Yawˇshuˆ 2:1 - Akha

¹ Kʼoeˇ ngeh, Kaˬnaˬ miˇ kʼahˬ-ahˇ bi kʼoeˬ sho haw leˇ-awˇ, Yeˬliˇkoˇ meuˬ-ahˇ yaw muiˬ paˬ-ehˇ bi pyehˆ tseˇ haw leˇ-eu gʼaˇ duˬ, Aˬkaˬshaˇ lehˇ kuˇ-eu jawˇ duˬ-ahˇ neh tsawˇ haˬ nyiˬ gʼaˬ Yawˇshuˆ pyehˬ gʼeh-euˬ meh. Meuˬ kʼoeˇ meuˬ-ahˇ aˬ yawꞈ nyaꞈ le keuˆ ngeh, Laˬhaˇ lehˇ myahˇ-euˬ meh maˬ laˇ tiˬ gʼaˬ-euˬ nymˇ-ahˇ yaꞈ-euˬ meh.

Yawˇshuˆ 2:1 Iomraidhean Croise

HeˬByehˇ 11:31

Laˬhaˇ lehˇ myahˇ-euˬ meh maˬ laˇ kʼoeˇ gʼaˬ Miˬyehˇ-euˬ ehˇ dawˬ maˬ naˇ haˬ-eu tsawˇ haˬ deuˬ nehˬ-ehˇ maˬ ya shiˇ caw-euˬ kʼoeˇ-aˬ, jah-eu jeˬ baˬ da neh meh. Aˬ jeˬ miˇ neh ehˇ naˇ, kʼoeˬ sho haw laˇ-euˬ Iˇsaˬleˬlaˆ tsawˇ haˬ deuˬ-ahˇ aˬ yawꞈ yaw muiˬ paˬ-ehˇ ha-euˬ meh.

Yaˬkoˆ 2:25

Meh maˬ laˇ Laˬhaˇ-euˬ gaˇ kawˆ kʼawꞈ, kʼoeˇ loꞈ-ehˇ meh. Miˇ kʼahˬ kʼoeˇ kʼahˬ-ahˇ kʼoeˬ sho haw leˇ-euˬ Iˇsaˬleˬlaˇ tsawˇ haˬ deuˬ-ahˇ aˬ yawꞈ ha geuꞈ-awˇ, gaˇ ma yawˬ kahˇ yawˬ mehˬ pyawˇ nehˬ-awˇ bi buˬ bi law-iˇ-euˬ meh. Aˬ yawꞈ kʼoeˇ loꞈ-ehˇ mˇ-euˬ shaˇ-euˬ miˇ neh, Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ-euˬ meh.

Maꞈtehˬ 1:5

Laˬhaˇ o neh dehꞈ le-euˬ Saˬlaˬmoˬ-euˬ aˬ li Bawˇza, Luˇta o neh dehꞈ le-euˬ Bawˇza-euˬ aˬ li Awˇbehˆ, Awˇbehˆ-euˬ aˬ li Yeˬshehˇ,

Bawˇtsahˬ 25:1

Aˬkaˬshaˇ deh kʼawꞈ-ahˇ Iˇsaˬleˬlaˆ tsawˇ haˬ deuˬ jawˇ naˬ luꞈ ngeh, Iˇsaˬleˬlaˆ tsawˇ haˬ kʼaˬ dzeˇ zaˬ deuˬ, kʼoeˇ gaˇ jawˇ-eu Mawˇbaˆ tsawˇ haˬ zaˬ miˬ zaˬ deuˬ nehˬ-ehˇ yuꞈ taꞈ-euˬ meh.

Eˇpeˇsu 5:5

Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, jawꞈ dui dui-eu jeˬ mˇ-eu tsawˇ haˬ hawˇ-eu, aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, Ka li-euˬ miˇkʼahˬ hawˇ-eu Miˬyehˇ Miˇkʼahˬ-ahˇ maˬ ya uˇ leˇ-a lehˇ naw maꞈ siˬ duˬ-awˬ. (Aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, pyuˇ shuiˇ myawˬ gahˬ-ahˇ uˬ duˬ tahˬ gaˇ duˇ-eu meh.)

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Yawˇshuˆ 3:1

Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, yawˬ shawˬ yawˬ uˬ shawˬ yaw naꞈ-ehˇ tuˇ-awˇ, Yawˇdaˬ lawˇ baˬ-ahˇ iˇ-euˬ meh. Lawˇ baˬ tsehˆ doˆ-eu gʼaˇ duˬ, aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ naˬ-euˬ meh.

