Yeˬlaˬmiˇ 1:12 - Akha

¹² Sahˬpaˬ Miˬyehˇ ehˇ-eu, “Nawˇ mawˇ-euˬ tsaˬ meh. Ngaˬ neh ehˇ taˬ-euˬ dawˬ byah laˇ gaˇ ngaˇ haw luꞈ-eu ma” lehˇ ehˇ-eu meh.

Yeˬlaˬmiˇ 1:12 Iomraidhean Croise

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Yeˬlaˬmiˇ 1:13

Kʼoeˇ naˇ, Sahˬpaˬ Miˬyehˇ ngaˬ-ahˇ dawˬ tiˬ poˆ paˇ ngehˬ cawˬ laˇ-awˇ, “Nawˬ-ahˇ aˬ jeˬ paˇ mawˇ laˇ-eu nya” lehˇ naˇ haˬ laˇ ngeh, “Laˬ taˆ paw pyawˬ-ahˇ iˇ buiˇ buiˇ luꞈ-eu oeˬ lahˬ tiˬ sawˇ mawˇ laˇ-awˇ, heu paw dzeˇ coˬ kʼaˇ le-eu lehˇ gʼeh luꞈ-eu nga” lehˇ ehˇ kʼoꞈ nehˬ-euˬ ma.

Yeˬlaˬmiˇ 24:3

“Yeˬlaˬmiˇ-oˇ, nawˇ aˬ jeˬ mawˇ teˬ” lehˇ Sahˬpaˬ Miˬyehˇ ngaˬ-ahˇ naˇ haˬ ngeh, “Siˬ guˬ aˇ siˬ mawˇ-euˬ ma. Muiˬ-eu deuˬ muiˬ dui dui-awˇ, doeˇ-eu deuˬ maˬ dzaˬ nya ni doeˇ-eu meh” lehˇ ehˇ kʼoꞈ nehˬ-euˬ ma.

Yeˬlaˬmiˇ 31:28

Aˬ yawꞈ maꞈ-ahˇ puˇ ngawˬ ngawˬ dzeh-eu gʼaˇ duˬ maˬ ehˇ, gʼeu ka-eu gʼaˇ duˬ maˬ ehˇ, teh dzeh-eu gʼaˇ duˬ maˬ ehˇ, laˆ luˬ laˆ seˇ nehˬ-eu gʼaˇ duˬ maˬ ehˇ, laˆ shaˬ laˆ zahˬ nehˬ-eu gʼaˇ duˬ maˬ ehˇ, ngaˇ shaˇ noeˬ-awˇ jahˇ nehˬ gʼaˬ-euˬ loꞈ-ehˇ, aˬ yawꞈ maꞈ-ahˇ paˇ ka ziꞈ-awˇ, laˆ saˆ huiˬ laˆ saˆ mahˇ nehˬ-eu gʼaˇ duˬ kʼawꞈ, ngaˇ shaˇ noeˬ-awˇ jahˇ nehˬ ma.

Yeˬsaˬgeˬlaˇ 12:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ-awˇ, ngaˬ neh kʼaˇ ehˇ-euˬ jeˬ maˬ nyi naˬ ni keuˆ le tehꞈ-a. Ngaˬ-ahˇ puiˬ-eu tsawˇ haˬ deuˬ-oˇ, ngaˬ neh jahˇ ma lehˇ ehˇ taˬ-euˬ jeˬ naw maꞈ maˬ shiˇ mi naˆ-ehˇ bi keuˆ le ma lehˇ ngaˇ ehˇ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma.”

Yeˬsaˬgeˬlaˇ 12:28

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Aˇ yamˬ gʼawˬ myahˇ ni maˬ paˇ nyi naˬ ma. Ngaˬ neh ehˇ taˬ-euˬ jeˬ bi keuˆ le ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Aˬmoˆ 8:2

“Aˬmoˆ-oˇ, nawˇ aˬ jeˬ mawˇ teˬ” lehˇ, Sahˬpaˬ Miˬyehˇ ngaˬ-ahˇ naˇ haˬ-eu miˇ neh, “Aˇ siˬ kʼa sa tiˬ sa mawˇ-euˬ ma” lehˇ ngaˇ ehˇ kʼoꞈ nehˬ-eu ma. Sahˬpaˬ Miˬyehˇ ngaˬ-ahˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ gʼaˇ duˬ aˇ saˬ saˬ-eu aˇ yamˬ keuˆ le luꞈ meh. Ngaˇ nui ma maˬ paˇ ni aˬ yawꞈ maꞈ-ahˇ kʼehˬ nehˬ kʼaˆ nehˬ ma.

Luˇkaꞈ 10:28

Yeˬsuˇ ehˇ-eu, “Nawˇ ehˇ-eu tsaˬ meh. Kʼoeˇ loꞈ-ehˇ mˇ-awˬ. Mˬ maˬ maˬ byaˆ zaˇ ziˇ dehꞈ-eu jeˬ-ahˇ nawˇ za tehꞈ-a.”

Luˇkaꞈ 20:39

Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ ehˇ-eu, “Saˬ laˬ-oˇ, nawˬ neh ehˇ-euˬ tsaˬ dui dui miˇ-a.”

Dawˬmehˬ 18:17

Kʼoeˇ miˇ neh, Sahˬpaˬ Miˬyehˇ ngaˬ-ahˇ ehˇ-eu, ‘Aˬ yawꞈ maꞈ shaˇ-eu tsaˬ meh.

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

Dawˬmehˬ 5:28

“Kʼoeˇ loꞈ-ehˇ ehˇ gaˇ Sahˬpaˬ Miˬyehˇ ya gaˬ ngeh aˬ yawꞈ ngaˬ-ahˇ ehˇ-eu, ‘Tsawˇ haˬ heu deuˬ ehˇ-eu ngaˇ ya gaˬ gʼaˬ-euˬ ma. Aˬ yawꞈ maꞈ ehˇ-eu tsaˬ meh.