Yeˬlaˬmiˇ 23:5 - Akha

⁵ Sahˬpaˬ Miˬyehˇ ehˇ-eu, “Daˬbiˇ-euˬ zaˬ deuˬ uˆ deuˬ laꞈ kʼoeˇ yaw tsaˬ yaw dawˇ tiˬ gʼaˬ-ahˇ ngaˇ tseˇ doˆ-awˇ, sahˬ paˬ bi geuꞈ-eu aˇ nah aˇ yamˬ keuˆ laˇ luꞈ meh. Sahˬ paˬ kʼoeˇ gʼaˬ miˇ kʼahˬ-ahˇ uˆ lahˇ-eu zaˬ siˬ tsawˇ gahˇ byah-awˇ, miˇ kʼahˬ heu kʼahˬ kʼahˬ lah ni kʼoeˇ taˆ, yaw tsaˬ yaw dawˇ laꞈ kʼoeˇ uˆ lahˇ tehꞈ-a.

Yeˬlaˬmiˇ 23:5 Iomraidhean Croise

2 Saˬmeuˬlaˆ 23:3

Iˇsaˬleˬlaˆ tsawˇ jeuˬ gʼaˇ duˬ, lo guˇ pyeuꞈ-eu Miˬyehˇ ehˇ-eu, “Miˬyehˇ-ahˇ guˆ-eu jeˬ ahˇ-awˇ, dawˇ coe ni uˆ lahˇ-eu tsawˇ haˬ,

Jaceuq 45:4

Yaw shehꞈ kʼahˬ sehˇ huiˬ-eu laꞈ kʼoeˇ mahˬ-ahˇ dziˬ leˇ-awˇ, guiˇ deuˆ gʼaˬ ngeh keuˆ ni dziˬ-awˬ. Yaw tsaˬ yaw dawˇ jeˬ maˬ bi byoˆ-iˇ-eu gʼaˇ duˬ, nawˬ-euˬ gʼaˬ neh huiˬ-eu guiˇ deuˆ gʼaˬ tehꞈ-a.

Jaceuq 80:15

Nawˬ neh ka taˬ-euˬ aˬ gaꞈ baw duˆ-ahˇ ka kʼoꞈ le-awˬ. Nawˬ neh laˆ mehˇ taˬ-euˬ baw duˆ-ahˇ ka kʼoꞈ le-awˬ.

Jaceuq 99:4

Baoˬ huiˬ dui dui-eu sahˬ paˬ-oˇ, Iˇsaˬleˬlaˆ miˇ kʼahˬ laꞈ kʼoeˇ yaw tsaˬ yaw dawˇ jeˬ nawˇ bi jaˆ-euˬ meh. Yaw sui yaw dawˇ jeˬ nawˇ bi keuˆ le-euˬ meh.

Iˇsaˬyaˇ 33:5

Yaw goˇ-ahˇ jawˇ-eu Sahˬpaˬ Miˬyehˇ-ahˇ, ciˬ huiˬ ciˬ mahˇ tehꞈ-a. Yeˬluˇsaˬlehˬ meuˬ laꞈ kʼoeˇ yaw tsaˬ yaw dawˇ jeˬ, aˬ yawꞈ bi byah laˇ tehꞈ-a.

Iˇsaˬyaˇ 4:2

Miˇ kʼahˬ heu kʼahˬ laꞈ kʼoeˇ, Sahˬpaˬ Miˬyehˇ sahˬ lahˬ aˇ bawˇ deuˬ paˇ bi jeˬ laˇ-awˇ, haw muiˬ dui dui-eu aˇ nah keuˆ le tehꞈ-a. Kʼaˇ dzeuˇ-iˇ-euˬ Iˇsaˬleˬlaˆ tsawˇ haˬ dawˬ tawˆ luꞈ, dzaˬ la gʼo cehˇ za dui dui le gaˇ kʼahˬ sehˇ ya jehˆ tehꞈ-a.