Bawˇtsahˬ 13:2

“Iˇsaˬleˬlaˆ tsawˇ haˬ deuˬ-ahˇ ngaˇ biꞈ nehˬ-eu lehˇ gʼeh-eu Kaˬnaˬ miˇ kʼahˬ-ahˇ bi pyehˆ tseˇ haw leˇ-eu gʼaˇ duˬ, tsawˇ jeuˬ tseˇ nyiꞈ jeuˬ, aˬ yawꞈ jeuˬ yawꞈ laꞈ kʼoeˇ, aˬ yuiꞈ aˬ tsu tiˬ gʼaˬ tseˇ doˆ-awˇ bi le-awˬ.”

Yaˇ kʼaˬ daˇ 18:17

Piˇ ma kʼoeˇ gʼaˬ guiˇ deuˆ-eu keu ka baꞈ luꞈ-eu yehˇ kʼoeˇ deuˬ nehˬ-ehˇ kmˇ cehˇ gʼoˆ kʼehˬ-ahˇ yawꞈ luꞈ ngeh, kʼoeˬ sho haw-iˇ-euˬ tsawˇ haˬ kʼoeˇ ngaˬ gʼaˬ tiˬ poˆ tehꞈ-ehˇ nymˇ laꞈ kʼoeˇ uˇ-iˇ-awˇ, daˇ kawˬ-ahˇ pyuˇ yaw taˬ-euˬ tahˬ pahˬ aˬ ma mawˇ kawˇ kʼoeˇ hmˬ maˬ ehˇ, tahˬ pahˬ aˬ ma mawˇ kawˇ nui deuˬ maˬ ehˇ, piˇ ma dm-eu pehˇ kʼahˬ maˬ ehˇ, yuˇ-euˬ meh.

Yaˇ kʼaˬ daˇ 18:2

Daˬ tsawˇ haˬ deuˬ-aˬ, aˬ yawꞈ maꞈ-euˬ aˇ jeuˬ dawˬ tawˆ luꞈ laꞈ kʼoeˇ , noeˬ tmˬ nya paˬ-ehˇ gʼeh-eu tsawˇ haˬ ngaˬ gʼaˬ tseˇ doˆ-awˇ, miˇ kʼahˬ bi pyehˆ tseˇ haw-iˇ-eu gʼaˇ duˬ mehˬ nehˬ tsoˆ nehˬ-euˬ meh. Kʼoeˇ naˇ, Zoˇlahˬ hawˇ-eu Eˇshaˬtawˇlaˆ meuˬ-ahˇ neh pyehˬ gʼeh-euˬ meh. Eˇpaˬleˬ miˇ kʼahˬ gawˬ jawˬ gawˬ duˇ-ahˇ aˬ yawꞈ maꞈ le keuˆ ngeh, Miˇkaˬ-euˬ nymˇ-ahˇ naˬ-euˬ meh.

Yawˇshuˆ 5:10

Yeˬliˇkoˇ meuˬ dawˬ peh deh ga-ahˇ jaˆ-eu Giˇlaˇgaˬlaˇ-ahˇ Iˇsaˬleˬlaˆ tsawˇ haˬ deuˬ sehˬ gʼawˆ gʼawˆ-awˇ jawˇ naˬ luꞈ ngeh, ba la kʼoeˇ siˬ tseˇ oeˬ nah tiˬ nah uˬ ciꞈ uˬ taw paw Baˬsaˬkaˬ bawˬ-iˬ gʼeh-euˬ meh.

Yawˇshuˆ 21:31

Heˬlaˬkaˆ meuˬ hawˇ-eu, Leˬhawˇbaˆ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.

Yaˇ kʼaˬ daˇ 18:14

Kʼoeˇ naˇ, Laˬiˇshaˆ meuˬ jawˬ jawˬ-ehˇ pyehˆ tseˇ haw-iˇ-euˬ tsawˇ haˬ kʼoeˇ ngaˬ gʼaˬ aˬ yawꞈ maꞈ-euˬ cawˬ deuˬ-ahˇ ehˇ nehˬ-eu, “Heu gaˇ jaˆ-eu nymˇ heu deuˬ tiˬ nymˇ laꞈ kʼoeˇ, daˇ kawˬ-ahˇ pyuˇ yaw taˬ-euˬ tahˬ pahˬ aˬ ma mawˇ kawˇ tiˬ hmˬ jaˆ-eu naw maꞈ siˬ nya ma loˇ. Kʼoeˇ uˬ taꞈ, tahˬ pahˬ aˬ ma mawˇ kawˇ nui deuˬ hawˇ-eu piˇ ma dm-eu pehˇ kʼahˬ tiˬ kahˇ jaˆ-a siˬ. Aˬ dui maꞈ aˬ joˆ-ehˇ jahˇ nmˇ.”

