Yeˬlaˬmiˇ 8:2 - Akha

² Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Yeˬlaˬmiˇ 8:2 Iomraidhean Croise

2 Sahˬpaˬ 17:16

Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ aˬ yawꞈ maꞈ byehˇ dzeh jiˇ-awˇ, aˬ yawꞈ maꞈ uˬ duˬ tahˬ-eu gʼaˇ duˬ, mawˇ neˇ mawˇ kawˇ nyiˬ kawˇ kʼaˇ-euˬ meh. Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ tiˬ kawˇ aˬ yawꞈ maꞈ tehˆ-awˇ, ba la hawˇ-eu aˬ guiˇ deuˬ-ahˇ uˬ duˬ tahˬ-eu uˬ taꞈ, Baˬlaˇ miˬyehˇ-ahˇ kʼawꞈ, uˬ duˬ tahˬ-euˬ meh.

2 Sahˬpaˬ 21:3

Aˬ yawꞈ-euˬ aˬ da Heˬsaˬgiˇ neh laˆ cawˆ yaꞈ-euˬ lawˇ ciꞈ zaˬ deuˬ uˬ duˬ tahˬ-eu jawˇ duˬ kʼoeˇ deuˬ-ahˇ, aˬ yawꞈ neh paˇ tsoˆ muiˬ-euˬ meh. Iˇsaˬleˬlaˆ sahˬ paˬ Aˬhaˆ neh mˇ-euˬ loꞈ-ehˇ, Baˬlaˇ miˬyehˇ-ahˇ uˬ duˬ tahˬ-eu gʼaˇ duˬ, aˬ yawꞈ lawˇ duˬ tsoˆ-awˇ, Aˬsheˇlaˬ miˬyehˇ ma-euˬ mawˇ kawˇ aˬ yawꞈ tehˆ-euˬ meh. Aˬ guiˇ deuˬ-ahˇ kʼawꞈ aˬ yawꞈ uˬ duˬ tahˬ-euˬ meh.

2 Sahˬpaˬ 21:5

Uˬ duˬ tahˬ nymˇ-euˬ kʼoeˇ paˆ ma paˆ jaˆ-eu pu kaˬ-ahˇ, aˬ guiˇ deuˬ-ahˇ uˬ duˬ tahˬ-eu lawˇ duˬ aˬ yawꞈ gawˬ-euˬ meh.

2 Sahˬpaˬ 23:5

Yeˬluˇsaˬlehˬ meuˬ-euˬ gaˇ dahˬ gaˇ dzeˇ jaˆ-eu meuˬ deuˬ hawˇ-eu, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ, lawˇ ciꞈ zaˬ-euˬ lawˇ duˬ kʼoeˇ taˆ bi lawˇ bi shehˇ-eu gʼaˇ duˬ Yuˇdaˆ sahˬ paˬ deuˬ neh tseˇ doˆ taˬ-euˬ piˇ ma deuˬ hawˇ-eu, Baˬlaˇ miˬyehˇ, nahˇ ma, ba la, aˬ guiˇ heu deuˬ-ahˇ kʼaˇ lawˇ kʼaˇ shehˇ-eu piˇ ma deuˬ-ahˇ, aˬ yawꞈ teh ka-euˬ meh.

Jaceuq 53:5

Aˬ yawꞈ-euˬ tsawˇ haˬ-ahˇ muiˇ-eu deuˬ-euˬ shaˬ yoeˬ-ahˇ, Miˬyehˇ ngawˬ kʼehꞈ ngawˬ kʼoeˆ-awˇ byaˆ dzeh ngeh, tiˬ jawˇ-iˬ maˬ puˬ maˬ mawˇ haw-euˬ guˆ-eu gaˆ-eu jeˬ, aˬ yawꞈ maꞈ tahˬ puˬ-awˇ laˇ baˇ-iˇ tehꞈ-a. Aˬ yawꞈ maꞈ-ahˇ Miˬyehˇ byehˇ dzeh nehˬ-euˬ miˇ neh Iˇsaˬleˬlaˆ tsawˇ jeuˬ aˬ yawꞈ maꞈ-ahˇ nui kʼahˇ tiˬ shiˇ gʼaˬ leˇ tehꞈ-a.