Iˇsaˬyaˇ 42:6

“Sahˬpaˬ Miˬyehˇ pyeuꞈ-eu ngaˇ nawˬ-ahˇ kuˇ-awˇ, miˇ tsaˬ kʼoeˇ taˆ yaw tsaˬ yaw dawˇ jeˬ jaˆ laˇ ni, nawˬ-ahˇ baoˬ biꞈ taˬ gʼaˬ-euˬ ma. Nawˬ-ahˇ gʼoe-eu laꞈ kʼoeˇ tsawˇ jeuˬ dawˬ tawˆ luꞈ-ahˇ, ngaˇ saˇ jaˇ dzaˬ taꞈ ma. Nawˬ-ahˇ gʼoe-awˇ tsawˇ jeuˬ dawˬ tawˆ luꞈ-euˬ kʼoeˇ taˆ, ngaˇ yaw shehꞈ bi bya ma.

Iˇsaˬyaˇ 45:24

“Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

Iˇsaˬyaˇ 52:13

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ aˬ yawꞈ-ahˇ doˇ-eu gaˇ mˇ jiˇ tehꞈ-a. Ciˬ huiˬ ciˬ mahˇ nehˬ-eu guiˬ lahˬ-ahˇ aˬ yawꞈ za tehꞈ-a.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 53:2

Miˇ tsaˬ gui gaˇ duˬ ciˇ toeˬ-eu aˇ bawˇ loꞈ-ehˇ, aˬ yawꞈ-euˬ zaˬ kʼaˆ dehꞈ ziꞈ laˇ nya ni, Sahˬpaˬ Miˬyehˇ nui kʼahˇ jaˆ meh. Zaˬ kʼaˆ gʼaˬ-ahˇ aˬ dui haw tsaˬ tsoˆ paˬ-ehˇ, haw muiˬ-eu jeˬ hawˇ-eu kʼahˬ sehˇ tiˬ pawꞈ-iˬ maˬ ahˇ-a. Aˬ yawꞈ-ahˇ aˬ dui haw nahˇ paˬ-ehˇ maˬ gʼeh-a. Aˬ yawꞈ laꞈ kʼoeˇ aˬ dui ya leˇ-eu jeˬ tiˬ pawꞈ-iˬ maˬ ahˇ-a.

Iˇsaˬyaˇ 9:5

Guiˇ deuˆ-eu deuˬ nawˬ-eu sehˬ nawˆ hawˇ-eu shiˬ lehꞈ-eu aˬ yawꞈ maꞈ-euˬ mehˬ tsoeˬ miˬ dzaˬ-ahˇ bi dzah puiˆ jiˇ tehꞈ-a.

Iˇsaˬyaˇ 9:6

Aˬ dui gʼaˇ duˬ aˬ li tiˬ li dehꞈ le-euˬ meh. Aˬ dui-ahˇ aˬ li tiˬ li biꞈ laꞈ-euˬ meh. Aˬ dui kʼoeˇ taˆ aˬ yawꞈ uˆ lahˇ tehꞈ-a. Aˬ yawꞈ-ahˇ heu loꞈ-ehˇ kuˇ tehꞈ-a. “Zahˬ dui dui leˇ paˬ-ehˇ gʼeh-eu nui noeˬ nui duˇ biꞈ-eu gʼaˬ, Baoˬ huiˬ-eu Miˬyehˇ, Mˬ maˬ maˬ byaˆ zaˇ ziˇ dehꞈ-eu Aˬ da, Nui saˇ bi oꞈ-eu Sahˬ paˬ” lehˇ kuˇ tehꞈ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 22:15

Poeˬ-euˬ shuˬ liˇ daˇ kawˬ shaˇ-awˇ, aˬ cawˬ naˆ maˬ tseˇ muiˬ-eu nymˇ tsoˆ doˆ nya naˇ, maˬ gaˇ-eu sahˬ paˬ pyeuꞈ ta loˇ. Nawˬ da yaw dehꞈ dehꞈ-euˬ tiˬ jeˬ-iˬ ehˇ kʼaˇ maˬ za-a. Yaw tsaˬ yaw dawˇ dawˇ-ehˇ dehꞈ-euˬ miˇ neh, aˬ yawꞈ neh kʼaˇ mˇ kʼaˇ shaˇ yaꞈ-euˬ jeˬ, yawˬ jeˬ na luꞈ guiˬ lahˬ baw luꞈ-eu meh.

