆluˆ aꞈ yawꞈ-ahˇ ehˇ nehˬ-eu, “Ehˇneˬ-oˇ, Yeˬsuˇ Ka li nawˬ-ahˇ bi muiˬ laˇ-euˬ meh. Tuˇ-awˇ nawˬ-euˬ yuꞈ zaˇ laˆ luiˆ-awˬ.” Kʼoeˇ ngeh, Ehˇneˬ ja pyuˬ ni tuˇ laˇ-euˬ meh.

Gʼaˬkʼehˇ 9:40

Beˬtuˆluˆ-aˬ, aˬ yawꞈ maꞈ dawˬ tawˆ luꞈ-ahˇ laꞈ nyiˇ bi doˆ-iˇ jiˇ-awˇ, pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ meh. Kʼoeˇ naˇ, shiˇ taˬ-euˬ gʼawˇ mawˇ jaˆ gaˇ ciˬ pyawˇ-awˇ, “Daˬbiˇtaˆ-oˇ, tuˇ-awˬ”lehˇ ehˇ nehˬ-euˬ meh. Aˬ yawꞈ myaˆ nuiˆ byeh haw laˇ-awˇ, Beˬtuˆluˆ-ahˇ mawˇ ngeh, tuˇ-awˇ nuiˇ-euˬ meh.