Jaceuq 83:10

Eˬdawˇlaˆ meuˬ dawˬ peh aˬ yawꞈ maꞈ-ahˇ nawˇ deuˆ gʼaˬ-awˇ, aˬ yawꞈ maꞈ-euˬ gʼawˇ mawˇ miˇ tsa ga buꞈ-euˬ meh.

Jaceuq 83:11

Awˇleˇbaˆ hawˇ-eu Ziˇoˬ aˬ nyaꞈ-ahˇ jahˇ nehˬ-euˬ loꞈ-ehˇ, aˬ yawꞈ maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-ahˇ jahˇ nehˬ-awˬ. Zeˬbah hawˇ-eu Zaˬlaˬmuˇnaˬ aˬ ha nyaꞈ-ahˇ nawˬ neh jahˇ nehˬ-euˬ loꞈ-ehˇ, aˬ yawꞈ maꞈ kʼoeˇ taˆ uˆ lahˇ-eu deuˬ dawˬ tawˆ luꞈ-ahˇ deuˆ gʼaˬ nehˬ-awˬ.

Dawˬ tsoˆ 6:3

Tsawˇ haˬ tiˬ gʼaˬ, zaˬ aˇ yaˇ gʼaˬ ya cu-awˇ, ziˇ baw dui dui kʼawꞈ, yaw dehꞈ dehꞈ ngeh nui saˇ maˬ oꞈ-ehˇ, shiˇ ngeh yaw muiˬ-ehˇ baꞈ pahˬ nehˬ-eu gʼaˬ maˬ jawˇ naˇ, yaw shiˇ-ehˇ yoeˇ dzeh-euˬ zaˬ nahˬ maˬ tawˬ-a.

Yeˬlaˬmiˇ 14:16

Aˬ yawꞈ maꞈ neh Miˬyehˇ gʼaˇ duˬ ngehˬ dah nehˬ-euˬ tsawˇ haˬ kʼoeˇ deuˬ kʼawꞈ, kʼoeˇ loꞈ-ehˇ ya shiˇ tehꞈ-a. Yeˬluˇsaˬlehˬ meuˬ-euˬ gaˇ ma doe ni aˬ yawꞈ maꞈ shiˇ taˬ-awˇ ga-awˇ, aˬ yawꞈ maꞈ-ahˇ duˬ pahˬ nehˬ-eu gʼaˬ maˬ jawˇ ni jaˆ tehꞈ-a. Aˬ yawꞈ maꞈ-euˬ miˬ sawˇ zaˬ hawˇ-eu aˬ buˇ aˬ li dawˬ tawˆ luꞈ kʼoeˇ taˆ, kʼoeˇ loꞈ-ehˇ keuˆ le tehꞈ-a. Aˬ yawꞈ maꞈ neh dehꞈ doeˇ-euˬ gaˇ geuˇ leˇ ni, ngaˇ kʼehˬ nehˬ kʼaˆ nehˬ ma.”

Yeˬlaˬmiˇ 16:11

Kʼoeˇ naˇ, Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ maꞈ-ahˇ ehˇ nehˬ-awˬ. Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ uˬ duˬ tahˬ-awˇ, miˬ yehˇ kʼoeˇ deuˬ-euˬ nui kʼahˇ mˇ-euˬ meh. Aˬ yawꞈ maꞈ ngaˬ-ahˇ byehˇ-awˇ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ maˬ naˇ haˬ geuꞈ-a.

Yeˬlaˬmiˇ 16:4

Guˆ dui dui laˇ paˬ-ehˇ gʼeh-eu naˇ gawˇ baˬ da neh aˬ yawꞈ maꞈ ya shiˇ-awˇ, aˬ yawꞈ maꞈ gʼaˇ duˬ tsawˇ ngoeˇ ngoeˇ nehˬ-awˇ, baꞈ pahˬ nehˬ-eu tsawˇ haˬ maˬ jawˇ ni pyeuꞈ laˇ tehꞈ-a. Aˬ nyoˬ mawˇ neˇ-euˬ keˬ tawˆ bymˇ taˬ-euˬ loꞈ-ehˇ, aˬ yawꞈ maꞈ miˇ tsa shiˇ uiˬ taˬ-awˇ ga tehꞈ-a. Guiˇ deuˆ-eu laꞈ kʼoeˇ maˬ ehˇ, mehꞈ-eu shuꞈ-eu baˬ da neh maˬ ehˇ, aˬ yawꞈ maꞈ ya shiˇ-awˇ, aˇ jiˇ hawˇ-eu bawˇ tsahˬ jeˬ zaˬ deuˬ aˬ yawꞈ maꞈ-ahˇ dzaˬ tehꞈ-a.

