Yeˬlaˬmiˇ 10:10 - Akha

¹⁰ Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 10:10 Iomraidhean Croise

Aˇ dahˬ 21:33

Kʼoeˇ naˇ, Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ, Aˬbyaˬhaˬ ciˬ caˬ aˇ behˆ aˇ bawˇ tiˬ bawˇ ka-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

1 Sahˬpaˬ 18:39

Kʼoeˇ loꞈ-ehˇ pyeuꞈ laˇ-euˬ gaˇ tsawˇ haˬ kʼoeˇ deuˬ ya mawˇ ngeh, aˬ yawꞈ maꞈ miˇ tsa coˬ lah coˬ lah-ehˇ, “Sahˬpaˬ Miˬyehˇ-aˬ, Miˬyehˇ pyeuꞈ-eu meh. Sahˬpaˬ Miˬyehˇ tiˬ gʼaˬ tehꞈ-ehˇ Miˬyehˇ pyeuꞈ-eu meh” lehˇ guˇ-eu meh.

1 Sahˬpaˬ 8:60

Kʼoeˇ miˇ neh, Sahˬpaˬ Miˬyehˇ tiˬ gʼaˬ tehꞈ-ehˇ Miˬyehˇ pyeuꞈ-eu gaˇ kawˆ hawˇ-eu, miˬ yehˇ nui gʼaˬ maˬ jawˇ-eu gaˇ kawˆ, miˇ tsaˬ heu kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ ya siˬ duˬ luꞈ-uˇ.

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

2 Laˬsaˬbaˬ 15:3

Aˇ yamˬ gʼawˬ myahˇ ni, Iˇsaˬleˬlaˆ tsawˇ haˬ laꞈ kʼoeˇ, aˬ diˇ aˬ maˇ Miˬyehˇ pyeuꞈ-eu Sahˬpaˬ Miˬyehˇ maˬ jawˇ-ehˇ, aˬ yawꞈ maꞈ-ahˇ mehˬ nehˬ tsoˆ nehˬ-eu piˇ ma deuˬ maˬ jawˇ-eu uˬ taꞈ, zahˇ dawˬ kʼoꞈ dawˬ kʼawꞈ maˬ jaˆ ni dehꞈ-euˬ meh.

Yawˇbaˆ 9:6

Aˬ yawꞈ miˇ luˆ bi luˆ-awˇ miˇ tsaˬ-ahˇ sheu nyeh-eu meh. Miˇ tsaˬ-ahˇ toˆ tehˬ taˬ-euˬ kʼawˇ zeuˇ-ahˇ aˬ yawꞈ ngawˬ nyeh-eu meh.

Jaceuq 10:16

Mˬmaˬmaˬbyaˇzaˇziˇ sahˬpaˬ, SahˬpaˬMiˬyehˇ nawˇpyeuꞈ-eu meh. Miˬyehˇ nui deuˬ-ahˇgʼoe-eu deuˬ, heu kʼahˬlaꞈkʼoeˇ byoˆ-iˇtehꞈ-a.

Jaceuq 100:3

Sahˬpaˬ Miˬyehˇ-aˬ, Miˬyehˇ meh lehˇ noeˬ siˬ-awˬ. Aˬ yawꞈ aˬ dui-ahˇ beh-awˇ, aˬ dui aˬ yawꞈ-euˬ ma. Aˬ dui aˬ yawꞈ-euˬ tsawˇ haˬ pyeuꞈ-awˇ, aˬ yawꞈ-euˬ yawˇ yawˇ maꞈ pyeuꞈ-eu ma.

Jaceuq 100:5

Sahˬpaˬ Miˬyehˇ-aˬ, muiˬ-eu jaˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ gmˬ-awˇ, aˬ yawꞈ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 104:32

Miˇ tsaˬ tahˬ kʼawˇ-ahˇ aˬ yawꞈ haw ka gʼeh ngeh, miˇ tsaˬ tahˬ kʼawˇ yaw dzuˬ dzuˬ-eu meh. gawˬ jawˬ-ahˇ aˬ yawꞈ toeˬ ciˆ ngeh, uˬ kʼoeˬ tahˬ doˆ laꞈ-eu meh.

