Yeˬlaˬmiˇ 1:10 - Akha

¹⁰ Miˇ kʼahˬ tsawˇ jeuˬ dawˬ tawˆ luꞈ kʼoeˇ taˆ, iˬ nah ngaˇ nawˬ-ahˇ baoˬ biꞈ-eu ma. Aˬ yawꞈ maꞈ-ahˇ ngawˬ lehˆ-awˇ deh kʼehꞈ-eu gʼaˇ duˬ maˬ ehˇ, laˆ cawˆ-awˇ teh byoˆ nehˬ-euˬ gʼaˇ duˬ maˬ ehˇ, tsoˆ muiˬ ka muiˬ nehˬ-eu gʼaˇ duˬ maˬ ehˇ, nawˬ-ahˇ ngaˇ baoˬ biꞈ nehˬ-eu ma.”

Yeˬlaˬmiˇ 1:10 Iomraidhean Croise

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

1 Sahˬpaˬ 19:17

Haˬzaˬlehˇ sehꞈ laˇ gaˇ kʼaˇ cehˆ buˬ-euˬ tsawˇ haˬ deuˬ, Yeˬhuˇ neh bi sehꞈ tehꞈ-a. Yeˬhuˇ neh maˬ bi sehꞈ-ehˇ kʼaˇ cehˆ dzeuˇ-euˬ tsawˇ haˬ deuˬ, Eˇliˇshehˇ neh bi sehꞈ tehꞈ-a.

Dawˬ tsoˆ 3:3

Sehꞈ-eu aˇ yamˬ baw-eu loꞈ-ehˇ, jaˆ gʼaˬ yaˇ-eu aˇ yamˬ baw meh. Deh pyaˆ-eu yamˬ baw-eu loꞈ-ehˇ, tsoˆ muiˬ kʼoꞈ-eu yamˬ baw-eu meh.

Yeˬlaˬmiˇ 1:5

“Nawˬ ma-euˬ uˬ maˆ laꞈ kʼoeˇ nawˇ maˬ tsehˆ leˇ mi naˆ-ehˇ nawˬ-ahˇ ngaˇ siˬ nya-awˇ, nawˇ maˬ dehꞈ doˆ le mi naˆ-ehˇ, miˇ kʼahˬ tsawˇ jeuˬ dawˬ tawˆ luꞈ-ahˇ, ngaˬ-euˬ gʼaˇ duˬ bi ngehˬ dah-eu gʼaˇ duˬ, nawˬ-ahˇ ngaˇ tseˇ doˆ taˬ-euˬ ma.”

Yeˬlaˬmiˇ 24:6

Aˬ yawꞈ maꞈ-ahˇ ngaˇ haw piˇ-awˇ, miˇ kʼahˬ heu kʼahˬ laꞈ kʼoeˇ paˇ sheuˬ kʼoꞈ laꞈ ma. Aˬ yawꞈ maꞈ-ahˇ ngaˇ maˬ laˆ coeˬ maˬ laˆ ciˆ nehˬ ni, bo saˆ huiˬ nehˬ ma. Aˬ yawꞈ maꞈ-ahˇ ngaˇ maˬ gʼawˇ dzeh-ehˇ ka dehꞈ nehˬ ma.

Yeˬlaˬmiˇ 25:13

Yeˬlaˬmiˇ-ahˇ gʼoe-awˇ ngaˬ neh ehˇ taˬ-euˬ jeˬ pyeuꞈ-eu, sahˬ boꞈ heu dmˬ laꞈ kʼoeˇ kʼaˇ boꞈ ahˇ taˬ-euˬ shaˬ-eu zahˬ-euˬ guˆ-eu gaˆ-eu jeˬ dawˬ tawˆ luꞈ, Baˬbuˇloˬ miˇ kʼahˬ kʼoeˇ taˆ ngaˇ bi keuˆ le-eu laꞈ kʼoeˇ, kʼehˬ nehˬ kʼaˆ nehˬ ma.

