Yoˇhaˬ 1:51 - Akha

⁵¹ Kʼoeˇ naˇ, aˬ ha maꞈ-ahˇ aˬ yawꞈ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Mˬ pah le-awˇ, Miˬyehˇ-euˬ mˬ taˆ gʼaˬ kʼehˇ deuˬ Tsawˇ haˬ-euˬ Zaˬ maˇ kʼoeˇ taˆ tsawˬ toeˬ tsawˬ daˆ-ehˇ yaˇ gaˇ gaˇ tawꞈ le gaˇ naw maꞈ ya mawˇ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Yeqsur, aqyawf-anr paraer-eu, “Ngar, nawmaf-anr aqdir aqmar aernaeq nyar, mq pantaq-euq gar ya’mawr taef-a. Miqyaer-euq mqtav ghaqkhaer, Tsawrhaq-euq Zaqyo-euq khoertav tsawqtoeq tsawqdav-aer canluf-eu gar khawf ya’mawr taef-a.”

Yoˇhaˬ 1:51 Iomraidhean Croise

Aˇ dahˬ 28:12

Yuꞈ maˆ maˆ-eu laꞈ kʼoeˇ, mˬ hawˇ-eu miˇ-ahˇ tsoꞈ tawꞈ taˬ-euˬ dawˬ dzm dzm ma tiˬ dzm-ahˇ aˬ yawꞈ ya mawˇ-euˬ meh. Mˬ taˆ gʼaˬ kʼehˇ deuˬ dawˬ dzm kʼoeˇ dzm kʼoeˇ taˆ, mˬ hawˇ-eu miˇ yaw kaˬ-ahˇ yaˇ gaˇ gaˇ tawꞈ luꞈ-eu meh.

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Zaˬkaˬliˇ 13:7

Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”

Maꞈtehˬ 25:31

“Tsawˇhaˬ-euˬ Zaˬmaˇ mˬ taˆ gʼaˬ kʼehˇ deuˬ sheuˬ-awˇ, Sahˬ paˬ loꞈ-ehˇ zaꞈ le ngeh, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ le tehꞈ-a.

Maꞈtehˬ 26:24

Tsawˇhaˬ-euˬ Zaˬmaˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ ya shiˇ tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-ahˇ ahˬ dzaˬ-euˬ kʼoeˇ gʼaˬ ya noeˬ shaˬ dui dui tehꞈ-a. Aˬ yawꞈ maˬ dehꞈ le-euˬ law nmˇ-aˬ, aˬ yawꞈ gʼaˇ duˬ muiˬ dzehˬ tehꞈ-a.”

Maꞈtehˬ 3:16

Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh.

Maꞈtehˬ 4:11

Kʼoeˇ ngeh, Nehꞈ sahˬ paˬ kʼoeˇ gʼaˬ aˬ yawꞈ jawˇ gaˇ neh doˆ-iˇ-euˬ meh. Kʼoeˇ naˇ, mˬ taˆ gʼaˬ kʼehˇ deuˬ oe-awˇ, Yeˬsuˇ-ahˇ ngehˬ gʼeh le-euˬ meh.

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Maꞈtehˬ 9:6

Tsawˇ haˬ-euˬ Zaˬmaˇ -aˬ, miˇ tsaˬ heu kʼoeˇ taˆ iˬ baˇ pyehˬ nehˬ nya-eu baoˬ ahˇ-eu gaˇ kawˆ, naw maꞈ-ahˇ ngaˇ bi mawˇ duˬ nyaˇ.” Kʼoeˇ naˇ, kuiˇ shiˇ laꞈ shiˇ shiˇ-eu tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Tuˇ-awˇ, nawˬ-euˬ yuꞈ zaˇ baꞈ-awˇ gʼoꞈ-iˇ-awˬ.”

Maˬkuˆ 1:10

Yeˬsuˇ iˇ cuꞈ laꞈ kʼoeˇ neh doˆ laˇ-eu nehˬ-ehˇ, mˬ pah le-awˇ, Yaw sahˇ Miˬyehˇ kʼaˬ kʼoeˬ loꞈ-ehˇ aˬ yawꞈ kʼoeˇ taˆ zaꞈ le luꞈ gaˇ aˬ yawꞈ ya mawˇ-euˬ meh.