Jaceuq 114:7

Miˇ tsaˬ tahˬ kʼawˇ-oˇ, Sahˬpaˬ Miˬyehˇ oe ngeh yaw dzuˬ dzuˬ-awˬ. Yaˬkoˆ-euˬ Miˬyehˇ mehˬ shi yaw dzuˬ dzuˬ-awˬ.

Jaceuq 145:13

Nawˇ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, nawˬ-euˬ dzoeˬ dzaˬ maˬ cawˆ-iˇ nya-a. Sahˬpaˬ Miˬyehˇ-aˬ, aˬ yawꞈ neh dzaˬ taˬ-euˬ dawˬ ma saˇ jaˇ deuˬ-ahˇ ziꞈ-awˇ, aˬ yawꞈ neh kʼaˇ mˇ kʼaˇ shaˇ-euˬ jeˬ muiˬ dui dui-eu meh.

Jaceuq 146:6

Aˬ yawꞈ-euˬ Miˬyehˇ-aˬ, mˬ, miˇ hawˇ-eu iˬ ma laˆ shaˆ-ahˇ maˬ ehˇ, kʼoeˇ gaˇ kʼaˇ jaˆ kʼaˇ jawˇ-eu jeˬ-ahˇ maˬ ehˇ, beh-euˬ yaw sahˇ pyeuꞈ-eu meh. Aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ myah luꞈ ziꞈ-eu meh.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Jaceuq 29:10

Huiˬdui dui-eu iˇcuꞈ kʼoeˇtaˆ, SahˬpaˬMiˬyehˇnuiˇluꞈ-eu meh. mˬmaˬmaˬbyaˆzaˇziˇ dzoeˬdzaˬ, SahˬpaˬMiˬyehˇ-ahˇoꞈ-eu meh.

Jaceuq 31:5

Ngaˬ-euˬsaˬlaˇgʼawˇmawˇdawˬtawˆ, nawˬ-euˬlaꞈ-ahˇ a nehˬ-eu ma. Saˇjaˇziꞈ-eu Miˬyehˇpyeuꞈ-eu, SahˬpaˬMiˬyehˇnawˬneh ngaˬ-ahˇ, gʼawˬshaˬgaˬ-awˇka kʼoꞈ-euˬmeh.

Jaceuq 42:2

Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

Jaceuq 68:11

Sahˬpaˬ Miˬyehˇ dawˬ biꞈ gʼeh leꞈ-awˇ, zaˬ miˬ zaˬ deuˬ dawˬ kʼoeˇ ja gaˬ-eu meh.

Jaceuq 68:8

Miˇ tsaˬ tahˬ kʼawˇ nyeh laˇ-awˇ, mˬ kʼoeˇ taˆ uˬ yehˇ shehˆ dzeh leꞈ-euˬ meh. Siˇnaˆ gawˬ jawˬ-euˬ Miˬyehˇ oe luꞈ-eu miˇ neh, Iˇsaˬleˬlaˆ-euˬ Miˬyehˇ oe luꞈ-eu miˇ neh, kʼoeˇ loꞈ-ehˇ pyeuꞈ laˇ-euˬ meh.

Jaceuq 74:12

Ehˇ kʼawꞈ, Miˬyehˇ nawˇ-aˬ, aˇ dahˬ beh ngeh neh nga maꞈ-euˬ sahˬ paˬ pyeuꞈ-eu ma. Nga maꞈ-ahˇ nawˇ gʼawˬ mya poˆ ka kʼoꞈ nehˬ laꞈ-euˬ meh.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Jaceuq 76:8

Nawˇ mˬ kʼoeˇ taˆ neh yaˇ kʼaˬ daˇ-awˇ, miˇ tsaˬ zaˬ dawˬ tawˆ luꞈ guˆ-awˇ ciˬ cuˇ ni jawˇ-eu meh.

