Yawˇshuˆ 3:1 - Akha

¹ Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, yawˬ shawˬ yawˬ uˬ shawˬ yaw naꞈ-ehˇ tuˇ-awˇ, Yawˇdaˬ lawˇ baˬ-ahˇ iˇ-euˬ meh. Lawˇ baˬ tsehˆ doˆ-eu gʼaˇ duˬ, aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ naˬ-euˬ meh.

Yawˇshuˆ 3:1 Iomraidhean Croise

Yawˇshuˆ 2:1

Kʼoeˇ ngeh, Kaˬnaˬ miˇ kʼahˬ-ahˇ bi kʼoeˬ sho haw leˇ-awˇ, Yeˬliˇkoˇ meuˬ-ahˇ yaw muiˬ paˬ-ehˇ bi pyehˆ tseˇ haw leˇ-eu gʼaˇ duˬ, Aˬkaˬshaˇ lehˇ kuˇ-eu jawˇ duˬ-ahˇ neh tsawˇ haˬ nyiˬ gʼaˬ Yawˇshuˆ pyehˬ gʼeh-euˬ meh. Meuˬ kʼoeˇ meuˬ-ahˇ aˬ yawꞈ nyaꞈ le keuˆ ngeh, Laˬhaˇ lehˇ myahˇ-euˬ meh maˬ laˇ tiˬ gʼaˬ-euˬ nymˇ-ahˇ yaꞈ-euˬ meh.

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Miˇkaˬ 6:5

Ngaˬ-euˬ tsawˇ haˬ deuˬ-oˇ, Mawˇbaˆ sahˬ paˬ Baˬlehˇ naw maꞈ-ahˇ aˬ joˆ-ehˇ jahˇ nehˬ-eu lehˇ gʼeh-euˬ gaˇ kawˆ hawˇ-eu, Beˬyoˇ-euˬ aˬ li Baˬlamˬ neh aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ gaˇ kawˆ-ahˇ naw maꞈ taˬ ngehˇ. Aˬkaˬshaˇ lehˇ ehˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ tsahˇ-ahˇ neh Giˇlaˇgaˬlaˇ-ahˇ iˇ-eu gaˇ pehˇ-ahˇ pyeuꞈ laˇ-euˬ gaˇ kawˆ-ahˇ shaˇ noeˬ haw sheˇ. Gaˇ kawˆ heu deuˬ-ahˇ shaˇ noeˬ-awˇ, naw maꞈ-ahˇ ka kʼoꞈ-eu gʼaˇ duˬ ngaˇ aˬ jeˬ mˇ yaꞈ-euˬ gaˇ noeˬ keuˆ-awˬ.”

Yeˬlaˬmiˇ 25:3

“Aˬmo-euˬ aˬ li Yawˇshiˆ sahˬ paˬ geuꞈ-eu tseˇ smˇ kʼoꞈ tiˬ kʼoꞈ pyeuꞈ-eu, dzeuˇ laˇ-euˬ nyiˬ tseˇ smˇ kʼoꞈ-ahˇ neh iˬ nah keuˆ ni, Sahˬpaˬ Miˬyehˇ ngaˬ-ahˇ dawˬ ngehˬ cawˬ luꞈ-awˇ, aˬ yawꞈ neh kʼaˇ ehˇ-euˬ jeˬ, naw maꞈ-ahˇ ngaˇ maˬ byehˇ ni ehˇ nehˬ luꞈ-eu ma. Ehˇ kʼawꞈ, naw maꞈ naˬ bawˇ gaˬ leˇ gaˇ maˬ duˇ-a.

Yeˬlaˬmiˇ 7:13

Iˬ baˇ heu deuˬ dawˬ tawˆ luꞈ naw maꞈ mˇ-awˇ, naw maꞈ-ahˇ ngaˇ tiˬ poˆ saˇ-iˬ tiˬ poˆ dawˬ ngehˬ cawˬ kʼawꞈ, naw maꞈ naˬ bawˇ maˬ ciˬ kʼmˇ-a.

Jaceuq 119:60

Nawˬ-euˬ zahˇ dawˬ kʼoꞈ dawˬ deuˬ-ahˇ, ngaˇ maˬ nyi naˬ ni caw teh ma.

Bawˇtsahˬ 25:1

Aˬkaˬshaˇ deh kʼawꞈ-ahˇ Iˇsaˬleˬlaˆ tsawˇ haˬ deuˬ jawˇ naˬ luꞈ ngeh, Iˇsaˬleˬlaˆ tsawˇ haˬ kʼaˬ dzeˇ zaˬ deuˬ, kʼoeˇ gaˇ jawˇ-eu Mawˇbaˆ tsawˇ haˬ zaˬ miˬ zaˬ deuˬ nehˬ-ehˇ yuꞈ taꞈ-euˬ meh.

