Yeˬlaˬmiˇ 13:16 - Akha

¹⁶ Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yeˬlaˬmiˇ 13:16 Iomraidhean Croise

Yawˇbaˆ 3:5

Aˇ nah kʼoeˇ nah-ahˇ zahˇ dui dui-eu aˇ nah bi pyeuꞈ-awˬ. Mˬ dmˇ neh ciˬ gʼoeˬ-awˇ, nahˇ ma-ahˇ dehˬ kaˬ-awˬ.

Jaceuq 107:10

Tiˬ paˆ na deuˬ zahˇ tsui ni gʼeh gaˇ jawˇ luꞈ-awˇ, paꞈ kuˆ-ahˇ shmˇ caˆ daˬ-awˇ uˇ-eu meh.

Jaceuq 107:14

Yaw zahˇ laꞈ kʼoeˇ aˬ yawꞈ maꞈ-ahˇ sheuˬ doˆ laꞈ-awˇ, aˬ yawꞈ maꞈ-ahˇ paꞈ-euˬ shmˇ caˆ tseuˆ puiˇ doˆ nehˬ-euˬ meh.

Jaceuq 29:2

Yaw shehꞈkʼahˬsehˇhuiˬdui dui-eu, yawꞈ-euˬtsawˇmyahˇ-ahˇja ceuˬ-awˇ, Muiˬ-eu shawˇ-eu Gʼaˬ doˆle ngeh, awˆbyaˆnehˬ-awˇ uˬduˬtahˬ-awˬ.

Jaceuq 44:19

Ehˇkʼawꞈhaiˬ-eu kʼaˬyehˇtsahˬ-ahˇ, nga maꞈ-ahˇ nawˇ bi shaˬ laꞈ-awˇ, yaw zahˇtsahˇlahˇnehˬlaꞈ-euˬmeh.

Doˆ-iˇ 10:21

Kʼoeˇ naˇ, “Tsawˇ haˬ zaˬ-euˬ aˬ laꞈ neh sawˆ haw ngeh, sawˆ zaꞈ nya paˬ-ehˇ zahˇ-eu, zahˇ tsui ni gʼeh-eu jeˬ, Iˇjiˇtuˆ miˇ kʼahˬ kʼoeˇ taˆ bi keuˆ le-eu gʼaˇ duˬ, nawˬ-euˬ aˬ laꞈ mˬ paw cawˬ diˇ-awˬ” lehˇ, Moˇseˬ-ahˇ Sahˬpaˬ Miˬyehˇ ehˇ nehˬ-euˬ meh.

Dawqdaq 4:19

Haiˬ-eu tsawˇ haˬ-euˬ gaˇ ma-aˬ, la tsehˆ ngeh miˇ loꞈ-ehˇ zahˇ-awˇ, pehˆ toˆ laˇ-eu jeˬ-ahˇ maˬ mawˇ nya-a.

Dawˬ tsoˆ 11:8

Aˬ yawꞈ kʼoꞈ yawꞈ nawˇ ya dehꞈ-eu guiˬ lahˬ-ahˇ taˬ ngehˇ. Nawˇ aˇ myah ni yaw dehꞈ ya dehꞈ-eu kʼawꞈ, yaw shiˇ aˇ yamˬ kʼoeˇ myah maˬ tseˇ myahˇ dzehˬ-eu meh. Mehˬ hu paw noeˬ tmˬ duˬ tiˬ jeˬ-iˬ maˬ jaˆ-a.

Iˇsaˬyaˇ 5:30

Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Iˇsaˬyaˇ 59:10

Myaˆ behꞈ loꞈ-ehˇ nga maꞈ laꞈ sawˆ sawˆ-awˇ cah luꞈ-eu ma. Nah gʼahˇ paw kʼawꞈ uˬ ciꞈ loꞈ-ehˇ sahˬ tiꞈ tiꞈ-awˇ, zahˇ tsui ni gʼeh-eu shiˇ-eu miˇ kʼahˬ-ahˇ cah luꞈ gaˇ duˇ miˇ-a.