Jaceuq 77:18

Nawˬ-euˬ mˬ jeˬ mahˇ doˆ laˇ-awˇ, mˬ myawꞈ myawꞈ-awˇ miˇ tsaˬ-ahˇ bi bya laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ luˆ luˆ-ehˇ jaˆ-eu meh.

Jaceuq 84:2

Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, ngaˇ jawˇ leˇ mawꞈ dui dui miˇ-a. Ngaˬ-euˬ nui ma gʼawˇ mawˇ dawˬ tawˆ luꞈ dehꞈ luꞈ-eu Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ-eu ma.

Jaceuq 9:8

Miˇtsaˬheu dawˬtawˆluꞈkʼoeˇtaˆ, Yaw tsaˬyaw dawˇneh uˆ lahˇ-awˇ, miˇtsaˬzaˬdawˬtawˆluꞈkʼoeˇtaˆ, dawˇcoe ni yaˇkʼaˬdaˇ-eu meh.

Jaceuq 90:11

Nawˇ nui ma pehˇ-eu baoˬ aˇ naˆ ni kʼaˆ-eu aˬ suˇ gʼaˬ yaw duˬ duˬ-ehˇ tahˬ puˬ haw-awˇ, nawˬ-euˬ nui pehˇ aˇ naˆ ni guˆ paˬ-ehˇ gʼeh-eu aˬ suˇ gʼaˬ siˬ duˬ ta.

Jaceuq 90:2

Gawˬ jawˬ gawˬ duˇ deuˬ-ahˇ nawˇ maˬ beh mi naˆ-ehˇ, miˇ tsaˬ tahˬ kʼawˇ-ahˇ nawˇ maˬ beh mi naˆ-ehˇ, nawˇ Miˬyehˇ pyeuꞈ luꞈ-awˇ, mˬ maˬ maˬ byaˆ zaˇ ziˇ Miˬyehˇ pyeuꞈ tehꞈ-a.

Jaceuq 93:2

Sahˬpaˬ Miˬyehˇ-oˇ, nawˬ-euˬ nuiˇ mahˬ-aˬ, miˇ tsaˬ tahˬ kʼawˇ maˬ beh mi naˆ ehˇ ziꞈ dah ni jaˆ-awˇ, aˇ yamˬ aˇ law maˬ baw laˇ mi naˆ ehˇ nawˇ dehꞈ luꞈ-eu meh.

Jaceuq 97:4

Aˬ yawꞈ-euˬ mˬ jeˬ tsawˬ tehˆ miˇ tsaˬ-ahˇ yaw shehꞈ bya-awˇ, miˇ tsaˬ yaw dzuˬ dzuˬ-eu meh.

Iˇsaˬyaˇ 37:17

Sahˬpaˬ Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ kʼoeˇ taˆ keuˆ le taˬ-eu jeˬ-ahˇ haw mawˇ nehˬ laꞈ-awˬ. Dehꞈ luꞈ-eu Miˬyehˇ pyeuꞈ-eu nawˬ-ahˇ Seˬneˬkaˬliˇ neh yehˬ bawˬ sehˇ lu-ehˇ kʼaˇ ehˇ taˬ-euˬ jeˬ-ahˇ naˇ haˬ-awˬ.

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

Iˇsaˬyaˇ 40:15

Miˬyehˇ mehˬ shi miˇ kʼahˬ tsawˇ jeuˬ dawˬ tawˆ, iˇ cuꞈ tiˬ dzaˆ loˆ ni tehꞈ meh. Gaˇ mahˇ kaˬ gaˇ jaˆ-eu iˇ jaw lahˇ kʼoeˇ deuˬ kʼawꞈ, kʼaˬ lehˇ loꞈ-ehˇ pyaˇ sawˆ ni gʼeh-eu meh.

