Yawˇnaˆ 3:6 - Akha

⁶ Gaˇ kawˆ kʼoeˇ Niˇnaˬbeˬ sahˬ paˬ-ahˇ gaˬ keuˆ leˇ ngeh, aˬ yawꞈ-euˬ dzoeˬ dzaˬ nuiˇ mahˬ-ahˇ nuiˇ luꞈ-eu tuˇ laˇ-awˇ, sahˬ paˬ dm-eu pehˇ kʼahˬ pehˇ mahˇ lehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, lehˇ tsaˇ jaˆ gaˇ nuiˇ-euˬ meh.

Yawˇnaˆ 3:6 Iomraidhean Croise

1 Sahˬpaˬ 21:27

Eˇliˇyaˆ dawˬ ngehˬ gʼaˬ ngeh, Aˬhaˆ gʼaˬ yawˬ ha-euˬ mehˬ tsoeˬ gʼeu pyaˬ gʼeu shaˇ-awˇ, guˬ daˇ pehˇ zeuˇ mehˬ tsoeˬ dm-euˬ meh. Aˬ yawꞈ maˬ dzaˬ maˬ dawˇ ni, guˬ daˇ pehˇ zeuˇ dm-awˇ yuꞈ-eu laꞈ kʼoeˇ, noeˬ shaˬ dui dui-awˇ myaꞈ dehˬ ni pyeuꞈ-iˇ-euˬ meh.

Yawˇbaˆ 2:8

Kʼoeˇ ngeh, Yawˇbaˆ kʼaˬ lehˇ lehˇ deh-ahˇ nuiˇ-awˇ, ciˬ cuˇ cuˇ pyehˬ tiˬ hmˬ neh maˇ naˇ kʼoeˇ deuˬ-ahˇ yaw dzuiˆ pyaˆ luꞈ-eu meh.

Yawˇbaˆ 42:6

Kʼoeˇ miˇ neh ngaˬ neh kʼaˇ ngehˬ kʼaˇ tmˇ dzeuˇ-euˬ jeˬ-ahˇ ngaˇ shaꞈ dawˇ-eu laꞈ kʼoeˇ, kʼaˬ puiˬ kʼaˬ lehˇ tsahˬ-ahˇ jawˇ-awˇ iˬ baˇ noeˬ poˆ-eu ma.”

Iˇsaˬyaˇ 15:3

Meuˬ-euˬ gaˇ ma doe ni cah-eu deuˬ, guˬ daˇ pehˇ zeuˇ mehˬ tsoeˬ dm-awˇ, Nymˇ mˬ-ahˇ daˆ-eu deuˬ hawˇ-eu meuˬ-euˬ pu ka jawˇ-eu deuˬ, myaˆ biˇ ju ni tsawˇ ngoeˇ ngoeˇ luꞈ-eu meh.

Yeˬlaˬmiˇ 13:18

Sahˬpaˬ Miˬyehˇ ngaˬ-ahˇ ehˇ-eu, “Sahˬ paˬ hawˇ-eu aˬ yawꞈ-euˬ aˬ ma-ahˇ, heu loꞈ-ehˇ ehˇ nehˬ-awˬ. Naw maꞈ-euˬ nuiˇ mahˬ-ahˇ byehˇ-awˇ zaꞈ ka le-awˬ. Aˬ jeˬ miˇ neh ehˇ naˇ naw maꞈ uˬ duˬ-ahˇ kʼoˆ luꞈ-eu, kʼahˬ sehˇ huiˬ-eu shuiˇ uˬ kʼoˆ ga lehˆ le tehꞈ-a.

Yeˬlaˬmiˇ 36:13

Baˬluˆ neh kʼaˇ gui mehˬ nehˬ-euˬ jeˬ, aˬ yawꞈ neh kʼaˇ ya gaˬ-euˬ loꞈ-ehˇ, aˬ yawꞈ maꞈ-ahˇ Miˇkaˬyaˇ dzawˇ nehˬ-euˬ meh.

Yeˬlaˬmiˇ 36:24

Sahˬ boꞈ paˇ yoˆ kʼoeˇ yoˆ gui mehˬ nehˬ gaˇ ya gaˬ-euˬ kʼawꞈ, sahˬ paˬ hawˇ-eu aˬ yawꞈ-euˬ yaw huiˬ yaw mahˇ kʼoeˇ deuˬ, tiˬ gʼaˬ-iˬ guˆ gaˇ maˬ duˇ-a.

Yeˬlaˬmiˇ 6:26

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ-eu meh. “Guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ mahˬ poˆ poˆ-awˬ. Aˬ li tiˬ gʼaˬ tehꞈ-euˬ gʼaˇ duˬ tsawˇ ngoeˇ ngoeˇ-eu loꞈ-ehˇ, nui ma shaˬ zahˬ mˇ dui dui-awˬ. Aˬ jeˬ miˇ neh ehˇ naˇ, naw maꞈ-ahˇ laˆ cawˆ le-eu muiˇ-eu deuˬ, ja pyuˬ ni guiˇ deuˆ le tehꞈ-a.

Ngoeˇ dawˬ 2:10

Ziˇoˬ meuˬ-euˬ tsawˇ mawˬ tsawˇ kʼaˆ, uˬ duˬ kʼaˬ lehˇ jehˆ daˆ taˬ-awˇ, guˬ daˇ pehˇ zeuˇ mehˬ tsoeˬ dm-awˇ, miˇ tsa ciˬ cuˇ ni dzuˇ-eu meh. Ziˇoˬ-euˬ aˬ buˇ miˬ daꞈ deuˬ, miˇ tsa uˬ duˬ tahˬ moꞈ-eu meh.

Ngoeˇ dawˬ 3:29

Myaˆ pyawˬ miˇ tsa tahˬ pahˬ taˬ-awˬ. Noeˬ tmˬ kʼaˇ tiˬ gaˇ jaˆ luꞈ meh.

Yeˬsaˬgeˬlaˇ 26:16

Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.

Daˬyeˬlaˇ 9:3

Kʼoeˇ naˇ, ngaˇ maˬ dzaˬ maˬ dawˇ ni jawˇ-awˇ, guˬ daˇ pehˇ zeuˇ mehˬ tsoeˬ dm-euˬ uˬ taꞈ, kʼaˬ lehˇ tsahˬ-ahˇ nuiˇ-awˇ, Sahˬpaˬ Miˬyehˇ pyeuꞈ-eu Miˬyehˇ-ahˇ guiˬ lahˬ shaˇ dui dui-euˬ ma.

Miˇkaˬ 1:10

Aˬ cawˬ aˬ dui-ahˇ deuˆ gʼaˬ-eu keuˆ laˇ-euˬ gaˇ kawˆ Gaˬdaˇ meuˬ-ahˇ jawˇ-eu aˬ dui-ahˇ muiˇ-eu tsawˇ haˬ deuˬ-ahˇ taˬ bi siˬ. Naw maꞈ ngoeˇ luꞈ-eu aˬ yawꞈ maꞈ-ahˇ taˬ bi mawˇ. Beˬleˬpaˬlahˬ meuˬ-ahˇ jawˇ-eu tsawˇ haˬ deuˬ-oˇ, kʼaˬ lehˇ kʼoeˇ taˆ mahˬ poˆ poˆ poˆ-ehˇ naw maꞈ aˇ naˆ ni noeˬ shaˬ luꞈ-eu gaˇ kawˆ bi siˬ bi mawˇ-awˬ.

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Luˇkaꞈ 10:13

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kawˆ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ nuiˇ luꞈ-eu maˬ siˬ.