Yoˇhaˬ 10:6 - Akha

⁶ Yeˬsuˇ aˬ yawꞈ maꞈ-ahˇ yaw jeˬ ma jeˬ heu hmˬ ja mehˬ-euˬ kʼawꞈ, aˬ yawꞈ maꞈ dawˬ tsuiꞈ maˬ gʼoˆ shaw nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Yeqsur yawjeq majeq dawq heudawq nae maeqnaeq-euq khawf, aqyawfmaf, Yeqsur nae aqyawf maf-anr maeqnaeq-euq garkawv khoerdeuq-anr maq ghovshaw nya-a.

Yoˇhaˬ 10:6 Iomraidhean Croise

Jaceuq 106:7

Iˇjiˇtuˆ miˇ kʼahˬ-ahˇ jawˇ-euˬ nga maꞈ-euˬ aˬ poeˬ aˬ bawˇ deuˬ, Miˬyehˇ neh mˇ-euˬ kʼaˆ jeˬ-ehˇ gʼeh-eu jeˬ-ahˇ maˬ siˬ nya-a. Aˬ yawꞈ-euˬ gʼoeˇ-eu gaˬ-eu jeˬ tiˬ poˆ saˇ-iˬ tiˬ poˆ mehˬ nehˬ-euˬ gaˇ aˬ yawꞈ maꞈ ngehˇ-awˇ, Iˬ ma laˆ shaˆ yaw neˇ-euˬ lawˇ deh-ahˇ, Huiˬ dui mahˇ dui dui-eu Miˬyehˇ-ahˇ puiˬ-euˬ meh.

Jaceuq 82:5

“Naw maꞈ aˇ naˆ naˆ-ehˇ laꞈ-i-awˇ, aˇ naˆ naˆ-ehˇ gah te. Naw maꞈ geuꞈ-eu tiˬ pawꞈ-iˬ maˬ ahˇ ni cawˆ jiˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ maˬ paˇ jaˆ meh.

Dawqdaq 28:5

Haiˬ-eu tsawˇ haˬ deuˬ yaw tsaˬ yaw dawˇ jeˬ-ahˇ maˬ siˬ nya-a. Ehˇ kʼawꞈ, Sahˬpaˬ Miˬyehˇ-ahˇ uˬ duˬ tahˬ-eu tsawˇ haˬ deuˬ yaw tsaˬ yaw dawˇ jeˬ-ahˇ yaw muiˬ paˬ-ehˇ siˬ nya-eu meh.

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Daˬyeˬlaˇ 12:10

Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.

Maꞈtehˬ 13:34

Gaˇ kawˆ kʼoeˇ deuˬ dawˬ tawˆ luꞈ, yaw jeˬ ma jeˬ ja ja-ehˇ, tsawˇ haˬ aˇ maꞈ-ahˇ Yeˬsuˇ mehˬ nehˬ-euˬ meh. Yaw jeˬ ma jeˬ maˬ ja-ehˇ mehˬ nehˬ-euˬ tiˬ jeˬ-iˬ maˬ jaˆ-a.

Maꞈtehˬ 13:51

“Gaˇ kawˆ heu deuˬ naw maꞈ gʼoˆ shaw-euˬ ma loˇ” lehˇ Yeˬsuˇ naˇ haˬ ngeh, “Gʼoˆ shaw-euˬ ma” lehˇ aˬ yawꞈ maꞈ ehˇ-eu meh.

Maˬkuˆ 4:34

Yaw jeˬ ma jeˬ maˬ ja ni maˬ mehˬ nehˬ-a. Ehˇ kʼawꞈ, aˬ yawꞈ-euˬ zaˬ lahˇ deuˬ nehˬ-ehˇ tehꞈ-ehˇ jawˇ ngeh, gaˇ kawˆ koeˇ deuˬ-euˬ dawˬ tsuiꞈ dawˬ tawˆ luꞈ, yaw muiˬ paˬ-ehˇ ja mehˬ nehˬ-euˬ meh.

