Yoˇhaˬ 11:11 - Akha

¹¹ Yeˬsuˇ kʼoeˇ loꞈ-ehˇ ehˇ gʼaˬ miˇ tsa tiˬ poˆ paˇ ehˇ-eu, “Aˬ dui-euˬ cawˬ Laˬzaˬluˇ yuꞈ kʼaˆ taˬ-euˬ meh. Ngaˇ iˇ-awˇ laˆ noeˬ nehˬ-iˇ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yeqsur khoerlof-aer aerghaq-awr, aqyawf, aqyawf maf-anr par aernaeq-eu, “Aqdui-euq cawq, Laqzaqlur-aq, yufkhav luf-eu mae. Aerkhawf, ngar le-awr aqyawf-anr kurnoeqler la.”

Yoˇhaˬ 11:11 Iomraidhean Croise

2 Sahˬpaˬ 4:31

Geˬhaˬziˇ gʼaˬ jeˬ huˬ iˇ huˬ-awˇ, aˬ li kʼoeˇ li kʼoeˇ taˆ gawˬ yoeˬ cawˬ ja-euˬ meh. Ehˇ kʼawꞈ, teˇ saˇ tiˬ jeˬ-iˬ maˬ gaˬ laˇ-ehˇ, aˬ li kʼoeˇ li maˬ dehꞈ laˇ-a. Kʼoeˇ naˇ, Eˇliˇshehˇ jawˇ gaˇ aˬ yawꞈ paˇ gʼoꞈ leˇ-awˇ, “Aˬ li kʼoeˇ li maˬ noeˬ laˇ nga” lehˇ ehˇ nehˬ-euˬ meh.

2 Laˬsaˬbaˬ 20:7

Nawˇ-aˬ, nga maꞈ-euˬ Miˬyehˇ ma. Nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ miˇ kʼahˬ heu kʼahˬ-ahˇ uˇ laˇ ngeh, heu gaˇ jawˇ luꞈ-eu tsawˇ haˬ deuˬ-ahˇ nawˇ teh dzeh-awˇ, nawˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ pyeuꞈ-eu aˬ yawꞈ maꞈ-ahˇ miˇ kʼahˬ heu kʼahˬ nawˇ biꞈ tsehˆ nehˬ-euˬ meh.

Doˆ-iˇ 33:11

Cawˬ nyiˬ gʼaˬ dawˬ ja ja cawˬ-eu loꞈ-ehˇ, Moˇseˬ-ahˇ Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-eu meh. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ, Moˇseˬ gʼoꞈ-iˇ-eu meh.

Iˇsaˬyaˇ 41:8

“Ehˇ kʼawꞈ, ngaˬ-euˬ zaˬ kʼaˆ Iˇsaˬleˬlaˆ-oˇ, nawˇ ngaˬ neh tseˇ doˆ-eu tsawˇ jeuˬ pyeuꞈ-awˇ, ngaˬ-euˬ cawˬ Aˬbyaˬhaˬ-euˬ zaˬ deuˬ uˆ deuˬ meh.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Maꞈtehˬ 27:52

Lmˬ bymˇ deuˬ pah laˇ-awˇ, shiˇ dzeuˇ-euˬ Miˬyehˇ-euˬ tsawˇ haˬ gʼawˬ mya gʼaˬ paˇ gʼoꞈ dehꞈ laˇ-euˬ meh.

Maꞈtehˬ 9:24

“Yawˬ gʼaˬ na luꞈ doˆ-iˇ jiˇ-awˬ. Aˬ buˇ heu gʼaˬ shiˇ-euˬ maˬ ngeuˇ-a. Yuꞈ kʼaˆ luꞈ-eu tehꞈ meh” lehˇ Yeˬsuˇ ehˇ ngeh, aˬ yawꞈ maꞈ dawˬ tawˆ luꞈ aˬ yawꞈ-ahˇ uiˇ-eu meh.

Maˬkuˆ 5:39

Yeˬsuˇ laꞈ kʼoeˇ uˇ leˇ-awˇ aˬ yawꞈ maꞈ-ahˇ ehˇ nehˬ-eu, “Naw maꞈ aˬ jeˬ miˇ neh ngoeˇ ngoeˇ-ehˇ bahˬ gʼaˬ luꞈ te. Zaˬ heu gʼaˬ shiˇ-euˬ maˬ ngeuˇ-a. Yuꞈ kʼaˆ taˬ-euˬ meh.”

Yoˇhaˬ 11:10

Ehˇ kʼawꞈ, uˬ ciꞈ paw cah naˇ, aˬ yawꞈ laꞈ kʼoeˇ yaw shehꞈ maˬ ahˇ-eu miˇ neh pehˆ toˆ tehꞈ-a.”

