Yawˇshuˆ 2:3 - Akha

³ Kʼoeˇ miˇ neh, Laˬhaˇ-ahˇ aˬ yawꞈ heu loꞈ-ehˇ bi tsaꞈ gaˬ-iˇ-euˬ meh. “Nawˬ-euˬ nymˇ-ahˇ yaꞈ laˇ-euˬ tsawˇ haˬ teu nyiˬ gʼaˬ-aˬ, miˇ kʼahˬ heu kʼahˬ-ahˇ kʼoeˬ sho doe-eu lehˇ laˇ taˬ-euˬ meh. Teu miˇ neh aˬ yawꞈ nyaꞈ-ahˇ sheuˬ doˆ laꞈ-awˬ.”

Yawˇshuˆ 2:3 Iomraidhean Croise

Aˇ dahˬ 38:24

Kʼoeˇ sawˇ miˇ tsa ba la smˇ siˬ keuˆ laˇ-awˇ, “Nawˬ-euˬ kuiˬ ma Taˬmaˬ kʼaˇ dehꞈ mawꞈ-eu dehꞈ-awˇ aˬ nyiˇ pi leˇ taˬ nga” lehˇ, Yuˇdaˆ-ahˇ aˬ cawˬ ehˇ nehˬ ngeh, “Aˬ yawꞈ-ahˇ laꞈ nyiˇ sheuˬ doˆ-awˇ miˬ dzaˬ dzah puiˆ sehꞈ-awˬ” lehˇ, Yuˇdaˆ ehˇ kʼoꞈ nehˬ-euˬ meh.

Aˇ dahˬ 42:31

Ngaˬ ha mehˇ nmˇ kʼawꞈ heu loꞈ-ehˇ ehˇ kʼoꞈ nehˬ-euˬ ma. ‘Nga maꞈ nawˬ-euˬ miˇ kʼahˬ-ahˇ kʼoeˬ sho-eu tsawˇ haˬ maˬ ngeuˇ. Muiˬ-eu jaˬ-eu tsawˇ haˬ ma.

2 Saˬmeuˬlaˆ 10:3

Aˬmoˬ tsawˇ haˬ aˬ yuiꞈ aˬ tsu deuˬ aˬ yawꞈ maꞈ-euˬ sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ da shiˇ-euˬ miˇ neh aˬ yawꞈ nui ma maˬ saˇ-eu gaˇ kawˆ bi tsaꞈ gaˬ le-eu gʼaˇ duˬ, tsawˇ haˬ heu deuˬ-ahˇ Daˬbiˇ neh pyehˬ gʼeh leꞈ-euˬ nga lehˇ nawˇ noeˬ te loˇ. Kʼoeˇ loꞈ-ehˇ maˬ ngeuˇ-a. Aˬ yawꞈ aˬ dui-ahˇ guiˇ deuˆ gʼaˬ nya ni, tsawˇ haˬ pyehˬ leꞈ-awˇ meuˬ heu meuˬ-ahˇ bi kʼoeˬ sho haw le-euˬ meh.”

2 Saˬmeuˬlaˆ 17:20

Aˬbaˇsaˬloˬ-euˬ gaˇ mˇ-eu yaw huiˬ yaw mahˇ deuˬ nymˇ kʼoeˇ nymˇ-ahˇ oe-awˇ, “Aˬhiˇmaˆ hawˇ-eu Yawˇnaˆshaˬ aˬ nyaꞈ aˬ gaˇ iˇ taˬ” lehˇ, zaˬ miˬ zaˬ kʼoeˇ gʼaˬ-ahˇ naˇ haˬ le-euˬ meh. Zaˬ miˬ zaˬ kʼoeˇ gʼaˬ gʼeh, “Aˬ yawꞈ nyaꞈ lawˇ baˬ tsehˆ doˆ dzeuˇ-euˬ meh” lehˇ, zaˬ miˬ zaˬ kʼoeˇ gʼaˬ paˇ ehˇ kʼoꞈ nehˬ-euˬ meh. Tsawˇ haˬ kʼoeˇ deuˬ aˬ yawꞈ nyaꞈ-ahˇ poˆ haw kʼawꞈ maˬ poˆ mawˇ nya-ehˇ, Yeˬluˇsaˬlehˬ meuˬ-ahˇ gʼoꞈ leˇ-euˬ meh.

1 Laˬsaˬbaˬ 19:3

Aˬmoˬ tsawˇ haˬ aˬ yuiꞈ aˬ tsu deuˬ, aˬ yawꞈ maꞈ-euˬ sahˬ paˬ-ahˇ heu loꞈ-ehˇ ehˇ nehˬ-euˬ meh. “Nawˬ da shiˇ-euˬ miˇ neh nui ma maˬ saˇ-eu gaˇ kawˆ bi tsaꞈ gaˬ le-eu gʼaˇ duˬ, tsawˇ haˬ heu deuˬ-ahˇ Daˬbiˇ pyehˬ gʼeh leꞈ-euˬ nga lehˇ nawˇ noeˬ te loˇ. Kʼoeˇ loꞈ-ehˇ maˬ ngeuˇ-a. Aˬ yawꞈ aˬ dui-ahˇ guiˇ deuˆ gʼaˬ nya ni, miˇ kʼahˬ heu kʼahˬ gaˇ kawˆ bi kʼoeˬ sho haw le-eu gʼaˇ duˬ tsawˇ haˬ pyehˬ gʼeh leꞈ-euˬ meh.”