Yeˬlaˬmiˇ 16:6

Miˇ kʼahˬ heu kʼahˬ laꞈ kʼoeˇ jawˇ-eu smˇ muiˬ iˇ shaˬ dawˬ tawˆ luꞈ ya shiˇ-awˇ, baꞈ pahˬ nehˬ-eu gʼaˬ maˬ jawˇ-ehˇ, tsawˇ ngoeˇ ngoeˇ nehˬ-eu gʼaˬ kʼawꞈ maˬ jawˇ ni pyeuꞈ-iˇ tehꞈ-a. Yawˬ ha-euˬ gʼawˇ mawˇ laˆ tahˬ laˆ naˇ-eu jeˬ mˇ-eu laꞈ kʼoeˇ maˬ ehˇ, uˬ duˬ jehˆ dzeh-eu laꞈ kʼoeˇ maˬ ehˇ, noeˬ shaˬ dui dui-eu gaˇ kawˆ bi siˬ bi mawˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Yeˬlaˬmiˇ 19:13

Yeˬluˇsaˬlehˬ meuˬ-ahˇ jaˆ-eu nymˇ deuˬ maˬ ehˇ, Yuˇdaˆ sahˬ paˬ deuˬ-euˬ nymˇ deuˬ maˬ ehˇ, nymˇ mˬ kʼoeˇ taˆ aˬ guiˇ deuˬ-ahˇ tsiˇ yaw saw jeˬ doꞈ damˬ-awˇ, miˬ yehˇ nui deuˬ-ahˇ aˬ gaꞈ dzaˇ uiˇ kʼaˇ-awˇ lawˇ nehˬ-euˬ nymˇ yawˬ nymˇ na luꞈ, Tawˇpehˆ lehˇ kuˇ-eu jawˇ duˬ loꞈ-ehˇ, maˬ muiˬ maˬ shawˇ-eu jeˬ pyeuꞈ-iˇ tehꞈ-a.”

Yeˬlaˬmiˇ 22:19

Mahˬ tahˬ laˆ shiˇ ngeh gʼeu dzeh-eu loꞈ-ehˇ, Yeˬluˇsaˬlehˬ meuˬ-euˬ lahˇ kʼehˬ laꞈ nyiˇ, aˬ yawꞈ-ahˇ gʼeu dzeh ha tehꞈ-a.”

Yeˬlaˬmiˇ 25:33

Aˇ yamˬ kʼoeˇ keuˆ le ngeh, Sahˬpaˬ Miˬyehˇ neh sehꞈ dzeh taˬ-euˬ tsawˇ haˬ deuˬ, miˇ tsaˬ tahˬ kʼawˇ kʼoeˇ dzeˇ heu dzeˇ doˆ ni, tiˬ byah ni ga tehꞈ-a. Aˬ yawꞈ maꞈ-ahˇ tsawˇ ngoeˇ ngoeˇ-awˇ baꞈ pahˬ nehˬ-eu gʼaˬ maˬ jawˇ-ehˇ, mawˇ neˇ keˬ loꞈ-ehˇ ga tehꞈ-a.

Yeˬlaˬmiˇ 31:40

Lmˬ bymˇ jaˆ-awˇ yaw jawꞈ yaw laꞈ biˬ dzeh duˬ pyeuꞈ-eu deh kʼawꞈ kʼawꞈ lah-ehˇ maˬ ehˇ, Giˇdaˬloˬ lawˇ gawˆ kʼoeˇ taˆ paw dzeˇ, nahˇ ma doˆ kʼehˬ paw Mahˬ-euˬ lahˇ kʼehˬ-ahˇ keuˆ ni jaˆ-eu deh ga ga lah-ehˇ maˬ ehˇ, ngaˬ-euˬ gʼaˇ duˬ muiˬ-eu shawˇ-eu pehˇ tsahˇ pyeuꞈ laˇ tehꞈ-a. Meuˬ heu meuˬ-ahˇ tiˬ jawˇ-iˬ maˬ paˇ bi byaˆ-iˇ-ehˇ, tiˬ jawˇ-iˬ maˬ paˇ bi laˆ cawˆ ma.”

