Yeˬlaˬmiˇ 21:3 - Akha

³ Kʼoeˇ naˇ, Sahˬpaˬ Miˬyehˇ neh ngaˬ-ahˇ ehˇ nehˬ laꞈ-euˬ dawˬ deuˬ, ngaˇ jawˇ gaˇ kʼehˇ gʼeh leꞈ-euˬ tsawˇ haˬ kʼoeˇ nyiˬ gʼaˬ-ahˇ ngaˇ ehˇ nehˬ-euˬ ma.

Yeˬlaˬmiˇ 21:3 Iomraidhean Croise

2 Laˬsaˬbaˬ 34:23

Kʼoeˇ ngeh, zaˬ miˬ zaˬ kʼoeˇ gʼaˬ ehˇ-eu, “Naw maꞈ gʼoꞈ-iˇ-awˇ sahˬ paˬ-ahˇ heu loꞈ-ehˇ ehˇ nehˬ-iˇ-awˬ.

2 Laˬsaˬbaˬ 36:12

Sahˬpaˬ Miˬyehˇ mehˬ shi aˬ yawꞈ iˬ baˇ mˇ-awˇ nui ma nahˬ yu ni maˬ taˬ-ehˇ, Sahˬpaˬ Miˬyehˇ gʼaˇ duˬ ngehˬ dah-eu Yeˬlaˬmiˇ-euˬ ehˇ dawˬ-ahˇ maˬ naˇ haˬ geuꞈ-a.

Yeˬlaˬmiˇ 21:2

“Baˬbuˇloˬ sahˬ paˬ Neˬbuˬkaˬneˬzaˬ nga maꞈ-ahˇ guiˇ deuˆ le-euˬ miˇ neh, nga maꞈ-euˬ gʼaˇ duˬ Sahˬpaˬ Miˬyehˇ-ahˇ tiˬ poˆ ngehˬ cawˬ nehˬ laꞈ-awˬ. Sahˬpaˬ Miˬyehˇ kʼaˆ jeˬ-ehˇ gʼeh-eu jeˬ jahˇ-awˇ, Neˬbuˬkaˬneˬzaˬ-ahˇ teh gʼoꞈ nehˬ laꞈ-eu baw le.”

Yeˬlaˬmiˇ 21:4

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Zeˬdaˬkiˇ-ahˇ bi tsaꞈ kʼoꞈ leˇ-euˬ ma. “Zeˬdaˬkiˇ-oˇ, Baˬbuˇloˬ sahˬ paˬ hawˇ-eu aˬ yawꞈ-euˬ guiˇ maꞈ nehˬ-ehˇ guiˇ deuˆ luꞈ-eu nawˬ-euˬ guiˇ maꞈ-ahˇ ngaˇ bi smˬ-iˇ ma. Nawˬ-euˬ yehˇ deuˬ-euˬ guiˇ deuˆ-eu keu ka deuˬ-ahˇ, meuˬ-euˬ gʼahˇ ceh ngaˇ gʼoˆ bymˇ ma.

Yeˬlaˬmiˇ 32:3

Sahˬpaˬ Miˬyehˇ neh ehˇ-euˬ dawˬ deuˬ-ahˇ ngaˇ dzawˇ gaˬ-euˬ miˇ neh, sahˬ paˬ Zeˬdaˬkiˇ ngaˬ-ahˇ paꞈ kuˆ laꞈ kʼoeˇ nyehꞈ ahˇ-euˬ meh. Sahˬpaˬ Miˬyehˇ neh ehˇ-euˬ dawˬ-aˬ, heu loꞈ-ehˇ meh. “Meuˬ heu meuˬ-ahˇ Baˬbuˇloˬ sahˬ paˬ neh bi deuˆ gʼaˬ-eu lehˇ ngaˇ gʼeh-eu ma.