Yawˇshuˆ 10:3 - Akha

³ Kʼoeˇ miˇ neh, Heˬbyoˬ sahˬ paˬ Hoˬhamˬ, Jaˬmuˆ sahˬ paˬ Piˇlamˬ, Laˬkiˇshaˆ sahˬ paˬ Jaˬpiˇyaˬ hawˇ-eu, Eˇgaˬloˬ sahˬ paˬ Deˬbeuˬ heu deuˬ jawˇ gaˇ sahˬ paˬ Aˬdoˬniˇzeˬdehˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh.

Yawˇshuˆ 10:3 Iomraidhean Croise

Aˇ dahˬ 23:2

Kaˬnaˬ miˇ kʼahˬ Heˬbyoˬ meuˬ laꞈ kʼoeˇ aˬ yawꞈ ziˇ dehꞈ jiˇ-euˬ meh. Aˬ yawꞈ shiˇ ngeh, Aˬbyaˬhaˬ tsawˇ ngoeˇ ngoeˇ-euˬ meh.

Aˇ dahˬ 37:14

“Nawˬ-euˬ aˇ doˆ deuˬ aˬ joˆ-ehˇ jawˇ luꞈ nga lehˇ haw-iˇ-awˇ, ngaˬ-ahˇ paˇ tsaꞈ gaˬ laˇ-awˬ” lehˇ, Yoˇsehˆ-ahˇ Yaˬkoˆ ehˇ nehˬ-euˬ meh. Yaˬkoˆ-aˬ, Yoˇsehˆ-ahˇ Heˬbyoˬ meuˬ paw neh bi iˇ-euˬ meh. Sheˬkmˬ meuˬ-ahˇ Yoˇsehˆ iˇ keuˆ-awˇ,

2 Saˬmeuˬlaˆ 2:11

Daˬbiˇ Heˬbyoˬ meuˬ-ahˇ jawˇ-awˇ, Yuˇdaˆ miˇ kʼahˬ-ahˇ shiꞈ kʼoꞈ uˬ taꞈ ba la koꞈ siˬ uˆ lahˇ-euˬ meh.

2 Sahˬpaˬ 18:14

Heˬsaˬgiˇ-aˬ, Laˬkiˇshaˆ meuˬ-ahˇ jawˇ luꞈ-eu Saˬneˬkaˬliˇ jawˇ gaˇ tsawˇ haˬ pyehˬ gʼeh-awˇ, “Ngaˬ neh mˇ-euˬ lehˬ law hawˇ nga. Ngaˬ-euˬ miˇ kʼahˬ-ahˇ guiˇ taˬ paˇ deuˆ nehˬ laꞈ. Nawˇ kʼaˇ shaˇ-eu jeˬ ngaˇ biꞈ ma” lehˇ bi tsaꞈ gaˬ leˇ-euˬ meh. “Pyuˇ koꞈ heˇ jawꞈ-i hawˇ-eu shuiˇ koꞈ yaˇ jawꞈ-i sha ha laˇ-awˬ” lehˇ, sahˬ paˬ Heˬsaˬgiˇ-ahˇ Aˬshuˇliˆ sahˬ paˬ Saˬneˬkaˬliˇ tsaꞈ kʼoꞈ gʼeh-euˬ meh.

