Yawˇnaˆ 4:8 - Akha

⁸ Nahˇ ma goˇ laˇ ngeh, nahˇ ma doˆ kʼehˬ paw-euˬ lahˇ dui dui-eu jaˬ lehˇ-ahˇ Miˬyehˇ pyehˬ gʼeh laꞈ-euˬ miˇ neh, Yawˇnaˆ-euˬ uˬ duˬ-ahˇ nahˇ tsaˇ zaw dui dui leˇ-awˇ, myaꞈ leˇ paˬ-ehˇ pyeuꞈ-iˇ-euˬ meh. Kʼoeˇ ngeh, ya shiˇ law nmˇ-aˬ gʼaˬ miˇ-a lehˇ aˬ yawꞈ noeˬ-awˇ, “Dehꞈ-eu naˆ maˬ tseˇ shiˇ-eu-aˬ ngaˬ-euˬ gʼaˇ duˬ zaˬ miˇ-a” lehˇ ehˇ-eu meh.

Yawˇnaˆ 4:8 Iomraidhean Croise

Aˇ dahˬ 41:6

Kʼoeˇ naˇ, nahˇ ma doˆ kʼehˬ paw jaˆ-eu kʼaˇ shuiꞈ deh paw neh baw gʼeh leꞈ-euˬ lahˇ dui dui-eu jaˬ lehˇ baˬ da neh, maˬ maˇ leˇ nya-eu cehˇ cehˇ kʼawꞈ shiꞈ nmˇ paˇ doˆ laˇ-euˬ meh.

1 Sahˬpaˬ 19:4

Kʼoeˇ naˇ, nah ga-ehˇ bawˇ tsahˬ bawˇ dahˇ paw aˬ yawꞈ le gʼeh leꞈ-euˬ meh. Aˇ bawˇ naˇ shmˇ dawˬ pehˬ-ahˇ aˬ yawꞈ gʼaˬ naˬ naˬ-awˇ nuiˇ-eu laꞈ kʼoeˇ, yaw dehꞈ dehꞈ-awˇ maˬ paˇ jawˇ mawꞈ-eu miˇ neh, “Sahˬpaˬ Miˬyehˇ-oˇ, gʼaˬ dzaˬ gʼaˬ dawˇ miˇ-a. Ngaˬ-euˬ saꞈ laˇ yuˇ kʼoꞈ nehˬ laꞈ-awˬ. Ngaˇ yaw dehꞈ maˬ paˇ dehꞈ mawꞈ miˇ-a” lehˇ guiˬ lahˬ shaˇ-euˬ meh.

1 Sahˬpaˬ 21:4

Aˬhaˆ-aˬ, iˇ kahˇ-ahˇ gʼoꞈ leˇ-awˇ, Naˬboˆ neh aˬ yawꞈ-ahˇ ehˇ nehˬ-euˬ dawˬ-ahˇ nui ma pehˇ-eu laꞈ kʼoeˇ, nui ma tiˬ pawꞈ-iˬ maˬ saˇ ni, yuꞈ zaˇ kʼoeˇ taˆ myaˆ pyawˬ kaˇ pyawˇ paw ciˬ pyawˇ-awˇ yuꞈ-eu laꞈ kʼoeˇ, maˬ dzaˬ maˬ dawˇ ni jawˇ-euˬ meh.

Yawˇbaˆ 2:10

Yawˇbaˆ ehˇ-eu, “Nawˇ tsawˇ uˬ-euˬ dawˬ ngehˬ luꞈ te loˇ. Miˬyehˇ aˬ dui-ahˇ muiˬ-eu jeˬ biꞈ laꞈ ngeh aˬ dui ha geuꞈ-euˬ maˬ ngeuˇ loˇ. Shaˬ-eu zahˬ-eu jeˬ bi keuˆ le ngeh jawˇ tehꞈ-ehˇ aˬ dui maˬ ha geuꞈ ni byehˇ nya ta loˇ.” Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ-ahˇ ya daˬ luꞈ kʼawꞈ, Miˬyehˇ-ahˇ iˬ baˇ taˬ-eu dawˬ tiˬ dawˬ-iˬ maˬ ngehˬ-a.

