Yawˇnaˆ 1:3 - Akha

³ Ehˇ kʼawꞈ, Yawˇnaˆ-aˬ, Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ, yawˬ paw yawˬ iˇ gʼeh-euˬ meh. Yuˇbeˬ meuˬ-ahˇ aˬ yawꞈ iˇ-awˇ, Saˬbeˬ miˇ kʼahˬ-ahˇ iˇ-eu lehˇ gʼeh luꞈ-eu saˇ baoˬ tiˬ laˇ iˇ puˬ-euˬ meh. Aˬ yawꞈ saˇ baoˬ dziˬ poeˬ biꞈ-awˇ, saˇ baoˬ kʼoeˇ taˆ gaˇ mˇ-eu tsawˇ haˬ deuˬ nehˬ-ehˇ dziˬ leˇ-awˇ, (Saˬbeˬ miˇ kʼahˬ-ahˇ) Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ iˇ gʼeh-euˬ meh.

Yawˇnaˆ 1:3 Iomraidhean Croise

Aˇ dahˬ 3:8

Kʼoeˇ ngeh nah uˬ ciꞈ uˬ taw paw, Miˬyehˇ pyeuꞈ-eu Sahˬpaˬ Miˬyehˇ yaˇ kmˇ laꞈ kʼoeˇ gaˇ ma cah haw le-eu teˇ saˇ-ahˇ aˬ yawꞈ nyaꞈ ya gaˬ ngeh, aˇ bawˇ uˬ moˆ cehˆ zaꞈ-euˬ meh.

Aˇ dahˬ 4:16

Kʼoeˇ naˇ, Sahˬpaˬ Miˬyehˇ-euˬ mehˬ shi neh Gaˬiˇnaˆ iˇ doˆ gʼeh-awˇ, Eˬdeˬ yaˇ kmˇ-euˬ nahˇ ma doˆ kʼehˬ paw jaˆ-eu Nawˇdaˆ miˇ kʼahˬ-ahˇ jawˇ-iˇ-euˬ meh.

1 Sahˬpaˬ 19:3

Eˇliˇyaˆ guˆ-eu laꞈ kʼoeˇ, aˬ yawꞈ-euˬ gʼawˇ mawˇ ya buˬ-iˇ ni cehˆ-euˬ meh. Aˬ yawꞈ-euˬ zaˬ kʼaˆ sheuˬ-awˇ, Yuˇdaˆ miˇ kʼahˬ Beˬlaˇsheˬba meuˬ-ahˇ cehˆ-awˇ, aˬ yawꞈ-euˬ zaˬ kʼaˆ kʼoeˇ gʼaˬ bi jawˇ yaꞈ-euˬ meh.

1 Sahˬpaˬ 19:9

Kʼoeˇ gaˇ uˬ ciꞈ tiˬ miˇ yaꞈ bya-eu gʼaˇ duˬ, lo kʼahˬ tiˬ kʼahˬ laꞈ kʼoeˇ aˬ yawꞈ uˇ leˇ-euˬ meh. Ja pyuˬ ni, Sahˬpaˬ Miˬyehˇ aˬ yawꞈ-ahˇ dawˬ ngehˬ cawˬ le-awˇ, “Eˇliˇyaˆ-oˇ, nawˇ heu gaˇ aˬ jeˬ jahˇ luꞈ te” lehˇ ehˇ-eu meh.

2 Laˬsaˬbaˬ 2:15

Nymˬ-mˇ, nawˬ neh ehˇ taˬ-euˬ cehˇ, lawˬ loeˇ, aˬ gaꞈ dzaˇ uiˇ hawˇ-eu saˬ loˬ tsiˇ deuˬ bi sha ha laˇ-awˬ.

2 Laˬsaˬbaˬ 2:16

Leˬbaˬnoˬ gawˬ jawˬ deuˬ-ahˇ miˬ shuˬ aˇ bawˇ deuˬ nga maꞈ tuˇ uiˬ-awˇ, poeˇ kaꞈ-awˇ Yuˇbeˬ meuˬ-ahˇ keuˆ ni nawˬ ha keuˆ nehˬ ma. Kʼoeˇ gaˇ neh naˇ, Yeˬluˇsaˬlehˬ meuˬ-ahˇ nawˇ yuˇ keuˆ geuꞈ-awˬ.”

