Yoˇhaˬ 10:8 - Akha

⁸ Ngaˬ-euˬ mehˬ hu kʼaˇ oe-euˬ deuˬ-aˬ, smˇ kʼoeˬ tahˇ joe tehꞈ meh. Ehˇ kʼawꞈ, aˬ yawꞈ maꞈ-euˬ ehˇ dawˬ-ahˇ yawˇ deuˬ maˬ naˇ haˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ngaq-euq maeqhu kharoe-euq tsawrhaq-aq, smrkhoeq hawr-eu tanrjoe mae. Aerkhawf, yawrdeuq, aqyawf maf-euq dawq-anr maq narhaq-aq.

Yoˇhaˬ 10:8 Iomraidhean Croise

Yeˬlaˬmiˇ 23:1

Sahˬpaˬ Miˬyehˇ-euˬ tsawˇ jeuˬ-ahˇ laˆ cawˆ-awˇ, miˇ kʼahˬ doe ni teh byaˆ nehˬ-euˬ aˬ yuiꞈ aˬ tsu deuˬ-aˬ, shaˬ zahˬ naꞈ dui dui tehꞈ-a.

Yeˬsaˬgeˬlaˇ 34:2

“Tsawˇ haˬ zaˬ-oˇ, Iˇsaˬleˬlaˆ tsawˇ jeuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ-ahˇ, dawˬ heu deuˬ ciˬ pi nehˬ-awˬ. Aˬ yawꞈ maꞈ-ahˇ ngaˬ-euˬ gʼaˇ duˬ ngehˬ dah nehˬ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu meh lehˇ ehˇ nehˬ-awˬ. Iˇsaˬleˬlaˆ-ahˇ bo-eu yawˇ bo-eu yaw sahˇ deuˬ-oˇ, naw maꞈ kʼoeˇ taˆ doeˇ dui dui-eu jeˬ keuˆ le tehꞈ-a. Naw maꞈ yawˬ ha gʼawˇ mawˇ gaˇ kawˆ tehꞈ-ehˇ shaˇ noeˬ-awˇ, yawˇ deuˬ-ahˇ maˬ haw-a.

Zeˬpaˬniˇ 3:3

Aˬ yawꞈ-euˬ aˬ yuiꞈ aˬ tsu deuˬ, aˇ laˬ jaˬ shiˇ loꞈ-ehˇ lmˬ-awˇ, aˬ yawꞈ-euˬ yaˇ kʼaˬ daˇ-eu deuˬ, shaˬyoeˬ mˬ maˬ bi jaˆ bya-eu, uˬ ciꞈ kʼaˬ yehˇ-ahˇ duˇ-eu meh.

Zaˬkaˬliˇ 11:16

Yawˇ bo-eu yaw sahˇ tiˬ gʼaˬ-ahˇ kʼehˇ-awˇ, ngaˬ-euˬ yawˇ bi bo-eu lehˇ gʼeh-eu ma. Ehˇ kʼawꞈ shaˬ zahˬ naꞈ-eu yawˇ deuˬ-ahˇ ngehˬ maˬ gʼeh-ehˇ, byoˆ-iˇ-euˬ yawˇ maˬ poˆ kʼoꞈ-eu uˬ taꞈ, naˇ luꞈ-eu yawˇ-ahˇ maˬ laˆ taˬ ni, jawˇ saˇ doˆ-eu yawˇ deuˬ-ahˇ kʼawꞈ dzaˇ maˬ bi dzaˬ-aˇ. Tsuˇ dui dui-eu yawˇ deuˬ-ahˇ aˬ yawꞈ sehꞈ dzaˬ-awˇ, kuiˇ sehˬ toˆ paˆ dzeh tehꞈ-a.

Yoˇhaˬ 10:1

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ-eu ma. Yawˇ yawˇ kuˆ laꞈ kʼoeˇ gʼoˆ kʼehˬ-ahˇ neh maˬ uˇ laˇ-ehˇ, yawˬ gaˇ yawˬ neh daˆ uˇ laˇ-eu tsawˇ haˬ-aˬ, smˇ kʼoeˬ tahˇ joe meh.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Yoˇhaˬ 10:5

Aˬ cawˬ-euˬ mehˬ nah yawˇ kʼoeˇ deuˬ maˬ iˇ ni cehˆ-eu meh. Aˬ jeˬ miˇ neh ehˇ naˇ, aˬ cawˬ-euˬ teˇ saˇ-ahˇ aˬ yawꞈ maꞈ maˬ siˬ nya-a.”

Gʼaˬkʼehˇ 5:36

Aˇ hu Tuˇdaˆ lehˇ kuˇ-euˬ tiˬ gʼaˬ doˆ le-euˬ naw maꞈ siˬ luꞈ meh. Aˬ yawˇ yawꞈ yaw huiˬ tiˬ gʼaˬ ma lehˇ ehˇ-awˇ, tsawˇ haˬ oeˬ yaˇ gʼaˬ byah ni aˬ yawꞈ nehˬ-ehˇ gm leˇ-euˬ meh. Ehˇ kʼawꞈ, aˬ yawꞈ-ahˇ sehꞈ ngeh, aˬ yawꞈ mehˬ nah caw teh-euˬ deuˬ cehˆ piˬ cehˆ byoˆ jiˇ-awˇ, gaˇ kawˆ kʼoeˇ hmˬ coꞈ-iˇ-euˬ meh.