Yeˬlaˬmiˇ 1:2 - Akha

² Aˬmo-euˬ aˬ li Yawˇshiˆ gʼaˬ, Yuˇdaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-euˬ tseˇ smˇ kʼoꞈ tiˬ kʼoꞈ-ahˇ, Yeˬlaˬmiˇ kʼoeˇ taˆ Sahˬpaˬ Miˬyehˇ-euˬ dawˬ keuˆ le-euˬ meh.

Yeˬlaˬmiˇ 1:2 Iomraidhean Croise

1 Sahˬpaˬ 13:2

Miˬyehˇ gʼaˇ duˬ ngehˬ dah-eu kʼoeˇ gʼaˬ, Sahˬpaˬ Miˬyehˇ neh kʼaˇ kʼehˇ-euˬ loꞈ-ehˇ lawˇ duˬ-ahˇ yaˬ kʼehˇ yaˬ-awˇ ehˇ-eu, “Lawˇ duˬ-oˇ, Lawˇ duˬ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. Yawˇshiˆ lehˇ myahˇ-euˬ aˬ li tiˬ li Daˬbiˇ-euˬ nymˇ jiˇ laꞈ kʼoeˇ dehꞈ le tehꞈ-a. Aˬ cawˬ tsawˇ jeuˬ-euˬ lawˇ duˬ-ahˇ gaˇ mˇ-eu piˇ ma geuꞈ-awˇ nawˬ-euˬ kʼoeˇ taˆ lawˇ-eu shehˇ-eu jeˬ mˇ luꞈ-eu tsawˇ haˬ kʼoeˇ deuˬ-ahˇ, nawˬ-euˬ kʼoeˇ taˆ aˬ yawꞈ sehꞈ daˆ-awˇ, tsawˇ haˬ-euˬ shaˬ yoeˬ kʼawꞈ nawˬ-euˬ kʼoeˇ taˆ aˬ yawꞈ dzah puiˆ tehꞈ-a.”

1 Sahˬpaˬ 13:20

Aˬ yawꞈ maꞈ hawˬ jeh-ahˇ jawˬ leˇ ngeh, Miˬyehˇ gʼaˇ duˬ ngehˬ dah-eu tsawˇ mawˬ kʼoeˇ gʼaˬ jawˇ gaˇ Sahˬpaˬ Miˬyehˇ-euˬ dawˬ keuˆ le-euˬ meh.

2 Sahˬpaˬ 21:18

Maˬnaˇseˬ ziˇ jiˇ-awˇ, Awˇza yaˇ kmˇ lehˇ kuˇ-eu sahˬ paˬ-euˬ yaˇ kmˇ laꞈ kʼoeˇ baꞈ pahˬ nehˬ-euˬ meh. Kʼoeˇ naˇ, aˬ yawꞈ-euˬ aˬ li Aˬmo gʼaˬ aˬ yawꞈ-euˬ dah zaˇ sahˬ paˬ geuꞈ-eu meh.

2 Sahˬpaˬ 21:24

Aˬmo-ahˇ sehꞈ-euˬ tsawˇ haˬ deuˬ-ahˇ Yuˇdaˆ miˇ kʼahˬ zaˬ deuˬ neh paˇ sehꞈ poˆ-awˇ, aˬ yawꞈ-euˬ aˬ li Yawˇshiˆ-ahˇ sahˬ paˬ bi geuꞈ-euˬ meh.

2 Sahˬpaˬ 22:3

Sahˬ paˬ Yawˇshiˆ uˆ lahˇ luꞈ-eu tseˇ yehꞈ kʼoꞈ tiˬ kʼoꞈ-ahˇ, Meˬshuˇlamˬ-euˬ oeˬ paˬ pyeuꞈ-awˇ, Aˬzaˬliˇ-euˬ aˬ li pyeuꞈ-eu saˇ naˇ gaˇ paw aˬ yuiꞈ geuꞈ luꞈ-eu Shaˇpaˬ-ahˇ, aˬ yawꞈ heu loꞈ-ehˇ ehˇ nehˬ-awˇ Uˬ duˬ tahˬ nymˇ nymˇ ma-ahˇ bi le-euˬ meh.

Yeˬlaˬmiˇ 1:11

“Yeˬlaˬmiˇ-oˇ, nawˬ-ahˇ aˬ jeˬ mawˇ laˇ-eu nya” lehˇ Sahˬpaˬ Miˬyehˇ ngaˬ-ahˇ naˇ haˬ laˇ ngeh, “Aˬlaˬmoˬ aˇ bawˇ uˬ laꞈ tiˬ laꞈ mawˇ-euˬ ma” lehˇ ngaˇ ehˇ kʼoꞈ nehˬ-euˬ ma.