2 Laˬsaˬbaˬ 9:21

Sahˬ paˬ Hiˇlamˬ-euˬ saˇ baoˬ aˇ maꞈ nehˬ-ehˇ iˇ luꞈ laˇ luꞈ-eu iˬ ma laˆ shaˆ-ahˇ cah-eu saˇ baoˬ aˇ maꞈ tiˬ maꞈ aˬ yawꞈ jawˇ-eu meh. Aˬ yawꞈ-euˬ saˇ baoˬ kʼoeˇ maꞈ, smˇ kʼoꞈ tiˬ poˆ gʼoꞈ doˆ laˇ-awˇ, shuiˇ, pyuˇ, ya ma juiˇ hawˇ-eu aˇ myoꞈ deuˬ tawˬ kʼoꞈ laꞈ-eu meh.

Eˇzaˬlaˬ 3:7

Tsaˬ byaˆ gawˬ-eu deuˬ hawˇ-eu laꞈ myawˬ laꞈ sawˆ mˇ-eu deuˬ-ahˇ biꞈ-eu gʼaˇ duˬ aˬ yawꞈ maꞈ pyuˇ damˬ-euˬ meh. Leˬbaˬnoˬ gawˬ jawˬ-ahˇ dehꞈ-eu shuˬ liˇ aˇ bawˇ nehˬ-ehˇ bi paˇ-eu gʼaˇ duˬ, dzaˬ dzaˬ dawˇ dawˇ hawˇ-eu saˬ loˬ tsiˇ deuˬ, Duˇlu meuˬ hawˇ-eu Siˇdoˬ meuˬ-ahˇ aˬ yawꞈ maꞈ biꞈ gʼeh-euˬ meh. Daˇ kawˬ kʼoeˇ deuˬ-ahˇ, iˬ ma laˆ shaˆ-ahˇ neh Yuˇbeˬ meuˬ-ahˇ ya hehˇ ka leꞈ-eu meh. Paˇshaˇ sahˬ paˬ Duˇlu neh aˬ kaw-aˬ biꞈ-euˬ loꞈ-ehˇ, kʼoeˇ deuˬ dawˬ tawˆ luꞈ-ahˇ aˬ yawꞈ maꞈ mˇ-euˬ meh.

Yawˇbaˆ 1:12

Saˬdaˬ-ahˇ Sahˬpaˬ Miˬyehˇ ehˇ nehˬ-eu, “Muiˬ tehꞈ-a. Aˬ yawꞈ kʼaˇ jaˆ-eu yawˬ jeˬ na luꞈ nawˬ-euˬ aˬ laꞈ laꞈ kʼoeˇ ngaˇ a nehˬ-eu ma. Ehˇ kʼawꞈ, Yawˇbaˆ-euˬ gʼawˇ mawˇ-ahˇ laˆ tahˬ laˆ naˇ-eu jeˬ nawˇ maˬ ya mˇ-a.” Kʼoeˇ naˇ, Saˬdaˬ gʼoˆ doˆ-iˇ-euˬ meh.

Yawˇbaˆ 2:7

Kʼoeˇ naˇ, Saˬdaˬ gʼaˬ, Sahˬpaˬ Miˬyehˇ jawˇ gaˇ neh doˆ-iˇ-awˇ, Yawˇbaˆ-euˬ gʼawˇ mawˇ mawˇ lah-ehˇ, aˬ kuiˇ pehˬ zaˬ-ahˇ neh uˬ duˬ-ahˇ doˆ ni maˇ naˇ naˇ byah jiˇ ni jahˇ-euˬ meh.

Jaceuq 107:23

Tiˬ paˆ na deuˬ iˬ ma laˆ shaˆ kʼoeˇ taˆ saˇ baoˬ dziˬ-awˇ, ya dzaˬ ya dawˇ ni pyuˇ poˆ-eu meh.

