Yoˇhaˬ 10:1 - Akha

¹ Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ-eu ma. Yawˇ yawˇ kuˆ laꞈ kʼoeˇ gʼoˆ kʼehˬ-ahˇ neh maˬ uˇ laˇ-ehˇ, yawˬ gaˇ yawˬ neh daˆ uˇ laˇ-eu tsawˇ haˬ-aˬ, smˇ kʼoeˬ tahˇ joe meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Yeqsur heulof-aer aer-eu mae, “Ngar, nawmaf-anr aqdir aqmar aernaeq nyar, yawr, yawrkuv-anr urlar ngae, ghovkhaeq-anr nae maq urlarni, yawqpawyawq nae davurlar-eu ghaq-aq, smrkhoeq hawr-eu tanrjoe mae.

Yoˇhaˬ 10:1 Iomraidhean Croise

Yeˬlaˬmiˇ 14:15

Ngaˬ neh pyehˬ gʼeh leꞈ-awˇ Miˬyehˇ gʼaˇ duˬ bi ngehˬ dah le-euˬ tsawˇ haˬ maˬ ngeuˇ gaˇ, ngaˬ-euˬ tsawˇ myahˇ-ahˇ dehˬ lehꞈ dehˬ lehꞈ-ehˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ miˇ kʼahˬ heu kʼahˬ kʼoeˇ taˆ maˬ keuˆ le-aˇ lehˇ ehˇ luꞈ-eu tsawˇ haˬ kʼoeˇ deuˬ-ahˇ, Sahˬpaˬ Miˬyehˇ pyeuꞈ-eu ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nawˬ-ahˇ ehˇ nehˬ nyaˇ. Guiˇ deuˆ-eu jeˬ hawˇ-eu mehꞈ-eu shuꞈ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.

Yeˬlaˬmiˇ 23:21

Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu heu deuˬ-aˬ, ngaˬ neh maˬ kʼehˇ gʼeh kʼawꞈ aˬ yawꞈ maꞈ iˇ-eu meh. Aˬ yawꞈ maꞈ-ahˇ ngaˬ-euˬ dah zaˇ maˬ bi ngehˬ dah-euˬ kʼawꞈ, ngaˬ-euˬ tsawˇ myahˇ pi-awˇ dawˬ ngehˬ-eu meh.

Yeˬlaˬmiˇ 23:32

Naˇ haˬ-awˬ. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Jaˬ myawꞈ mehˇ shuiˇ tiˬ byah ni ahˇ-eu, yawˬ ha neh yuꞈ maˆ maˆ mawˇ-euˬ gaˇ kawˆ ja-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ ngaˇ muiˇ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja-awˇ, jaˬ myawꞈ mehˇ shuiˇ shuiˇ-awˇ, kʼahˬ sehˇ jehˆ-eu laꞈ kʼoeˇ ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ-eu meh. Aˬ yawꞈ maꞈ-ahˇ ngaˇ dawˬ biꞈ-awˇ kʼehˇ gʼeh leꞈ-euˬ maˬ ngeuˇ. Aˬ yawꞈ maꞈ-aˬ, ngaˬ-euˬ tsawˇ haˬ deuˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇlaˆ 2:9

Meuˬ-ahˇ aˬ yawꞈ maꞈ yoeˇ tehˬ-awˇ, meuˬ lahˇ kʼoeˇ taˆ cehˆ tsehˆ gʼeh-awˇ, nymˇ kʼaˇ jaˆ gaˇ daˆ keuˆ leˇ-awˇ, smˇ kʼoeˬ tahˇ joe oe-eu loꞈ-ehˇ, laˇ gʼoˆ zaˬ-ahˇ uˇ-iˇ-eu meh.

Maꞈtehˬ 7:15

“Miˬyehˇ gʼaˇ duˬ ngehˬ dah-eu jaˬ myawꞈ deuˬ-ahˇ yahˇ-awˬ. Aˬ yawꞈ maꞈ-aˬ, laꞈ nyiˇ paw haw ngeh yawˇ zaˬ loꞈ-ehˇ nahˬ jawˆ ni gʼeh gaˇ duˇ kʼawꞈ, laꞈ kʼoeˇ paw haiˬ dui dui-eu kʼaˬ yehˇ pyeuꞈ-eu meh.