Yeˬlaˬmiˇ 31:28

Aˬ yawꞈ maꞈ-ahˇ puˇ ngawˬ ngawˬ dzeh-eu gʼaˇ duˬ maˬ ehˇ, gʼeu ka-eu gʼaˇ duˬ maˬ ehˇ, teh dzeh-eu gʼaˇ duˬ maˬ ehˇ, laˆ luˬ laˆ seˇ nehˬ-eu gʼaˇ duˬ maˬ ehˇ, laˆ shaˬ laˆ zahˬ nehˬ-eu gʼaˇ duˬ maˬ ehˇ, ngaˇ shaˇ noeˬ-awˇ jahˇ nehˬ gʼaˬ-euˬ loꞈ-ehˇ, aˬ yawꞈ maꞈ-ahˇ paˇ ka ziꞈ-awˇ, laˆ saˆ huiˬ laˆ saˆ mahˇ nehˬ-eu gʼaˇ duˬ kʼawꞈ, ngaˇ shaˇ noeˬ-awˇ jahˇ nehˬ ma.

Yeˬlaˬmiˇ 31:40

Lmˬ bymˇ jaˆ-awˇ yaw jawꞈ yaw laꞈ biˬ dzeh duˬ pyeuꞈ-eu deh kʼawꞈ kʼawꞈ lah-ehˇ maˬ ehˇ, Giˇdaˬloˬ lawˇ gawˆ kʼoeˇ taˆ paw dzeˇ, nahˇ ma doˆ kʼehˬ paw Mahˬ-euˬ lahˇ kʼehˬ-ahˇ keuˆ ni jaˆ-eu deh ga ga lah-ehˇ maˬ ehˇ, ngaˬ-euˬ gʼaˇ duˬ muiˬ-eu shawˇ-eu pehˇ tsahˇ pyeuꞈ laˇ tehꞈ-a. Meuˬ heu meuˬ-ahˇ tiˬ jawˇ-iˬ maˬ paˇ bi byaˆ-iˇ-ehˇ, tiˬ jawˇ-iˬ maˬ paˇ bi laˆ cawˆ ma.”

Yeˬlaˬmiˇ 36:2

“Shaˬ kʼoˆ paˇ yoˆ tiˬ yoˆ yuˇ-awˇ, Iˇsaˬleˬlaˆ miˇ kʼahˬ, Yuˇdaˆ miˇ kʼahˬ hawˇ-eu, miˇ kʼahˬ nui deuˬ dawˬ tawˆ luꞈ gaˇ kawˆ, ngaˬ neh nawˬ-ahˇ kʼaˇ ehˇ nehˬ-euˬ jeˬ boꞈ ahˇ taˬ-awˬ. Yawˇshiˆ sahˬ paˬ geuꞈ ngeh neh dahˬ beh-awˇ, iˬ nah keuˆ ni ngaˬ neh kʼaˇ ehˇ taˬ-euˬ jeˬ dawˬ tawˆ luꞈ boꞈ ahˇ taˬ-awˬ.

Yeˬlaˬmiˇ 44:27

Naw maꞈ maˬ baw maˬ za le-eu uˬ taꞈ, ya luˬ ya seˇ-iˇ gaˇ ngaˇ haw ma. Naw maꞈ tiˬ gʼaˬ-iˬ maˬ dzeuˇ-iˇ nya ni, guiˇ deuˆ-eu baˬ da neh maˬ ngeuˇ naˇ, naˇ-eu gawˇ-eu baˬ da neh ya shiˇ jiˇ tehꞈ-a.

Yeˬlaˬmiˇ 45:4

“Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh tsoˆ doˆ taˬ-euˬ jeˬ deh pyaˆ-awˇ, ngaˬ neh ka dehꞈ taˬ-euˬ jeˬ gʼawˇ lehˆ-eu ma. Miˇ kʼahˬ kʼahˬ lah ni ngaˇ kʼoeˇ loꞈ-ehˇ jahˇ nehˬ ma.

Yeˬsaˬgeˬlaˇ 21:19

“Tsawˇ haˬ zaˬ-oˇ, Baˬbuˇloˬ sahˬ paˬ-euˬ mi cehˇ oe nya-eu gaˇ ma nyiˬ kahˇ tsaˬ tsoˆ taˬ-awˬ. Gaˇ ma nyiˬ kahˇ luꞈ miˇ kʼahˬ aˬ yawꞈ tiˬ kʼahˬ-ahˇ neh dahˇ doˆ laꞈ-awˇ, gaˇ ma dahˇ paˆ-iˇ-euˬ gaˇ tsmˇ-ahˇ gaˇ ma toeˬ mehˬ-eu sahˬ boꞈ boꞈ myahˬ taˬ-awˬ.