Iˇsaˬyaˇ 2:16

Saˇ baoˬ kʼaˇ huiˬ kʼaˇ muiˬ-eu deuˬ laˆ shaˆ-ahˇ ga nuiꞈ jiˇ tehꞈ-a.

Iˇsaˬyaˇ 23:1

Heu-aˬ, Duˇlu meuˬ-ahˇ taꞈ leˇ-eu Miˬyehˇ-euˬ dawˬ meh. Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ-awˬ. Duˇlu meuˬ luˬ-iˇ seˇ-iˇ jiˇ-awˇ, nymˇ hawˇ-eu saˇ baoˬ naˬ duˬ maˬ paˇ jaˆ meh. Guˇbaˬluˇ miˇ kʼahˬ-ahˇ neh, gaˇ kawˆ heu gaˬ keuˆ laˇ-euˬ meh.

Iˇsaˬyaˇ 23:10

Saˬbeˬ miˇ kʼahˬ-ahˇ jawˇ duˬ yaw shuiꞈ nawˬ-iˇ-awˇ, mˇ dzaˬ kʼawꞈ dawˇ-iˇ-awˬ. Naw maꞈ-ahˇ laˆ tsoeˬ-eu tsawˇ haˬ, kʼoeˇ gaˇ tiˬ gʼaˬ-iˬ maˬ jawˇ-a.

Iˇsaˬyaˇ 23:6

Piˇniˇshaˆ tsawˇ haˬ deuˬ-oˇ, noeˬ shaˬ dui dui-awˇ ngoeˇ-eu laꞈ kʼoeˇ, Saˬbeˬ meuˬ-ahˇ cehˆ jawˇ-iˇawˬ.

Iˇsaˬyaˇ 60:9

Sahˬpaˬ Miˬyehˇ-euˬ tsawˇ haˬ sheuˬ kʼoꞈ ha laˇ-eu gʼaˇ duˬ, gaˇ mahˇ kaˬ gaˇ neh oe-euˬ saˇ baoˬ meh. Tsawˇ jeuˬ dawˬ tawˆ luꞈ aˬ yawꞈ-euˬ tsawˇ jeuˬ-ahˇ taˬ huiˬ ni jahˇ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-euˬ tsawˇ myahˇ-ahˇ taˬ huiˬ taˬ mahˇ nehˬ-eu gʼaˇ duˬ, pyuˇ hawˇ-eu shuiˇ deuˬ aˬ yawꞈ maꞈ yuˇ laꞈ-euˬ meh.

Yeˬlaˬmiˇ 10:9

Aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-aˬ, Saˬbeˬ miˇ kʼahˬ-ahˇ doˆ-eu shuiˇ hawˇ-eu, Uˇpaˆ miˇ kʼahˬ-ahˇ doˆ-eu shuiˇ yaw-awˇ, ba jiˬ deuˬ neh jahˇ taˬ-euˬ mˇ myawˬ meh. Saˬ nmˇ saˬ paˇ nya-eu tsawˇ haˬ deuˬ neh zaꞈ-euˬ, neˇ naˆ neˇ puiˇ puiˇ-eu saˬ paˇ bi dm-euˬ meh.

Yeˬsaˬgeˬlaˇ 2:8

“Tsawˇ haˬ zaˬ-oˇ, ngaˇ ehˇ gaˇ naˇ haˬ sheˇ. Aˬ yawꞈ maꞈ loꞈ-ehˇ ngaˬ-ahˇ taˬ puiˬ. Nawˬ-euˬ kʼaˬ meh mˇ nga-awˇ, ngaˬ neh kʼaˇ bi dzaˬ-euˬ jeˬ dzaˬ-awˬ.”

Yeˬsaˬgeˬlaˇ 27:12

“Saˬbeˬ miˇ kʼahˬ nehˬ-ehˇ nawˇ jeˬ gaꞈ taꞈ-awˇ, aˇ poeˬ kʼaˆ-eu nawˬ-euˬ myawˬ gʼawˬ mya jeˬ yuˇ gʼeh-awˇ, pyuˇ, shmˇ, shmˇ ba, za siˬ heu deuˬ nawˇ paˇ geuꞈ-euˬ meh.