Yawˇshuˆ 1:18

Nawˇ uˆ lahˇ-eu uˬ moˆ maˬ jawˇ mawꞈ-ehˇ, nawˬ-euˬ ehˇ dawˬ-ahˇ maˬ naˇ haˬ geuꞈ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ.”

Yawˇshuˆ 2:2

Kʼoeˇ ngeh miˇ, Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ kʼoeˬ sho laˇ-euˬ gaˇ kawˆ, Yeˬliˇkoˇ sahˬ paˬ ya gaˬ-euˬ meh.

Miˇkaˬ 6:5

Ngaˬ-euˬ tsawˇ haˬ deuˬ-oˇ, Mawˇbaˆ sahˬ paˬ Baˬlehˇ naw maꞈ-ahˇ aˬ joˆ-ehˇ jahˇ nehˬ-eu lehˇ gʼeh-euˬ gaˇ kawˆ hawˇ-eu, Beˬyoˇ-euˬ aˬ li Baˬlamˬ neh aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ gaˇ kawˆ-ahˇ naw maꞈ taˬ ngehˇ. Aˬkaˬshaˇ lehˇ ehˇ-eu jawˇ duˬ-ahˇ sehˬ gʼawˆ gʼawˆ-awˇ naˬ-euˬ tsahˇ-ahˇ neh Giˇlaˇgaˬlaˇ-ahˇ iˇ-eu gaˇ pehˇ-ahˇ pyeuꞈ laˇ-euˬ gaˇ kawˆ-ahˇ shaˇ noeˬ haw sheˇ. Gaˇ kawˆ heu deuˬ-ahˇ shaˇ noeˬ-awˇ, naw maꞈ-ahˇ ka kʼoꞈ-eu gʼaˇ duˬ ngaˇ aˬ jeˬ mˇ yaꞈ-euˬ gaˇ noeˬ keuˆ-awˬ.”

Aˇ dahˬ 42:9

Kʼoeˇ ngeh, Yoˇsehˆ-aˬ, aˬ ha mehˇ nmˇ gaˇ kawˆ aˇ hu aˬ yawꞈ neh yuꞈ maˆ maˆ mawˇ-euˬ gaˇ paˇ noeˬ doˆ leˇ-awˇ, “Naw maꞈ kʼoeˬ sho haw le-euˬ tsawˇ haˬ ngaˇ. Nga maꞈ-euˬ miˇ kʼahˬ gʼaˬ baˬ duˬ-ahˇ pyehˆ tseˇ haw le-euˬ ngaˇ” lehˇ, aˬ ha mehˇ nmˇ-ahˇ ehˇ nehˬ-euˬ meh.

Aˇ dahˬ 42:16

Naw maꞈ laꞈ kʼoeˇ tiˬ gʼaˬ gʼoꞈ leˇ-awˇ, naw maꞈ-euˬ aˬ nyiˇ nyiˇ saˬ gʼaˬ-ahˇ ya sheuˬ laˬ leˇ meh. Naw maꞈ neh kʼaˇ ehˇ-euˬ loꞈ-ehˇ tsaˬ nga loˇ maˬ tsaˬ nga loˇ lehˇ maˬ siˬ duˬ laˇ kʼoeˇ keuˆ ni, aˬ nyiˇ nyiˇ saˬ gʼaˬ-ahˇ bi sheuˬ laˬ leˇ-euˬ kʼoeˇ gʼaˬ maˬ ngeuˇ naˇ, naw maꞈ dawˬ tawˆ luꞈ paꞈ kuˆ laꞈ kʼoeˇ ya uˇ tawˬ yaꞈ tehꞈ-a. Kʼoeˇ loꞈ-ehˇ maˬ ngeuˇ naˇ, sahˬ paˬ yaw dehꞈ kʼaˇ dehꞈ kʼoeˇ keuˆ ni, kʼoeˬ sho haw le-euˬ tsawˇ haˬ lehˇ sawˇ-eu ma.”

Bawˇtsahˬ 13:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.