Yoˇhaˬ 16:25

“Ngaˇ yaw jeˬ ma jeˬ ja ja-ehˇ, gaˇ kawˆ heu deuˬ naw maꞈ-ahˇ mehˬ nehˬ-euˬ ma. Ehˇ kʼawꞈ, ngaˇ yaw jeˬ ma jeˬ maˬ paˇ ja ni, Aˬda gaˇ kawˆ naw maꞈ-ahˇ dawˇ coe ni ya ehˇ nehˬ-eu aˇ nah keuˆ le tehꞈ-a.

Yoˇhaˬ 16:29

Kʼoeˇ ngeh, zaˬ lahˇ deuˬ Yeˬsuˇ-ahˇ ehˇ-eu, “Nymˬ-mˇ poˆ jawˇ-aˬ, nawˇ yaw jeˬ ma jeˬ maˬ paˇ ja mehˬ ni dawˇ coe ni ngehˬ-eu tmˇ-eu meh.

Yoˇhaˬ 6:52

Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ nui ma pehˇ laˇ-awˇ, aˬ yawꞈ maꞈ yaw kaˬ ja dui dui-awˇ ehˇ-eu, “Tsawˇ haˬ teu gʼaˬ aˬ yawꞈ-euˬ gʼawˇ mawˇ aˬ dui-ahˇ biꞈ-awˇ aˬ joˆ-ehˇ bi dzaˬ nya-eu lehˇ ehˇ ta.”

Yoˇhaˬ 6:60

Yeˬsuˇ kʼoeˇ loꞈ-ehˇ ehˇ gaˇ ya gaˬ ngeh, aˬ yawꞈ-euˬ zaˬ lahˇ gʼawˬ mya gʼaˬ ehˇ-eu, “Aˬ yawꞈ mehˬ-euˬ gaˇ kawˆ teu hmˬ teu naˆ naˆ-ehˇ kʼaˆ-eu beu tawˇ. Aˬ suˇ gʼaˬ ha geuꞈ coeˇ paˬ nga.”

Yoˇhaˬ 7:36

Aˬ dui maꞈ aˬ yawꞈ-ahˇ poˆ kʼawꞈ maˬ poˆ mawˇ nya-ehˇ, aˬ yawꞈ jawˇ gaˇ aˬ dui maꞈ maˬ le keuˆ nya-aˇ lehˇ aˬ yawꞈ ehˇ-eu kʼoeˇ aˬ jeˬ ehˇ mawˬ-eu nga.”

Yoˇhaˬ 8:27

Yeˬsuˇ aˬ yawꞈ maꞈ-ahˇ Aˬda gaˇ kawˆ ja mehˬ luꞈ-eu meh lehˇ aˬ yawꞈ maꞈ maˬ gʼoˆ siˬ nya-a.

Yoˇhaˬ 8:43

Ngaˇ ehˇ gaˇ aˬ jeˬ miˇ neh naw maꞈ maˬ gʼoˆ shaw nya ta lehˇ naw maꞈ siˬ nya ma loˇ. Ngaˬ-euˬ dawˬ-ahˇ naw maꞈ maˬ naˇ haˬ nahˇ-eu miˇ neh meh.

1 Gawˇliˬtu 2:14

Yaw sahˇ Miˬyehˇ maˬ za-euˬ tsawˇ haˬ aˬ geu gʼaˬ maˬ kaˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ za nya-a. Kʼoeˇ loꞈ-ehˇ gʼeh-eu tsawˇ haˬ-aˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ siˬ nya-ehˇ, aˬ yawꞈ-euˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, kʼoeˇ-aˬ, gaˇ dahˇ tsoeˬ-eu meh lehˇ guiˬ lahˬ saꞈ laˇ paw neh tehꞈ-ehˇ ehˇ tsehˆ nya-eu meh.

2 Beˬtuˆluˆ 2:22

Aˬ yawꞈ maꞈ kʼoeˇ loꞈ-ehˇ pyeuꞈ-eu kʼoeˇ-aˬ, “Aˬ kuiˬ yawˬ ha uˬ pehꞈ dzaˬ poˆ-eu” lehˇ ehˇ-eu dawˬ daˬ hawˇ-eu,“Iˇ cuꞈ dzuiꞈ shawˇ nehˬ-euˬ aˬ zaꞈ lah shiˇ paˇ lah poˆ-eu” lehˇ ehˇ-eu dawˬ daˬ tsaˬ gaˇ duˇ-eu meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.