Yoˇhaˬ 10:21 - Akha

²¹ Ehˇ kʼawꞈ, yawˬ deuˬ yawˬ ehˇ-eu, “Nehꞈ uˇ-eu tsawˇ haˬ tiˬ gʼaˬ teu loꞈ-ehˇ gʼeh-eu dawˬ aˬ joˆ-ehˇ ngehˬ nya ta. Myaˆ behꞈ behꞈ-eu tsawˇ haˬ myaˆ nuiˆ mawˇ laˇ nya ni nehꞈ jahˇ nya ta loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aerkhawf, tiqpavnav deuq paraer-eu, “Aqyawf-euq dawq-aq, naef ur-eu tsawrhaq-euq dawq maqngeur nya. Naef-aq, myavbaef-anr bi mawrlarnya taef-a lor?”

Yoˇhaˬ 10:21 Iomraidhean Croise

Jaceuq 146:8

myaˆ behꞈ-ahˇ bi dahˇ laˇ-eu meh. Coˬ-iˇ-euˬ tsawˇ haˬ deuˬ-ahˇ aˬ yawꞈ ciˬ tuˇ nehˬ-awˇ, tsaˬ-eu dawˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Jaceuq 94:9

Aˬ dui-ahˇ naˬ bawˇ beh tsoꞈ nehˬ laꞈ-euˬ Miˬyehˇ maˬ gaˬ nya taˬ loˇ. Aˬ dui-ahˇ myaˆ nuiˆ beh dahˇ nehˬ laꞈ-euˬ gʼaˬ maˬ mawˇ nya ta loˇ.

Doˆ-iˇ 4:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ zaˬ-ahˇ aˬ suˇ gʼaˬ neh kʼaˬ meh beh tsoꞈ nehˬ taˬ ta. Tsawˇ haˬ zaˬ naˬ bawˬ bawˬ-iˇ ni maˬ ehˇ, aˬ dzawˬ dzawˬ-iˇ ni maˬ ehˇ, aˬ suˇ gʼaˬ jahˇ nehˬ ta. Sahˬpaˬ Miˬyehˇ neh jahˇ nehˬ-euˬ maˬ ngeuˇ-a loˇ.

Doˆ-iˇ 8:19

Kʼoeˇ ngeh, “Heu-aˬ, Miˬyehˇ neh mˇ-euˬ jeˬ pyeuꞈ-eu ngaˇ” lehˇ, mah loˬ nya-eu tsawˇ haˬ kʼoeˇ deuˬ sahˬ paˬ-ahˇ ehˇ neh-euˬ meh. Ehˇ kʼawꞈ, Sahˬpaˬ Miˬyehˇ neh ehˇ taˬ-euˬ loꞈ-ehˇ, sahˬ paˬ kʼoeˇ gʼaˬ nui ma gʼahˇ-awˇ, Moˇseˬ hawˇ-eu Aˬ loˬ-euˬ ehˇ dawˬ maˬ naˇ haˬ ni jawˇ-euˬ meh.

Dawqdaq 20:12

Gaˬ-eu naˬ bawˇ mawˇ-eu myaˆ nuiˆ, nyiˬ jeˬ luꞈ Sahˬpaˬ Miˬyehˇ beh-euˬ meh.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Yoˇhaˬ 10:22

Tsahˬ gaˆ ahˇ le-awˇ, Yeˬluˇsaˬlehˬ meuˬ-ahˇ Uˬ duˬ tahˬ nymˇ nymˇ ma A nehˬ-eu Bawˬ-iˬ gʼeh luꞈ-eu aˇ yamˬ pyeuꞈ-eu meh.

Yoˇhaˬ 9:6

Yeˬsuˇ kʼoeˇ loꞈ-ehˇ ehˇ gʼaˬ-awˇ, miˇ tsaˬ-ahˇ duˬ kʼaˬ kʼa shehˬ-awˇ shaˬ jehˆ laˆ pyeuꞈ-euˬ meh. Kʼoeˇ naˇ, tsawˇ haˬ kʼoeˇ gʼaˬ-euˬ myaˆ nuiˆ-ahˇ lehꞈ nehˬ-awˇ,