Yawˇbaˆ 7:15

Heu loꞈ-ehˇ gʼeh-eu gʼawˇ mawˇ daˬ-awˇ jawˇ-eu naˆ maˬ tseˇ, shiˇ-eu hmˬ zaˬ dzehˬ miˇ-a lehˇ noeˬ laˇ gaˇ keuˆ ni, nawˇ ngaˬ-ahˇ kʼoeˇ loꞈ-ehˇ jahˇ nehˬ laꞈ-euˬ meh.

Jaceuq 121:6

Nah gʼahˇ paw nahˇ tsaˇ nawˬ-ahˇ maˬ coeˬ-ehˇ, uˬ ciꞈ paw ba la nawˬ-ahˇ maˬ ciˆ-a.

Jaceuq 39:9

Ngaˬ-euˬshaˬzahˬnaꞈ-eu heu-aˬ, nawˬneh jahˇnehˬlaꞈ-euˬmiˇneh, dawˬmaˬngehˬni ciˬcuˇjawˇma.

Dawˬ tsoˆ 7:9

Nui ma pehˇ-eu taˬ tehˬ. Nui pehˇ-euˬ jawˇ duˬ-aˬ, aˬ dzawˬ aˇ gah-euˬ bawˇ kʼahˇ meh.

Dawˬ caˇ 1:6

Shiˬ shaˬ yaw naˆ nga lehˇ ngaˬ-ahˇ taˬ haw teˬ, nahˇ tsaˇ lawꞈ-awˇ lawꞈ naˆ-euˬ ma. Ngaˬ-euˬ aˬ mahˇ aˬ da deuˬ ngaˬ-ahˇ nui ma pehˇ-awˇ, aˬ gaꞈ yaˇ kmˇ-ahˇ gaˇ bi mˇ laꞈ-euˬ baˬ da neh, gʼawˇ mawˇ laˆ muiˬ-eu maˬ dah nya.

Iˇsaˬyaˇ 49:10

Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.

Yeˬsaˬgeˬlaˇ 19:12

Ehˇ kʼawꞈ nui ma pehˇ-eu jeˬ neh gʼawˇ lehˆ-awˇ biˬ dzeh nehˬ-euˬ meh. Nahˇ ma doˆ kʼehˬ paw neh oe-euˬ lahˇ dui dui-eu jaˬ lehˇ baˬ da, aˇ siˬ nyoeˬ jiˇ koˆ jiˇ-euˬ meh. Uˬ pyaˬ uˬ laꞈ koˆ-iˇ jiˇ-awˇ, miˬ dzaˬ bi keuˬ puiˆ dzeh-euˬ meh.

Hawˇseˬ 13:15

Yaˇ moꞈ mehˇ laˇ luꞈ-eu loꞈ-ehˇ, Iˇsaˬleˬlaˆ mehˇ laˇ luꞈ kʼawꞈ, kʼaˇ shuiꞈ deh ga paw neh oe-euˬ, nahˇ ma doˆ kʼehˬ jaˬ lehˇ yaw lahˇ, aˬ yawꞈ maꞈ-euˬ lawˇ gawˆ hawˇ-eu, lah duˬ deuˬ bi gui-iˇ jiˇ-awˇ, kʼaˇ poeˬ kʼaˇ lawˬ-eu jeˬ dawˬ tawˆ, bi piˬ bi byoˆ-iˇ jiˇ tehꞈ-a.

Uˬ duˬ 10:3

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Sahˬpaˬ Miˬyehˇ neh ehˇ taˬ-euˬ gaˇ kawˆ-aˬ, heu loꞈ-ehˇ meh. Ngaˬ-euˬ gaˇ mˇ-eu tsawˇ haˬ dawˬ tawˆ luꞈ, ngaˬ-euˬ muiˬ-eu shawˇ-eu jeˬ-ahˇ yaw zeu ya baw meh. Ngaˬ-euˬ yaw shehꞈ kʼahˬ sehˇ ngaˬ-euˬ tsawˇ haˬ-ahˇ ngaˇ pah mehˬ nehˬ ma lehˇ ehˇ taˬ-euˬ meh.” Ehˇ kʼawꞈ, Aˬloˬ tiˬ jeˬ-iˬ maˬ ehˇ ni, ciˬ cuˇ ni jawˇ-euˬ meh.