Yawˇbaˆ 21:30

Miˬyehˇ nui ma pehˇ-awˇ kʼehˬ nehˬ kʼaˆ nehˬ ngeh nah, haiˬ-eu tsawˇ haˬ deuˬ aˬ myah luꞈ dzeuˇ-iˇ-eu meh.

Uˬ duˬ 24:14

“Tsawˇ haˬ kʼoeˇ gʼaˬ-ahˇ pu laꞈ nyiˇ sheuˬ doˆ gʼeh-awˬ. Tsawˇ haˬ kʼoeˇ gʼaˬ iˬ baˇ ahˇ-eu saˇ kiˇ pyeuꞈ-eu gʼaˇ duˬ, aˬ yawꞈ yaˬ kʼehˇ yaˬ-euˬ gaˇ kʼaˇ ya gaˬ-euˬ tsawˇ haˬ deuˬ aˬ yawꞈ-euˬ uˬ duˬ-ahˇ aˬ laꞈ baꞈ daˆ-awˇ, tsawˇ haˬ aˇ maꞈ dawˬ tawˆ luꞈ, tsawˇ haˬ kʼoeˇ gʼaˬ-ahˇ kʼaˬ lo ya biˬ sehꞈ meh.

Yoˇhaˬ 19:4

Sahˬpaˬ Piˇlaˆ tiˬ poˆ paˇ iˇ doˆ-awˇ, tsawˇ haˬ aˇ maꞈ-ahˇ heu loꞈ-ehˇ ehˇ nehˬ-euˬ meh, “Naˇ haˬ sheˇ. Tsawˇ haˬ heu gʼaˬ-euˬ yaw lehˬ ngaˇ maˬ poˆ mawˇ nya-euˬ naw maꞈ ya siˬ duˬ ni, aˬ yawꞈ-ahˇ naw maꞈ jawˇ gaˇ sheuˬ doˆ nehˬ leꞈ ma.”

Gʼaˬkʼehˇ 12:4

Beˬtuˆluˆ-ahˇ nyehꞈ gʼaˬ ngeh, paꞈ kuˆ-ahˇ dawˆ-awˇ, tiˬ muˇ-euˬ oeˬ gʼaˬ byah-eu yehˇ oeˬ muˇ neh bi loꞈ-euˬ meh. Baˬsaˬkaˬ Bawˬ-iˬ gʼeh gʼaˬ naˇ, miˇ kʼahˬ zaˬ-euˬ mehˬ shi tsahˇ doˆ-awˇ yaˇ kʼaˬ daˇ-eu gʼaˇ duˬ, Heˬloˆ lehˬ hmˬ taˬ-euˬ meh.

Gʼaˬkʼehˇ 12:6

Aˬ yawꞈ-ahˇ miˇ kʼahˬ zaˬ mehˬ shi Heˬloˆ tsahˇ doˆ-eu lehˇ gʼeh-eu aˇ nah keuˆ le-eu mehˬ hu uˬ ciꞈ kʼoeˇ miˇ-ahˇ, a yawꞈ-ahˇ loꞈ luꞈ-eu yehˇ nyiˬ gʼaˬ-euˬ aˇ kaˬ-ahˇ, Beˬtuˆluˆ yuꞈ kʼaˆ taˬ-euˬ meh. Aˬ yawꞈ-ahˇ shmˇ caˆ nyiˬ caˆ paꞈ tawꞈ taˬ-awˇ, paꞈ kuˆ-euˬ gʼoˆ kʼehˬ-ahˇ kʼawꞈ, yehˇ deuˬ loꞈ luꞈ-eu meh.

Yawˇshuˆ 10:23

Kʼoeˇ ngeh, aˬ yawꞈ maꞈ lo kʼahˬ pah-awˇ, Yeˬluˇsaˬlehˬ sahˬ paˬ, Heˬbyoˬ sahˬ paˬ, Jaˬmuˆ sahˬ paˬ, Laˬkiˇshaˆ sahˬ paˬ Eˇgaˬloˬ sahˬ paˬ heu deuˬ-ahˇ aˬ yawꞈ jawˇ gaˇ sheuˬ doˆ laꞈ-euˬ meh.

Yawˇshuˆ 2:2

Kʼoeˇ ngeh miˇ, Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ kʼoeˬ sho laˇ-euˬ gaˇ kawˆ, Yeˬliˇkoˇ sahˬ paˬ ya gaˬ-euˬ meh.

Yawˇshuˆ 2:4

Ehˇ kʼawꞈ, zaˬ miˬ zaˬ kʼoeˇ gʼaˬ tsawˇ haˬ kʼoeˇ nyiˬ gʼaˬ-ahˇ sheuˬ zaꞈ taˬ-awˇ ehˇ-eu, “Ngeuˇ meh. Tsawˇ haˬ kʼoeˇ nyiˬ gʼaˬ ngaˇ jawˇ gaˇ laˇ-euˬ meh. Ehˇ kʼawꞈ, aˬ yawꞈ nyaꞈ aˬ geu gaˇ neh laˇ-euˬ gaˇ kawˆ ngaˇ maˬ ya siˬ-aˬ.

Yaˇ kʼaˬ daˇ 4:20

Kʼoeˇ naˇ, Yeˬlaˇ-ahˇ aˬ yawꞈ ehˇ nehˬ-eu, “Sehˬ gʼawˆ gʼoˆ kʼehˬ-ahˇ yawꞈ-awˇ jawˇ-awˬ. Heu gaˇ tsawˇ haˬ tiˬ gʼaˬ na jawˇ ta loˇ lehˇ aˬ cawˬ naˇ haˬ laˇ naˇ, Maˬ jawˇ-a lehˇ ehˇ kʼoꞈ nehˬ-awˬ.”