Yeˬlaˬmiˇ 36:30

Kʼoeˇ miˇ neh, sahˬ paˬ Yeˬhawˇyaˬkmˬ-oˇ, Sahˬpaˬ Miˬyehˇ pyeuꞈ-eu ngaˇ nymˬ-mˇ heu loꞈ-ehˇ ehˇ-eu ma. Nawˬ-euˬ zaˬ nawˬ-euˬ uˆ deuˬ laꞈ kʼoeˇ, Daˬbiˇ-euˬ miˇ kʼahˬ heu kʼoeˇ taˆ uˆ lahˇ-eu tiˬ gʼaˬ-iˬ maˬ paˇ bi doˆ laˇ ma. Nah gʼahˇ paw nahˇ tsaˇ kʼaˆ-awˇ uˬ ciꞈ paw ceuˬ ga gaˇ, nawˬ-ahˇ yaw shiˇ-ehˇ baꞈ dzeh-awˇ bi ga tehꞈ-a.

Yeˬlaˬmiˇ 9:20

Ngaˇ heu loꞈ-ehˇ ehˇ-euˬ ma. “Zaˬ miˬ zaˬ deuˬ Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ maꞈ dawˬ ngehˬ gaˇ naˬ bawˇ ciˬ kʼmˇ-awˬ. Zaˬ miˬ deuˬ-ahˇ tsawˇ ngoeˇ dawˬ kawˬ mehˬ-awˇ, aˬ nmˇ deuˬ-ahˇ kuiˇ deuˇ gui-eu mehˬ-awˬ.

Yeˬlaˬmiˇ 9:21

Shiˇ-eu jeˬ laˇ gʼoˆ zaˬ-ahˇ neh daˆ ahˇ laˇ-awˇ, nymˇ ma paw uˇ keuˆ laˇ-euˬ meh. Meuˬ-euˬ pu ka gʼa-eu zaˬ yaw nyiˇ deuˬ hawˇ-eu, lehˆ kawˆ doe ni cah-eu zaˬ guˬ deuˬ-ahˇ coeˇ tsehˆ-euˬ meh.

Yeˬlaˬmiˇ 9:22

Deh ga-ahˇ mawˇ neˇ ceˬ ga-eu loꞈ-ehˇ, cehˇ yehˬ dzeh-awˇ cehˇ diꞈ maˬ ya uiˬ-euˬ loꞈ-ehˇ, yawˬ gaˇ na luꞈ tsawˇ haˬ yaw shiˇ ga tehꞈ-a lehˇ, Sahˬpaˬ Miˬyehˇ ngaˬ-ahˇ bi ngehˬ laꞈ-euˬ meh.”

Yeˬsaˬgeˬlaˇ 29:5

Nawˇ hawˇ-eu ngaˬ shaˬ kʼoeˇ deuˬ-ahˇ, kʼaˇ shuiꞈ deh ga-ahˇ biˬ dzeh ma. Nawˬ-ahˇ maˬ duˬ pahˬ ni byehˇ-awˇ, miˇ tsa bi ga yaꞈ-eu laꞈ kʼoeˇ, bawˇ tsahˬ jeˬ zaˬ aˇ jiˇ deuˬ neh, nawˬ-euˬ shaˬ jiˇ bi dzaˬ jiˇ ma.

Yeˬsaˬgeˬlaˇ 39:5

Bawˇ tsahˬ deh ga-ahˇ aˬ yawꞈ maꞈ yaw shiˇ-ehˇ ga tehꞈ-a lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 6:5

Iˇsaˬleˬlaˆ tsawˇ haˬ deuˬ yaw shiˇ-ehˇ bi ga byah ma. Aˬ yawꞈ maꞈ-euˬ shaˬ yoeˬ lawˇ duˬ kʼoeˇ deuˬ-euˬ tiˬ jawˬ byaˆ dzeh-awˇ bi ga ma.