Yawˇnaˆ 1:17

Yawˇnaˆ-ahˇ iˇ cuꞈ-ahˇ biˬ puꞈ-eu nehˬ-ehˇ ngaˬ shaˬ shaˬ ma tiˬ mawˇ-ahˇ Sahˬpaˬ Miˬyehˇ dawˬ biꞈ-awˇ Yawˇnaˆ-ahˇ bi myoꞈ ahˇ-euˬ meh. Yawˇnaˆ-aˬ, smˬ nah smˬ miˇ kʼeuˆ ni ngaˬ shaˬ shaˬ ma kʼoeˇ mawˇ-euˬ uˬ maˆ laꞈ kʼoeˇ jawˇ-euˬ meh.

Yawˇnaˆ 1:4

Ehˇ kʼawꞈ, Sahˬpaˬ Miˬyehˇ neh jaˬ lehˇ lehˇ ma bi baw laˇ-awˇ, jaˬ lehˇ baw gʼaˬ kʼaˆ dui dui-eu miˇ neh, saˇ baoˬ kʼoeˇ laˇ bi baw pyaˆ bi baw shaˆ jiˇ paˬ-ehˇ pyeuꞈ laˇ taˬ-euˬ meh.

Yawˇnaˆ 4:3

Sahˬpaˬ Miˬyehˇ-oˇ, ngaˬ-ahˇ bi shiˇ laꞈ-awˬ. Dehꞈ-eu naˆ maˬ tseˇ shiˇ-eu-aˬ, ngaˬ-euˬ gʼaˇ duˬ zaˬ dzehˬ miˇ-a.”

Yawˇnaˆ 4:9

Ehˇ kʼawꞈ, “Aˇ bawˬ teu bawˬ-ahˇ taꞈ leˇ-awˇ nawˇ aˬ jeˬ nui ma pehˇ kʼaˇ za te” lehˇ aˬ yawꞈ-ahˇ Miˬyehˇ ehˇ nehˬ-euˬ meh. Yawˇnaˆ ehˇ-eu, “Ngaˇ nui ma pehˇ kʼaˇ za tehꞈ-a. Shiˇ paˬ-ehˇ pehˇ dui dui laˇ nya.”

Maꞈtehˬ 20:12

‘Jeˬ nah nah saˬ oe-awˇ mˇ le-euˬ deuˬ naˬ liˬ tiˬ laꞈ mˇ-euˬ tehꞈ meh. Nga maꞈ-aˬ, nah ga-ehˇ nahˇ tsaˇ lawꞈ lawꞈ-ehˇ mˇ-euˬ ma. Ehˇ kʼawꞈ, nawˇ gʼaˬ gaˇ poeˬ biꞈ laꞈ ngeh, tiˬ kawˆ myaˆ ni tehꞈ-ehˇ biꞈ laꞈ-eu nga’ lehˇ ehˇ-eu meh.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

Panmaeq 7:16

Aˬ yawꞈ maꞈ hawˬ hawˇ-eu iˇ cuꞈ mehꞈ-eu maˬ paˇ baw-ehˇ, nahˇ tsaˇ hawˇ-eu lahˇ dui dui-eu jeˬ-ahˇ maˬ paˇ ya daˬ meh.

1 Saˬmeuˬlaˆ 3:18

Kʼoeˇ ngeh, Sahˬpaˬ Miˬyehˇ neh kʼaˇ ehˇ nehˬ-euˬ jeˬ dawˬ tawˆ luꞈ, tiˬ jeˬ-iˬ maˬ zaꞈ taˬ ni, Eˇliˆ-ahˇ Saˬmeuˬlaˆ dzawˇ nehˬ jiˇ-euˬ meh. Eˇliˆ ehˇ-eu, “Aˬ yawꞈ Sahˬpaˬ Miˬyehˇ pyeuꞈ-eu miˇ neh, aˬ yawꞈ neh muiˬ meh lehˇ kʼaˇ noeˬ-euˬ jeˬ aˬ yawꞈ mˇ tehꞈ-a.”