Yoˇhaˬ 1:21 - Akha

²¹ Aˬ yawꞈ maꞈ ehˇ-eu, “Toˆ-ehˇ ngeuˇ naˇ, nawˇ aˬ suˇ gʼaˬ te. Eˇliˇyaˆ te loˇ.” Yoˇhaˬ ehˇ-eu, “Maˬ ngeuˇ.” Aˬ yawꞈ maꞈ ehˇ-eu, “Miˬyehˇ gʼaˇ duˬ ngehˬ dah-eu tsawˇ haˬ te loˇ.” Yoˇhaˬ ehˇ-eu, “Maˬ ngeuˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Aqyawfmaf, aqyawf-anr par narhaq-eu, “Tox-aer mar-iq, nawr aqsur ghaq le? Erlirya le lor?” Khoerngae, aqyawf aerkhof naeq-eu, “Ngar, Erlirya maqngeur.” Aqyawfmaf par narhaq-eu, “Miqyaer gharduq ngaeqdan-eu khoerghaq le lor?” Khoerngae, aqyawf aerkhof naeq-eu, “Maqngeur.”

Yoˇhaˬ 1:21 Iomraidhean Croise

Maˬlaˬkiˇ 4:5

“Ehˇ kʼawꞈ, guˆ dui dui laˇ paˬ-ehˇ gʼeh-eu Sahˬpaˬ Miˬyehˇ-euˬ aˇ nah nah huiˬ kʼoeˇ nah maˬ keuˆ-euˬ nmˇ kaˬ, Miˬyehˇ gʼaˇ duˬ ngehˬ dah-eu Eˇliˇyaˆ-ahˇ naw maꞈ jawˇ gaˇ ngaˇ pyehˬ gʼeh leꞈ ma.

Maꞈtehˬ 11:14

Ngehˬ ka tmˇ ka leꞈ-euˬ gaˇ kawˆ kʼoeˇ deuˬ-ahˇ naw maꞈ jah-eu nui ma ahˇ naˇ, Eˇliˇyaˆ oe meh lehˇ ehˇ taˬ-euˬ kʼoeˇ-aˬ, Yoˇhaˬ oe gaˇ ehˇ-eu meh.

Maꞈtehˬ 16:14

Aˬ yawꞈ maꞈ ehˇ-eu, “Tiˬ paˆ na deuˬ Iˇ cuꞈ shawˇ-eu Yoˇhaˬ nga lehˇ ehˇ-awˇ, tiˬ paˆ na deuˬ Eˇliˇyaˆ nga lehˇ ehˇ-eu meh. Tiˬ paˆ na deuˬ-aˬ, Yeˬlaˬmiˇ maˬ ngeuˇ naˇ, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ na ngaˇ lehˇ ehˇ-eu meh.”

Maꞈtehˬ 21:11

Tsawˇ haˬ aˇ maꞈ kʼoeˇ maꞈ ehˇ kʼoꞈ nehˬ-eu, “Tsawˇ haˬ heu gʼaˬ-aˬ, Yeˬsuˇ lehˇ kuˇ-eu, Gaˬliˬlehˇ miˇ kʼahˬ Naˬzaˬlehˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu gʼaˬ meh.”

Luˇkaꞈ 1:17

Aˬ da hawˇ-eu zaˬ deuˬ tsaˬ leˇ tsahˇ leˇ nya ni maˬ ehˇ, naˬ lehˬ lehˬ-eu tsawˇ haˬ deuˬ yaw tsaˬ yaw dawˇ tsawˇ haˬ-euˬ nui noeˬ mehˬ nah caw teh laˇ ni maˬ ehˇ, Sahˬpaˬ Miˬyehˇ-euˬ tsawˇ jeuˬ-ahˇ Sahˬpaˬ Miˬyehˇ gʼaˇ duˬ bi lehˬ hmˬ dah taˬ-eu gʼaˇ duˬ maˬ ehˇ, Eˇliˇyaˆ-euˬ nui ma hawˇ-eu baoˬ aˬ yawꞈ pi-awˇ, Sahˬpaˬ-euˬ mehˬ hu aˬ yawꞈ iˇ tehꞈ-a.”

Yoˇhaˬ 1:22

Aˬ yawꞈ maꞈ ehˇ-eu, “Toˆ-ehˇ ngeuˇ naˇ, nawˇ aˬ suˇ gʼaˬ pyeuꞈ-eu gaˇ kawˆ nga maꞈ-ahˇ tiˬ poˆ ehˇ nehˬ laꞈ sheˇ. Nga maꞈ-ahˇ kʼehˇ gʼeh leꞈ-euˬ tsawˇ haˬ deuˬ-ahˇ nga maꞈ ya dzawˇ poˆ nehˬ leˇ meh. Nawˇ yawˬ haˇ yawˬ ha aˬ suˇ gʼaˬ te lehˇ ehˇ nmˇ.”

Yoˇhaˬ 1:25

Aˬ yawꞈ maꞈ Yoˇhaˬ-ahˇ naˇ haˬ-eu, “Nawˇ-aˬ, Ka li kʼawꞈ maˬ ngeuˇ, Eˇliˇyaˆ kʼawꞈ maꞈ ngeuˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ maˬ ngeuˇ lehˇ ehˇ-eu jeˬ maˇ-iˬ, aˬ jeˬ miˇ neh aˬ cawˬ-ahˇ iˇ cuꞈ shawˇ nehˬ te.”

Yoˇhaˬ 6:14

Yeˬsuˇ neh mˇ-euˬ zahˬ leˇ paˬ-ehˇ gʼeh-eu kʼoeˇ-ahˇ tsawˇ haˬ kʼoeˇ deuˬ ya mawˇ ngeh, “Tsawˇ haˬ heu gʼaˬ-aˬ, maˇ maˇ ni miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ gʼaˇ duˬ ngehˬ dah-eu kʼoeˇ gʼaˬ ngaˇ” lehˇ ehˇ-eu meh.

Yoˇhaˬ 7:40

Yeˬsuˇ kʼoeˇ loꞈ-ehˇ ehˇ gaˇ ya gaˬ ngeh, tsawˇ haˬ aˇ maꞈ laꞈ kʼoeˇ tiˬ paˆ na deuˬ ehˇ-eu, “Tsawˇ haˬ teu gʼaˬ aˬ diˇ aˬ maˇ Miˬyehˇ gʼaˇ duˬ ngeh dah-eu tsawˇ naˬ ngaˇ.”