Yoˇhaˬ 10:2 - Akha

² Ehˇ kʼawꞈ, gʼoˆ kʼehˬ-ahˇ neh uˇ laˇ-eu tsawˇ haˬ-aˬ, yawˇ bo-eu yaw sahˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ghovkhaeq-anr nae urlar-eu ghaq-aq, yawr bo-eu ghaq mae.

Yoˇhaˬ 10:2 Iomraidhean Croise

Jaceuq 23:1

SahˬpaˬMiˬyehˇngaˬ-ahˇbo-eu, yawˇbo-eu yaw sahˇmeh. Ngaˇtiˬ jeˬ-iˬloˬ-eu maˬjaˆ.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Dawˬ tsoˆ 12:11

Zaˬ siˬ tsawˇ gahˇ ahˇ-eu deuˬ neh daˬ taˬ yaꞈ-euˬ dawˬ daˬ deuˬ-aˬ, yawˇ deuˬ-ahˇ gaˇ ma sheuˬ mehˬ-eu yawˇ bo-eu gʼaˬ-euˬ daˇ cuiˇ-ahˇ duˇ-awˇ, kʼaˇ poˆ uiˬ taˬ-eu dawˬ daˬ deuˬ-aˬ, shmˇ sehˬ neh deh myahˬ taˬ-euˬ loꞈ-ehˇ ziꞈ-eu meh. Dawˬ kʼoeˇ deuˬ-aˬ, aˬ dui dawˬ tawˆ luꞈ-ahˇ bo-eu yaw sahˇ pyeuꞈ-eu, yawˇ bo-eu yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Iˇsaˬyaˇ 63:11

Kʼoeˇ naˇ, aˇ hu ba-euˬ aˇ nah aˇ yamˬ pyeuꞈ-eu, Sahˬpaˬ Miˬyehˇ zaˬ kʼaˆ Moˇseˬ-euˬ ziˇ-ahˇ noeˬ keuˆ-awˇ, aˬ yawꞈ maꞈ heu loꞈ-ehˇ ehˇ-eu meh. “Aˬ yawꞈ tsawˇ haˬ aˬ yuiꞈ aˬ tsu deuˬ-ahˇ, iˬ ma laˆ shaˆ laꞈ kʼoeˇ ka kʼoꞈ nehˬ-eu, Sahˬpaˬ Miˬyehˇ kʼoeˇ gʼaˬ nymˬ-mˇ aˬ gaˇ jawˇ ta. Aˬ yawꞈ-euˬ muiˬ-eu shawˇ-eu yaw sahˇ-ahˇ, Moˇseˬ kʼoeˇ taˆ bi keuˆ le-euˬ Sahˬpaˬ Miˬyehˇ kʼoeˇ gʼaˬ, aˬ geu paw iˇ-euˬ ta.

Yeˬsaˬgeˬlaˇ 34:23

Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ tehꞈ-ehˇ aˬ yawꞈ maꞈ-ahˇ ngaˇ biꞈ-awˇ, aˬ yawꞈ maꞈ-ahˇ bo-eu yawˇ bo-eu yaw sahˇ bi geuꞈ ma.

Miˇkaˬ 5:5

Aˬ yawꞈ-aˬ, nui saˇ oꞈ-eu jeˬ bi keuˆ le-eu gʼaˬ pyeuꞈ tehꞈ-a. Aˬshuˇliˆ tsawˇ haˬ deuˬ aˬ dui-euˬ miˇ kʼahˬ-ahˇ guiˇ deuˆ le-awˇ, ziꞈ dah ni tsoˆ taˬ-euˬ aˬ dui-euˬ nymˇ-ahˇ uˇ le ngeh, aˬ yawꞈ maꞈ-ahˇ bi deuˆ-eu gʼaˇ duˬ gʼaˬ kʼaˆ dui dui-eu aˬ yuiꞈ aˬ tsu deuˬ-ahˇ aˬ dui maꞈ pyehˬ gʼeh ma.

Zaˬkaˬliˇ 11:3

Sahˬ paˬ sahˬ ma geuꞈ luꞈ-eu deuˬ, yaw shehꞈ kʼahˬ sehˇ byoˆ jiˇ-euˬ gaˇ, noeˬ shaˬ dui dui-awˇ ngoeˇ luꞈ meh. Yawˇdaˬ gawˆ taw sahˬ kʼaˆ kʼahˬ jeˬ, byoˆ laˇ-aˬ, jawˇ zaˇ shaˬ laˇ-awˇ, aˇ laˬ jaˬ shiˇ deuˬ joeˬ luꞈ meh.

