Yawˇnaˆ 1:1 - Akha

¹ Aˬmiˇtehˇ-euˬ aˬ li Yawˇnaˆ jawˇ gaˇ, Sahˬpaˬ Miˬyehˇ-euˬ dawˬ heu loꞈ-ehˇ keuˆ le-euˬ meh.

Yawˇnaˆ 1:1 Iomraidhean Croise

2 Sahˬpaˬ 14:25

Laꞈ taˆ paw pyawˬ-ahˇ jaˆ-eu Haˬmaˆ gʼaˬ lahˇ-ahˇ neh, laꞈ oˆ paw pyawˬ-ahˇ jaˆ-eu Shiˇ-eu iˬ ma laˆ shaˆ-ahˇ keuˆ ni, Iˇsaˬleˬlaˆ miˇ kʼahˬ dawˬ tawˆ luꞈ-ahˇ aˬ yawꞈ paˇ deuˆ za kʼoꞈ geuꞈ-euˬ meh. Kʼoeˇ loꞈ-ehˇ pyeuꞈ laˇ tehꞈ-a lehˇ, Miˬyehˇ gʼaˇ duˬ ngehˬ dah-eu Yawˇnaˆ-ahˇ gʼoe-awˇ Sahˬpaˬ Miˬyehˇ neh ehˇ taˬ-euˬ dawˬ jaˆ-eu meh. Yawˇnaˆ-aˬ, Gaˬdaˇheˬpaˬ meuˬ-ahˇ jawˇ-eu Aˬmiˇtehˇ-euˬ aˬ li meh.

Aˬmoˆ 3:8

Aˇ laˬ jaˬ shiˇ joeˬ laˇ ngeh, aˬ suˇ gʼaˬ maˬ guˆ ni jawˇ tehˬ coeˇ ta. Baoˬ huiˬ-eu Sahˬpaˬ Miˬyehˇ dawˬ ngehˬ ngeh, aˬ yawꞈ-euˬ dawˬ maˬ tsaꞈ gaˬ-iˇ ni aˬ suˇ gʼaˬ jawˇ tehˬ coeˇ ta.

Yawˇnaˆ 3:1

Kʼoeˇ naˇ, Yawˇnaˆ jawˇ gaˇ Sahˬpaˬ Miˬyehˇ-euˬ dawˬ heu loꞈ-ehˇ paˇ keuˆ le-euˬ meh.

Maꞈtehˬ 16:4

Iˬ nah aˇ yamˬ-ahˇ dehꞈ luꞈ-eu tsawˇ haˬ deuˬ, zahˇ sahˇ kʼoꞈ maˬ baw ni aˇ naˆ ni haiˬ-eu nga. Kʼaˆ jeˬ-ehˇ gʼeh-eu jeˬ mˇ mehˬ nehˬ laꞈ lehˇ, naw maꞈ ngaˬ-ahˇ ehˇ-eu meh. Yawˇnaˆ-euˬ gaˇ kawˆ zahˬ leˇ paˬ-ehˇ gʼeh-eu kʼoeˇ maˬ ngeuˇ naˇ, naw maꞈ-ahˇ ngaˇ nui jeˬ maˬ mehˬ nehˬ.” Kʼoeˇ naˇ, aˬ yawꞈ maꞈ jawˇ gaˇ neh aˬ yawꞈ doˆ-iˇ-euˬ meh.

Luˇkaꞈ 11:32

Yaˇ kʼaˬ daˇ-eu aˇ nah keuˆ laˇ ngeh, Niˇnaˬbeˬ meuˬ-ahˇ jawˇ-eu tsawˇ haˬ deuˬ tuˇ laˇ-awˇ, naw maꞈ-ahˇ iˬ baˇ poˆ tehꞈ-a. Aˬ jeˬ miˇ neh ehˇ naˇ, Yawˇnaˆ dawˬ mehˬ mehˬ gaˇ aˬ yawꞈ maꞈ ya gaˬ ngeh, aˬ yawꞈ maꞈ iˬ baˇ noeˬ poˆ-euˬ meh. Ngaˇ naw maꞈ-ahˇ ehˇ nehˬ nyaˇ. Yawˇnaˆ naˆ maˬ tseˇ huiˬ dzehˬ-eu gʼaˬ heu gaˇ jawˇ luꞈ ma.