2 Sahˬpaˬ 18:17

Aˬshuˇliˆ sahˬ paˬ kʼoeˇ gʼaˬ-aˬ, Yeˬluˇsaˬlehˬ meuˬ-ahˇ jawˇ-eu Heˬsaˬgiˇ-ahˇ guiˇ bi deuˆ-iˇ-eu gʼaˇ duˬ, myaˬ dui dui-eu guiˇ maꞈ tiˬ maꞈ Laˬkiˇshaˆ meuˬ-ahˇ neh pyehˬ gʼeh-euˬ meh. Aˬ yawꞈ-euˬ guiˇ maꞈ-ahˇ uˆ lahˇ-eu aˬ cawˬ naˆ maˬ tseˇ huiˬ dzehˬ-eu yaw huiˬ yaw mahˇ smˇ gʼaˬ-ahˇ aˬ yuiꞈ bi geuꞈ-awˇ, guiˇ maꞈ kʼoeˇ maꞈ-ahˇ bi sheuˬ gʼeh-euˬ meh. Yeˬluˇsaˬlehˬ meuˬ-ahˇ aˬ yawꞈ maꞈ le keuˆ ngeh, laꞈ taˆ paw jaˆ-eu lah-ahˇ neh meuˬ laꞈ kʼoeˇ iˇ pahˬ pahˬ ahˇ taˬ-euˬ dawˬ peh, saˬ nmˇ saˬ paˇ mˇ duˬ-ahˇ jaˆ-eu gaˇ ma-ahˇ guiˇ daˬ daˬ-euˬ meh.

2 Laˬsaˬbaˬ 11:9

Aˬdawˇleˬ meuˬ, Laˬkiˇshaˆ meuˬ, Aˬzeˬkaˬ meuˬ,

Yeˬlaˬmiˇ 34:7

Kʼoeˇ ngeh, Baˬbuˇloˬ sahˬ paˬ-euˬ guiˇ maꞈ deuˬ meuˬ kʼoeˇ meuˬ-ahˇ guiˇ deuˆ luꞈ-eu meh. Yuˇdaˆ meuˬ nui deuˬ laꞈ kʼoeˇ, aˬ cawˬ neh maˬ bi deuˆ gʼaˬ dah-ehˇ ziꞈ dah ni dzeˇ luꞈ-eu meuˬ-aˬ, Laˬkiˇshaˆ meuˬ hawˇ-eu Aˬzeˬkaˬ meuˬ kʼoeˇ nyiˬ meuˬ tehꞈ meh. Kʼoeˇ nyiˬ meuˬ-ahˇ kʼawꞈ, guiˇ maꞈ kʼoeˇ deuˬ guiˇ deuˆ luꞈ-eu meh.

Miˇkaˬ 1:13

Laˬkiˇshaˆ meuˬ-ahˇ jawˇ-eu tsawˇ haˬ deuˬ-oˇ, mahˬ laˆ lawˬ lehˬ hmˬ-awˬ. Iˇsaˬleˬlaˆ miˇ kʼahˬ iˬ baˇ mˇ-euˬ gaˇ naw maꞈ dzaw geuꞈ-awˇ, Yeˬluˇsaˬlehˬ meuˬ iˬ baˇ mˇ ni naw maꞈ jahˇ-euˬ meh.

Bawˇtsahˬ 13:22

Miˇ kʼahˬ kʼoeˇ kʼahˬ-euˬ laꞈ oˆ dzaˬ-ahˇ jeˬ huˬ le-awˇ, huiˬ dui goˇ dui dui-eu Aˬnaˬkaˆ tsawˇ jeuˬ-euˬ zaˬ deuˬ uˆ deuˬ pyeuꞈ-eu Aˬhiˇmaˬ aˇ jeuˬ, Sheˬshaiˇ aˇ jeuˬ hawˇ-eu Taˬlaˬmehˇ aˇ jeuˬ deuˬ jawˇ-eu Heˬbyoˬ meuˬ-ahˇ le keuˆ-euˬ meh. (Heˬbyoˬ meuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Zoˇnaˆ meuˬ taꞈ-ehˇ shiꞈ kʼoꞈ huˬ-ehˇ teˬ taˬ-euˬmeuˬ pyeuꞈ-eu meh.)