Maˬkuˆ 14:62

Yeˬsuˇ ehˇ-eu, “Ngeuˇ ma. Tsawˇhaˬ-euˬ Zaˬmaˇ-aˬ, Baoˬ huiˬ-eu Miˬyehˇ-euˬ aˇ maˇ paw nuiˇ luꞈ gaˇ maˬ ehˇ, mˬ dmˇ dziˬ-awˇ zaꞈ ka le gaˇ maˬ ehˇ, naw maꞈ yawˬ gʼaˬ na luꞈ ya mawˇ tehꞈ-a.”

Luˇkaꞈ 2:13

Jaˬ pyuˬ ni mˬ taˆ gʼaˬ kʼehˇ kʼoeˇ gʼaˬ nehˬ-ehˇ mˬ taˆ gʼaˬ kʼehˇ baˬ maꞈ puˇ jeˬ-ehˇ doˆ le-awˇ, Miˬyehˇ-ahˇ ja ceuˬ-eu caˇ dawˬ heu loꞈ-ehˇ caˇ-eu meh.

Luˇkaꞈ 2:9

Mˬ taˆ gʼaˬ kʼehˇ tiˬ gʼaˬ aˬ yawꞈ maꞈ jawˇ gaˇ doˆ le-awˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ yawꞈ maꞈ-euˬ tiˬ jawˬ bya le-euˬ miˇ neh, aˬ yawꞈ maꞈ guˆ dui dui-iˇ-euˬ meh.

Luˇkaꞈ 22:43

Mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ doˆ le-awˇ, aˬ yawꞈ-ahˇ gʼaˬ biꞈ lahˬ nehˬ-euˬ meh.

Luˇkaꞈ 22:69

Ehˇ kawꞈ, aˬ kaˇ naˇ, Tsawˇhaˬ-euˬ Zaˬmaˇ-aˬ, Baoˬhuiˬ-eu Miˬyehˇ-euˬ aˇ maˇ paw ya nuiˇ tehꞈ-aˬ.”

Luˇkaꞈ 24:4

Aˬ yawꞈ maꞈ zahˬ leˇ-awˇ jawˇ ngeh, yaw shehꞈ bya-eu mehˬ tsoeˬ dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh yawꞈ luꞈ gaˇ ya mawˇ-euˬ meh.

Luˇkaꞈ 3:21

Tsawˇ haˬ kʼoeˇ deuˬ dawˬ tawˆ luꞈ iˇ cuꞈ shawˇ gʼaˬ ngeh, Yeˬsuˇ iˇ cuꞈ shawˇ-euˬ meh. Aˬ yawꞈ guiˬ lahˬ shaˇ luꞈ ngeh, mˬ pah le-awˇ,

Yoˇhaˬ 1:50

Yeˬsuˇ ehˇ-eu, “Nawˇ siˬ guˬ aˇ bawˇ dawˬ pehˬ-ahˇ jawˇ ngeh neh nawˬ-ahˇ ngaˇ mawˇ-euˬ ma lehˇ ngaˇ ehˇ-eu miˇ neh jah te loˇ. Heu naˆ maˬ tseˇ huiˬ-eu gaˇ kawˆ deuˬ-ahˇ nawˇ ya mawˇ tehꞈ-a.”

Yoˇhaˬ 10:1

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ-eu ma. Yawˇ yawˇ kuˆ laꞈ kʼoeˇ gʼoˆ kʼehˬ-ahˇ neh maˬ uˇ laˇ-ehˇ, yawˬ gaˇ yawˬ neh daˆ uˇ laˇ-eu tsawˇ haˬ-aˬ, smˇ kʼoeˬ tahˇ joe meh.

Yoˇhaˬ 10:7

Kʼoeˇ miˇ neh, Yeˬsuˇ aˬ yawꞈ maꞈ-ahˇ paˇ ehˇ nehˬ-eu, “Ngaˇ-aˬ, yawˇ deuˬ gʼaˇ duˬ gʼoˆ kʼehˬ pyeuꞈ-eu ma.

Yoˇhaˬ 13:16

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ kʼaˆ-aˬ baw leˬ naˆ maˬ tseˇ maˬ huiˬ dzehˬ-aˇ. Myawˬ kʼehˇ gʼoˆ le-euˬ gʼaˬ-aˬ, aˬ yawꞈ-ahˇ kʼehˇ gʼeh leꞈ-euˬ gʼaˬ naˆ maˬ tseˇ maˬ huiˬ dzehˬ-aˇ.

