Yoˇhaˬ 1:18 - Akha

¹⁸ Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

Yoˇhaˬ 1:18 Iomraidhean Croise

Aˇ dahˬ 16:13

Kʼoeˇ ngeh, “Miˬyehˇ-ahˇ ngaˇ aˬ diˇ aˬ maˇ ya mawˇ gʼaˬ-euˬ kʼawꞈ, maˬ ya shiˇ-ehˇ, gaˇ kawˆ kʼoeˇ aˬ cawˬ-ahˇ dzawˇ mehˬ dzawˇ mehˬ-ehˇ paˇ ya dehꞈ ta siˬ loˇ” lehˇ, Haˬgaˬlaˇ yawˬ haˇ yawˬ ha ehˇ-eu meh. Kʼoeˇ miˇ neh, aˬ yawꞈ-ahˇ dawˬ ngehˬ cawˬ le-euˬ Sahˬpaˬ Miˬyehˇ-ahˇ, “Siˬ luꞈ mawˇ luꞈ-eu Miˬyehˇ” lehˇ aˬ yawꞈ kuˇ-euˬ meh.

Aˇ dahˬ 18:33

Aˬbyaˬhaˬ aˬ yawꞈ nyaꞈ kʼoeˇ loꞈ-ehˇ dawˬ ngehˬ cawˬ gʼaˬ ngeh, Sahˬpaˬ Miˬyehˇ doˆ-iˇ-euˬ meh. Aˬbyaˬhaˬ gʼaˬ kʼawꞈ, iˇ kahˇ gʼoꞈ-iˇ-euˬ meh.

Doˆ-iˇ 23:21

Aˬ yawꞈ-ahˇ haw tsoˆ taˬ-awˇ, aˬ yawꞈ-euˬ ehˇ dawˬ naˇ haˬ-awˬ. Aˬ yawꞈ-aˬ, ngaˬ neh kʼehˇ gʼeh leꞈ-euˬ gʼaˬ pyeuꞈ-eu miˇ neh, naw maꞈ aˬ yawꞈ-ahˇ puiˬ naˇ, aˬ yawꞈ naw maꞈ-ahˇ iˬ baˇ maˬ pyehꞈ-a.

Doˆ-iˇ 24:10

Iˇsaˬleˬlaˆ tsawˇ jeuˬ-euˬ Miˬyehˇ-ahˇ aˬ yawꞈ maꞈ ya mawˇ-euˬ meh. Aˬ yawꞈ-euˬ aˬ kuiˇ uˬ moˆ, mˬ loꞈ-ehˇ nyoeˇ leuˬ leuˬ-eu kʼaˬ lo sehˇ-ahˇ duˇ-eu jeˬ kʼawˬ taˬ-euˬ meh.

Dawqdaq 8:30

Nymˇ tsoˆ-eu laꞈ saˇ maˇ loꞈ-ehˇ aˬ yawꞈ-euˬ dawˬ peh aˬ myah luꞈ ngaˇ jawˇ-awˇ, aˬ yawꞈ nah yawꞈ aˬ yawꞈ ngaˬ-ahˇ nui kʼahˇ shiˇ-awˇ, aˬ yawꞈ mehˬ shi aˬ myah luꞈ laˬ kʼaˬ cehˇ-euˬ ma.

Iˇsaˬyaˇ 40:11

Yawˇ bo-eu yaw sahˇ yawˇ-ahˇ bo saˆ nehˬ-eu loꞈ-ehˇ, aˬ yawꞈ-euˬ yawˇ maꞈ-ahˇ aˬ yawꞈ bo saˆ nehˬ-awˇ, yawˇ zaˬ deuˬ-ahˇ tiˬ gaˇ jaˬ uiˬ jiˇ-eu laꞈ kʼoeˇ, aˬ yawꞈ-euˬ bawˇ kʼahˇ-ahˇ ciˬ-awˇ, yawˇ zaˬ aˬ ma deuˬ-ahˇ aˬ za za-ehˇ sheuˬ gʼeh tehꞈ-a.