Yeˬsaˬgeˬlaˇ 3:14

Gʼaˬ kʼaˆ dui dui-eu Sahˬpaˬ Miˬyehˇ-euˬ baoˬ ngaˬ-euˬ kʼoeˇ taˆ oe-awˇ, aˬ yawꞈ-euˬ yaw sahˇ ngaˬ-ahˇ ciˬ gʼeh ngeh, ngaˇ nui ma naˇ-awˇ, nui ma pehˇ-euˬ ma.

Yawˇnaˆ 1:10

Kʼoeˇ naˇ, Sahˬpaˬ Miˬyehˇ maˬ mawˇ gaˇ cehˆ byoˆ-eu lehˇ aˬ yawꞈ cehˆ luꞈ-eu gaˇ kawˆ aˬ yawꞈ maꞈ-ahˇ dzawˇ nehˬ-euˬ meh. Saˇ baoˬ kʼoeˇ taˆ gaˇ mˇ-eu tsawˇ haˬ deuˬ guˆ dui dui-awˇ, “Aˬ jeˬ miˇ neh nawˇ toˆ-ehˇ cehˆ te” lehˇ, Yawˇnaˆ-ahˇ ehˇ nehˬ-euˬ meh.

Yawˇnaˆ 4:2

Kʼoeˇ miˇ neh, aˬ yawꞈ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ -oˇ, ngaˇ iˇ kahˇ-ahˇ neh ma gʼoˆ doˆ le mi naˆ-ehˇ nawˇ heu loꞈ-ehˇ jahˇ tehꞈ-a lehˇ ngaˇ ehˇ-euˬ maˬ ngeuˇ-a loˇ. Kʼoeˇ miˇ neh Saˬbeˬ miˇ kʼahˬ paw cehˆ byoˆ-eu lehˇ ngaˇ leh jeh-euˬ ma. Nawˇ-aˬ, gʼoeˇ-eu gaˬ-eu jeˬ byah-eu gʼawˬ shaˬ gaˬ nya-eu Miˬyehˇ pyeuꞈ-awˇ, aˬ myah luꞈ nui ma gʼawˬ mahˇ ni taˬ-awˇ gʼawˬ shaˬ gaˬ nehˬ nya-eu uˬ taꞈ, aˬ myah luꞈ nui ma paˇ laˇ nya-awˇ, maˬ kʼehˬ maˬ kʼaˆ nehˬ ni byehˇ-eu meh.

Luˇkaꞈ 9:62

Yeˬsuˇ aˬ yawꞈ-ahˇ ehˇ nehˬ-eu, “Nyoˬ tsehˬ laꞈ yoeˬ-ahˇ tuˆ tehˬ-awˇ nahˇ gʼoꞈ gʼoꞈ haw-eu tsawˇ haˬ-aˬ, Miˬyehˇ Miˇkʼahˬ-ahˇ maˬ geuˇ-a.”

Gʼaˬkʼehˇ 15:38

Ehˇ kʼawꞈ, aˬ yawꞈ-ahˇ sheuˬ gʼeh-eu maˬ tsaˬ-a lehˇ Pawˇluˆ noeˬ-eu meh. Aˬ jeˬ miˇ neh ehˇ naˇ, yaw beh Miˬyehˇ dawˬ kawˬ mehˬ-eu cah ngeh jawˇ, aˇ saˬ saˬ ngeh keuˆ ni maˬ cah-ehˇ, Paˬbuˇliˇ miˇ kʼahˬ-ahˇ iˇ keuˆ ngeh aˬ yawꞈ nyaꞈ-ahˇ byehˇ dzeh-awˇ aˬ yawꞈ tiˬ gʼaˬ tehꞈ-ehˇ gʼoꞈ le-euˬ meh.

Gʼaˬkʼehˇ 26:19

“Kʼoeˇ miˇ neh, sahˬ paˬ Aˬgiˇpaˆ-oˇ, mˬ kʼoeˇ taˆ neh oe-euˬ yaw sahˇ laꞈ kʼoeˇ bi siˬ bi mawˇ-le-euˬ jeˬ-ahˇ ngaˇ maˬ naˇ haˬ geuꞈ ni maˬ byehˇ-aˬ.