Iˇsaˬyaˇ 59:9

Iˇsaˬleˬlaˆ tsawˇ haˬ deuˬ heu loꞈ-ehˇ ehˇ-eu meh. “Nga maꞈ-ahˇ kʼehˬ luꞈ-eu deuˬ-euˬ aˬ laꞈ laꞈ kʼoeˇ, aˬ jeˬ miˇ neh Miˬyehˇ maˬ ka kʼoꞈ nehˬ laꞈ-eu gaˇ kawˆ, nymˬ-mˇ nga maꞈ siˬ duˬ-eu ma. Yaw shehꞈ laꞈ kʼoeˇ nga maꞈ cah mawꞈ-eu kʼawꞈ, yaw zahˇ nga maꞈ-ahˇ uˆ lahˇ luꞈ-eu meh.

Iˇsaˬyaˇ 60:2

Tsawˇ jeuˬ nui deuˬ yaw zahˇ bi pymˬ tehˬ kʼawꞈ, nawˬ-euˬ kʼoeˇ taˆ Sahˬpaˬ Miˬyehˇ-euˬ yaw shehꞈ bya le-awˇ, aˬ yawꞈ yaw shehꞈ kʼahˬ sehˇ nawˬ nehˬ-ehˇ jawˇ tehꞈ-a.

Iˇsaˬyaˇ 8:22

miˇ tsaˬ-ahˇ awˆ moꞈ haw kʼawꞈ, shaˬ zahˬ naꞈ-eu jeˬ hawˇ-eu yaw zahˇ jeˬ-ahˇ tehꞈ-ehˇ ya mawˇ-eu meh. Zahˇ dui dui-eu tsahˇ-ahˇ aˬ yawꞈ maꞈ bi teh ahˇ taˬ-euˬ meh.

Yeˬlaˬmiˇ 14:19

Sahˬpaˬ Miˬyehˇ nawˇ Yuˇdaˆ tsawˇ haˬ-ahˇ, byehˇ tsehˆ tsehˆ nehˬ laꞈ-euˬ ma loˇ. Ziˇoˬ meuˬ-ahˇ nawˇ maˬ haw nahˇ te loˇ. Nga maꞈ jaˆ gʼaˬ maˬ yaˇ taˬ nya gaˇ keuˆ, aˬ jeˬ miˇ neh nawˇ laˆ naˇ nehˬ laꞈ te. Nui saˇ oꞈ-eu jeˬ-ahˇ nga maꞈ poˆ kʼawꞈ, yaw muiˬ tiˬ jeˬ-iˬ maˬ baw-a. Naˇ gawˇ taˬ leˇ gaˇ nga maꞈ noeˬ tmˬ kʼawꞈ, guˆ-eu gaˆ-eu jeˬ paˇ keuˆ le-euˬ meh.

Yeˬlaˬmiˇ 2:6

Iˇjiˇtuˆ miˇ kʼahˬ-ahˇ aˬ yawꞈ maꞈ-ahˇ ngaˬ neh ka kʼoꞈ doˆ-awˇ, kʼaˇ shuiꞈ tehꞈ-ehˇ jaˆ-eu miˇ kʼahˬ, gui coˇ ni gʼeh-eu guˆ-eu gaˆ-eu miˇ kʼahˬ, tsawˇ haˬ zaˬ maˬ jawˇ-eu miˇ kʼahˬ, maˬ iˇ maˬ laˇ tsehˆ-eu miˇ kʼahˬ pyeuꞈ-eu, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ sheuˬ doˆ-euˬ kʼawꞈ, ngaˇ jawˇ meh lehˇ aˬ yawꞈ maꞈ tiˬ pawꞈ-iˬ maˬ noeˬ-a.

Yeˬlaˬmiˇ 23:12

Aˬ yawꞈ maꞈ-euˬ gaˇ ma yaw juˇ juˇ-awˇ, zahˇ tsui ni gʼeh-eu meh. Aˬ yawꞈ maꞈ-ahˇ sahˬ tiꞈ tiꞈ-awˇ bi coˬ-iˇ ma. Aˬ yawꞈ maꞈ-ahˇ ngaˇ shaˬ zahˬ bi naꞈ ma. Aˬ yawꞈ maꞈ-ahˇ kʼehˬ-eu aˇ nah peh le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 4:23

Miˇ tsaˬ-ahˇ ngaˇ haw ngeh, tiˬ jeˬ-iˬ maˬ baw ni awˬ kʼawꞈ tehꞈ meh. Mˬ-ahˇ ngaˇ haw leꞈ ngeh, yaw shehꞈ tiˬ pawꞈ-iˬ maˬ jaˆ-a.

