Yawˇnaˆ 2:1 - Akha

¹ Ngaˬ shaˬ-euˬ uˬ maˆ laꞈ kʼoeˇ uˇ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ Yawˇnaˆ heu loꞈ-ehˇ guiˬ lahˬ shaˇ-euˬ meh.

Yawˇnaˆ 2:1 Iomraidhean Croise

1 Sahˬpaˬ 17:4

Lawˇ gawˆ kʼoeˇ gawˆ-euˬ iˇ cuꞈ-ahˇ nawˇ dawˇ-awˬ. Nawˇ dzaˬ-eu dzaˇ sha nehˬ le-eu gʼaˇ duˬ, awꞈ-aꞈ-ahˇ ngaˇ dawˬ biꞈ taˬ gʼaˬ-euˬ ma.

Yawˇbaˆ 13:15

Ngaˇ noeˬ tmˬ duˬ tiˬ jeˬ-iˬ maˬ paˇ jaˆ-eu-aˬ, Miˬyehˇ ngaˬ-ahˇ sehꞈ kʼawꞈ aˬ jeˬ gʼeh nmˇ. Ngaˬ-euˬ gaˇ kawˆ aˬ yawꞈ nehˬ-ehˇ ngaˇ ja ma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Yaˬkoˆ 5:13

Naw maꞈ laꞈ kʼoeˇ, tsawˇ haˬ ti gʼaˬ na shaˬ dui zahˬ dui dui-eu jeˬ-ahˇ ya daˬ luꞈ ta loˇ. Aˬ yawꞈ guiˬ lahˬ shaˇ-eu tsaˬ meh. Tiˬ gʼaˬ na laˬ kʼaˬ cehˇ luꞈ ta loˇ. Aˬ yawꞈ Miˬyehˇ-ahˇ ja ceuˬ-awˇ caˇ-eu tsaˬ meh.