Yawˇnaˆ 3:7 - Akha

⁷ Niˇnaˬbeˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ heu loꞈ-ehˇ dawˬ biꞈ-awˇ bi guˇ gaˬ doe-euˬ meh. “Heu-aˬ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ neh biꞈ-euˬ dawˬ pyeuꞈ-eu meh. Tsawˇ haˬ maˬ ehˇ, mawˇ neˇ maˬ ehˇ, yawˇ maˬ ehˇ, tiˬ jeˬ-iˬ maˬ dzaˬ maˬ dawˇ ni ya lah meh.

Yawˇnaˆ 3:7 Iomraidhean Croise

2 Laˬsaˬbaˬ 20:3

Yeˬhawˇshaˬpaˇ guˆ dui dui-awˇ, Sahˬpaˬ Miˬyehˇ neh bi ngehˬ gʼeh-eu gʼaˇ duˬ guiˬ lahˬ shaˇ-euˬ meh. Yuˇdaˆ miˇ kʼahˬ kʼahˬ lah ni maˬ dzaˬ-eu zahˇ jahˇ-eu gʼaˇ duˬ, aˬ yawꞈ dawˬ biꞈ gʼeh-euˬ meh.

Eˇzaˬlaˬ 8:21

Nga maꞈ gaˇ ma doˆ-iˇ luꞈ ngeh Miˬyehˇ sheuˬ gʼeh nehˬ laꞈ-awˇ, nga maꞈ-euˬ aˬ buˇ aˬ li deuˬ hawˇ-eu nga maꞈ kʼaˇ jaˆ-eu jeˬ dawˬ tawˆ luꞈ kʼoeˇ taˆ haw piˇ nehˬ laꞈ-eu gʼaˇ duˬ, yawˬ gʼaˬ na luꞈ maˬ dzaˬ-eu zahˇ jahˇ-eu laꞈ kʼoeˇ nui ma nahˬ yu ni taˬ-awˇ guiˬ lahˬ shaˇ-awˬ lehˇ, Aˬhaˬbaˬ uiˇ kʼehˬ dawˬ peh ngaˇ dawˬ biꞈ-eu ma.

Yawˇlaˆ 1:18

Gaˆ dzaˬ kʼaˇ maˬ za-eu miˇ neh, mawˇ neˇ deuˬ mahˇ mahˇ-ehˇ jawˇ-awˇ, yawˇ deuˬ tsoˆ leˇ-awˇ jawˇ-eu meh.

Yawˇnaˆ 3:5

Niˇnaˬbeˬ meuˬ laꞈ kʼoeˇ jawˇ-eu tsawˇ haˬ deuˬ Sahˬpaˬ Miˬyehˇ-euˬ dawˬ-ahˇ jah-awˇ, yawˬ gʼaˬ na luꞈ maˬ dzaˬ maˬ dawˇ ni ya lah meh lehˇ aˬ yawꞈ maꞈ noeˬ tsehˆ-awˇ, aˬ yawꞈ maꞈ noeˬ poˆ gʼaˬ-euˬ gaˇ kawˆ bi siˬ-eu gʼaˇ duˬ, huiˬ zaˬ nyiˇ zaˬ dawˬ tawˆ luꞈ guˬ daˇ pehˇ zeuˇ mehˬ tsoeˬ dm-euˬ meh.