Yeˬlaˬmiˇ 50:6

“Ngaˬ-euˬ tsawˇ haˬ deuˬ-aˬ, yawˇ bo-eu deuˬ neh gawˬ jawˬ gawˬ duˇ doe ni bi byoˆ-iˇ-euˬ yawˇ deuˬ-ahˇ duˇ-eu meh. Gawˬ jawˬ tiˬ jawˬ saˇ-iˬ ti jawˬ iˇ kaˬ gʼeh-awˇ, iˇ kahˇ-ahˇ maˬ gʼoꞈ doˆ laˇ nya-a.

Yeˬlaˬmiˇ 6:21

Tsawˇ haˬ heu deuˬ sahˬ tiꞈ tiꞈ-awˇ coˬ-iˇ ni ngaˇ jahˇ ma. Aˬ da hawˇ-eu zaˬ tiˬ gaˇ ya shiˇ-awˇ, nymˇ kaˬ taꞈ-eu cawˬ deuˬ tiˬ kawˆ loꞈ-ehˇ ya shiˇ tehꞈ-a.”

Yeˬlaˬmiˇ 8:15

Jawˇ saˇ doˆ-awˇ nui saˇ oꞈ gaˇ aˬ dui noeˬ tmˬ-euˬ kʼawꞈ, guˆ-eu gaˆ-eu jeˬ bi keuˆ le-euˬ meh.

Ngoeˇ dawˬ 4:17

Myaˆ nuiˆ haw doˆ-eu keuˆ laˇ kʼawꞈ, caw ba le-eu gʼaˬ maˬ jawˇ-a. Kawˬ lahˇ loꞈ kʼehꞈ-eu keuˆ laˇ kʼawꞈ, ngehˬ gʼeh le-eu gʼaˬ maˬ jawˇ-a.

Yeˬsaˬgeˬlaˇ 21:15

Mi cehˇ kʼoeˇ ngaˬ-euˬ tsawˇ haˬ-ahˇ nui ma bi baˬ-iˇ-awˇ, bi pehˆ toˆ sehꞈ-eu meh. Mˬ myawꞈ myawꞈ-eu loꞈ-ehˇ naˇ guiˇ guiˇ laˇ-awˇ, sehꞈ-eu lehˇ lehˬ hmˬ taˬ-euˬ mi cehˇ kʼoeˇ kahˇ neh, aˬ yawꞈ maꞈ-euˬ meuˬ-ahˇ ngaˇ laˆ guˆ luꞈ-eu ma.

Yeˬsaˬgeˬlaˇ 34:12

Cah byaˆ jiˇ-euˬ yawˇ deuˬ-ahˇ yawˇ bo-eu yaw sahˇ poˆ kʼoꞈ uiˬ-eu loꞈ-ehˇ, ngaˬ-euˬ yawˇ deuˬ-ahˇ ngaˇ poˆ kʼoꞈ uiˬ ma. Juˬ kʼoeˬ tmˬ-awˇ mˬ zahˇ tsui ni gʼeh ngeh nah aˬ yawꞈ maꞈ kʼaˇ cehˆ byaˆ taˬ-euˬ gaˇ, ngaˇ poˆ mawˆ kʼoꞈ ma.

Yeˬsaˬgeˬlaˇ 36:15

Miˇ kʼahˬ heu kʼahˬ aˬ cawˬ ja bu-eu dawˬ maˬ paˇ ya gaˬ-ehˇ, aˬ cawˬ lmˬ guˆ laˇ gaˇ maˬ paˇ ya mawˇ-aˇ. Miˇ kʼahˬ heu kʼahˬ yawˬ ha tsawˇ jeuˬ-euˬ zaˬ-ahˇ tahˇ joe maˬ paˇ joe geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Aˬmoˆ 4:13

Gawˬ jawˬ tehˆ-euˬ, Miˬyehˇ neh meh. Jaˬ lehˇ beh-euˬ Miˬyehˇ neh meh. Yawꞈ-euˬ nui noeˬ tsawˇ-ahˇ mehˬ-awˇ, nah gʼahˇ uˬ ciꞈ laˆ pyeuꞈ nya-awˇ, mˬ-ahˇ jawˇ-awˇ miˇ-ahˇ dzoeˬ-eu, Yawꞈ-euˬ tsawˇ myahˇ Baoˬ huiˬ Miˬyehˇ, Sahˬpaˬ Miˬyehˇ lehˇ kuˇ-eu meh.