Yeˬlaˬmiˇ 22:3

“Yaw tsaˬ yaw dawˇ jeˬ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ dawˬ biꞈ-eu ma. Aˬ cawˬ neh mehˇ shuiˇ bi shuiˇ dzaˬ-euˬ tsawˇ haˬ deuˬ-ahˇ, mehˇ shuiˇ shuiˇ dzaˬ-eu tsawˇ haˬ deuˬ-euˬ aˬ laꞈ laꞈ kʼoeˇ neh ka kʼoꞈ doˆ nehˬ-awˬ. Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ nehˬ. Maˬ lehˬ maˬ ca-eu tsawˇ haˬ deuˬ-ahˇ muiˬ-eu shawˇ-eu jawˇ duˬ heu tsahˇ laꞈ kʼoeˇ taˬ sehꞈ.

Yeˬlaˬmiˇ 22:30

“Tsawˇ haˬ heu gʼaˬ zaˬ maˬ jawˇ le nya-ehˇ, maˬ dehꞈ tuˇ laˇ nya-eu tsawˇ haˬ meh lehˇ boꞈ ahˇ taˬ-awˬ. Daˬbiˇ-euˬ dzoeˬ dzaˬ oꞈ-awˇ neh, Yuˇdaˆ miˇ kʼahˬ-ahˇ uˆ lahˇ-eu gʼaˇ duˬ, aˬ yawꞈ zaˬ maˬ jawˇ le-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Yeˬlaˬmiˇ 29:11

Ngaˬ neh naw maꞈ gʼaˇ duˬ gaˇ kawˆ kawˆ taˬ-euˬ jeˬ-ahˇ, ngaˇ tehꞈ-ehˇ siˬ nya-eu ma. Naw maꞈ-ahˇ maˬ bi shaˬ maˬ bi zahˬ ni, bi dehꞈ dzaˬ laˇ-eu gʼaˇ duˬ maˬ ehˇ, naw maꞈ noeˬ tmˬ kʼaˇ za-eu aˇ nah aˇ yamˬ bi keuˆ le-eu gʼaˇ duˬ maˬ ehˇ, ngaˬ neh gaˇ kawˆ kawˆ taˬ-euˬ ngaˇ tiˬ gʼaˬ tehꞈ-ehˇ siˬ nya -eu ma.

Yeˬlaˬmiˇ 30:3

Aˬ jeˬ miˇ neh ehˇ naˇ, ngaˬ-euˬ tsawˇ haˬ pyeuꞈ-eu Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ deuˬ-ahˇ, ngaˇ paˇ sheuˬ kʼoꞈ laꞈ-eu aˇ yamˬ keuˆ le luꞈ meh. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ paˇ sheuˬ kʼoꞈ laꞈ-awˇ, miˇ kʼahˬ kʼoeˇ kʼahˬ aˬ yawꞈ maꞈ paˇ ya geuꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 30:9

Aˬ yawꞈ maꞈ-euˬ Miˬyehˇ Sahˬpaˬ Miˬyehˇ pyeuꞈ-eu ngaˬ-euˬ nui kʼahˇ aˬ yawꞈ maꞈ mˇ-awˇ, Daˬbiˇ-euˬ zaˬ deuˬ uˆ deuˬ laꞈ kʼoeˇ, aˬ yawꞈ maꞈ gʼaˇ duˬ ngaˬ neh tseˇ doˆ nehˬ-euˬ sahˬ paˬ tiˬ gʼaˬ uˬ moˆ, aˬ yawꞈ maꞈ dehꞈ tehꞈ-a.