Aˇ dahˬ 22:3

Yawˬ nah yawˬ uˬ shawˬ yaw naꞈ-ehˇ Aˬbyaˬhaˬ tuˇ-awˇ, lawˇ gaˇ shehˇ gaˇ geuꞈ-eu gʼaˇ duˬ miˬ dzaˬ kʼehꞈ-euˬ meh. Kʼoeˇ naˇ, miˬ dzaˬ kʼoeˇ deuˬ-ahˇ mahˬ tahˬ laˆ neh tawˬ-awˇ, Iˇtsaˆ hawˇ-eu aˬ yawꞈ-euˬ zaˬ kʼaˆ nyiˬ gʼaˬ sheuˬ-awˇ, Miˬyehˇ neh aˬ yawꞈ-ahˇ ehˇ nehˬ taˬ-euˬ jawˇ duˬ-ahˇ le-euˬ meh.

Aˇ dahˬ 21:14

Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Yawˇshuˆ 6:12

Yawˬ nah yawˬ uˬ shawˬ yaw naꞈ-ehˇ Yawˇshuˆ lehˬ hmˬ-awˇ, yaw beh nah loꞈ-ehˇ, piˇ ma hawˇ-eu guiˇ deuˆ-eu tsawˇ haˬ deuˬ meuˬ kʼoeˇ meuˬ-ahˇ nyiˬ poˆ tiˬ poˆ paˇ cah jawˬ-euˬ meh. Guiˇ daˬ daˬ-eu guiˇ maꞈ kʼoeˇ maꞈ mehˬ hu hu saˬ doˆ-iˇ-awˇ, kʼoeˇ-euˬ mehˬ nah daˇ heh shiꞈ heh baw luꞈ-eu piˇ ma shiꞈ gʼaˬ doˆ-iˇ-euˬ meh. Kʼoeˇ-euˬ naˇ kʼah, Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ doˆ-iˇ-awˇ, naˇ kʼah paw jawˇ saˬ saˬ-eu guiˇ maꞈ aˬ cawˬ jeˬ nah nah saˬ doˆ-iˇ-euˬ meh. Kʼoeˇ loꞈ-ehˇ doˆ-iˇ luꞈ ngeh, daˇ heh teˇ saˇ maˬ tsehˆ leˇ ni baw luꞈ-eu meh.

Yawˇshuˆ 6:15

Shiꞈ nah tiˬ nah uˬ bya bya laˇ-eu nehˬ-ehˇ aˬ yawꞈ maꞈ tuˇ-awˇ, yaw beh kʼaˇ cah-euˬ loꞈ-ehˇ, meuˬ-ahˇ shiꞈ jawˬ cah jawˬ-euˬ meh. Tiˬ nah laꞈ kʼoeˇ meuˬ kʼoeˇ meuˬ-ahˇ shiꞈ jawˬ cah jawˬ-euˬ-aˬ, kʼoeˇ ngeh nah tiˬ nah tehꞈ meh.

Yawˇshuˆ 7:16

Yawˬ shawˬ yawˬ, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ-ahˇ mehˬ hu paw Yawˇshuˆ bi doˆ laˇ ngeh, Yuˇdaˆ tsawˇ jeuˬ-ahˇ laꞈ noeˇ bi toeˬ-euˬ meh.

Yawˇshuˆ 8:10

Uˬ shawˬ yaw naꞈ-ehˇ Yawˇshuˆ tuˇ-awˇ, yehˇ deuˬ-ahˇ kuˇ uiˬ-euˬ meh. Kʼoeˇ naˇ, aˬ yawꞈ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ yehˇ kʼoeˇ deuˬ-ahˇ Aˬiˇ meuˬ-ahˇ sheuˬ gʼeh-euˬ meh.

Yaˇ kʼaˬ daˇ 20:19

Kʼoeˇ naˇ, yawˬ shawˬ yawˬ Iˇsaˬleˬlaˆ tsawˇ haˬ deuˬ iˇ-awˇ, Giˇbyaˬ meuˬ-euˬ dawˬ peh taˆ tsoˆ-awˇ jawˇ-euˬ meh.

1 Saˬmeuˬlaˆ 17:20

Yawˬ nah yawˬ uˬ shawˬ yaw naꞈ-ehˇ Daˬbiˇ tuˇ-awˇ, yawˇ kʼoeˇ deuˬ-ahˇ yawˬ gʼaˬ yawˬ bi haw tawˬ yaꞈ-awˇ, Yeˬshehˇ neh aˬ yawꞈ-ahˇ ehˇ nehˬ-euˬ loꞈ-ehˇ, dzaˬ dzaˬ dawˇ dawˇ kʼoeˇ deuˬ yuˇ-awˇ le-euˬ meh. Aˬ yawꞈ taˆ-ahˇ le keuˆ-eu nehˬ-ehˇ, Iˇsaˬleˬlaˆ tsawˇ haˬ deuˬ guˇ guˇ-ehˇ guiˇ deuˆ duˬ-ahˇ le luꞈ gaˇ ya mawˇ-euˬ meh.