Yoˇhaˬ 1:43 - Akha

⁴³ Yawˬ nah yawˬ Gaˬliˬlehˇ miˇ kʼahˬ-ahˇ iˇ-eu lehˇ Yeˬsuˇ noeˬ tsehˆ-euˬ meh. Piˇliˇpuˆ-ahˇ aˬ yawꞈ mawˇ-awˇ,“Ngaˬ nehˬ-ehˇ oe-awˬ” lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴³ Nishawq ngae nan, Yeqsur, Gaqliqlaer mirkhanq-anr irmawf-eu mae. Aqyawf, Pirlirpuv-anr tanqpuq-awr aernaeq-eu, “Ngaq-euq maeqnan cantae lar-awq.”

Yoˇhaˬ 1:43 Iomraidhean Croise

Iˇsaˬyaˇ 65:1

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ shaˇ dawˬ-ahˇ, naˇ haˬ nehˬ-eu gʼaˇ duˬ ngaˇ lehˬ hmˬ kʼawꞈ, aˬ yawꞈ maꞈ ngaˬ-ahˇ guiˬ lahˬ maˬ shaˇ-a. Aˬ yawꞈ maꞈ bi haw mawˇ-eu lehˇ ngaˇ mˇ jeh kʼawꞈ, aˬ yawꞈ maꞈ ngaˬ-ahˇ maˬ poˆ-a. Ngaˇ heu gaˇ jawˇ ma lehˇ ehˇ gaˬ nehˬ kʼawꞈ, aˬ yawꞈ maꞈ ngaˬ-ahˇ guiˬ lahˬ maˬ shaˇ-a.

Maꞈtehˬ 10:3

Piˇluˇpuˆ hawˇ-eu Baˬtawˇlaˬmehˇ, Toˇmaˆ hawˇ-eu kawˬ taꞈ-eu tsawˇ haˬ pyeuꞈ-eu Maꞈtehˬ, Aˬlaˬpehˇ-euˬ aˬ li Yaˬkoˆ hawˇ-eu Taˬdehˇ,

Maꞈtehˬ 4:12

Yoˇhaˬ-ahˇ paꞈ kuˆ laꞈ kʼoeˇ bi nyehꞈ uˇ-euˬ gaˇ kawˆ Yeˬsuˇ ya gaˬ ngeh, Gaˬliˬlehˇ miˇ kʼahˬ-ahˇ gʼoꞈ leˇ-euˬ meh.

Maꞈtehˬ 8:22

Yeˬsuˇ ehˇ-eu, “Ngaˬ-euˬ mehˬ nah caw teh laˇ-awˬ. Shiˇ-euˬ tsawˇ haˬ deuˬ-ahˇ shiˇ-euˬ deuˬ neh bi baꞈ pahˬ luꞈ-uˇ.”

Maꞈtehˬ 9:9

Jawˇ duˬ kʼoeˇ tsahˇ-ahˇ neh Yeˬsuˇ luˆ-iˇ-awˇ mehˬ hu paw iˇ luꞈ ngeh, kawˬ taꞈ-eu tsawˇ haˬ pyeuꞈ-eu Maꞈtehˬ lehˇ myahˇ-euˬ gʼaˬ, kawˬ taꞈ-eu nymˇ-ahˇ nuiˇ luꞈ gaˇ aˬ yawꞈ ya mawˇ-euˬ meh. “Ngaˬ-euˬ mehˬ nah caw teh laˇ-awˇ ngaˬ-euˬ zaˬ lahˇ geuꞈ laˇ-awˬ” lehˇ Yeˬsuˇ ehˇ ngeh, Maꞈtehˬ tsawˬ tuˇ laˇ-awˇ, Yeˬsuˇ-euˬ mehˬ nah caw teh gʼeh-euˬ meh.

Luˇkaꞈ 19:10

Tsawˇhaˬ-euˬ Zaˬmaˇ-aˬ, byoˆ-iˇ-euˬ deuˬ-ahˇ poˆ mawˇ-awˇ ka kʼoꞈ-eu gʼaˇ duˬ oe-euˬ meh.”

Yoˇhaˬ 1:28

Yoˇhaˬ iˇ cuꞈ shawˇ nehˬ luꞈ-eu jawˇ duˬ pyeuꞈ-eu Yawˇdaˬ lawˇ baˬ-euˬ nahˇ ma doˆ kʼehˬ paw dzeˇ jaˆ-eu Beˬtaˬniˇ pu-ahˇ, Yoˇhaˬ-ahˇ aˬ yawꞈ maꞈ kʼoeˇ loꞈ-ehˇ naˇ haˬ-euˬ meh.