Yeˬlaˬmiˇ 31:27

“Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ, tsawˇ haˬ hawˇ-eu jeˬ zaˬ deuˬ ngaˇ bi byah laˇ-eu aˇ yamˬ dawˬ peh peh le luꞈ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬsaˬgeˬlaˇ 21:27

Yaw cawˆ tehꞈ meh. Yaw cawˆ tehꞈ meh. Meuˬ heu meuˬ-ahˇ ngaˇ laˆ cawˆ ma. Ehˇ kʼawꞈ, meuˬ heu meuˬ-ahˇ bi laˆ cawˆ-eu lehˇ ngaˬ neh tseˇ doˆ-euˬ gʼaˬ maˬ oe keuˆ kʼoeˇ keuˆ ni, kʼoeˇ loꞈ-ehˇ maˬ jahˇ te siˬ. Kʼoeˇ gʼaˬ-ahˇ meuˬ heu meuˬ biꞈ tsehˆ nehˬ ma.

Yeˬsaˬgeˬlaˇ 34:16

“Byoˆ-iˇ-euˬ yawˇ deuˬ-ahˇ ngaˇ poˆ-awˇ, gaˇ bahˬ iˇ bahˬ taˬ-euˬ deuˬ-ahˇ teh kʼoꞈ laꞈ-awˇ, laˆ tahˬ laˆ naˇ-euˬ deuˬ-ahˇ jaˆ gʼaˬ kaˬ uꞈ nehˬ-eu uˬ taꞈ, naˇ luꞈ-eu deuˬ-ahˇ jaˆ gʼaˬ laˆ saˆ nehˬ ma. Ehˇ kʼawꞈ, yaw tsuˇ tsuˇ-awˇ gʼaˬ kʼaˆ-eu yawˇ deuˬ-ahˇ, ngaˇ laˆ cawˆ ma. Aˬ jeˬ miˇ neh ehˇ naˇ, ngaˇ-aˬ, yaw tsaˬ yaw dawˇ dawˇ-ehˇ mˇ-eu yawˇ bo-eu gʼaˬ ma.

Yeˬsaˬgeˬlaˇ 34:29

Miˇ tsaˬ miˇ muiˬ muiˬ dui dui-eu deh yaˇ deuˬ aˬ yawꞈ maꞈ-ahˇ ngaˇ biꞈ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ mehꞈ-eu shuꞈ-eu jeˬ byoˆ tsehˆ tehꞈ-a. Aˬ cawˬ tsawˇ jeuˬ deuˬ aˬ yawꞈ maꞈ-ahˇ maˬ paˇ laˆ guˆ nya ni pyeuꞈ-iˇ tehꞈ-a.

Yeˬsaˬgeˬlaˇ 45:8

Miˇ tsaˬ pehˇ tsahˇ kʼoeˇ tsahˇ-aˬ, dzoeˬ dzaˬ oꞈ-eu sahˬ paˬ zaˬ yo-euˬ miˇ tsaˬ pyeuꞈ-awˇ, miˇ kʼahˬ zaˬ deuˬ-ahˇ aˬ yawꞈ maˬ paˇ kʼaˆ geuꞈ ni, tsawˇ jeuˬ aˬ yawꞈ jeuˬ yawꞈ-ahˇ, yawˬ ha-ahˇ kʼaˇ oꞈ-eu miˇ tsaˬ bi geuꞈ tehꞈ-a.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Hawˇseˬ 1:11

Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ paˇ tsaˬ paˇ dzoeˇ leˇ-awˇ, nyiˬ muˇ luꞈ-ahˇ uˆ lahˇ-eu aˬ yuiꞈ aˬ tsu tiˬ gʼaˬ tehꞈ-ehˇ paˇ tseˇ doˆ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ tiˬ poˆ paˇ dehꞈ doˆ dzaˬ laˇ-awˇ, baw le za le tehꞈ-a. Yeˬzaˬleˬlaˇ-euˬ aˇ nah kʼoeˇ nah-aˬ, huiˬ dui dui-eu aˇ nah pyeuꞈ tehꞈ-a.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Miˇkaˬ 5:3