Iˇsaˬyaˇ 40:28

Nawˇ maˬ siˬ nya te loˇ. Nawˇ maˬ ya gaˬ-aˬ loˇ. Sahˬpaˬ Miˬyehˇ mˬ maˬ maˬ byaˆ zaˇ ziˇ Miˬyehˇ pyeuꞈ-awˇ, miˇ dawˬ tawˆ luꞈ-ahˇ beh-euˬ meh. Aˬ yawꞈ gʼaˬ doeˇ doeˇ-awˇ gʼaˬ baˬ-eu maˬ baw-ehˇ, aˬ yawꞈ nui noeˬ tiˬ gʼaˬ-iˬ maˬ siˬ duˬ nya-a.

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Iˇsaˬyaˇ 65:16

Miˇ kʼahˬ heu kʼahˬ laꞈ kʼoeˇ guiˬ lahˬ yaw dzahˇ kʼaˇ shaˇ-eu deuˬ, saˇ jaˇ ziꞈ-eu Miˬyehˇ-euˬ guiˬ lahˬ yaw dzahˇ shaˇ tehꞈ-a. Saˇ jaˇ kʼaˇ dzaˬ-eu tsawˇ haˬ deuˬ, saˇ jaˇ ziꞈ-eu Miˬyehˇ-euˬ tsawˇ myahˇ uˬ moˆ dzaˬ tehꞈ-a. Dzeuˇ laˇ ngeh kʼaˇ ya tahˬ puˬ-euˬ shaˬ zahˬ dawˬ tawˆ, dzeuˇ-iˇ jiˇ-awˇ ya ngehˇ byoˆ jiˇ tehꞈ-a.”

Yeˬlaˬmiˇ 23:36

Kʼoeˇ miˇ neh, ‘Sahˬpaˬ Miˬyehˇ-euˬ kʼaˆ behˆ’ lehˇ ehˇ-eu dawˬ aˬ yawꞈ maꞈ ngehˬ-eu maˬ tsaˬ-a. Aˬ jeˬ miˇ neh ehˇ naˇ, tsawˇ haˬ tiˬ gʼaˬ na kʼoeˇ loꞈ-ehˇ ngehˬ naˇ, ngaˬ-euˬ dawˬ aˬ yawꞈ gʼaˇ duˬ maˇ maˇ ni kʼaˆ behˆ bi pyeuꞈ ma. Tsawˇ haˬ heu deuˬ-aˬ, aˬ yawꞈ maꞈ-euˬ Miˬyehˇ dehꞈ luꞈ-eu Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ dawˬ-ahˇ laˆ jawꞈ-euˬ meh.

Yeˬlaˬmiˇ 4:2

naw maꞈ saˇ jaˇ dzaˬ-awˇ kamˬ ngeh, ngaˬ-euˬ tsawˇ myahˇ zmˬ-awˇ kamˬ nya tehꞈ-a. Kʼoeˇ ngeh tsawˇ jeuˬ dawˬ tawˆ luꞈ kʼawꞈ, guiˬ lahˬ biꞈ laꞈ lehˇ ngaˬ-ahˇ shaˇ laˇ-awˇ ngaˬ-ahˇ ja ceuˬ tehꞈ-a.”

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Yeˬlaˬmiˇ 50:46

Baˬbuˇloˬ meuˬ byaˆ-iˇ ngeh, teˇ saˇ kʼaˆ dui dui-eu miˇ neh, miˇ tsaˬ tahˬ kʼawˇ nyeh laˇ-awˇ, tsawˇ haˬ zaˬ guˆ-awˇ, ngoeˇ-eu teˇ saˇ aˬ cawˬ miˇ kʼahˬ doe ni gaˬ keuˆ-iˇ tehꞈ-a.”

