Yeˬlaˬmiˇ 44:3 - Akha

³ Aˬ jeˬ miˇ neh ehˇ naˇ, kʼoeˇ gaˇ jawˇ-euˬ tsawˇ haˬ deuˬ yaw haiˬ jeˬ mˇ-awˇ, ngaˬ-ahˇ nui ma bi pehˇ laꞈ-euˬ meh. Aˬ yawꞈ maꞈ maˬ ehˇ, naw maꞈ maˬ ehˇ, naw maꞈ-euˬ aˬ poeˬ aˬ bawˇ deuˬ maˬ ehˇ, tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ, aˬ yawꞈ maꞈ uˬ duˬ tahˬ-awˇ lawˇ nehˬ shehˇ nehˬ-euˬ meh.

Yeˬlaˬmiˇ 44:3 Iomraidhean Croise

Neˬhaˬmiˇ 9:33

Nawˇ nga maꞈ-ahˇ kʼehˬ-euˬ yaw tsaˬ yaw dawˇ meh. Nga maꞈ iˬ baˇ mˇ-euˬ kʼawꞈ, nawˇ saˇ jaˇ ziꞈ-eu meh.

Iˇsaˬyaˇ 3:8

Yeˬluˇsaˬlehˬ meuˬ sahˬ tiꞈ tiꞈ-awˇ, Yuˇdaˆ miˇ kʼahˬ coˬ le-euˬ meh. Aˬ yawꞈ maꞈ ngehˬ-eu tmˇ-eu mˇ-eu shaˇ-eu, Sahˬpaˬ Miˬyehˇ-ahˇ bahˬ leˇ-awˇ, Miˬyehˇ myaˆ pyawˬ-ahˇ kʼaˬ naˆ sawˆ-euˬ meh.

Yeˬlaˬmiˇ 11:17

“Iˇsaˬleˬlaˆ hawˇ-eu Yuˇdaˆ-ahˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ka-euˬ ma. Ehˇ kʼawꞈ, aˬ yawꞈ maꞈ kʼoeˇ taˆ guˆ-eu gaˆ-eu jeˬ bi keuˆ le-eu lehˇ, nymˬ-mˇ ngaˇ lehˬ hmˬ luꞈ-eu ma. Aˬ yawꞈ maꞈ dehꞈ lehˬ mˇ lehˬ-euˬ miˇ neh, yawˬ haˇ yawˬ ha kʼoeˇ loꞈ-ehˇ keuˆ le ni mˇ-euˬ meh. Baˬlaˇ miˬ yehˇ-ahˇ lawˇ-eu shehˇ-eu laꞈ kʼoeˇ, ngaˇ nui ma pehˇ ni aˬ yawꞈ maꞈ mˇ-euˬ meh.”

Yeˬlaˬmiˇ 16:10

“Gaˇ kawˆ heu deuˬ dawˬ tawˆ luꞈ aˬ yawꞈ maꞈ-ahˇ nawˇ ja nehˬ ngeh, aˬ jeˬ miˇ neh aˬ yawꞈ maꞈ-ahˇ kʼoeˇ naˆ naˆ-ehˇ kʼehˬ nehˬ-eu gʼaˇ duˬ ngaˇ noeˬ tsehˆ taˬ-eu ta lehˇ, aˬ yawꞈ maꞈ nawˬ-ahˇ naˇ haˬ laˇ tehꞈ-a. Aˬ yawꞈ maꞈ iˬ baˇ mˇ taˬ-euˬ aˬ jeˬ jaˆ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ neh mˇ bahˬ taˬ-euˬ aˬ jeˬ jaˆ ta lehˇ naˇ haˬ laˇ tehꞈ-a.

Yeˬlaˬmiˇ 22:9

Kʼoeˇ ngeh, naw maꞈ-euˬ Miˬyehˇ pyeuꞈ-eu ngaˬ nehˬ-ehˇ dzaˬ taˬ-euˬ dawˬ ma saˇ jaˇ-ahˇ naw maꞈ byehˇ dzeh-awˇ, miˬ yehˇ nui deuˬ-ahˇ uˬ duˬ tahˬ-awˇ, miˬ yehˇ kʼoeˇ deuˬ-euˬ nui kʼahˇ mˇ-euˬ miˇ neh, kʼoeˇ loꞈ-ehˇ bi jahˇ nehˬ-euˬ nga lehˇ aˬ yawꞈ maꞈ ehˇ tehꞈ-a.”

Yeˬlaˬmiˇ 29:19

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, aˬ yawꞈ maꞈ-ahˇ ngaˬ-euˬ dawˬ maˬ tsehˆ leˇ ni bi tsaꞈ gaˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, aˬ yawꞈ maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a.

Yeˬlaˬmiˇ 32:30

Iˇsaˬleˬlaˆ tsawˇ haˬ deuˬ hawˇ-eu Yuˇdaˆ tsawˇ haˬ deuˬ-aˬ, nyiˇ ngeh neh ngaˇ nui ma maˬ saˇ-eu jeˬ tehꞈ-ehˇ mˇ-euˬ meh.

Yeˬlaˬmiˇ 44:23

Heu poˆ jawˇ naw maꞈ kʼoeˇ taˆ bi keuˆ le-euˬ luˬ-iˇ seˇ-iˇ-eu jeˬ-aˬ, miˬ yehˇ nui deuˬ-ahˇ naw maꞈ lawˇ-eu shehˇ-eu jeˬ mˇ-awˇ, Sahˬpaˬ Miˬyehˇ neh biꞈ taˬ-euˬ dawˬ-ahˇ maˬ naˇ haˬ ni, aˬ yawꞈ-ahˇ mˇ lehˬ-euˬ miˇ neh meh.”