Ngoeˇ dawˬ 2:12

Guiˇ bi deuˆ tahˬ-euˬ deuˬ loꞈ-ehˇ, meuˬ-euˬ gʼahˇ ceh gaˇ ma doe ni, myaꞈ leˇ taˬ-awˇ ga luꞈ-eu meh. “Hawˬ bi dzaˬ nehˬ laꞈ-awˬ leˇ” lehˇ, aˬ ma-ahˇ shaˇ-eu zaˬ kʼoeˇ deuˬ, aˬ ma deuˬ-euˬ bawˇ kʼahˇ laꞈ kʼoeˇ, saꞈ gʼawˇ tsehˆ-eu shaˬ luꞈ-eu meh.

Bawˇtsahˬ 12:8

Kʼoeˇ miˇ neh, aˬ yawꞈ-ahˇ ngaˇ dawˬ ngehˬ cawˬ ngeh, myaˆ pyawˬ ciˬ daˬ-awˇ, bya cehˆ ni ngehˬ cawˬ-eu ma. Dawˬ jaw dawˬ yehˆ maˬ zmˬ. Ngaˬ-euˬ seuˆ dzeuꞈ aˇ gʼehˇ kʼawꞈ, aˬ yawꞈ mawˇ haw-euˬ meh. Ngaˬ-euˬ zaˬ kʼaˆ Moˇseˬ-ahˇ iˬ baˇ taˬ-eu dawˬ, naw nyaꞈ aˬ joˆ-ehˇ ngehˬ peuˬ-eu nya.”

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Luˇkaꞈ 10:22

“Yawˬ jeˬ naˬ luꞈ ngaˬ Da neh ngaˬ-ahˇ a nehˬ jiˇ laꞈ-euˬ meh. Zaˬmaˇ-aˬ, aˬ suˇ gʼaˬ-a lehˇ, Aˬda maˬ ngeuˇ naˇ tiˬ gʼaˬ-iˬ maˬ siˬ nya-a. Kʼoeˇ loꞈ-ehˇ duˇ ni, Aˬda-aˬ, aˬ suˇ gʼaˬ-a lehˇ, Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ deuˬ maˬ ngeuˇ naˇ, tiˬ gʼaˬ-iˬ maˬ siˬ nya-a.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 12:41

Iˇsaˬyaˇ neh kʼoeˇ loꞈ-ehˇ ehˇ taˬ-euˬ kʼoeˇ-aˬ, Yeˬsuˇ-euˬ yaw shehꞈ kʼahˬ sehˇ-ahˇ aˬ yawꞈ ya mawˇ-awˇ aˬ yawꞈ-euˬ gaˇ kawˆ ehˇ taˬ-euˬ jeˬ pyeuꞈ-eu meh.

Yoˇhaˬ 13:23

Yeˬsuˇ gaˬ-euˬ zaˬ lahˇ tiˬ gʼaˬ Yeˬsuˇ-euˬ dawˬ peh nuiˇ luꞈ-eu meh.

Yoˇhaˬ 14:9

Yeˬsuˇ ehˇ-eu, “Ngaˇ naw maꞈ nehˬ-ehˇ heu myah ni jawˇ keuˆ laꞈ-euˬ kʼawꞈ, Piˇliˇpuˆ nawˇ ngaˬ-ahˇ maˬ siˬ nya nga siˬ laˬ. Ngaˬ-ahˇ kʼaˇ ya mawˇ-euˬ tsawˇ haˬ-aˬ, Aˬda-ahˇ ya mawˇ-euˬ gaˇ duˇ meh. ‘Nga maꞈ-ahˇ Aˬda bi mawˇ laꞈ’ lehˇ aˬ jeˬ miˇ neh ehˇ te.

Yoˇhaˬ 17:26

Nawˬ neh ngaˬ-ahˇ gaˬ-euˬ gʼoeˇ-eu gaˬ-eu kʼoeˇ hmˬ aˬ yawꞈ maꞈ-euˬ laꞈ kʼoeˇ ahˇ-awˇ, ngaˇ aˬ yawꞈ maꞈ-euˬ laꞈ kʼoeˇ jawˇ nya-eu gʼaˇ duˬ, aˬ yawꞈ maꞈ nawˬ-ahˇ siˬ nya laˇ ni ngaˇ mˇ-euˬ loꞈ-ehˇ, mehˬ hu paw paˇ mˇ daˆ leꞈ ma.”