Yeˬlaˬmiˇ 51:29

Sahˬpaˬ Miˬyehˇ aˬ yawꞈ neh noeˬ taˬ-euˬ loꞈ-ehˇ, Baˬbuˇloˬ miˇ kʼahˬ-ahˇ tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh yaˇ pyeuꞈ-iˇ ni jahˇ nehˬ-eu lehˇ gʼeh-eu miˇ neh, miˇ tsaˬ tahˬ kʼawˇ yaw dzuˬ dzuˬ-eu meh.

Daˬyeˬlaˇ 4:3

Miˬyehˇ aˬ dui-ahˇ mehˬ laꞈ-euˬ, kʼaˆjeˬ-ehˇ gʼeh-eu gaˇkawˆdeuˬ, aˇ naˆ ni huiˬ-eu gaˇ kawˆ nga. Aˬ yawꞈ neh mˇ mehˬ shaˇ mehˬ-euˬ, zahˬ leˇ paˬ-ehˇ gʼeh-eu gaˇ deuˬ, aˇ naˆ ni baoˬ jaˆ-eu gaˇ nga. Aˬ yawꞈ miˇ kʼahˬ mˬ maˬ maˬ byaˆ, aˬ yawꞈ dzoeˬ dzaˬ zaˇ ziˇ ziꞈ meh.

Daˬyeˬlaˇ 4:34

Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Daˬyeˬlaˇ 6:26

Ngaˬ-euˬ miˇ kʼahˬ kʼahˬ ma heu kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, Daˬyeˬlaˇ-euˬ Miˬyehˇ-ahˇ guˆ-awˇ yaw zeu baw-awˬ lehˇ, ngaˇ dawˬ biꞈ-eu ma. “Aˬ yawꞈ dehꞈ-eu Miˬyehˇ pyeuꞈ-awˇ, mˬ maˬ maˬ byaˆ uˆ lahˇ tehꞈ-a. Yawꞈ-euˬ miˇ kʼahˬ maˬ cawˆ-iˇ-ehˇ, yawꞈ-euˬ dzoeˬ dzaˬ maˬ byoˆ-iˇ-a.

Daˬyeˬlaˇ 6:27

Aˬ yawꞈ ka kʼoꞈ-eu gʼaˬ pyeuꞈ-awˇ, ngehˬ gʼeh dah teˬ nehˬ-eu gʼaˬ meh. Mˬ hawˇ-eu miˇ tsaˬ heu kʼoeˇ taˆ, zahˬ leˇ-eu jeˬ mˇ-eu gʼaˬ meh. Aˇ laˬ jaˬ shiˇ maˬ bi kawꞈ ni, Daˬyeˬlaˇ-ahˇ ka kʼoꞈ-euˬ meh.”

Daˬyeˬlaˇ 7:14

Miˇ tsaˬ tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ aˬ yawꞈ-euˬ laꞈ oˆ bi jawˇ-eu gʼaˇ duˬ, uˆ lahˇ-eu baoˬ hawˇ-eu miˇ kʼahˬ dawˬ tawˆ luꞈ maˬ ehˇ, taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ dawˬ tawˆ luꞈ maˬ ehˇ, aˬ yawꞈ-ahˇ biꞈ-euˬ meh. Aˬ yawꞈ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ miˇ kʼahˬ tiˬ jawˇ-iˬ maˬ cawˆ-iˇ-a.

Yawˇlaˆ 2:11

Sahˬpaˬ Miˬyehˇ-euˬ guiˇ maꞈ-ahˇ Sahˬpaˬ Miˬyehˇ dawˬ biꞈ nehˬ ngeh, mˬ jeˬ tsawˬ tehˆ tehˆ gaˇ duˇ meh. Yawꞈ-euˬ ehˇ dawˬ geuꞈ-eu guiˇ maꞈ, myaˬ dui dui-awˇ baoˬ huiˬ-eu meh. Sahˬpaˬ Miˬyehˇ-euˬ aˇ nah-aˬ, guˆ dui dui laˇ paˬ-ehˇ gʼeh-awˇ, tiˬ gʼaˬ-iˬ maˬ dzeuˇ-iˇ nya-a.

