Yawˇlaˆ 3:5 - Akha

⁵ Ngaˬ-euˬ pyuˇ, ngaˬ-euˬ shuiˇ hawˇ-eu, ngaˬ-euˬ myawˬ gahˬ deuˬ naw maꞈ baꞈ-awˇ, naw maꞈ-euˬ uˬ duˬ tahˬ nymˇ deuˬ laꞈ kʼoeˇ baꞈ ahˇ taˬ-euˬ meh.

Yawˇlaˆ 3:5 Iomraidhean Croise

2 Sahˬpaˬ 12:18

Kʼoeˇ ngeh, Yuˇdaˆ sahˬ paˬ Yawˇshaˆ-aˬ, aˬ yawꞈ-euˬ mehˬ hu sahˬ paˬ geuꞈ dzeuˇ yaꞈ-euˬ deuˬ pyeuꞈ-eu, Yeˬhawˇshaˬpaˇ, Yeˬhawˇlamˬ, Aˬhaˬziˇ aˬ ha maꞈ neh Sahˬpaˬ Miˬyehˇ-ahˇ damˬ nehˬ-euˬ pyuˇ shuiˇ myawˬ gahˬ dawˬ tawˆ luꞈ maˬ ehˇ, aˬ yawꞈ neh damˬ taˬ-euˬ pyuˇ shuiˇ myawˬ gahˬ deuˬ maˬ ehˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ jaˆ-eu shuiˇ dawˬ tawˆ luꞈ maˬ ehˇ, yuˇ uiˬ jiˇ-awˇ, sahˬ paˬ Haˬzeˬlaˇ-ahˇ laꞈ sawˬ biꞈ leˇ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ sahˬ paˬ Haˬzeˬlaˇ guiˇ maˬ deuˆ ni byehˇ-euˬ meh.

2 Sahˬpaˬ 16:8

Uˬ duˬ tahˬ nymˇ nymˇ ma laꞈ kʼoeˇ hawˇ-eu sahˬ paˬ-euˬ pyuˇ cehˇ jiˇ laꞈ kʼoeˇ jaˆ-eu pyuˇ hawˇ-eu shuiˇ deuˬ, sahˬ paˬ Tiˇgaˬlaˇpaˬleˬsaˬ-ahˇ laꞈ sawˬ bi biꞈ leˇ-euˬ meh.

2 Sahˬpaˬ 24:13

Uˬ duˬ tahˬ nymˇ nymˇ ma hawˇ-eu sahˬ paˬ-euˬ hawˇ nymˇ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ deuˬ, Baˬbuˇloˬ miˇ kʼahˬ-ahˇ aˬ yawꞈ yuˇ gʼeh-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, Uˬ duˬ tahˬ nymˇ nymˇ ma laꞈ kʼoeˇ zmˬ-eu gʼaˇ duˬ, sahˬ paˬ Sawˇlaˬmoˬ neh jahˇ taˬ yaꞈ-euˬ shuiˇ keu ka dawˬ tawˆ luꞈ-ahˇ, Neˬbuˬkaˬneˬzaˬ neh laˆ kʼehꞈ laˆ kʼoeˆ jiˇ-euˬ meh.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Yeˬlaˬmiˇ 23:7

Sahˬpaˬ Miˬyehˇ ehˇ-eu, “Tsawˇ haˬ zaˬ deuˬ ngaˬ-euˬ tsawˇ myahˇ-ahˇ gʼoe-awˇ tiˬ jeˬ paˬ gaˇ kawˆ kamˬ ngeh, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ dehꞈ luꞈ-eu Miˬyehˇ-euˬ tsawˇ myahˇ uˬ moˆ kamˬ-eu ma lehˇ maˬ paˇ ehˇ ni,

Yeˬlaˬmiˇ 50:28

Baˬbuˇloˬ miˇ kʼahˬ-ahˇ neh cehˆ doˆ laˇ-euˬ tsawˇ haˬ deuˬ Yeˬluˇsaˬlehˬ meuˬ-ahˇ cehˆ laˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ Baˬbuˇloˬ tsawˇ haˬ deuˬ yehˬ bawˬ sehˇ lu-ehˇ jahˇ yaꞈ-euˬ baˬ da neh, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ maꞈ-ahˇ aˬ joˆ-ehˇ paˇ jahˇ poˆ nehˬ-euˬ gaˇ kawˆ dzawˇ le-euˬ meh.

Yeˬlaˬmiˇ 51:11

Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.

Yeˬsaˬgeˬlaˇ 37:12

Kʼoeˇ miˇ neh ngaˬ-euˬ tsawˇ jeuˬ Iˇsaˬleˬlaˆ-ahˇ ngaˬ-euˬ gʼaˇ duˬ ngehˬ dah nehˬ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-euˬ lmˬ bymˇ ngawˬ pah ma lehˇ ehˇ-eu meh lehˇ ehˇ nehˬ-awˬ. Aˬ yawꞈ maꞈ-ahˇ ngaˇ tsahˇ tuˇ-awˇ, Iˇsaˬleˬlaˆ miˇ kʼahˬ-ahˇ sheuˬ kʼoꞈ laꞈ ma.

Daˬyeˬlaˇ 11:38

Ehˇ kʼawꞈ, ziꞈ dah ni gʼeh-eu taˆ deuˬ-ahˇ haw piˇ-eu miˬ yehˇ-ahˇ aˬ yawꞈ yaw zeu baw tehꞈ-a. Aˬ yawꞈ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ-ahˇ, shuiˇ, pyuˇ, aˇ poeˬ kʼaˆ-eu kʼaˬ lo sehˇ hawˇ-eu, muiˬ dui dui-eu aˇ poeˬ kʼaˆ-eu laꞈ sawˬ deuˬ aˬ yawꞈ damˬ nehˬ tehꞈ-a.

Aaˇbaˬdiˇ 1:17

“Ehˇ kʼawꞈ, Ziˇoˬ gawˬ jawˬ kʼoeˇ taˆ, tiˬ paˆ na deuˬ ya cehˆ buˬ-awˇ, gawˬ jawˬ kʼoeˇ jawˬ muiˬ-eu shawˇ-eu, jawˇ duˬ tiˬ tsahˇ pyeuꞈ laˇ tehꞈ-a. Yaˬkoˆ-euˬ zaˬ deuˬ uˆ deuˬ-aˬ, aˬ yawꞈ maꞈ-ahˇ oꞈ-eu miˇ kʼahˬ, aˬ yawꞈ maꞈ paˇ za kʼoꞈ tehꞈ-a.