Yoˇhaˬ 1:29

Yawˬ nah yawˬ, Yeˬsuˇ oe luꞈ gaˇ Yoˇhaˬ mawˇ-awˇ ehˇ-eu, “Miˇ tsaˬ zaˬ-euˬ iˬ baˇ-ahˇ pi dzeh le-euˬ Miˬyehˇ-euˬ yawˇ zaˬ-ahˇ haw sheˇ.

Yoˇhaˬ 1:35

Yawˬ nah yawˬ keuˆ laˇ ngeh, Yoˇhaˬ hawˇ-eu aˬ yawꞈ-euˬ zaˬ lahˇ nyiˬ gʼaˬ kʼoeˇ gaˇ paˇ yawꞈ luꞈ-eu meh.

Yoˇhaˬ 1:37

Zaˬ lahˇ kʼoeˇ nyiˬ gʼaˬ Yoˇhaˬ kʼoeˇ loꞈ-ehˇ ehˇ gaˇ gaˬ-awˇ, Yeˬsuˇ-euˬ mehˬ nah iˇ-euˬ meh.

Yoˇhaˬ 1:44

(Piˇliˇpuˆ-aˬ, Aˬdehˬlehˬ hawˇ-eu Beˬtuˆluˆ aˬ nyaꞈ nmˇ jawˇ-eu Behˬdzeˇdaˬ meuˬ-ahˇ jawˇ-eu meh.)

Yoˇhaˬ 12:21

Heˬlaˬsaˇ tsawˇ haˬ kʼoeˇ deuˬ, Gaˬliˬlehˇ miˇ kʼahˬ Behˬdzeˇdaˬ meuˬ-ahˇ jawˇ-euˬ Piˇliˇpuˆ jawˇ gaˇ iˇ-awˇ, “Saˬ laˬ-oˇ, nga maꞈ Yeˬsuˇ-ahˇ mawˇ mawꞈ nya” lehˇ ehˇ nehˬ-euˬ meh.

Yoˇhaˬ 14:8

Piˇliˇpuˆ ehˇ-eu, “Sahˬpaˬ-oˇ, nga maꞈ-ahˇ Aˬda bi mawˇ laꞈ-awˬ. Aˬ yawꞈ-ahˇ ya mawˇ naˇ, nga maꞈ nui kʼahˇ shiˇ ma.”

Yoˇhaˬ 2:11

Yeˬsuˇ-aˬ, Gaˬliˬlehˇ miˇ kʼahˬ Gaˬnaˬ meuˬ-ahˇ kʼaˆ jeˬ-ehˇ gʼeh-eu yaw beh hmˬ kʼoeˇ loꞈ-ehˇ mˇ mehˬ nehˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ pah mehˬ nehˬ-awˇ, aˬ yawꞈ-euˬ zaˬ lahˇ deuˬ aˬ yawꞈ-ahˇ jah laˇ-euˬ meh.

Yoˇhaˬ 6:5

Yeˬsuˇ haw gʼeh ngeh, tsawˇ haˬ aˇ maꞈ maꞈ ma uiˬ laˇ luꞈ gaˇ ya mawˇ-awˇ, “Tsawˇ haˬ heu deuˬ-ahˇ bi dzaˬ bi dawˇ-eu gʼaˇ duˬ, dzaˬ dzaˬ dawˇ dawˇ aˬ gaˇ zeuˇ loꞈ laˬ-iˇ nmˇ” lehˇ, Piˇliˇpuˆ-ahˇ naˇ haˬ-euˬ meh.

Yoˇhaˬ 6:7

Piˇliˇpuˆ ehˇ-eu, “Tsawˇ haˬ heu deuˬ-ahˇ tiˬ gʼaˬ ui cuiˆ ui cuiˆ bi dzaˬ-eu kaˬ muˇ zeuˇ kʼawꞈ, pyuˇ maˇ byaˆ nyiˬ yaˇ byaˆ neh maˬ zeuˇ loꞈ nya-aˇ.”

Piˇliˇpiˆ 3:12

Ngaˇ heu loꞈ-ehˇ ehˇ-eu-aˬ, nymˬ-mˇ za gʼaˬ-euˬ ma lehˇ ehˇ-eu maˬ ngeuˇ. Byah laˇ gʼaˬ-euˬ ma lehˇ ehˇ-eu kʼawꞈ maˬ ngeuˇ. Yeˬsuˇ Ka li neh ngaˬ-ahˇ aˬ yawꞈ-euˬ tsawˇ haˬ bi pyeuꞈ laˇ-euˬ loꞈ-ehˇ, laꞈ sawˬ kʼoeˇ-ahˇ ngaˇ za nya ni leh jeh luꞈ-eu ma.

1 Yoˇhaˬ 4:19

Miˬyehˇ aˬ dui-ahˇ jeˬ hu gaˬ-euˬ miˇ neh, aˬ dui aˬ yawꞈ-ahˇ gaˬ-awˇ, tiˬ gʼaˬ tiˇ gʼaˬ gaˬ-eu ma.