Yeˬlaˬmiˇ 11:16 - Akha

¹⁶ Aˇ hu aˬ yawꞈ maꞈ-ahˇ ngaˇ, aˇ paꞈ sahˇ-awˇ aˇ siˬ muiˬ dui dui-eu saˬ loˬ aˇ bawˇ lehˇ myahˇ-euˬ ma. Ehˇ kʼawꞈ, nymˬ-mˇ poˆ jawˇ-aˬ, mˬ jeˬ jeˬ-eu loꞈ-ehˇ mahˇ laˇ gaˇ keuˆ ni aˇ paꞈ deuˬ-ahˇ ngaˇ dzah puiˆ-awˇ, uˬ laꞈ deuˬ-ahˇ ngawˬ kʼehꞈ nehˬ ma.

Yeˬlaˬmiˇ 11:16 Iomraidhean Croise

Yawˇbaˆ 8:16

“Haiˬ-eu tsawˇ haˬ deuˬ-aˬ, nahˇ tsaˇ kʼaˆ gaˇ dehꞈ laˇ-eu yaˇ moꞈ loꞈ-ehˇ tuˇ laˇ-awˇ, yaˇ kmˇ kmˇ lah-ehˇ yaˇ moꞈ dehꞈ byah gaˇ duˇ tehꞈ-a.

Jaceuq 52:8

Ehˇ kʼawꞈ ngaˇ-aˬ, Miˬyehˇ-euˬ nymˇ-ahˇ dehꞈ-eu saˬ loˬ aˇ bawˇ-ahˇ duˇ-eu meh. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ-ahˇ, mˬ maˬ maˬ byaˆ zaˇ ziˇ gʼoe-eu ma.

Jaceuq 80:16

Nga maꞈ-ahˇ muiˇ-eu tsawˇ haˬ deuˬ aˬ gaꞈ baw duˆ kʼoeˇ-ahˇ miˬ dzaˬ dzah puiˆ-awˇ coeˇ tsehˆ dzeh-euˬ meh. Aˬ yawꞈ maꞈ-ahˇ nui ma pehˇ-awˇ laˆ cawˆ nehˬ-awˬ.

Jaceuq 80:17

Nawˬ neh tseˇ doˆ-awˇ bi huiˬ bi mahˇ laˇ-euˬ tsawˇ jeuˬ-ahˇ bo saˆ haw piˇ nehˬ-awˬ.

Jaceuq 83:2

Haw sheˇ, nawˬ-ahˇ muiˇ-eu deuˬ tsawˬ tuˇ laˇ-awˇ, nawˬ-ahˇ bye-eu deuˬ puiˬ luꞈ meh.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Yeˬlaˬmiˇ 2:21

Muiˬ dui dui-eu aˇ nuiˆ pahˬ-awˇ ka-euˬ aˬ gaꞈ baw duˆ loꞈ-ehˇ, nawˬ-ahˇ ngaˇ ka-euˬ ma. Ehˇ kʼawꞈ, nymˬ-mˇ nawˬ-ahˇ haw ngeh, buꞈ-iˇ-awˇ gaˇ dahˇ maˬ tsoeˬ-eu aˬ gaꞈ baw duˆ-ahˇ duˇ-eu meh.

Yeˬlaˬmiˇ 21:14

Ehˇ kʼawꞈ, nawˬ neh mˇ-euˬ jeˬ-ahˇ geuˇ ni, nawˬ-ahˇ ngaˇ kʼehˬ nehˬ ma. Nawˬ-euˬ sahˬ paˬ jawˇ-eu nymˇ-ahˇ ngaˇ miˬ dzaˬ keuˬ puiˆ-awˇ, dzawˬ gui dzawˬ nya yawˬ jeˬ na luꞈ bi puiˆ dzaˬ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 7:20

Kʼoeˇ baˬ da neh, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ pyeuꞈ-eu ngaˇ-aˬ, Uˬ duˬ tahˬ nymˇ nymˇ ma heu kʼoeˇ taˆ ngaˬ-euˬ nui pehˇ tahˬ daˆ nehˬ ma. Tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, bawˇ tsahˬ sahˬ lahˬ hawˇ-eu dzaˬ la gʼo cehˇ kʼoeˇ taˆ maˬ ehˇ, ngaˬ-euˬ nui pehˇ tahˬ daˆ nehˬ ma. Ngaˇ nui ma pehˇ-eu jeˬ-aˬ, tsawˇ haˬ tiˬ gʼaˬ-iˬ maˬ ceh miˆ nya-eu miˬ dzaˬ-ahˇ duˇ tehꞈ-a.

Hawˇseˬ 14:6

Aˬ yawꞈ maꞈ baw nmˬ nmˬ laˇ-awˇ, saˬ loˬ aˇ bawˇ loꞈ-ehˇ muiˬ-awˇ, Leˬbaˬnoˬ gawˬ jawˬ-ahˇ dehꞈ-eu, shuˬ liˇ aˇ bawˇ kʼoeˇ deuˬ loꞈ-ehˇ, yaw saꞈ saw dui dui laˇ tehꞈ-a.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

Dawˬmehˬ 28:40

Nawˬ-euˬ miˇ kʼahˬ laꞈ kʼoeˇ yawˬ gaˇ na luꞈ saˬ loˬ aˇ bawˇ bawˇ kʼawꞈ, saˬ loˬ aˇ siˬ ga jiˇ-eu miˇ neh, saˬ loˬ tsiˇ maˬ jaˆ ni ya jawˇ tehꞈ-a.

Panmaeq 11:4

Saˇ kiˇ kamˬ-eu kʼoeˇ nyiˬ gʼaˬ-aˬ, miˇ tsaˬ-euˬ Sahˬpaˬ mehˬ shi jaˆ-eu saˬ loˬ aˇ bawˇ kʼoeˇ nyiˬ bawˇ hawˇ-eu tsiˇ kʼmˬ doꞈ daˆ duˬ kʼoeˇ nyiˬ hmˬ meh.