Gʼaˬkʼehˇ 9:36

Yuˇbeˬ meuˬ-ahˇ Daˬbiˇtaˆ lehˇ myahˇ-euˬ jah-eu tsawˇ haˬ tiˬ gʼaˬ jawˇ-eu meh. (Aˬ yawꞈ-euˬ tsawˇ myahˇ kʼoeˇ-aˬ, Heˬlaˬsaˇ dawˬ-ahˇ neh Dawˬkaꞈ lehˇ kuˇ-awˇ, dawˬ tsuiꞈ-aˬ, “Kʼaˬ tsehˆ” lehˇ ehˇ mawꞈ-eu meh.) Aˬ yawꞈ-aˬ, aˬ myah luꞈ yaw muiˬ jeˬ mˇ-awˇ, shaˬ-eu zahˬ-eu tsawˇ haˬ deuˬ-ahˇ maˬ tsehˆ leˇ ni caw na nehˬ-eu meh.

Gʼaˬkʼehˇ 9:38

Yuˇbeˬ meuˬ-aˬ, Luˇda meuˬ-ahˇ yaw kʼaˆ-ehˇ maˬ kaˬ-a. Yuˇbeˬ meuˬ-ahˇ jawˇ-eu jah-eu tsawˇ haˬ deuˬ, Luˇdaˆ meuˬ-ahˇ Beˬtuˆluˆ jawˇ luꞈ-eu gaˇ kawˆ ya gaˬ ngeh, tsawˇ haˬ nyiˬ gʼaˬ pyehˬ gʼeh-awˇ, “Nga maꞈ jawˇ Gaˇ yaw kawˇ-ehˇ tiˬ poˆ oe nehˬ laꞈ sheˇ” lehˇ bi ehˇ gaˬ leˇ-euˬ meh.

Gʼaˬkʼehˇ 9:42

Gaˇ kawˆ kʼoeˇ Yuˇbeˬ meuˬ meuˬ lah-ehˇ gaˬ doe-iˇ-awˇ, tsawˇ haˬ gʼawˬ mya ni Sahˬpaˬ Yeˬsuˇ-ahˇ jah laˇ-euˬ mehl.

Gʼaˬkʼehˇ 9:43

Beˬtuˆluˆ-aˬ, Yuˇbeˬ meuˬ laꞈ kʼoeˇ Siˇmoˬ lehˇ myahˇ-euˬ shaˬ kʼoˆ jahˇ-eu gʼaˬ nehˬ-ehˇ gʼawˬ mya nah jawˇ-euˬ meh.

1 Gawˇliˬtu 9:16

Ngaˇ Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh kʼahˬ sehˇ jehˆ kʼaˇ za-eu maˬ ngeuˇ. Maˬ mehˬ-ehˇ maˬ gʼeh nya ni Miˬyehˇ neh ciˬ pi nehˬ laꞈ-euˬ meh. Ngaˇ Laˬ kʼaˬ cehˇ-eu Guiˬ lahˬ dawˬ maˬ mehˬ naˇ, ngaˬ-euˬ gʼaˇ duˬ aˇ naˆ ni guˆ kʼaˇ za-eu nga.

2 Teˇsaˬloˇni 1:9

Aˬ yawꞈ oe ngeh nah, mˬ maˬ maˬ byaˆ zaˇ ziˇ luˬ-iˇ seˇ-iˇ-eu kʼehˬ-eu kʼaˆ-eu jeˬ-ahˇ aˬ yawꞈ maꞈ ya daˬ-awˇ, Sahˬpaˬ Yeˬsuˇ hawˇ-eu aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ aˬ yawꞈ maꞈ gʼawˬ tsehˆ ya tsehˆ tehꞈ-a.

Yawˇshuˆ 19:46

Meˬjaˬkoˬ meuˬ, Laˬkoˬ meuˬ hawˇ-eu, Yuˇbeˬ meuˬ-euˬ gahˬ kaˬ meh.