Zaˬkaˬliˇ 11:5

Zeuˇ-eu tsawˇ haˬ deuˬ yawˇ kʼoeˇ deuˬ-ahˇ sehꞈ kʼawꞈ, yaˇ kʼaˬ daˇ gaˇ maˬ ya daˬ-a. Aˬ yawꞈ maꞈ shaˬ jiˇ sehꞈ ahˬ-awˇ, ‘Nga maꞈ smˇ muiˬ muiˬ laˇ-euˬ miˇ neh, Sahˬpaˬ Miˬyehˇ-ahˇ ja ceuˬ ma’ lehˇ ehˇ-eu meh. Yawˇ kʼoeˇ deuˬ-ahˇ bo-eu yaw sahˇ gʼaˬ kʼawꞈ, yawˇ kʼoeˇ deuˬ-ahˇ gʼawˬ shaˬ maˬ gaˬ-a.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Maꞈtehˬ 15:11

Tsawˇ haˬ zaˬ-ahˇ maˬ shawˇ ni bi pyeuꞈ-iˇ-eu jeˬ-aˬ, kʼaˬ meh laꞈ kʼoeˇ ahˇ-iˇ-eu jeˬ maˬ ngeuˇ-a. Kʼaˬ meh laꞈ kʼoeˇ neh doˆ le-euˬ jeˬ meh.”

Yoˇhaˬ 10:14

Ngaˇ-aˬ, muiˬ-eu yawˇ bo-eu yaw sahˇ ma. Aˬda ngaˬ-ahˇ siˬ nya-awˇ, ngaˇ kʼawꞈ Aˬda-ahˇ siˬ nya gaˇ duˇ ni, ngaˬ-euˬ yawˇ deuˬ-ahˇ ngaˇ siˬ nya-awˇ, ngaˬ-euˬ yawˇ deuˬ kʼawꞈ ngaˬ-ahˇ siˬ nya-eu meh. Aˬ yawꞈ maꞈ gʼaˇ duˬ ngaˇ shiˇ dah peuˬ-eu ma.

Yoˇhaˬ 10:7

Kʼoeˇ miˇ neh, Yeˬsuˇ aˬ yawꞈ maꞈ-ahˇ paˇ ehˇ nehˬ-eu, “Ngaˇ-aˬ, yawˇ deuˬ gʼaˇ duˬ gʼoˆ kʼehˬ pyeuꞈ-eu ma.

Yoˇhaˬ 10:9

Ngaˇ-aˬ, gʼoˆ kʼehˬ ma. Ngaˬ-ahˇ neh kʼaˇ uˇ laˇ-eu tsawˇ haˬ-aˬ, ka kʼoꞈ-eu jeˬ za tehꞈ-a. Aˬ yawꞈ iˇ doˆ laˇ doˆ-ehˇ cah-awˇ, gaˆ dzaˬ duˬ ya mawˇ tehꞈ-a.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

1 Tiˆmoˇseˬ 4:14

Miˬyehˇ gʼaˇ duˬ ngehˬ dah-eu deuˬ neh dawˬ ngehˬ gʼeh-awˇ Ka li zaˬ aˇ muˇ-euˬ aˬ yuiꞈ aˬ tsu deuˬ nawˬ-euˬ kʼoeˇ taˆ aˬ laꞈ baꞈ daˆ nehˬ ngeh za taˬ-euˬ jeˬ pyeuꞈ-eu guiˬ lahˬ saꞈ laˇ paw-euˬ laꞈ sawˬ deuˬ-ahˇ taˬ byehˇ dzeh taˬ.

Tiˇtuˆ 1:5

Maˬ mˇ luiˆ dah-euˬ gaˇ deuˬ mˇ luiˆ-eu gʼaˇ duˬ maˬ ehˇ, iˇ jaw lahˇ laꞈ kʼoeˇ jaˆ-eu meuˬ yawˬ meuˬ na luꞈ laꞈ kʼoeˇ Ka li zaˬ aˇ muˇ-ahˇ sheuˬ gʼeh nehˬ-eu aˬ yuiꞈ aˬ tsu deuˬ tseˇ doˆ nehˬ-eu gʼaˇ duˬ maˬ ehˇ, Gaˬlaˬdeˬ iˇ jaw lahˇ laꞈ kʼoeˇ nawˬ-ahˇ ngaˇ bi jawˇ yaꞈ-euˬ ma.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,

1 Beˬtuˆluˆ 2:25

Yaw beh, naw maꞈ-aˬ, gaˇ ma byoˆ-iˇ-awˇ shaˬ luꞈ-eu yawˇ deuˬ-ahˇ duˇ-eu meh. Ehˇ kʼawꞈ, nymˬ-mˇ-aˬ, naw maꞈ-ahˇ Bo saˆ haw piˇ-eu gʼaˬ pyeuꞈ-eu Yawˇ bo-eu yaw sahˇ-euˬ mehˬ nah bi caw teh-eu gʼaˇ duˬ, naw maꞈ-ahˇ sheuˬ kʼoꞈ doˆ nehˬ laꞈ-euˬ meh.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

Panmaeq 1:20

Ngaˬ-euˬ aˇ maˇ laꞈ-ahˇ tuˆ tehˬ taˬ-euˬ nawˇ mawˇ-euˬ aˬ guiˇ shiꞈ siˬ hawˇ-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-ahˇ taꞈ leˇ-awˇ, zaꞈ taˬ-euˬ dawˬ tsuiꞈ heu loꞈ-ehˇ meh. Aˬ guiˇ shiꞈ siˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ-euˬ mˬ taˆ gʼaˬ kʼehˇ deuˬ pyeuꞈ-awˇ, tsiˇ kʼmˬ doꞈ taˬ duˬ shiꞈ hmˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ pyeuꞈ-eu meh.