Yeˬlaˬmiˇ 44:1 - Akha

¹ Iˇjiˇtuˆ miˇ kʼahˬ laꞈ kʼoeˇ jaˆ-eu Miˇgaˬdawˇlaˆ meuˬ, Taˬpaˬneˬ meuˬ, Mehˇpiˇ meuˬ hawˇ-eu, Iˇjiˇtuˆ miˇ kʼahˬ laꞈ oˆ dzaˬ-ahˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 44:1 Iomraidhean Croise

Aˇ dahˬ 10:14

Paˬdaˬluˇ tsawˇ jeuˬ, Kaˬsaˬluˇ tsawˇ jeuˬ hawˇ-eu, Piˇliˇtiˆ tsawˇ jeuˬ deuˬ-euˬ aˬ da yaw dzahˇ pyeuꞈ-eu Kaˬtawˇleˬ tsawˇ jeuˬ heu deuˬ meh.

Doˆ-iˇ 14:2

“Iˇsaˬleˬlaˆ tsawˇ haˬ deuˬ-ahˇ, naˇ kʼah paw paˇ jiˆ kʼoꞈ laˇ-awˇ, Miˇdaˬgawˇlaˬ meuˬ hawˇ-eu Iˬ ma laˆ shaˆ Yaw neˇ-euˬ yaw kaˬ-ahˇ, Baˬlaˇzeˬpoˬ meuˬ dawˬ peh jaˆ-eu Piˇhaˬhiˇyoˆ meuˬ mehˬ shi, sehˬ gʼawˆ gʼawˆ-awˇ naˬ-awˬ lehˇ ehˇ nehˬ-awˬ.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 19:13

Zoˇnaˆ meuˬ-ahˇ aˬ yuiꞈ aˬ tsu geuꞈ luꞈ-eu deuˬ, tsawˇ uˬ uˬ jiˇ-awˇ, Mehˇpiˇ meuˬ-ahˇ uˆ lahˇ-eu deuˬ, mehˇ shuiˇ tawˆ leˇ-euˬ meh. Iˇjiˇtuˆ miˇ kʼahˬ-ahˇ sheuˬ gʼeh-eu aˬ yuiꞈ aˬ tsu deuˬ, gaˇ ma sheuˬ bahˬ-euˬ meh.

Yeˬlaˬmiˇ 2:16

Iˇjiˇtuˆ miˇ kʼahˬ-ahˇ jaˆ-eu. Mehˇpiˇ meuˬ hawˇ-eu Taˬpaˬneˬ meuˬ-ahˇ jawˇ-eu deuˬ neh, aˬ yawꞈ-euˬ uˬ duˬ kʼmˬ kʼoˆ paˆ-euˬ meh.

Yeˬlaˬmiˇ 24:8

“Ehˇ kʼawꞈ, Yuˇdaˆ sahˬ paˬ Zeˬdaˬkiˇ maˬ ehˇ, aˬ yawꞈ nehˬ-ehˇ sahˬ paˬ sahˬ ma geuꞈ-awˇ miˇ kʼahˬ-ahˇ uˆ lahˇ-eu deuˬ maˬ ehˇ, miˇ kʼahˬ heu kʼahˬ laꞈ kʼoeˇ kʼaˇ jawˇ yaꞈ-euˬ deuˬ hawˇ-eu, Iˇjiˇtuˆ miˇ kʼahˬ-ahˇ cehˆ jawˇ-iˇ-euˬ deuˬ maˬ ehˇ, maˬ dzaˬ nya ni doeˇ-eu siˬ guˬ aˇ siˬ loꞈ-ehˇ ngaˇ sawˇ ma.

Yeˬlaˬmiˇ 43:13

Iˇjiˇtuˆ miˇ kʼahˬ Heˬliˬpawˇliˆ meuˬ-ahˇ jaˆ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ aˬ yawꞈ laˆ cawˆ-awˇ, Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ aˬ yawꞈ miˬ dzaˬ keuˬ dzeh tehꞈ-a.”

Yeˬlaˬmiˇ 44:15

Kʼoeˇ naˇ, yawˬ ha-euˬ miˬ zaˬ deuˬ miˬ yehˇ nui deuˬ-ahˇ lawˇ-eu shehˇ-eu jeˬ mˇ-euˬ gaˇ kawˆ kʼaˇ siˬ nya-eu kʼaˬ dzeˇ zaˬ deuˬ maˬ ehˇ, kʼoeˇ gaˇ kʼaˇ yawꞈ luꞈ-eu zaˬ miˬ zaˬ deuˬ maˬ ehˇ, Iˇjiˇtuˆ miˇ kʼahˬ laꞈ oˆ dzaˬ-ahˇ jawˇ-eu Iˇsaˬleˬlaˆ tsawˇ haˬ deuˬ ahˇ leˇ-ehˇ, tsawˇ haˬ aˇ maꞈ maꞈ ma kʼoeˇ maꞈ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 46:14

“Iˇjiˇtuˆ miˇ kʼahˬ-ahˇ jaˆ-eu meuˬ deuˬ pyeuꞈ-eu, Miˇgaˬdawˇlaˆ, Meˬpiˇ hawˇ-eu, Taˬpaˬneˬ laꞈ kʼoeˇ, heu loꞈ-ehˇ ehˇ gaˬ-awˬ. ‘Yawˬ haˇ yawˬ ha deuˆ piˇ nya ni lehˬ hmˬ taˬ-awˬ. Naw maꞈ guiˇ deuˆ-awˇ ya shiˇ jiˇ tehꞈ-a.