Miˇkaˬ 1:4

Byaˬ shahˬ miˬ dzaˬ puiˆ-eu loꞈ-ehˇ, gawˬ jawˬ kʼoeˇ deuˬ aˬ yawꞈ uˬ moˆ, ya guiˇ byoˆ-iˇ jiˇ gaˇ keuˆ-awˇ, baˬ gʼa yoeˇ-eu iˇ cuꞈ loꞈ-ehˇ, lawˇ kʼmˬ-ahˇ yoeˇ ka le tehꞈ-a.

Naˬhmˬ 1:5

Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Haˬbaˬkuˆ 3:6

Aˬ yawꞈ naˬ ngeh miˇ luˆ luˆ-awˇ, aˬ yawꞈ myaˆ haw ciˬ pyawˇ leꞈ ngeh, miˇ tsaˬ zaˬ yaw dzuˬ dzuˬ-eu meh. Aˇ hu aˬ yawꞈ cah-euˬ gaˇ ma, gawˬ jawˬ jawˬ oeˇ deuˬ byaˆ le-awˇ, gawˬ duˇ duˇ mawˬ coˬ le-eu meh.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 26:63

Ehˇ kʼawꞈ, Yeˬsuˇ dawˬ maˬ ngehˬ ni ciˬ cuˇ ni jawˇ-eu meh. Piˇ ma Yaw huiˬ gʼaˬ dawˬ tiˬ poˆ paˇ ehˇ-eu, “Dehꞈ luꞈ-eu Miˬyehˇ-euˬ tsawˇ myahˇ uˬ moˆ, ngaˇ nawˬ-ahˇ heu loꞈ-ehˇ bi kamˬ-eu ma. Nawˇ, Ka li lehˇ ehˇ-eu Miˬyehˇ-euˬ Zaˬmaˇ ngeuˇ ma loˇ.”

Yoˇhaˬ 17:3

Nawˇ tiˬ gʼaˬ tehꞈ-ehˇ maˇ maˇ ni Miˬyehˇ meh lehˇ siˬ nya-awˇ, nawˬ neh kʼehˇ gʼeh leꞈ-euˬ Yeˬsuˇ Ka li-ahˇ siˬ nya-eu kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

Gʼaˬkʼehˇ 14:15

“Naw maꞈ aˬ jeˬ miˇ neh teu loꞈ-ehˇ jahˇ te. Nga nyaꞈ kʼawꞈ naw maꞈ loꞈ-ehˇ tsawˇ haˬ zaˬ ma. Gaˇ dahˇ maˬ tsoeˬ-eu gaˇ kawˆ heu deuˬ-ahˇ naw maꞈ byehˇ dzeh-awˇ, mˬ, miˇ, iˬ ma laˆ shaˆ hawˇ-eu kʼoeˇ gaˇ kʼaˇ jawˇ kʼaˇ jaˆ-eu yawˬ jeˬ na luꞈ-ahˇ beh-euˬ gʼaˬ pyeuꞈ-eu dehꞈ luꞈ-eu Miˬyehˇ jawˇ paw bi gʼoꞈ pyawˇ laˇ-eu gʼaˇ duˬ, nga nyaꞈ heu gaˇ Laˬ kʼaˬ cehˇ-eu Guiˬ lahˬ dawˬ mehˬ laˇ-euˬ ma.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Dawˬmehˬ 5:26

Dehꞈ luꞈ-eu Miˬyehˇ miˬ dzaˬ laꞈ kʼoeˇ dawˬ ngehˬ gaˇ ya gaˬ gʼaˬ-awˇ, maˬ shiˇ ni dehꞈ-eu tsawˇ haˬ zaˬ jawˇ meh loˇ.