Yeˬsaˬgeˬlaˇ 8:16

Kʼoeˇ naˇ, Uˬ duˬ tahˬ nymˇ nymˇ ma-euˬ laꞈ kʼoeˇ lahˇ-ahˇ aˬ yawꞈ ngaˬ-ahˇ paˇ sheuˬ ahˇ gʼeh nehˬ laꞈ-euˬ meh. Muiˬ-eu shawˇ-eu jawˇ duˬ-ahˇ uˇ leˇ-eu gʼoˆ kʼehˬ dawˬ peh, lawˇ duˬ hawˇ-eu gaˇ ma yaw kaˬ-ahˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ya mawˇ-euˬ ma. Muiˬ-eu shawˇ-eu jawˇ duˬ-ahˇ aˬ yawꞈ maꞈ naˇ kʼah pyawˇ-awˇ, nahˇ ma doˆ kʼehˬ paw mehˬ shi pyawˇ-awˇ awˆ byaˆ-eu laꞈ kʼoeˇ, nahˇ ma doˆ laˇ gaˇ uˬ duˬ tahˬ luꞈ-eu meh.

Zeˬpaˬniˇ 1:17

Sahˬpaˬ Miˬyehˇ ehˇ-eu, “Ngaˬ-ahˇ mˇ bahˬ taˬ-euˬ miˇ neh, aˬ yawꞈ maꞈ-ahˇ bi noeˬ shaˬ-awˇ, myaˆ behꞈ maˬ cah nya-eu loꞈ-ehˇ, kuiˇ toꞈ ciˬ zaˇ bi saˇ sawˇ ma. Iˇ cuꞈ loꞈ-ehˇ shiˬ bi yoeˇ-awˇ, miˇ tsa shiˇ buꞈ-awˇ bi ga ma.”

Zeˬpaˬniˇ 1:5

Nymˇ mˬ kʼoeˇ taˆ pawˬ dmˬ dmˬ-awˇ, nahˇ ma ba la aˬ guiˇ deuˬ-ahˇ, uˬ duˬ kʼaˇ tahˬ-eu tsawˇ haˬ deuˬ, ngaˇ laˆ cawˆ gaˇ ya daˬ tehꞈ-a. Ngaˬ-ahˇ uˬ duˬ tahˬ-eu geuꞈ-awˇ, Miˇlaˬkoˬ-ahˇ kʼaˇ gʼoe-euˬ deuˬ, laˆ cawˆ nehˬ gaˇ ya daˬ tehꞈ-a.

Gʼaˬkʼehˇ 7:42

Kʼoeˇ miˇ neh, Miˬyehˇ neh aˬ yawꞈ maꞈ-ahˇ byehˇ dzeh nehˬ-awˇ, mˬ kʼoeˇ taˆ jaˆ-eu nahˇ ma, ba la, aˬ guiˇ deuˬ-ahˇ uˬ duˬ tahˬ-eu tsawˇ haˬ deuˬ bi pyeuꞈ laˇ-euˬ meh. Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ, heu loꞈ-ehˇ boꞈ taˬ-euˬ meh. ‘Iˇsaˬleˬlaˆ tsawˇ haˬ deuˬ-oˇ, bawˇ tsahˬ bawˇ dahˇ kʼaˇ shuiꞈ deh-ahˇ, oeˬ tseˇ kʼoꞈ oeˬ tseˇ myaˇ byah ni, naw maꞈ jeˬ zaˬ sehꞈ-awˇ lawˇ-euˬ, ngaˬ-ahˇ lawˇ-euˬ maˬ ngeuˇ-a de.

Dawˬmehˬ 4:19

Muˇ juˇ juˇ-eu mehˬ nah caw teh-awˇ, mˬ kʼoeˇ taˆ ya mawˇ-eu nahˇ ma, ba la hawˇ-eu aˬ guiˇ deuˬ-ahˇ uˬ duˬ maˬ ya tahˬ ni yahˇ-awˬ. Kʼoeˇ deuˬ-aˬ, aˬ cawˬ tsawˇ jeuˬ deuˬ uˬ duˬ bi tahˬ-eu lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ taˬ-euˬ jeˬ pyeuꞈ-eu meh.