Yeˬlaˬmiˇ 46:19

Iˇjiˇtuˆ tsawˇ haˬ-oˇ, bi paꞈ byoˆ gʼeh-eu gʼaˇ duˬ lehˬ hmˬ-awˬ. Meˬpiˇ meuˬ kʼaˇ shuiꞈ deh ga pyeuꞈ-iˇ-awˇ, tsawˇ haˬ maˬ jawˇ nya ni cawˆ-iˇ tehꞈ-a.

Yeˬsaˬgeˬlaˇ 29:10

Nawˇ hawˇ-eu nawˬ-euˬ Niˬlaˇ lawˇ baˬ-ahˇ ngaˇ muiˇ-eu ma. Laꞈ taˆ paw Miˇgaˬdawˇlaˆ meuˬ-ahˇ neh, laꞈ oˆ paw Aˬsaˬgʼawˬ meuˬ-ahˇ keuˆ ni, Suˬdaˬ miˇ kaˬ-ahˇ iˇ-eu gaˇ ma doˆ coˆ-ehˇ, Iˇjiˇtuˆ miˇ kʼahˬ kʼahˬ lah ni bi cawˆ-iˇ ma.

Yeˬsaˬgeˬlaˇ 29:14

Aˬ yawꞈ maꞈ-euˬ nymˇ jiˇ jaˆ-eu Iˇjiˇtuˆ miˇ kʼahˬ laꞈ oˆ dzaˬ-ahˇ paˇ bi jawˇ kʼoꞈ le ma. Aˬ yawꞈ maꞈ-aˬ, gʼaˬ baˬ-eu miˇ kʼahˬ tiˬ kʼahˬ pyeuꞈ tehꞈ-a.

Yeˬsaˬgeˬlaˇ 30:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Tahˬ pahˬ aˬ ma mawˇ kawˇ hawˇ-eu, Mehˇpiˇ meuˬ-ahˇ jaˆ-eu mawˇ kawˇ, ngaˇ laˆ cawˆ byoˆ jiˇ-eu lehˇ ma. Iˇjiˇtuˆ sahˬ paˬ maˬ baw-ehˇ, miˇ kʼahˬ zaˬ deuˬ bi guˆ sehꞈ ma.

Yeˬsaˬgeˬlaˇ 30:14

Iˇjiˇtuˆ laꞈ oˆ dzaˬ byoˆ le-awˇ, laꞈ taˆ paw jaˆ-eu zoˇ naˆ meuˬ, miˬ dzaˬ neh keuˬ puiˆ dzeh nehˬ ma. Deˬbiˇ meuˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 30:16

Iˇjiˇtuˆ-ahˇ miˬ dzaˬ keuˬ ngeh, Peˬluˇsiˆ meuˬ ya gawˇ tehꞈ-a. Deˬbiˇ meuˬ lahˇ coˬ byaˆ dzeh-awˇ, meuˬ-ahˇ iˇ jeuˬ jeuˬ pymˬ tehꞈ-a.

Yeˬsaˬgeˬlaˇ 30:18

Iˇjiˇtuˆ-euˬ baoˬ ngawˬ kʼehꞈ-awˇ, gʼaˬ gʼaˬ siˬ nyehꞈ paˆ dzeh nehˬ ngeh, Taˬpaˬnehˇ meuˬ zahˬ leˇ tehꞈ-a. Iˇjiˇtuˆ-ahˇ juˬ kʼoeˬ tmˬ-awˇ, Iˇjiˇtuˆ meuˬ doe ni jawˇ-eu, tsawˇ haˬ deuˬ bi nyehꞈ jiˇ tehꞈ-a.

Hawˇseˬ 9:6

Luˬ-iˇ seˇ-iˇ-eu keuˆ le-awˇ, aˬ yawꞈ maꞈ ya cehˆ byaˆ jiˇ ngeh, Iˇjiˇtuˆ neh bi nyehꞈ uiˬ-awˇ, Mehˇpiˇ meuˬ-ahˇ baꞈ pahˬ tehꞈ-a. Aˬ yawꞈ maꞈ-euˬ pyuˇ pahˬ hawˇ-eu, aˬ yawꞈ maꞈ-euˬ nymˇ dzahˇ zaˇ-ahˇ, aˬ gah baw duˆ uˆ byoˆ tehꞈ-a.