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

1 Tiˆmoˇseˬ 1:17

Aˬ yawꞈ tiˬ gʼaˬ tehꞈ-ehˇ maˇ maˇ ni Miˬyehˇ pyeuꞈ-eu, maˬ shiˇ nya-eu uˬ taꞈ, tsawˇ haˬ zaˬ-euˬ myaˆ nuiˆ neh maˬ haw mawˇ nya-eu mˬ maˬ maˬ byaˆ zaˇ ziˇ Sahˬpaˬ-ahˇ, taˬ huiˬ taˬ mahˇ nehˬ-eu jeˬ hawˇ-eu yaw shehꞈ kʼahˬ sehˇ mˬ maˬ maˬ byaˆ zaˇ ziˇ jaˆ luꞈ-uˇ.

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.

HeˬByehˇ 10:31

Dehꞈ luꞈ-eu Miˬyehˇ-euˬ laꞈ-ahˇ ya uˇ keuˆ-iˇ-eu jeˬ-aˬ, guˆ dui dui laˇ paˬ-ehˇ gʼeh-eu meh.

Yawˇshuˆ 3:10

Naw maꞈ mehˬ hu paw le gʼeh leꞈ-eu nehˬ ehˇ, Kaˬnaˬ tsawˇ jeuˬ, Heˇtaˆ tsawˇ jeuˬ, Hiˇbiˇ tsawˇ jeuˬ, Paˬyehˆ tsawˇ jeuˬ, Geuˬgaˬshaˆ tsawˇ jeuˬ, Aˬmawˇliˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ, aˬ yawꞈ aˬ diˇ aˬ maˇ teh doˆ gʼeh tehꞈ-a. Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ,

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Yaˇ kʼaˬ daˇ 5:4

Sahˬpaˬ Miˬyehˇ-oˇ, Siˇyaˆ gawˬ jawˬ deuˬ-ahˇ nawˇ byehˇ yaꞈ ngeh, Eˬdoˬ miˇ kʼahˬ laꞈ kʼoeˇ neh nawˇ doˆ laˇ ngeh, miˇ tsaˬ tahˬ kʼawˇ luˆ luˆ-ehˇ nyeh laˇ-awˇ, mˬ kʼoeˇ taˆ neh uˬ yehˇ yehˇ le-euˬ meh. Mˬ dmˇ-ahˇ iˇ cuꞈ yoeˇ doˆ le-euˬ meh.

1 Saˬmeuˬlaˆ 17:26

Aˬ yawꞈ dawˬ peh jawˇ-eu deuˬ-ahˇ Daˬbiˇ naˇ haˬ-eu, “Tsawˇ haˬ heu gʼaˬ-ahˇ sehꞈ-awˇ, Iˇsaˬleˬlaˆ miˇ kʼahˬ-ahˇ noeˬ shaˬ noeˬ zahˬ-eu jeˬ laꞈ kʼoeˇ neh ka kʼoꞈ nehˬ nya-eu gʼaˬ aˬ jeˬ laꞈ sawˬ za meh ehˇ ta lehˇ. Dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ paˬ-ehˇ, Miˬyehˇ-ahˇ maˬ siˬ nya-eu teu loꞈ-ehˇ gʼeh-eu lawˇ ciꞈ ciꞈ kʼaˆ pyeuꞈ-eu Piˇliˇtiˆ tsawˇ haˬ teu gʼaˬ aˬ pa jeˬ-a.”

1 Saˬmeuˬlaˆ 17:36

Aˇ laˬ jaˬ shiˇ hawˇ-eu kʼaˬ hmˇ deuˬ-ahˇ ngaˇ sehꞈ-euˬ loꞈ-ehˇ, dehꞈ luꞈ-eu Miˬyehˇ-euˬ guiˇ maꞈ-ahˇ guˇ guˇ-ehˇ lmˬ luꞈ-eu, Miˬyehˇ-ahˇ maˬ siˬ nya-eu lawˇ ciꞈ zaˬ pyeuꞈ-eu Piˇliˇtiˆ tsawˇ haˬ kʼoeˇ gʼaˬ-ahˇ kʼawꞈ, kʼoeˇ loꞈ-ehˇ jahˇ nehˬ ma.