Yoˇhaˬ 11:1 - Akha

¹ Beˬtaˬniˇ meuˬ-ahˇ jawˇ-eu Laˬzaˬluˇ lehˇ myahˇ-euˬ tsawˇ haˬ tiˬ gʼaˬ naˇ luꞈ-eu meh. Beˬtaˬniˇ meuˬ-aˬ, Maˬliˇ hawˇ-eu Maˬta aˬ nyaꞈ nmˇ jawˇ-eu meuˬ kʼoeˇ meuˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, Laqzaqlur laer kur-eu tiq ghaq narluf-eu mae. Aqyawf-aq, Maqliv hawr-eu Maqta aqnyafnmr jawr-eu Beqtaqnir pu-anr jawr-eu mae.

Yoˇhaˬ 11:1 Iomraidhean Croise

Aˇ dahˬ 48:1

Aˇ nah aˇ yamˬ ui cuiˆ myahˇ laˇ ngeh, aˬ yawꞈ aˬ da jawˇ saˇ maˬ doˆ-eu gaˇ kawˆ Yoˇsehˆ ya gaˬ-euˬ meh. Kʼoeˇ miˇ neh, aˬ yawꞈ-euˬ aˬ li Maˬnaˇseˬ hawˇ-eu Eˇpaˬleˬ aˬ nyaꞈ nmˇ-ahˇ sheuˬ-awˇ, aˬ yawꞈ-euˬ aˬ da Yaˬkoˆ-ahˇ haw le-euˬ meh.

Maꞈtehˬ 21:17

Kʼoeˇ naˇ, aˬ yawꞈ maꞈ jawˇ gaˇ neh Yeˬsuˇ doˆ-iˇ-awˇ, Yeˬluˇsaˬlehˬ meuˬ-ahˇ neh Beˬtaˬniˇ pu-ahˇ iˇ-awˇ, kʼoeˇ gaˇ uˬ ciꞈ yaꞈ-euˬ meh.

Maˬkuˆ 11:1

Yeˬluˇsaˬlehˬ meuˬ-ahˇ le keuˆ-eu dawˬ peh peh laˇ-awˇ, Behˬpaˇgeˬ pu hawˇ-eu Beˬtaˬniˇ pu dawˬ peh jaˆ-eu Saˬloˬ gawˬ jawˬ-ahˇ le keuˆ ngeh, Yeˬsuˇ aˬ yawꞈ-euˬ zaˬ lahˇ nyiˬ gʼaˬ-ahˇ mehˬ hu paw kʼehˇ gʼeh-euˬ meh.

Yoˇhaˬ 11:11

Yeˬsuˇ kʼoeˇ loꞈ-ehˇ ehˇ gʼaˬ miˇ tsa tiˬ poˆ paˇ ehˇ-eu, “Aˬ dui-euˬ cawˬ Laˬzaˬluˇ yuꞈ kʼaˆ taˬ-euˬ meh. Ngaˇ iˇ-awˇ laˆ noeˬ nehˬ-iˇ ma.”

Yoˇhaˬ 11:18

Beˬtaˬniˇ meuˬ-aˬ, Yeˬluˇsaˬlehˬ meuˬ-ahˇ neh nyiˬ laˇ kaˬ-eu meh.

Yoˇhaˬ 11:19

Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ gʼawˬ mya ni, Maˬliˇ hawˇ-eu Maˬta aˬ mahˇ aˬ da bi shiˇ-euˬ miˇ neh, gʼaˬ biꞈ nehˬ-eu lehˇ uiˬ le taˬ-euˬ meh.

Yoˇhaˬ 11:3

“Sahˬpaˬ-oˇ, nawˇ gʼoeˇ dui dui-eu gʼaˬ naˇ luꞈ meh” lehˇ, Maˬliˇ hawˇ-eu Maˬta aˬ nyaꞈ nmˇ neh Yeˬsuˇ jawˇ gaˇ bi tsaꞈ gaˬ leˇ-euˬ meh.

Yoˇhaˬ 12:17

Yeˬsuˇ Laˬzaˬluˇ-ahˇ lmˬ bymˇ laꞈ kʼoeˇ neh kuˇ doˆ leꞈ-awˇ bi gʼoꞈ dehꞈ laˇ gaˇ mawˇ-euˬ tsawˇ haˬ deuˬ, aˬ yawꞈ maꞈ neh ya mawˇ-euˬ loꞈ-ehˇ aˬ cawˬ-ahˇ dzawˇ mehˬ-euˬ meh.

Yoˇhaˬ 12:9

Yeˬsuˇ Beˬtaˬniˇ meuˬ-ahˇ jawˇ-eu gaˇ kawˆ tsawˇ haˬ gʼawˬ mya ni ya gaˬ-awˇ, kʼoeˇ gaˇ iˇ-euˬ meh. Yeˬsuˇ kʼoeˇ gaˇ jawˇ-eu baˬ da neh tehꞈ-ehˇ maˬ ngeuˇ ni, Yeˬsuˇ neh bi gʼoꞈ dehꞈ laˇ-euˬ Laˬzaˬluˇ kʼoeˇ gʼaˬ-ahˇ haw mawˇ mawꞈ-eu miˇ neh kʼawꞈ, tsawˇ haˬ iˇ myaˬ-euˬ jeˬ pyeuꞈ-eu meh.

Gʼaˬkʼehˇ 9:37

Aˇ yamˬ kʼoeˇ yamˬ-ahˇ aˬ yawꞈ naˇ-awˇ shiˇ-euˬ meh. Aˬ yawꞈ-euˬ gʼawˇ mawˇ-ahˇ iˇ cuꞈ dzuiꞈ nehˬ-awˇ, nymˇ laꞈ taˆ tiˆ-ahˇ jaˆ-eu kuˆ lawˆ tiˬ lawˆ laꞈ kʼoeˇ baꞈ taˬ-euˬ meh.