Yoˇhaˬ 17:6

Miˇ tsaˬ heu kʼoeˇ taˆ nawˬ neh ngaˬ-ahˇ biꞈ doˆ nehˬ laꞈ-euˬ tsawˇ haˬ deuˬ nawˬ-ahˇ siˬ nya ni ngaˇ mˇ gʼaˬ-euˬ ma. Aˬ yawꞈ maꞈ nawˬ-euˬ tsawˇ haˬ pyeuꞈ laˇ-awˇ, nawˬ neh ngaˬ-ahˇ biꞈ laꞈ-euˬ meh. Nawˬ-euˬ dawˬ-ahˇ aˬ yawꞈ maꞈ naˇ haˬ geuꞈ-euˬ meh.

Yoˇhaˬ 3:11

Ngaˇ nawˬ-ahˇ aˬ diˇ aˬ maˇ ngeuˇ-eu jeˬ ehˇ nehˬ luꞈ-eu ma. Nga maꞈ ya siˬ-euˬ jeˬ ja mehˬ-awˇ, nga maꞈ ya mawˇ-euˬ jeˬ dzawˇ mehˬ-eu kʼawꞈ, naw maꞈ tiˬ gʼaˬ-iˬ nga maꞈ neh ehˇ-euˬ jeˬ-ahˇ maˬ ha geuꞈ mawꞈ-a.

Yoˇhaˬ 6:46

Heu loꞈ-ehˇ ehˇ-eu-aˬ, tsawˇ haˬ tiˬ gʼaˬ na Aˬda-ahˇ mawˇ haw-euˬ meh lehˇ ehˇ mawꞈ-eu maˬ ngeuˇ. Miˬyehˇ jawˇ gaˇ neh oe-euˬ gʼaˬ tehꞈ-ehˇ Aˬda-ahˇ mawˇ haw-euˬ meh.

2 Gawˇliˬtu 4:4

Miˇ tsaˬ heu-ahˇ uˆ lahˇ luꞈ-eu miˬyehˇ pyeuꞈ-eu nehꞈ Saˬdaˬ neh aˬ yawꞈ maꞈ-euˬ nui ma-ahˇ yaw zahˇ laꞈ kʼoeˇ piˬ lahˇ taˬ-euˬ miˇ neh, aˬ yawꞈ maꞈ maˬ jah-a. Kʼoeˇ miˇ neh, Miˬyehˇ-ahˇ duˇ duˇ dehꞈ dehꞈ pyeuꞈ-eu Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ-euˬ yaw shehꞈ kʼahˬ sehˇ aˬ yawꞈ maꞈ kʼoeˇ taˆ bya luꞈ gaˇ aˬ yawꞈ maꞈ maˬ mawˇ nya-a.

Dawˬmehˬ 4:12

Miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ aˬ joˆ-ehˇ dawˬ ngehˬ-euˬ gaˇ kawˆ hawˇ-eu, aˬ yawꞈ-euˬ dawˬ ya gaˬ-euˬ kʼawꞈ, aˬ yawꞈ-ahˇ maˬ ya mawˇ-euˬ gaˇ kawˆ aˬ yawꞈ maꞈ-ahˇ dzawˇ nehˬ-awˬ.

Gawˇlawˇsehˇ 1:15

Tsawˇ haˬ zaˬ deuˬ Ka li-ahˇ mawˇ nya-eu meh. Ka li-aˬ, maˬ mawˇ nya-eu Miˬyehˇ-ahˇ duˇ-eu meh. Ka liˬ-aˬ, kʼaˇ beh taˬ-euˬ jeˬ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu dehꞈ beh beh le-euˬ gʼaˬ meh.