Yeˬlaˬmiˇ 1:4

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 25:3

“Aˬmo-euˬ aˬ li Yawˇshiˆ sahˬ paˬ geuꞈ-eu tseˇ smˇ kʼoꞈ tiˬ kʼoꞈ pyeuꞈ-eu, dzeuˇ laˇ-euˬ nyiˬ tseˇ smˇ kʼoꞈ-ahˇ neh iˬ nah keuˆ ni, Sahˬpaˬ Miˬyehˇ ngaˬ-ahˇ dawˬ ngehˬ cawˬ luꞈ-awˇ, aˬ yawꞈ neh kʼaˇ ehˇ-euˬ jeˬ, naw maꞈ-ahˇ ngaˇ maˬ byehˇ ni ehˇ nehˬ luꞈ-eu ma. Ehˇ kʼawꞈ, naw maꞈ naˬ bawˇ gaˬ leˇ gaˇ maˬ duˇ-a.

Yeˬlaˬmiˇ 28:12

Haˬnaˬniˇyaˆ neh ngaˬ-euˬ kawˬ lahˇ-ahˇ tawˬ luꞈ-eu kʼaˆ daˬ ngawˬ kʼehꞈ-euˬ ui cuiˆ myahˇ laˇ gʼaˬ ngeh, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 3:6

Yawˇshiˆ sahˬ paˬ geuꞈ-awˇ uˆ lahˇ luꞈ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Saˇ jaˇ maˬ ziꞈ-eu zaˬ miˬ zaˬ pyeuꞈ-eu Iˇsaˬleˬlaˆ aˬ joˆ-ehˇ dehꞈ luꞈ-eu nawˇ mawˇ maˬ loˇ. Aˬ yawꞈ ngaˬ-ahˇ byehˇ dzeh yaꞈ-awˇ, gawˬ duˇ yaw goˇ kʼaˇ jaˆ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, meh maˬ laˇ geuꞈ doe-euˬ meh.

Yeˬlaˬmiˇ 36:2

“Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Hawˇseˬ 1:1

Heu-aˬ, Awˇzeˬ, Yoˇdaˬ, Aˬgaˆ, Heˬsaˬgiˇ aˬ ha maꞈ Yuˇdaˆ miˇ kʼahˬ-euˬ sahˬ paˬ geuꞈ-awˇ, Yeˬhawˇshaˆ-euˬ aˬ li Yeˬyawˇbaoˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ luꞈ ngeh, Beˬliˇ-euˬ aˬ li Hawˇseˬ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.

Yawˇlaˆ 1:1

Heu-aˬ, Peˬduˇlaˆ-euˬ aˬ li Yawˇlaˆ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh.

Yawˇnaˆ 1:1

Aˬmiˇtehˇ-euˬ aˬ li Yawˇnaˆ jawˇ gaˇ, Sahˬpaˬ Miˬyehˇ-euˬ dawˬ heu loꞈ-ehˇ keuˆ le-euˬ meh.

Miˇkaˬ 1:1

Yoˇdaˬ, Aˬkaˆ, Heˬsaˬgiˇ, heu deuˬ Yuˇdaˆ miˇ kʼahˬ-euˬ sahˬ paˬ geuꞈ-euˬ aˇ yamˬ-ahˇ, Mawˇleˇshehˆ meuˬ-ahˇ jawˇ-euˬ Miˇkaˬ jawˇ gaˇ Sahˬpaˬ Miˬyehˇ-euˬ dawˬ keuˆ le-euˬ meh. Saˬmaˬliˆ meuˬ hawˇ-eu Yuˇdaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Miˇkaˬ-ahˇ Sahˬpaˬ Miˬyehˇ pah mehˬ nehˬ-euˬ meh.

Zeˬpaˬniˇ 1:1

Heu-aˬ, Aˬmo-euˬ aˬ li Yawˇshiˆ sahˬ paˬ geuꞈ-awˇ Yuˇdaˆ miˇ kʼahˬ-ahˇ uˆ lahˇ-eu aˇ nah aˇ yamˬ laꞈ kʼoeˇ Zeˬpaˬniˇ jawˇ gaˇ keuˆ le-euˬ Sahˬpaˬ Miˬyehˇ-euˬ dawˬ meh. (Sahˬ paˬ Heˬsaˬgiˇ-ahˇ neh gui ka leꞈ-euˬ Zeˬpaˬniˇ -euˬ tsuiꞈ-aˬ, Heˬsaˬgiˇ, Aˬmaˬliˇ, Geˬdaˬliˇ, Kuˇshi, Zeˬpaˬniˇ lehˇ meh.)