Kʼoeˇ miˇ neh, zaˬ ya ciˬ-eu zaˬ miˬ zaˬ kʼoeˇ gʼaˬ aˬ yawꞈ-euˬ aˬ li maˬ dehꞈ doˆ le kʼoeˇ keuˆ ni, Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ muiˇ-eu deuˬ-euˬ laꞈ-ahˇ byehˇ dzeh taˬ tehꞈ-a. Kʼoeˇ sahˇ miˇ tsa, aˬ cawˬ miˇ kʼahˬ-ahˇ bi nyehꞈ byoˆ gʼeh-euˬ aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ yawˬ ha-euˬ tsawˇjeuˬ nehˬ-ehˇ paˇ ya jawˇ taꞈ tehꞈ-a.

Zaˬkaˬliˇ 3:8

Piˇ ma yaw huiˬ gʼaˬ pyeuꞈ-eu Yawˇshuˆ hawˇ-eu, Yawˇshuˆ-euˬ gaˇ mˇ cawˬ pyeuꞈ-eu Yawˇshuˆ mehˬ shi nuiˇ luꞈ-eu piˇ ma deuˬ naˇ haˬ sheˇ. Naw maꞈ- aˬ, mehˬ hu paw yaw muiˬ jeˬ keuˆ le-eu gaˇ kawˆ, saˇ kiˇ pyeuꞈ-eu meh. Aˇ bawˇ uˬ pyaˬ lehˇ myahˇ-euˬ ngaˬ-euˬ zaˬ kʼaˆ, naw maꞈ-ahˇ ngaˇ mehˬ nehˬ ma.

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Maꞈtehˬ 2:2

Aˬ yawꞈ maꞈ ehˇ-eu, “Dehꞈ le-euˬ Yuˇdaˆ tsawˇ haˬ-euˬ sahˬ paˬ kʼoeˇ gʼaˬ aˬ gaˇ jawˇ ta. Nahˇ ma doˆ kʼehˬ paw dzeˇ neh aˬ yawꞈ-euˬ aˬ guiˇ doˆ laˇ gaˇ nga maꞈ ya mawˇ-awˇ, aˬ yawꞈ-ahˇ uˬ duˬ tahˬ laˇ-euˬ ma.”

Yoˇhaˬ 1:45

Naˬdaˬneˬlaˇ-ahˇ Piˇluˇpuˆ mawˇ-awˇ ehˇ nehˬ-eu, “Moˇseˬ neh boꞈ-euˬ Zahˇ dawˬ kʼoꞈ dawˬ laꞈ kʼoeˇ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ ehˇ taˬ-euˬ kʼoeˇ gʼaˬ-ahˇ nga maꞈ mawˇ-euˬ ma. Aˬ yawꞈ-aˬ, Naˬzaˬlehˇ meuˬ-ahˇ jawˇ-eu Yoˇsehˆ-euˬ aˬ li meh.”

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

HeˬByehˇ 8:8

Ehˇ kʼawꞈ, Miˬyehˇ aˬ yawꞈ-euˬ tsawˇ haˬ kʼoeˇ deuˬ-ahˇ iˬ baˇ taˬ kʼaˇ za-awˇ, heu loꞈ-ehˇ ehˇ taˬ-euˬ meh. “Iˇ saˬ leˬ laˇ tsawˇ haˬ hawˇ-eu, Yuˇdaˆ tsawˇ haˬ kʼoeˇ deuˬ nehˬ-ehˇ, dawˬ ma saˇ jaˇ yaw shuiꞈ tiˬ hmˬ, ngaˇ paˇ ya dzaˬ poˆ-eu aˇ yamˬ, aˇ nah paˇ keuˆ le luꞈ meh lehˇ, Sahˬpaˬ Miˬyehˇ ehˇ taˬ-euˬ meh.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.