1 Tiˆmoˇseˬ 1:17

Aˬ yawꞈ tiˬ gʼaˬ tehꞈ-ehˇ maˇ maˇ ni Miˬyehˇ pyeuꞈ-eu, maˬ shiˇ nya-eu uˬ taꞈ, tsawˇ haˬ zaˬ-euˬ myaˆ nuiˆ neh maˬ haw mawˇ nya-eu mˬ maˬ maˬ byaˆ zaˇ ziˇ Sahˬpaˬ-ahˇ, taˬ huiˬ taˬ mahˇ nehˬ-eu jeˬ hawˇ-eu yaw shehꞈ kʼahˬ sehˇ mˬ maˬ maˬ byaˆ zaˇ ziˇ jaˆ luꞈ-uˇ.

1 Tiˆmoˇseˬ 6:16

Aˬ yawꞈ tiˬ gʼaˬ tehꞈ-ehˇ mˬ maˬ maˬ byaˆ zaˇ ziˇ dehꞈ-awˇ, tsawˇ haˬ tiˬ gʼaˬ-iˬ maˬ tah tehˬ leˇ nya-eu yaw shehꞈ laꞈ kʼoeˇ aˬ yawꞈ jawˇ-eu meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ mawˇ haw-aˬ. Tsawˇ haˬ tiˬ gʼaˬ-iˬ aˬ yawꞈ-ahˇ tiˬ jawˇ-iˬ maˬ mawˇ nya-a. Taˬ huiˬ taˬ mahˇ nehˬ-eu jeˬ hawˇ-eu mˬ maˬ maˬ byaˆ zaˇ ziˇ uˆ lahˇ-eu baoˬ aˬ yawꞈ-ahˇ jaˆ luꞈ-uˇ.

Yawˇshuˆ 5:13

Yeˬliˇkoˇ meuˬ dawˬ peh Yawˇshuˆ le keuˆ ngeh, aˬ yawꞈ mehˬ shi mi cehˇ tuˆ tehˬ-awˇ yawꞈ luꞈ-eu tsawˇ haˬ tiˬ gʼaˬ-ahˇ ja pyuˬ ni aˬ yawꞈ ya mawˇ-euˬ meh. Tsawˇ haˬ kʼoeˇ gʼaˬ dawˬ peh Yawˇ shuˆ le-awˇ, “Nawˇ nga maꞈ-euˬ guiˇ zaˬ te loˇ. Maˬ ngeuˇ naˇ, nga maꞈ-ahˇ muiˇ-eu tsawˇ haˬ te loˇ” lehˇ naˇ haˬ-euˬ meh.

1 Yoˇhaˬ 4:12

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Ehˇ kʼawꞈ, aˬ dui tiˬ gʼaˬ tiˇ gʼaˬ gaˬ naˇ, aˬ dui laꞈ kʼoeˇ Miˬyehˇ jawˇ-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui laꞈ kʼoeˇ byah laˇ tehꞈ-a.

1 Yoˇhaˬ 4:20

Tsawˇ haˬ tiˬ gʼaˬ Miˬyehˇ-ahˇ gaˬ ma lehˇ ehˇ kʼawꞈ, Ka li zaˬ cawˬ cawˬ maˬ gaˬ naˇ, jaˬ myawꞈ myawꞈ-eu tsawˇ haˬ meh. Aˬ jeˬ miˇ neh ehˇ naˇ, yawˬ ha ya mawˇ luꞈ-eu Ka li zaˬ cawˬ cawˬ maˬ gaˬ naˇ, maˬ ya mawˇ-eu Miˬyehˇ-ahˇ aˬ joˆ-ehˇ gaˬ nmˇ.

1 Yoˇhaˬ 4:9

Miˬyehˇ-aˬ, aˬ yawꞈ-euˬ Zaˬmaˇ tiˬ gʼaˬ tehꞈ-ehˇ jawˇ-eu kʼawꞈ, Zaˬmaˇ baˬ da neh aˬ dui dehꞈ-eu jeˬ za nya ni miˇ tsaˬ kʼoeˇ taˆ kʼehˇ gʼeh le-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui-ahˇ bi mawˇ laꞈ-euˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.