Yeˬlaˬmiˇ 4:9 - Akha

⁹ Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh, sahˬ paˬ deuˬ hawˇ-eu yaw huiˬ yaw mahˇ deuˬ nui ma ga ka jiˇ tehꞈ-a. Piˇ ma deuˬ tsawˬ guˆ-iˇ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ zahˬ leˇ tehꞈ-a.”

Yeˬlaˬmiˇ 4:9 Iomraidhean Croise

2 Sahˬpaˬ 25:4

Meuˬ meuˬ lahˇ laˆ pehꞈ-awˇ, Baˬbuˇloˬ tsawˇ haˬ deuˬ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ kʼoeˬ doˆ jiˇ-euˬ meh. Sahˬpaˬ-euˬ yaˇ kmˇ paw aˬ yawꞈ maꞈ iˇ-awˇ, meuˬ meuˬ lahˇ nyiˬ pyawˬ dzoeˇ le-euˬ laꞈ coeˇ-ahˇ jaˆ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

Jaceuq 102:4

Ngaˬ-euˬ gʼawˇ mawˇ diˬ meuˇ taˬ-euˬ yaˇ moꞈ yaw koˆ-ahˇ duˇ-awˇ, dzaˇ dzaˬ mawꞈ-eu nui ma maˬ ahˇ nya.

Iˇsaˬyaˇ 19:16

Iˇjiˇtuˆ tsawˇ haˬ deuˬ zaˬ miˬ zaˬ loꞈ-ehˇ nui ma baˬ-iˇ-eu aˇ nah keuˆ le tehꞈ-a. Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˇ duˬ Sahˬpaˬ Miˬyehˇ aˬ laꞈ cawˬ ja taˬ-euˬ gaˇ ya mawˇ ngeh, aˬ yawꞈ maꞈ guˆ-awˇ yaw dzuˬ dzuˬ tehꞈ-a.

Iˇsaˬyaˇ 19:3

Iˇjiˇtuˆ tsawˇ haˬ neh kʼaˇ noeˬ taˬ-euˬ jeˬ cawˆ jiˇ-awˇ, aˬ yawꞈ maꞈ nui ma ga ka jiˇ tehꞈ-a. Nyiˇ paˬ shaˆ ma deuˬ-ahˇ aˬ yawꞈ maꞈ gʼoe-awˇ, shiˇ dzeuˇ-euˬ deuˬ-ahˇ mehˬ bawˬ mˇ tehꞈ-a.

Iˇsaˬyaˇ 28:19

Naw maꞈ kʼoeˇ taˆ guˆ-eu gaˆ-eu jeˬ tiˬ kʼehˬ maˬ taˬ ni keuˆ le-awˇ, yawˬ shawˬ na luꞈ shaˬ zahˬ ya mˇ-awˇ, uˬ ciꞈ nah gʼahˇ maˬ ehˇ ya daˬ tehꞈ-a. Miˬyehˇ-euˬ dawˬ kawˬ kʼaˇ gaˬ keuˆ le ngeh, naw maꞈ ya tsawˬ guˆ-iˇ tehꞈ-a.

Yeˬlaˬmiˇ 2:26

Sahˬpaˬ Miˬyehˇ heu loꞈ-ehˇ ehˇ-eu meh. “Smˇ kʼoeˬ bi nyehꞈ mi ngeh ya shaꞈ dawˇ-eu loꞈ-ehˇ, naw maꞈ Iˇsaˬleˬlaˆ tsawˇ jeuˬ dawˬ tawˆ daˬ ga tehꞈ-a. Sahˬ paˬ hawˇ-eu yaw huiˬ yaw mahˇ dawˬ tawˆ maˬ ehˇ, piˇ ma hawˇ-eu miˬ yehˇ gʼaˇ duˬ ngehˬ dah-eu deuˬ maˬ ehˇ, daˬ ga-awˇ ya shaꞈ dawˇ tehꞈ-a.

Yeˬlaˬmiˇ 25:34

Yawˇ yawˇ maꞈ-ahˇ haw-eu yawˇ bo-eu deuˬ loꞈ-ehˇ, ngaˬ-euˬ tsawˇ haˬ-ahˇ sheuˬ gʼeh luꞈ-eu aˬ yuiꞈ aˬ tsu deuˬ, kʼaˬ lehˇ tsahˬ-ahˇ mahˬ poˆ poˆ-awˇ tsawˇ ngoeˇ ngoeˇ-awˬ. Naw maꞈ-ahˇ aˬ cawˬ sehꞈ-eu aˇ yamˬ keuˆ le-awˇ, miˇ tsaˬ oeˬ lahˬ ga meuˇ-iˇ-eu loꞈ-ehˇ, naw maꞈ luˬ-iˇ seˇ-iˇ tehꞈ-a.

Yeˬlaˬmiˇ 37:19

Nawˬ-ahˇ maˬ ehˇ, nawˬ-euˬ miˇ kʼahˬ-ahˇ maˬ ehˇ, Baˬbuˇloˬ sahˬ paˬ guiˇ maˬ deuˆ le-aˇ lehˇ ehˇ-eu, Miˬyehˇ gʼaˇ duˬ ngehˬ dah-eu nawˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ ta.

Yeˬlaˬmiˇ 48:41

Meuˬ deuˬ hawˇ-eu taˆ deuˬ-ahˇ aˬ yawꞈ maꞈ deuˆ gʼaˬ tehꞈ-a. Kʼoeˇ ngeh, Mawˇbaˆ yehˇ deuˬ, zaˬ baw luꞈ-eu zaˬ miˬ zaˬ loꞈ-ehˇ guˆ dui dui tehꞈ-a.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Yeˬlaˬmiˇ 52:7

meuˬ meuˬ lahˇ pehꞈ-iˇ-euˬ meh. Baˬbuˇloˬ tsawˇ haˬ deuˬ neh meuˬ-ahˇ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ dzeuˇ jiˇ-euˬ meh. Sahˬ paˬ-euˬ yaˇ kmˇ paw neh aˬ yawꞈ maꞈ iˇ-awˇ, meuˬ lahˇ nyiˬ tiˆ aˇ kaˬ-ahˇ dahˇ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

Gʼaˬkʼehˇ 13:41

‘Dawˬ doeˇ ngehˬ-eu deuˬ haw taˬ-awˬ. Zahˬ dui dui leˇ-awˇ shiˇ tsehˆ-awˬ. Aˬ jeˬ miˇ neh ehˇ naˇ, iˬ nah ngaˇ mˇ-eu gʼeh-eu heu, aˬ cawˬ naw maꞈ-ahˇ ehˇ-euˬ kʼawꞈ, naw maꞈ ngeuˇ meh lehˇ maˬ duˇ-a’ lehˇ ehˇ taˬ-euˬ meh.”