Yoˇhaˬ 1:47 - Akha

⁴⁷ Naˬdaˬneˬlaˇ aˬ yawꞈ jawˇ gaˇ laˇ luꞈ-eu ya mawˇ ngeh, Yeˬsuˇ ehˇ-eu, “Maˇ maˇ ni gʼeh-eu Iˇsaˬleˬlaˆ tsawˇ haˬ laˇ ngaˇ. Aˬ yawꞈ laꞈ kʼoeˇ jaˬ myawꞈ myawꞈ-eu jeˬ tiˬ pawꞈ-iˬ maˬ ahˇ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁷ Naqdaqneqlar, Yeqsur jawr-eu gar larluf-eu gar Yeqsur ya’mawr ngae, Naqdaqneqlar-euq garkawv heulof-aer aer-eu mae, “Aqdir Irsaqleqlav tsawrhaq pyeuf-eu ghaq-anr hawsher-eq. Aqyawf-euq nuima-euq lafkhoer jaqmyawf maershuir maqanr-a.”

Yoˇhaˬ 1:47 Iomraidhean Croise

Jaceuq 32:2

SahˬpaˬMiˬyehˇyaw lehˬmaˬno, jaˬmyawꞈmehˇshuiˇlaw-eu tsawˇhaˬ, guiˬlahˬhuiˬ-eu tsawˇhaˬmeh.

Jaceuq 73:1

Miˬyehˇ-aˬ, Iˇsaˬleˬlaˆ tsawˇ jeuˬ kʼoeˇ taˆ aˬ diˇ aˬ maˇ muiˬ-eu meh. Nui ma shawˇ jehˆ ni gʼeh-eu tsawˇ haˬ deuˬ kʼoeˇ taˆ muiˬ-eu meh.

Yoˇhaˬ 2:25

Aˬ yawꞈ maꞈ-euˬ gaˇ kawˆ aˬ yawꞈ-ahˇ ja mehˬ-eu maˬ loˬ-a. Aˬ jeˬ miˇ meh ehˇ naˇ, tsawˇ haˬ-euˬ nui ma-ahˇ aˬ yawꞈ siˬ nya-eu meh.

Yoˇhaˬ 4:16

Yeˬsuˇ ehˇ-eu, “Nawˬ-euˬ kʼaˬ dzeˇ zaˬ kuˇ laˬ leˇ-awˇ oe-awˬ.”

Yoˇhaˬ 8:31

Kʼoeˇ naˇ, Yeˬsuˇ-ahˇ jah-eu tsawˇ haˬ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Naw maꞈ ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ naˇ, maˇ maˇ ni ngaˬ-euˬ zaˬ lahˇ ma.

Yoˇhaˬ 8:39

Aˬ yawꞈ maꞈ Yeˬsuˇ-ahˇ ehˇ-eu, “Nga maꞈ-euˬ aˬ da-aˬ, Aˬbyaˬhaˬ ma.” Yeˬsuˇ ehˇ-eu, “Naw maꞈ maˇ maˇ ni Aˬbyaˬhaˬ-euˬ zaˬ ma lehˇ ngeuˇ naˇ, aˬ yawꞈ neh mˇ-euˬ jeˬ naw maꞈ mˇ tehꞈ-a.

Lormav 9:4

Aˬ yawꞈ maꞈ Miˬyehˇ-euˬ tsawˇ haˬ meh. Aˬ yawꞈ maꞈ-ahˇ aˬ yawꞈ-euˬ zaˬ bi geuꞈ-awˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-euˬ meh. Aˬ yawꞈ maꞈ nehˬ-ehˇ aˬ yawꞈ dawˬ ma saˇ jaˇ dzaˬ-awˇ, Zahˇ dawˬ kʼoꞈ dawˬ biꞈ nehˬ-euˬ meh. Aˬ yawꞈ maꞈ Miˬyehˇ-ahˇ dawˇ coe ni uˬ duˬ tahˬ-eu gaˇ kawˆ siˬ nya meh. Miˬyehˇ-euˬ saˇ jaˇ za-euˬ tsawˇ haˬ pyeuꞈ-eu meh.

Lormav 9:6

Miˬyehˇ neh saˇ jaˇ dzaˬ taˬ-euˬ loꞈ-ehˇ maˬ pyeuꞈ laˇ-aˬ lehˇ ngaˇ ehˇ-eu maˬ ngeuˇ. Miˬyehˇ neh saˇ jaˇ dzaˬ taˬ-euˬ loꞈ-ehˇ aˬ diˇ pyeuꞈ laˇ taˬ-euˬ meh. Aˬ jeˬ miˇ neh ehˇ naˇ, Miˬyehˇ neh tseˇ doˆ-euˬ tsawˇ haˬ deuˬ laꞈ kʼoeˇ, Iˇsaˬleˬlaˆ tsawˇ haˬ deuˬ tehꞈ-ehˇ maˬ ngeuˇ ni, aˬ cawˬ tsawˇ jeuˬ kʼawꞈ ahˇ-eu meh.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

1 Beˬtuˆluˆ 2:1

Kʼoeˇ miˇ neh, yaw haiˬ jeˬ dawˬ tawˆ luꞈ-ahˇ byehˇ dzeh-awˬ. Jaˬ myawꞈ myawꞈ-eu maˬ ehˇ, awꞈ-aꞈ tahˬ kʼoˬ loꞈ-ehˇ yaw muiˬ jahˇ geuꞈ-eu maˬ ehˇ, aˬ cawˬ-ahˇ myaˆ naˆ-eu maˬ ehˇ, aˬ cawˬ-ahˇ ja bu ja doeˇ-eu maˬ ehˇ, taˬ paˇ mˇ.

1 Beˬtuˆluˆ 2:22

Aˬ yawꞈ iˬ baˇ tiˬ pawꞈ-iˬ maˬ mˇ haw-aˬ. Aˬ yawꞈ-euˬ kʼaˬ meh-ahˇ jaꞈ myawꞈ myawꞈ-eu dawˬ tiˬ dawˬ-iˬ ma ngehˬ doˆ leꞈ haw-aˬ.

Panmaeq 14:5

Aˬ yawꞈ maꞈ-aˬ, tiˬ jawˇ-iˬ jaˬ myawꞈ maˬ myawꞈ haw-ehˇ, iˬ baˇ taˬ kʼaˇ maˬ za-eu tsawˇ haˬ deuˬ meh.