Yoˇhaˬ 13:38

Yeˬsuˇ ehˇ-eu, “Nawˇ ngaˬ-euˬ gʼaˇ duˬ aˬ diˇ aˬ maˇ shiˇ dah peuˬ ma loˇ. Ngaˇ nawˬ-ahˇ maˇ jawˆ ni ehˇ-eu ma. Ya poeˇ maˬ doeˇ laˇ mi naˆ-ehˇ, ngaˬ-ahˇ maˬ siˬ lehˇ smˬ poˆ keuˆ ni nawˇ pyehˇ tehꞈ-a.”

Yoˇhaˬ 14:12

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-ahˇ kʼaˇ jah-eu tsawˇ haˬ-aˬ, ngaˬ neh mˇ-euˬ zahˬ leˇ paˬ-ehˇ gʼeh-eu gaˇ deuˬ mˇ tehꞈ-a. Ngaˬ neh mˇ-euˬ gaˇ deuˬ myaˆ maˬ tseˇ aˬ yawꞈ mˇ huiˬ gʼeh tehꞈ-a. Aˬ jeˬ miˇ neh ehˇ naˇ, ngaˇ-aˬ, Aˬda jawˇ gaˇ ya gʼoꞈ leˇ meh.

Yoˇhaˬ 16:20

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Yoˇhaˬ 16:23

“Aˇ nah kʼoeˇ nah keuˆ le ngeh, naw maꞈ ngaˬ-ahˇ tiˬ jeˬ-iˬ maˬ paˇ shaˇ-aˇ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ-ahˇ, Aˬda biꞈ nehˬ laꞈ tehꞈ-a.

Yoˇhaˬ 21:18

Ngaˇ nawˬ-ahˇ maˇ jawˆ ni ehˇ nehˬ nyaˇ. Nawˇ zaˬ guˬ pyeuꞈ ngeh, yawˬ haˇ yawˬ ha joꞈ paꞈ paꞈ deuˇ-awˇ, yawˬ ha kʼaˇ iˇ mawꞈ gaˇ iˇ-euˬ meh. Ehˇ kʼawꞈ, nawˇ tsawˇ mawˬ mawˬ le ngeh, nawˬ-euˬ aˬ laꞈ cawˬ diˇ nehˬ-awˇ, aˬ cawˬ neh joꞈ paꞈ bi paꞈ-awˇ, yawˬ ha maˬ iˇ mawꞈ gaˇ bi tsahˇ gʼeh tehꞈ-a.”

Yoˇhaˬ 3:3

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Tsawˇ haˬ tiˬ gʼaˬ-iˬ nyiˬ poˆ tiˬ poˆ maˬ dehꞈ paˇ naˇ, Miˬyehˇ miˇ kʼahˬ-ahˇ maˬ ya mawˇ-aˇ.”

Yoˇhaˬ 3:5

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Iˇ cuꞈ laꞈ kʼoeˇ hawˇ-eu Yaw sahˇ Miˬyehˇ laꞈ kʼoeˇ maˬ dehꞈ le-euˬ tsawˇ haˬ-aˬ, Miˬyehˇ Miˇ kʼahˬ laꞈ kʼoeˇ maˬ ya uˇ leˇ-a.

Yoˇhaˬ 5:19

Kʼoeˇ miˇ neh, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ kʼoꞈ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Aˬda kʼaˇ mˇ-eu jeˬ Zaˬmaˇ mˇ nya-eu meh.

Yoˇhaˬ 5:27

Zaˬmaˇ-ahˇ yaˇ kʼaˬ daˇ-eu baoˬ biꞈ taˬ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ Tsawˇhaˬ-euˬ Zaˬmaˇ meh.

Yoˇhaˬ 6:26

Yeˬ suˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ kaˬ muˇ tiˬ dehˆ ya dzaˬ-euˬ miˇ neh ngaˬ-ahˇ poˆ-eu meh. Ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-euˬ dawˬ tsuiꞈ gʼoˆ shaw-euˬ miˇ neh poˆ-eu maˬ ngeuˇ-a.

Yoˇhaˬ 6:32

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Moˇseˬ neh naw maꞈ-ahˇ bi dzaˬ-euˬ kʼoeˇ-aˬ, mˬ taˆ-euˬ kaˬ muˇ maˬ ngeuˇ-a. Naw maꞈ-ahˇ maˇ maˇ ni gʼeh-eu mˬ taˆ kaˬ muˇ biꞈ-eu gʼaˬ-aˬ, ngaˬ Da meh.

