Yoˇhaˬ 10:34 - Akha

³⁴ Yeˬsuˇ ehˇ-eu, “Naw maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Naw maꞈ miˬyehˇ meh’ lehˇ Miˬyehˇ neh ehˇ-euˬ dawˬ tiˬ dawˬ boꞈ ahˇ taˬ-euˬ maˬ ngeuˇ-a loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Yeqsur, aqyawf maf-anr heulof-aer aerkhof naeq-euq mae, “Nawmaf-euq zanrdawq-euq lafkhoer, ‘Ngar aer-eu, “Nawmaf-aq, miqyaer deuq mae,” (Jc 82:6) laer boftaq-euq maqngeur-a lor’?

Yoˇhaˬ 10:34 Iomraidhean Croise

Jaceuq 138:1

Sahˬpaˬ Miˬyehˇ-oˇ, ngaˬ-euˬ nui ma gʼawˇ mawˇ dawˬ tawˆ luꞈ, nawˬ-ahˇ ja ceuˬ-eu ma. Miˬ yehˇ nui deuˬ dawˬ tawˆ luꞈ mehˬ shi, nawˬ-ahˇ ngaˇ caˇ-awˇ ja ceuˬ-eu ma.

Jaceuq 82:1

Mˬ kʼoeˇ taˆ mehˬ bawˬ bawˬ gaˇ, Miˬyehˇ aˬ yuiꞈ geuꞈ-awˇ sheuˬ gʼeh-eu meh. Miˬyehˇ deuˬ uiˬ leˇ taˬ-euˬ gaˇ, aˬ yawꞈ heu loꞈ-ehˇ daˇ-eu meh.

Doˆ-iˇ 22:28

“Miˬyehˇ-ahˇ yehˬ bawˬ sehˇ lu-ehˇ maˬ ya ehˇ niˇ gʼa-a. Naw maꞈ-ahˇ uˆ lahˇ-eu aˬ yuiꞈ aˬ tsu-ahˇ yaˬ kʼehˇ maˬ ya yaˬ-a.

Doˆ-iˇ 4:16

Aˬ yawꞈ-aˬ, nawꞈ-euˬ gʼaˇ duˬ dawˬ ngehˬ dah-eu gʼaˬ geuꞈ-awˇ, nawˬ-euˬ dah zaˇ aˬ cawˬ-ahˇ dawˬ ngehˬ cawˬ tehꞈ-a. Nawˇ-aˬ, aˬ yawꞈ gʼaˇ duˬ Miˬ yehˇ loꞈ-ehˇ pyeuꞈ-awˇ, aˬ yawꞈ aˬ joˆ-ehˇ ya ngehˬ ya tmˇ-eu gaˇ kawˆ, aˬ yawꞈ-ahˇ nawˇ ya mehˬ nehˬ tehꞈ-a.

Doˆ-iˇ 7:1

Sahˬpaˬ Miˬyehˇ ehˇ-eu, “Sahˬ paˬ kʼoeˇ gʼaˬ-euˬ mehˬ shi nawˬ-ahˇ ngaˇ Miˬyehˇ loꞈ-ehˇ bi pyeuꞈ-awˇ, Aˬloˬ-aˬ Miˬyehˇ gʼaˇ duˬ ngehˬ dah-eu bawˇlawˇpeh loꞈ-ehˇ, nawˬ-eu dah zaˇ, sahˬ paˬ kʼoeˇ gʼaˬ-ahˇ dawˬ ngehˬ cawˬ tehꞈ-a.

Yoˇhaˬ 10:35

Jaˇliꞈ laꞈ kʼoeˇ kʼaˇ ehˇ taˬ-euˬ dawˬ mˬ maˬ maˬ byaˆ zaˇ ziˇ tsaˬ meh lehˇ aˬ dui siˬ duˬ-eu ma. Miˬyehˇ neh aˬ yawꞈ-euˬ dawˬ bi gaˬ-iˇ-euˬ tsawˇ haˬ kʼoeˇ deuˬ-ahˇ miˬyehˇ lehˇ kuˇ nehˬ-euˬ meh.

Yoˇhaˬ 12:34

Tsawˇ haˬ aˇ maꞈ ehˇ-eu, “Nga maꞈ-euˬ Zahˇ dawˬ kʼoꞈ dawˬ laꞈ kʼoeˇ, Meˬsiˇya mˬ maˬ maˬ byaˆ zaˇ ziˇ dehꞈ meh lehˇ ehˇ taˬ-euˬ meh. Tsawˇ haˬ-euˬ Zaˬmaˇ-ahˇ bi kʼahˬ tuˇ tehꞈ-a lehˇ nawˇ aˬ joˆ-ehˇ ehˇ nya te. Tsawˇ haˬ-euˬ Zaˬmaˇ kʼoeˇ aˬ suˇ gʼaˬ-a.”

Yoˇhaˬ 15:25

Aˬ yawꞈ maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Gaˇ kawˆ tiˬ jeˬ-iˬ maˬ jaˆ gaˇ aˬ yawꞈ maꞈ ngaˬ-ahˇ muiˇ-eu meh’ lehˇ ehˇ taˬ-euˬ jaˆ-eu miˇ neh, kʼoeˇ loꞈ-ehˇ maˬ pyeuꞈ laˇ-ehˇ maˬ gʼeh nya-a.

Yoˇhaˬ 8:17

Tsawˇ haˬ nyiˬ gʼaˬ tiˬ jeˬ tehꞈ-ehˇ saˇ kiˇ kamˬ naˇ, saˇ kiˇ kamˬ-euˬ kʼoeˇ tsaˬ meh lehˇ, naw maꞈ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ meh.

1 Gawˇliˬtu 14:21

Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ meh. “Dawˬ gʼawˬ mya jeˬ ngehˬ nya-eu, tsawˇ haˬ deuˬ-ahˇ gʼoe-eu laꞈ kʼoeˇ, ngaˬ-euˬ tsawˇ haˬ heu deuˬ-ahˇ ngaˇ, dawˬ ngehˬ dawˬ tmˇ mˇ nehˬ ma lehˇ, Sahˬpaˬ Miˬyehˇ ehˇ taˬ-euˬ meh. Yawˬ kʼahˬ yawˬ miˇ yawˬ-ahˇ jawˇ-eu, aˬ cawˬ-euˬ mehˬ luˬ-ahˇ gʼoe-awˇ, aˬ yawꞈ maꞈ-ahˇ ngaˇ ngehˬ cawˬ kʼawꞈ, ngaˬ-euˬ dawˬ-ahˇ maˬ naˇ haˬ-aˇ.”