Yoˇhaˬ 10:7

Kʼoeˇ miˇ neh, Yeˬsuˇ aˬ yawꞈ maꞈ-ahˇ paˇ ehˇ nehˬ-eu, “Ngaˇ-aˬ, yawˇ deuˬ gʼaˇ duˬ gʼoˆ kʼehˬ pyeuꞈ-eu ma.

Yoˇhaˬ 3:3

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Tsawˇ haˬ tiˬ gʼaˬ-iˬ nyiˬ poˆ tiˬ poˆ maˬ dehꞈ paˇ naˇ, Miˬyehˇ miˇ kʼahˬ-ahˇ maˬ ya mawˇ-aˇ.”

Lormav 10:15

Mehˬ nehˬ-iˇ-eu tsawˇ haˬ maˬ kʼehˇ gʼeh naˇ, aˬ joˆ-ehˇ bi mehˬ nehˬ-iˇ nmˇ. Kʼoeˇ miˇ neh, “Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ deuˬ-euˬ kuiˇ toꞈ aˇ naˆ ni haw muiˬ-eu nga” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 16:18

Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu tsawˇ haˬ deuˬ-aˬ, aˬ dui-euˬ Sahˬpaˬ Yeˬsuˇ Ka li-euˬ gaˇ mˇ-eu maˬ ngeuˇ-a. Yawˬ ha-euˬ uˬ maˆ gʼaˇ duˬ shaˇ noeˬ-awˇ mehˇ shuiˇ shuiˇ-eu laꞈ kʼoeˇ iˬ baˇ maˬ ahˇ-eu tsawˇ haˬ deuˬ-ahˇ sheuˬ bahˬ-eu meh.

Tiˇtuˆ 1:11

Aˬ yawꞈ maˬ-ahˇ kʼoeˇ loꞈ-ehˇ maˬ bi ja ni ya laˆ tsoeˬ meh. Aˬ jeˬ miˇ neh ehˇ naˇ, aˬ yawꞈ maꞈ shaꞈ dawˇ-eu maˬ baw ni pyuˇ poˆ-awˇ, maˬ mehˬ kʼmˬ-eu jeˬ mehˬ-eu laꞈ kʼoeˇ nymˇ jiˇ jiˇ lah ni laˆ cawˆ-eu meh.

HeˬByehˇ 5:4

Tsawˇ haˬ tiˬ gʼaˬ-iˬ yawˬ haˇ yawˬ ha piˇ ma yaw huiˬ gʼaˬ maˬ tsaˬ geuꞈ nya-a. Aˬloˬ-ahˇ Miˬyehˇ neh kuˇ-euˬ gaˇ duˇ ni, Miˬyehˇ neh kuˇ-euˬ tsawˇ haˬ tehꞈ-ehˇ piˇ ma yaw huiˬ gʼaˬ geuꞈ nya-eu meh.

1 Beˬtuˆluˆ 1:10

Miˬyehˇ gʼaˇ duˬ ngehˬ dah-eu deuˬ neh ka kʼoꞈ-eu jeˬ heu-ahˇ yaw muiˬ paˬ-ehˇ pyehˆ tseˇ duˬ-awˇ, Miˬyehˇ naw maꞈ-ahˇ biꞈ-eu lehˇ gʼeh-eu laꞈ sawˬ heu-euˬ gaˇ kawˆ ngehˬ dah yaꞈ-euˬ meh.

2 Beˬtuˆluˆ 2:1

Aˇ hu ba-euˬ tsawˇ haˬ deuˬ jawˇ gaˇ maˬ ngeuˇ-eu Miˬyehˇ gʼaˇ duˬ ngehˬ dah-eu deuˬ doˆ le haw-euˬ loꞈ-ehˇ, naw maꞈ jawˇ gaˇ maˬ ngeuˇ-eu mehˬ-eu tsoˆ-eu saˬ laˬ deuˬ doˆ le tehꞈ-a. Yaw cawˆ jeˬ hawˇ-eu maˬ tsaˬ-eu jah-eu jeˬ aˬ yawꞈ maꞈ hehˇ ahˇ laꞈ-awˇ, aˬ yawꞈ maꞈ-ahˇ ka kʼoꞈ nehˬ-euˬ Sahˬpaˬ-ahˇ maˬ siˬ lehˇ ehˇ tehꞈ-a. Kʼoeˇ miˇ neh, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ yaw kawˇ-ehˇ keuˆ le ni yawˬ haˇ ha mˇ gaˇ duˇ-eu meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.