Yoˇhaˬ 11:12

Zaˬ lahˇ deuˬ ehˇ-eu, “Sahˬpaˬ-oˇ, aˬ yawꞈ yuꞈ kʼaˆ-euˬ tehꞈ ngeuˇ naˇ, maˬ gaˇ laˇ tehꞈ-a.”

Yoˇhaˬ 11:13

Yeˬsuˇ ehˇ mawꞈ-eu-aˬ, Laˬzaˬluˇ shiˇ-euˬ meh lehˇ ehˇ mawꞈ-eu meh. Ehˇ kʼawꞈ, zaˬ lahˇ deuˬ-aˬ, aˬ yawꞈ maˇ maˇ ni yuꞈ kʼaˆ taˬ-eu meh lehˇ gʼoˆ shaw-euˬ meh.

Yoˇhaˬ 11:3

“Sahˬpaˬ-oˇ, nawˇ gʼoeˇ dui dui-eu gʼaˬ naˇ luꞈ meh” lehˇ, Maˬliˇ hawˇ-eu Maˬta aˬ nyaꞈ nmˇ neh Yeˬsuˇ jawˇ gaˇ bi tsaꞈ gaˬ leˇ-euˬ meh.

Yoˇhaˬ 3:29

Smˇ miˇ iˇ-eu zaˬ miˬ-aˬ, miˬ zaˬ laˬ-eu zaˬ yo-ahˇ oꞈ-eu meh. Miˬ zaˬ sheuˬ-eu gʼaˬ-euˬ dawˬ peh yawꞈ caw nehˬ-awˇ naˇ haˬ luꞈ-eu aˬ yawꞈ-euˬ cawˬ kʼoeˇ gʼaˬ-aˬ, miˬ zaˬ sheuˬ-eu gʼaˬ-euˬ dawˬ-ahˇ ya gaˬ ngeh, laˬ kʼaˬ cehˇ-eu meh. Kʼoeˇ gaˇ duˇ ni, nymˬ-mˇ ngaˇ laˬ kʼaˬ cehˇ-eu jeˬ byah miˇ-a.

Gʼaˬkʼehˇ 7:60

Aˬ yawꞈ pawˬ tsuiꞈ pawˬ dmˬ ga dmˬ-awˇ, “Sahˬpaˬ-oˇ, aˬ yawꞈ maꞈ neh mˇ-euˬ yaw lehˬ heu, aˬ yawꞈ maꞈ-ahˇ iˬ baˇ taˬ taˬ nehˬ.” lehˇ ehˇ-eu meh. Aˬ yawꞈ kʼoeˇ loꞈ-ehˇ ehˇ gʼaˬ-awˇ shiˇ tsehˆ-euˬ meh.

1 Gawˇliˬtu 15:18

Ka li-ahˇ jah-eu shiˇ dzeuˇ-euˬ tsawˇ haˬ deuˬ kʼawꞈ, piˬ-iˇ byoˆ-iˇ jiˇ-euˬ tehꞈ-a.

1 Gawˇliˬtu 15:34

Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

1 Gawˇliˬtu 15:51

Naˇ haˬ-awˬ. Zaꞈ taˬ-euˬ yaw tsaˬ yaw dawˇ jeˬ ngaˇ naw maꞈ-ahˇ ehˇ nehˬ nyaˇ. Aˬ dui dawˬ tawˆ luꞈ ya shiˇ jiˇ-eu maˬ ngeuˇ-aˇ. Ehˇ kʼawꞈ, aˬ dui dawˬ tawˆ luꞈ-ahˇ yaw shuiꞈ bi paˇ laˇ jiˇ tehꞈ-a.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

1 Teˇsaˬloˇni 5:10

Aˬ yawꞈ zaꞈ leh ngeh, aˬ dui dehꞈ-eu maˬ kaˬ, shiˇ-euˬ maˬ kaˬ, aˬ yawꞈ nehˬ-ehˇ tiˬ kawˆ loꞈ-ehˇ ya jawˇ ni aˬ dui gʼaˇ duˬ aˬ yawꞈ shiˇ dah-euˬ meh.

Yaˬkoˆ 2:23

Kʼoeˇ ngeh jawˇ, “Aˬbyaˬhaˬ Miˬyehˇ-ahˇ jah-awˇ, aˬ yawꞈ-euˬ jah-eu jeˬ baˬ da neh, Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh” lehˇ ehˇ-eu Jaˇ liꞈ dawˬ kawˬ kʼoeˇ byah laˇ-euˬ meh. Kʼoeˇ miˇ neh, Aˬbyaˬhaˬ-ahˇ Miˬyehˇ-euˬ cawˬ lehˇ kuˇ-eu meh.