Yawˇshuˆ 10:1

Yeˬliˇkoˇ meuˬ hawˇ-eu Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Aˬiˇ meuˬ-ahˇ kʼawꞈ Yawˇshuˆ deuˆ gʼaˬ-awˇ, geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-euˬ uˬ taꞈ, Aˬiˇ sahˬ paˬ-ahˇ kʼawꞈ sehꞈ-euˬ gaˇ kawˆ Yeˬluˇsaˬlehˬ sahˬ paˬ Aˬdoˬniˇzeˬdehˇ ya gaˬ-euˬ meh. Giˇbyoˬ meuˬ-ahˇ jawˇ-eu tsawˇ haˬ deuˬ kʼawꞈ, Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-awˇ, aˬ yawꞈ maꞈ nehˬ-ehˇ jawˇ luꞈ-eu gaˇ kawˆ aˬ yawꞈ ya gaˬ-euˬ meh.

Yawˇshuˆ 10:23

Kʼoeˇ ngeh, aˬ yawꞈ maꞈ lo kʼahˬ pah-awˇ, Yeˬluˇsaˬlehˬ sahˬ paˬ, Heˬbyoˬ sahˬ paˬ, Jaˬmuˆ sahˬ paˬ, Laˬkiˇshaˆ sahˬ paˬ Eˇgaˬloˬ sahˬ paˬ heu deuˬ-ahˇ aˬ yawꞈ jawˇ gaˇ sheuˬ doˆ laꞈ-euˬ meh.

Yawˇshuˆ 10:34

Kʼoeˇ naˇ, Yawˇshuˆ hawˇ-eu aˬ yawꞈ-euˬ guiˇ maꞈ deuˬ Laˬkiˇshaˆ meuˬ-ahˇ neh luˆ-iˇ-awˇ, Eˇgaˬloˬ meuˬ-ahˇ le-awˇ, jawˬ lahˇ-awˇ deuˆ-euˬ meh.

Yawˇshuˆ 10:5

Aˬmawˇliˆ sahˬ paˬ deuˬ pyeuꞈ-eu Yeˬluˇsaˬlehˬ sahˬ paˬ, Heˬbyoˬ sahˬ paˬ, Jaˬmuˆ sahˬ paˬ, Laˬkiˇshaˆ sahˬ paˬ hawˇ-eu, Eˇgaˬloˬ sahˬ paˬ heu ngaˬ gʼaˬ gm leˇ-awˇ, Giˇbyoˬ meuˬ-ahˇ jawˬ lahˇ-awˇ guiˇ deuˆ-euˬ meh.

Yawˇshuˆ 14:15

Aˇ yamˬ kʼoeˇ yamˬ maˬ keuˆ laˇ-euˬ kʼoeˇ, Heˬbyoˬ meuˬ-ahˇ Aˬbaˬ meuˬ lehˇ kuˇ-euˬ meh. (Aˬbaˬ-aˬ, Aˬnaˬkaˆ tsawˇ haˬ deuˬ laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ pyeuꞈ-eu meh.) Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ, guiˇ maˬ deuˆ ni coꞈ ngehˇ ni jaˆ-euˬ meh.

Yawˇshuˆ 15:54

Hmˇtahˬ meuˬ, Heˬbyoˬ meuˬ, Ziˇawˆ meuˬ, heu gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Yawˇshuˆ 15:63

Ehˇ kʼawꞈ, Yeˬluˇsaˬlehˬ meuˬ laꞈ kʼoeˇ jawˇ-eu Yeˬbuˇ tsawˇ haˬ deuˬ-ahˇ Yuˇdaˆ tsawˇ haˬ deuˬ maˬ teh doˆ nya-a. Yeˬbuˇ tsawˇ haˬ kʼoeˇ deuˬ iˬ nah keuˆ ni, Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼoeˇ gaˇ jawˇ luꞈ-eu meh.

Yawˇshuˆ 18:28

Zeˬlaˬ meuˬ, Haˬeˇlehˆ meuˬ, (Yeˬluˇsaˬlehˬ lehˇ kʼawꞈ kuˇ-eu) Yeˬbuˇ meuˬ, Giˇbyaˬ meuˬ, Giˇliˇyaˆyeˬlmˬ meuˬ, heu tseˇ oeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. Heu-aˬ, Beˬyaˬmiˬ tsawˇ jeuˬ deuˬ za-euˬ miˇ kʼahˬ pyeuꞈ-eu meh.