Aˬmoˆ 5:18

Sahˬpaˬ Miˬyehˇ-euˬ aˇ nah-ahˇ noeˬ tmˬ luꞈ-eu naw maꞈ deuˬ aˇ naˆ ni guˆ paˬ-ehˇ gʼeh-eu nga. Aˇ nah kʼoeˇ nah naw maꞈ gʼaˇ duˬ aˬ jeˬ muiˬ nmˇ. Aˇ nah kʼoeˇ-aˬ, naw maꞈ gʼaˇ duˬ bya cehˆ ni gʼeh-eu aˇ nah maˬ ngeuˇ-a. Zahˇ tsui ni gʼeh-eu aˇ nah meh.

Maˬlaˬkiˇ 2:2

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˬ-ahˇ yaw zeu ya baw meh. Naw maꞈ ngaˬ-euˬ ehˇ dawˬ maˬ naˇ haˬ naˇ, yaˬ kʼehˇ yaˬ gaˇ ya daˬ tehꞈ-a. Naw maꞈ neh gaˇ mˇ-euˬ aˇ poeˬ naw maꞈ-ahˇ biꞈ taˬ-euˬ jeˬ kʼoeˇ taˆ, ngaˇ yaˬ kʼehˇ yaˬ ma. Aˬ diˇ aˬ maˇ ehˇ naˇ, naw maꞈ ngaˬ-euˬ dawˬ-ahˇ yaw muiˬ paˬ-ehˇ maˬ naˇ haˬ geuꞈ-eu miˇ neh, kʼoeˇ deuˬ kʼoeˇ taˆ ngaˇ yaˬ kʼehˇ yaˬ dzeuˇ gʼaˬ-euˬ ma.

Yoˇhaˬ 12:35

Yeˬsuˇ ehˇ-eu, “Yaw shehꞈ-aˬ, naw maꞈ nehˬ-ehˇ tiˬ kʼehˬ jawˇ tehꞈ-a. Naw maꞈ yaw shehꞈ za luꞈ ngeh, naw maꞈ kʼoeˇ taˆ yaw zahˇ maˬ bi keuˆ le ni cah tehˇ tehˬ-awˬ. Aˬ jeˬ miˇ neh ehˇ naˇ, yaw zahˇ laꞈ kʼoeˇ cah-eu tsawˇ haˬ-aˬ, yawˬ ha aˬ geu paw iˇ luꞈ-eu maˬ siˬ nya-a.

Yawˇshuˆ 7:19

Aˬkaˬ-ahˇ Yawˇshuˆ ehˇ nehˬ-eu, “Ngaˬ li-oˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi nawˬ-euˬ iˬ baˇ-ahˇ dawˇ coe ni ehˇ doˆ-awˬ. Nawˇ aˬ joˆ-ehˇ jahˇ-euˬ gaˇ kawˆ nymˬ-mˇ ngaˬ-ahˇ ehˇ nehˬ laꞈ-awˬ. Ngaˬ-euˬ mehˬ shi tiˬ jeˬ-iˬ taˬ zaꞈ taˬ.”

1 Beˬtuˆluˆ 2:8

Jaˇliꞈ laꞈ kʼoeˇ heu loꞈ-ehˇ paˇ ehˇ taˬ-euˬ jaˆ-eu meh. “Tsawˇ haˬ zaˬ sahˬ tiꞈ bi tiꞈ-awˇ, bi coˬ dzeh-iˇ-eu kʼaˬ lo meh.” Miˬyehˇ dawˬ kawˬ-ahˇ aˬ yawꞈ maꞈ maˬ jah-eu baˬ da neh, aˬ yawꞈ maꞈ sahˬ tiˬ tiꞈ-eu meh. A yawꞈ maꞈ sahˬ tiˬ tiꞈ-eu kʼoeˇ-aˬ, Miˬyehˇ aˇ hu ba neh lehˬ hmˬ taˬ-euˬ jeˬ pyeuꞈ-eu meh.

1 Saˬmeuˬlaˆ 6:5

Kʼoeˇ loꞈ-ehˇ jahˇ naˇ, naw maꞈ-ahˇ maˬ ehˇ, naw maꞈ-euˬ miˬ yehˇ deuˬ-ahˇ maˬ ehˇ, naw maꞈ-euˬ miˇ kʼahˬ-ahˇ maˬ ehˇ, aˬ yawꞈ maˬ paˇ kʼehˬ nehˬ laꞈ ni byehˇ-eu duˇ.