Yeˬlaˬmiˇ 44:8

Naw maꞈ jawˇ uˇ le-euˬ Iˇjiˇtuˆ miˇ kʼahˬ heu kʼahˬ-ahˇ tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ jeˬ miˇ neh ngaˇ nui ma pehˇ ni naw maꞈ mˇ te. Miˇ kʼahˬ tsawˇ jeuˬ dawˬ tawˆ luꞈ naw maꞈ-ahˇ ja doeˇ-awˇ, naw maꞈ-euˬ tsawˇ myahˇ kuˇ kuˇ-ehˇ yaˬ kʼehˇ bi yaˬ gaˇ keuˆ ni, naw maꞈ yawˬ haˇ yawˬ ha laˆ cawˆ-eu lehˇ mˇ-eu gʼeh te loˇ.

Yeˬlaˬmiˇ 5:19

Aˬ jeˬ miˇ neh aˬ yawꞈ maꞈ-ahˇ kʼoeˇ loꞈ-ehˇ jahˇ nehˬ laꞈ-euˬ gaˇ kawˆ naˇ haˬ laˇ naˇ, Yeˬlaˬmiˇ nawˇ heu loꞈ-ehˇ ehˇ kʼoꞈ nehˬ-awˬ. Aˬ yawꞈ maꞈ ngaˬ-ahˇ byehˇ dzeh-awˇ, yawˬ ha-euˬ miˇ kʼahˬ laꞈ kʼoeˇ boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ uˬ duˬ tahˬ-euˬ loꞈ-ehˇ, aˬ cawˬ miˇ kʼahˬ laꞈ kʼoeˇ boeˇ miˬ siˬ kʼaˬ deuˬ-euˬ zaˬ kʼaˆ ya geuꞈ tehꞈ-a lehˇ ehˇ nehˬ-awˬ.”

Yeˬlaˬmiˇ 5:29

Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, gaˇ kawˆ kʼoeˇ deuˬ baˬ da neh aˬ yawꞈ maꞈ-ahˇ kʼehˬ-awˇ, tsawˇ jeuˬ heu jeuˬ-ahˇ laꞈ poˆ poˆ nehˬ ma.

Yeˬlaˬmiˇ 7:19

Ehˇ kʼawꞈ, ngaˬ-ahˇ bi coeˬ laˇ-eu jeˬ aˬ yawꞈ maꞈ mˇ luꞈ ta loˇ. Maˬ ngeuˇ-a. Yawˬ haˇ yawˬ ha bi coeˬ leˇ-awˇ, yawˬ haˇ yawˬ ha daˬ laˆ ga-eu jeˬ aˬ yawꞈ maꞈ mˇ luꞈ-eu meh.

Ngoeˇ dawˬ 1:8

Yeˬluˇsaˬlehˬ iˬ baˇ mˇ-eu, aˇ dzehˬ dzeuˇ-awˇ jawꞈ dui dui meh. Yawꞈ-ahˇ taˬ huiˬ taˬ mahˇ-euˬ deuˬ, yawꞈ-ahˇ neˇ myawˆ ni haw mawˇ-awˇ, yawꞈ-ahˇ haw bye dui dui-euˬ meh. Yawˬ haˇ yawˬ ha paˇ noeˬ shaˬ-awˇ, myaˆ pyawˬ dehˬ kaˬ-awˇ toˇ-eu meh.

Ngoeˇ dawˬ 4:13

Kʼoeˇ gaˇ uˇ keuˆ leˇ nya-euˬ-aˬ, bawˇ lawˇ peh hawˇ-eu piˇ ma deuˬ, tsawˇ muiˬ deuˬ-ahˇ sehꞈ-eu laꞈ kʼoeˇ, iˬ baˇ mˇ-euˬ baˬ da neh meh.

Yeˬsaˬgeˬlaˇ 9:9

Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

Dawˬmehˬ 29:25

Kʼoeˇ ngeh, ‘Sahˬpaˬ Miˬyehˇ-euˬ tsawˇ haˬ deuˬ-ahˇ aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ ngeh, aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ-euˬ miˇ neh meh’ lehˇ ya ehˇ kʼoꞈ nehˬ tehꞈ-a.

Dawˬmehˬ 29:26

‘Dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ-euˬ meh. Miˬyehˇ kʼoeˇ deuˬ-ahˇ uˬ duˬ maˬ ya tahˬ-a lehˇ Sahˬpaˬ Miˬyehˇ neh ehˇ taˬ-euˬ daw-ahˇ leuˇ-awˇ, aˬ yawꞈ maꞈ uˬ duˬ tahˬ-euˬ meh.

Dawˬmehˬ 32:17

Aˬ poeˬ ziˇ-ahˇ maˬ gaˬ haw-ehˇ, aˬ bawˇ ziˇ-ahˇ maˬ gʼoe haw-euˬ, miˬ yehˇ maˬ ngeuˇ-eu nehꞈ deuˬ-ahˇ, aˬ yawꞈ maꞈ lawˇ-euˬ shehˇ-euˬ meh.

HeˬByehˇ 3:16

Miˬyehˇ-euˬ dawˬ ya gaˬ-awˇ Miˬyehˇ-ahˇ puiˬ-euˬ tsawˇ haˬ deuˬ aˬ suˇ gʼaˬ-a. Iˇjiˇtuˆ miˇ kʼahˬ laꞈ kʼoeˇ Moˇseˬ neh sheuˬ doˆ nehˬ-euˬ tsawˇ haˬ kʼoeˇ deuˬ dawˬ tawˆ luꞈ maˬ ngeuˇ-a loˇ.