Yeˬsaˬgeˬlaˇ 23:36

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, Oˬhoˬlaˬ hawˇ-eu Oˬhoˬliˇbaˬ aˬ nyaꞈ-ahˇ yaˇ kʼaˬ daˇ-eu gʼaˇ duˬ nawˇ lehˬ hmˬ maˬ loˇ. Aˬ yawꞈ nyaꞈ neh mˇ-euˬ jawꞈ dui dui-eu jeˬ gʼaˇ duˬ, aˬ yawꞈ nyaꞈ-ahˇ yaˇ kʼaˬ daˇ-awˬ.

Yeˬsaˬgeˬlaˇ 32:18

“Tsawˇ haˬ zaˬ-oˇ, Iˇjiˇtuˆ tsawˇ haˬ deuˬ gʼaˇ duˬ tsawˇ ngoeˇ ngoeˇ-awˬ. Baoˬ huiˬ-eu tsawˇ jeuˬ nui deuˬ nehˬ-ehˇ tiˬ kʼawˆ loꞈ-ehˇ, aˬ yawꞈ maꞈ-ahˇ shiˇ-eu miˇ kʼahˬ-ahˇ bi keuˆ-iˇ-awˬ.

Yeˬsaˬgeˬlaˇ 36:36

Kʼoeˇ ngeh jawˇ, naw maꞈ dawˬ peh jawˇ-eu maˬ byoˆ maˬ laˆ jiˇ-ehˇ kʼaˇ dehꞈ luꞈ-eu tsawˇ jeuˬ kʼoeˇ deuˬ, cawˆ-iˇ-euˬ meuˬ deuˬ-ahˇ, Sahˬpaˬ Miˬyehˇ pyeuꞈ-eu ngaˇ paˇ laˆ saˆ muiˬ-awˇ, byehˇ dzeh-euˬ deh yaˇ deuˬ paˇ ka-euˬ nga lehˇ siˬ nya tehꞈ-a. Kʼoeˇ loꞈ-ehˇ mˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ gʼaˬ-euˬ loꞈ-ehˇ, aˬ diˇ aˬ maˇ mˇ ma.”

Yeˬsaˬgeˬlaˇ 43:3

Nymˬ-mˇ poˆ ngaˇ ya siˬ ya mawˇ-euˬ heu-aˬ, Yeˬluˇsaˬlehˬ meuˬ-ahˇ Miˬyehˇ laˆ cawˆ le ngeh poˆ hawˇ-eu Ceˬbaˬ lawˇ baˬ dawˬ peh mawˇ-euˬ poˆ-ahˇ duˇ-eu meh. Baˬ ba miˇ tsaˬ tuˆ ni ngaˇ awˆ byaˆ-euˬ ma.

Hawˇseˬ 6:5

Kʼoeˇ baˬ da neh naw maꞈ jawˇ gaˇ, Bawˇlawˇpeh deuˬ ngaˇ pyehˬ leꞈ-awˇ, Yaˇ kʼaˬ daˇ-eu gaˇ kawˆ hawˇ-eu, ya luˬ ya seˇ-iˇ-eu gaˇ kawˆ, bi tsaꞈ bi dzawˇ gaˬ le-euˬ ma. Naw maꞈ yaw dawˇ dawˇ-ehˇ dehꞈ gaˇ, ngaˇ nui kʼahˇ jaˆ dui dui-eu ma.

Aˬmoˆ 3:7

Baoˬ huiˬ-eu Sahˬpaˬ Miˬyehˇ-aˬ, aˬ yawꞈ-euˬ zaˬ kʼaˆ pyeuꞈ-eu Miˬyehˇ gʼaˇ duˬ ngehˬ dah-eu deuˬ-ahˇ maˬ pah mehˬ nehˬ ni tiˬ jeˬ-iˬ maˬ mˇ dzeuˇ-a.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”