Yoˇhaˬ 6:47

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Jah-eu tsawˇ haˬ mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 6:53

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ Tsawˇhaˬ-euˬ Zaˬmaˇ-euˬ shaˬ jiˇ maˬ dzaˬ-ehˇ, aˬ yawꞈ-euˬ shiˬ maˬ dawˇ naˇ, dehꞈ-eu saꞈ laˇ maˬ za nya-a.

Yoˇhaˬ 8:34

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˬ baˇ kʼaˇ mˇ-eu tsawˇ haˬ-aˬ, iˬ baˇ-euˬ zaˬ kʼaˆ meh.

Yoˇhaˬ 8:51

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ-eu tsawˇ haˬ-aˬ, tiˬ jawˇ-iˬ maˬ shiˇ-aˇ.”

Yoˇhaˬ 8:58

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Aˬbyaˬhaˬ maˬ dehꞈ le mi naˆ-ehˇ ngaˇ jawˇ-euˬ ma.”

Gʼaˬkʼehˇ 10:11

Mˬ pah le-awˇ, aˇ bui bui ma loꞈ-ehˇ gʼeh-eu tiˬ hmˬ laꞈ coeˇ oeˬ coeˬ-ahˇ aˇ caˆ paꞈ-awˇ, miˇ tsaˬ kʼoeˇ taˆ aˬ za za-ehˇ pyehˬ ka leꞈ luꞈ gaˇ mawˇ-euˬ meh.

Gʼaˬkʼehˇ 7:56

“Haw sheˇ. Mˬ pah taˬ-awˇ, Tsawˇhaˬ-euˬ Zaˬmaˇ kʼoeˇ gʼaˬ Miˬyehˇ-euˬ aˇ maˇ paw yawꞈ luꞈ-eu mawˇ laˇ ngaˇ” lehˇ aˬ yawꞈ ehˇ-eu meh.

2 Teˇsaˬloˇni 1:7

Kʼehˬ-eu kʼaˆ-eu jeˬ-ahˇ ya daˬ-eu naw maꞈ-ahˇ-aˬ, maˬ paˇ bi daˬ ni bi naˬ tehꞈ-a. Nga maꞈ-ahˇ kʼawꞈ kʼoeˇ loꞈ-ehˇ bi naˬ laꞈ tehꞈ-a. Sahˬpaˬ Yeˬsuˇ Ka li aˬ yawꞈ-euˬ baoˬ huiˬ-eu mˬ taˆ gʼaˬ kʼehˇ deuˬ nehˬ-ehˇ mˬ-ahˇ neh doˆ le ngeh, Miˬyehˇ aˬ dui-ahˇ kʼoeˇ loꞈ-ehˇ bi naˬ laꞈ tehꞈ-a.

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

Yuˇdaˆ 1:14

Aˇ hu ba, Aˬdaˬ-ahˇ neh shiꞈ tsuiꞈ tiˬ tsuiꞈ-ahˇ dehꞈ yaꞈ-euˬ Iˇnawˆ neh, aˬ yawꞈ maꞈ-euˬ gaˇ kawˆ heu loꞈ-ehˇ ngehˬ dah yaꞈ-euˬ jaˆ-eu meh. “Sahˬpaˬ Miˬyehˇ-aˬ, muiˬ-eu shawˇ-eu mˬ taˆ gʼaˬ kʼehˇ aˇ muiˇ aˇ seh nehˬ-ehˇ oe tehꞈ-a.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Panmaeq 4:1

Kʼoeˇ naˇ, mˬ kʼoeˇ taˆ laˇ gʼoˆ pah taˬ-euˬ gaˇ, Yaw sahˇ laꞈ kʼoeˇ ngaˇ paˇ ya mawˇ-euˬ ma. Yaw beh ngaˬ-ahˇ dawˬ ngehˬ cawˬ le-euˬ daˇ heh baw gaˇ duˇ-eu teˇ saˇ kʼoeˇ saˇ ngaˬ-ahˇ ehˇ-eu, “Heu gaˇ daˆ laˇ-awˬ. Mehˬ hu paw pyeuꞈ laˇ-eu lehˇ gʼeh-eu gaˇ kawˆ ngaˇ nawˬ-ahˇ mehˬ nehˬ nyaˇ.”